21.12.2024 У актавай зале гімназіі адбылося свята КАЛЯДКІ, на якое шматлікіх гасцей сабралі вучні 3-х класаў.
Некаторыя з іх пазнаёмілі гасцей з гісторыяй свята, яго традыцыямі, а іншыя - гаспадыня, гаспадар, калядоўшчыкі, пераапранутыя дзедам, казой, мядзведзем, цыганамі і г.д. стварылі асаблівы святочны настрой і напоўнілі “Каляду" казачнай атмасферай. Было шмат песняў, танцаў, гульняў і жартаў.
Свята не толькі прынесла радасць трэцякласнікам і гасцям, але і дало магчымасць дакрануцца да традыцый і звычаяў беларускага народа, самім адчуць усю красу народных святаў і гулянняў.
Вялікі дзякуй за арганізацыю свята педагогу-арганізатару Петрук Ганне Іванаўне, класным кіраўнікам Шпак Алене Уладзіміраўне (3А), Пасталацій Марыне Сцяпанаўне (3Б), Маркавай Надзеі Чаславаўне (3В).

Сёння ў кінатэатры "Перамога" ўрачыста віншавалі пераможцаў (сімвалічна!) гарадскога конкурсу "*Вопыт і ініцыятыва* педагогаў - рэсурс адукацыі сталіцы".

Уладальнікам прэміі Мінгарвыканкама за лепшы *вопыт* кіраўніцтва ўстановай адукацыі стаў наш дырэктар Гоцман Андрэй Міхайлавіч!

Грант Мінгарвыканкама на далейшае ўкараненне *інавацыйнага праекта* атрымала каманда намеснікаў дырэктара!

Ганарымся нашым кіраўніцтвам!💫