Бүгүҥҥү салайааччылар планеркаларыгар бочуоттаах сынньалаҥҥа барар эппиэкэ уонна попечительство отделын салайааччыта Валентина Семеновна Халанниковаҕа өр сыллаах үтүө суобастаах үлэтин иһин истиҥник махтанан туран, "Ньурба улууһун социальнай-экэнэмиичэскэй сайдыытыгар кылаатын иһин" бэлиэни туттардым. "Биир ньыгыл Арассыыйа" баартыйа саҥа чилиэннэрэ Артем Михайлович Ксенофонтов, Леонид Владимирович Ушканов уонна Федор Федорович Ушканов партийнай билиэттэрин туттулар. Ити сэргэ, Ростов-на-Дону куоракка командировкаҕа баран үлэлээбит психолог Наталья Викторовна Петрачукка ааспыт сыл түмүгүнэн "Доброволец года" номинациятын туттардым.
Бүгүн сонуннары киэҥник тарҕатар сириэстибэлэр үлэһиттэрин, муниципальнай тэриллиилэр уонна тэрилтэлэр иһитиннэрии-сырдатыы үлэтигэр эппиэтинэстээх үлэһиттэрин кытта көрүстүм. Мээнэҕэ "СМИ - төрдүс былаас" диэн эппэттэр. Кистэл буолбатах, сорох нэһилиэктэр уонна тэрилтэлэр сырдатар-иһитиннэрэр үлэҕэ кыттыылара мөлтөх, кинилэргэ ыытыллар улахан тэрээһиннэри сырдатыы ситэ ыытыллыбат, проблемалар тустарынан эмиэ суруллубат. Хайдах быһыылаахтык үлэни тэрийэр туһунан сүбэлэстибит. Тэрилтэлэр, нэһилиэктэр сурукка-бичиккэ сыһыаннаах дьону сыһыаран үлэлэтиэхтэрин наада. Улуус өттүттэн уопсастыбаннай корреспонденнары көҕүлүүргэ добуоччу бириэмийэлээх 3 номинация олохтуохпут. Нэһилиэктэринэн СМИ десаннара ыытыллыахтара. Улууска сырдатыы-иһитиннэрии үлэтигэр күүстээх хамсааһыны таһаарыахпытын наада.
Бүгүн планеркаҕа олунньу 1 күнүттэн улууска СӨ норуоттарын IX Спортивнай оонньууларыгар бэлэмнэниигэ дириэксийэ тэриллэн үлэтин саҕалыырын туһунан иһитиннэрдим. Дириэксийэ салайааччытынан эрдэ улуус баһылыгын бастакы солбуйааччытынан, кэлин улуус баһылыгын сүбэһитинэн үлэлээн кэлбит Артур Янович Яковлев ананна.
Бүгүн салайааччылар планеркаларыгар судаарыстыбаннай экологическай кэтэбил Ньурба улууһунааҕы кэмитиэтин салайааччыта Алексей Афанасьевтан челлендж бэлиэтин туттум. Улууска Олох-дьаһах эйгэтин тупсарыы иккис сыла салҕанар. Бу чэрчитинэн Ньурба куоракка эргэ массыына кузовтарын сыбаалкаҕа таһарга аахсыйа ыытыллыаҕа. Улуус уонна Ньурба куорат бары тэрилтэлэрэ кыттан, куораппыт санитарнай туруга ырааһырарын туһугар кылааттарын киллэриэхтэрэ. Бу челлендж тэрилтэлэртэн тэрилтэлэргэ бэриллэн, аахсыйа сыл устата салҕанан барыаҕа.
Бүгүн ааспыт сыллааҕы улуус үлэтин бүтэһигинэн Ньурба куоракка отчуоттаатыбыт.
Приемҥа 4 киһи сырытта. Ол иһигэр миэхэ 3 киһи киирэн, ДИПИ өрөмүөнүн кэмигэр олорорго дьиэ, ыһыахтыыр сирбит Кыталыктаах өрөмүөнүн эскиһин уларытыы уонна кинигэ таһаарыытын туһунан ыйыттылар. Отчуоттуур мунньахха 220 киһи кытынна. Мунньах саҕаланыыта бастыҥ үлэһиттэргэ наҕараадаларын туттардым. Куораппыт олохтоохторуттан Ньурбаҕа хараҕы аппаратнай эмтээһин, федеральнай суол кытыытынааҕы Марха өрүс уҥуоргу нэһилиэктэргэ сыбаалкалары бэрээдэктээһин, СВО кыттыылаахтарын дьиэ кэргэттэригэр сыһыан уонна болҕомто, Ыраах Убайааҥҥа Варвара Потапова уул. оҥоруу уонна бу түөлбэ олохтоохторугар сайыҥҥы уу ситимин тардыы, төрүүр ынахха көрүллэр субсидия, Убайаан модельнай бибилэтиэкэтигэр Интэриниэт сибээһин киллэрии уонна бибилэтиэкэ дьиэтин сылытар курдук өрөмүөннээһин, Убайаан спортивнай саалатын үлэтигэр сыһыаннаах уо.д.а. ыйытыктар киирэн хоруйданнылар. Ньурбаҕа Дьокуускайдааҕы харах балыыһатын филиала баар эрээри, хараҕы аппаратнай эмтээһин манна кыаллыбат, бу боппуруоһунан солбуйааччым Н.С.Петрова улуустааҕы киин балыыһаны кытта дьарыктаныаҕа, боппуруоһу СӨ ситэриилээх былааһын отчуотун кэмигэр эмиэ туруоруохпут. СӨ норуоттарын IX Спортивнай оонньууларыгар бэлэмнэнии улуустааҕы дириэксийэтэ тэриллэр, федеральнай суолу кыйа сытар нэһилиэктэр сыбаалкаларыгар эмиэ үлэлэһиэҕэ. СВО-ҕа өлбүт байыаннай сулууспалаахтар дьиэ кэргэттэрин аһыыларын, кыһалҕаларын толору өйдүүбүн, аһара элбэх тэрээһин дииллэрин сөпсөһөбүн, тэрээһиннэри патриотическай хабааннаахтык ыытыахтаахпыт. Олунньуга Ньурбаҕа былааннаммыт өрөспүүбүлүкэтээҕи "Кыайыы оһуокайын" тохтотобут. Варвара Потапова уул. оҥоруу туһунан Ньурба куорат салалтатын кытта сүбэлэһиэхпит. Убайаан бибилэтиэкэтин өрөмүөнүн былааҥҥа киллэриэхпит. Улуус бары нэһилиэктэригэр, Ньурба куоракка улуус үлэтин отчуота биһирэннэ. Отчуокка көхтөөхтүк кыттыбыт дьоммутугар махталбын тиэрдэбин.
Приемҥа 4 киһи сырытта. Ол иһигэр миэхэ 3 киһи киирэн, ДИПИ өрөмүөнүн кэмигэр олорорго дьиэ, ыһыахтыыр сирбит Кыталыктаах өрөмүөнүн эскиһин уларытыы уонна кинигэ таһаарыытын туһунан ыйыттылар. Отчуоттуур мунньахха 220 киһи кытынна. Мунньах саҕаланыыта бастыҥ үлэһиттэргэ наҕараадаларын туттардым. Куораппыт олохтоохторуттан Ньурбаҕа хараҕы аппаратнай эмтээһин, федеральнай суол кытыытынааҕы Марха өрүс уҥуоргу нэһилиэктэргэ сыбаалкалары бэрээдэктээһин, СВО кыттыылаахтарын дьиэ кэргэттэригэр сыһыан уонна болҕомто, Ыраах Убайааҥҥа Варвара Потапова уул. оҥоруу уонна бу түөлбэ олохтоохторугар сайыҥҥы уу ситимин тардыы, төрүүр ынахха көрүллэр субсидия, Убайаан модельнай бибилэтиэкэтигэр Интэриниэт сибээһин киллэрии уонна бибилэтиэкэ дьиэтин сылытар курдук өрөмүөннээһин, Убайаан спортивнай саалатын үлэтигэр сыһыаннаах уо.д.а. ыйытыктар киирэн хоруйданнылар. Ньурбаҕа Дьокуускайдааҕы харах балыыһатын филиала баар эрээри, хараҕы аппаратнай эмтээһин манна кыаллыбат, бу боппуруоһунан солбуйааччым Н.С.Петрова улуустааҕы киин балыыһаны кытта дьарыктаныаҕа, боппуруоһу СӨ ситэриилээх былааһын отчуотун кэмигэр эмиэ туруоруохпут. СӨ норуоттарын IX Спортивнай оонньууларыгар бэлэмнэнии улуустааҕы дириэксийэтэ тэриллэр, федеральнай суолу кыйа сытар нэһилиэктэр сыбаалкаларыгар эмиэ үлэлэһиэҕэ. СВО-ҕа өлбүт байыаннай сулууспалаахтар дьиэ кэргэттэрин аһыыларын, кыһалҕаларын толору өйдүүбүн, аһара элбэх тэрээһин дииллэрин сөпсөһөбүн, тэрээһиннэри патриотическай хабааннаахтык ыытыахтаахпыт. Олунньуга Ньурбаҕа былааннаммыт өрөспүүбүлүкэтээҕи "Кыайыы оһуокайын" тохтотобут. Варвара Потапова уул. оҥоруу туһунан Ньурба куорат салалтатын кытта сүбэлэһиэхпит. Убайаан бибилэтиэкэтин өрөмүөнүн былааҥҥа киллэриэхпит. Улуус бары нэһилиэктэригэр, Ньурба куоракка улуус үлэтин отчуота биһирэннэ. Отчуокка көхтөөхтүк кыттыбыт дьоммутугар махталбын тиэрдэбин.