Италия Президентининг мамлакатимизга расмий ташрифининг асосий воқеалари бошланмоқда.

Бугун, 10 ноябрь куни Италия Республикаси Президенти Сержо Маттарелла ва унинг фарзанди Лаура Маттарелла Ўзбекистон Республикаси Бош вазири Абдулла Арипов ҳамроҳлигида “Янги Ўзбекистон” боғига ташриф буюриб, Мустақиллик монументи пойига гул қўйди.

Олий мартабали меҳмонлар мажмуа меъморий ечимлари ҳамда композициясининг мазмун-моҳияти ва хусусиятлари билан батафсил танишди.

Ватанимизнинг қадимги тарихидан бошлаб то бугунги кунга қадар, 3 минг йиллик давр ичида юз берган энг муҳим воқеаларни ўзида мужассам этган ушбу мажмуа Италия делегацияси аъзоларида катта таассурот қолдирди.

Таъкидлаш жоизки, мамлакатимизга ташриф буюраётган меҳмонларнинг Президентимиз Шавкат Мирзиёев ташаббуслари билан бунёд этилган мазкур муҳташам мажмуа билан танишуви анъанага айланган.

Facebook | Instagram

Ўзбекистон Республикаси Президенти Шавкат Мирзиёев ва Италия Республикаси Президенти Сержо Маттарелла “Кўксарой” қароргоҳида икки томонлама музокара ўтказдилар.
—
Президент Республики Узбекистан Шавкат Мирзиёев и Президент Итальянской Республики Серджо Маттарелла провели двусторонние переговоры в резиденции «Куксарой».

#Mirziyoyev #tashrif #Italiya #muzokara

Prezident.uz|Facebook|Instagram|YouTube|Twitter

Италия Республикаси Президенти Сержо Маттарелла Ўзбекистон Республикаси Бош вазири Абдулла Арипов ҳамроҳлигида Тошкент шаҳридаги Турин политехника университетига ташриф буюриб, муассаса фаолияти билан яқиндан танишди.

Шундан сўнг, Президент Сержо Маттарелла фарзанди Лаура Маттарелла ҳамроҳлигида мамлакатимизнинг маданий-тарихий мероси билан яқиндан танишиш мақсадида Самарқанд шаҳрига жўнаб кетди.

Олий мартабали меҳмонларни Тошкент халқаро аэропортида Бош вазир кузатиб қўйди.

Facebook | Instagram

Бугун, 17 ноябрь куни Навоий шаҳридаги “Фарҳод” маданият саройида “Навоий кон-металлургия комбинати” акциядорлик жамияти ташкил этилганининг 65 йиллиги муносабати билан тантанали тадбир бўлиб ўтди.

Ўзбекистон Республикаси Президенти Шавкат Мирзиёевнинг “Навоий кон-металлургия комбинати” акциядорлик жамияти ва “Навоийуран” давлат корхонаси жамоаларига йўллаган табрикларини Бош вазир Абдулла Арипов ўқиб эшиттирди.

Давлатимиз раҳбарининг куни кеча имзолаган фармонларига асосан ишлаб чиқариш илғорларидан бир гуруҳи мукофотланган эди.

Тадбирда Президентимизнинг топшириқларига биноан давлат мукофотлари ўз эгаларига топширилди.

Facebook | Instagram

Бугун, 19 ноябрь куни Тошкент вилояти, Бўстонлиқ туманида Ўзбекистон Республикаси Бош вазири Абдулла Арипов бошчилигидаги Вазирлар Маҳкамаси жамоаси “Яшил макон” умуммиллий лойиҳаси доирасида кузги дарахт кўчатлари экиш мавсумида иштирок этишди.

Ушбу тадбирда бодом, садақайрағоч, эман, қрим қарағайи сингари мевали ва манзарали дарахт кўчатлари экилди.

Facebook | Instagram