Хаҥаласка тус боппуруостарынан приемҥа 7 киһи, ол иһигэр миэхэ 3 киһи сырыттылар. В.А.Петрова аатынан кыраайы үөрэтэр түмэл дьиэтин өрөмүөнүгэр, хотон тутуутугар уонна олорор дьиэҕэ толору хааччыллыы киириитигэр сыһыаннаах боппуруостаахтар. Отчуоттуур мунньахха 64 киһи кытынна. Элбэх ыйытык киирдэ, ол иһигэр ОДьКХ, тыа хаһаайыстыбатын, доруобуйа харыстабылын, социальнай көмүскэл уо.д.а. туһунан. Ньурбаҕа саҥа кэлбит быраастартан Хаҥалас быраас үлэлии кэлэрэ кыаллыбат, тоҕо диэтэххэ, нэһилиэк бырааһа дэкириэтинэй уоппускаҕа олорор. Инбэлииккэ расходниктарыгар ороскуоттары толуйуу боппуруоһугар социальнай көмүскэл управлениетыттан тахсан билсэллэригэр эттим. Балыыһа дьиэтин өрөмүөнүн туһунан ыйыталлар, саҥа балыыһа дьиэтэ тутуллуохтааҕа бырагыраамаҕа киирэн сылдьар, тутуллар болдьоҕо үбүлээһин источнига билиннэҕинэ чуолкайданыаҕа. Невролог быраас Ньурбаҕа кэлэн үлэлии сылдьар. Итини таһынан Хаҥаласка бэтэринээр наадатын эттилэр, мелиорация боппуруоһа эмиэ таарылынна.
Салгыы Аканаҕа үлэлээтибит. Приемҥа 8 киһи сырытта, улуус бочуоттаах наҕараадатын, кэпэрэтииби тэрийии, үрүҥ аһы оҥорон атыылааһын, субсидияҕа хапсыы бэрээдэгин туһунан ыйыттылар. Отчуоттуур мунньахха 76 киһи кытынна. Уот кыамтатын күүһүрдүү, оттуур ходуһаҕа ууну киллэрии, үөрэх эйгэтин уо.д.а. боппуруостар киирэн хоруйданнылар.
Media is too big
VIEW IN TELEGRAM
Отчет исполнительного органа муниципального района "Нюрбинский район по итогам деятельности за 2024 год перед населением
🔺 СП «Хорулинский наслег»
🔺 СП «Таркайинский наслег»
🔺 МО «Жарханский наслег»
Please open Telegram to view this post
VIEW IN TELEGRAM
Киэһэ Маарга үлэлээтибит. Приемҥа 6 киһи сырытта. Улуус Геро й-ийэлэрин туһунан тахсыбыт кинигэ, саҥа киирбит эбийиэктэргэ замер оҥоруутун, доруобуйа харыстабылын туһунан кэпсэттибит. Отчуоттуур мунньахха 75 киһи кытынна. Ксенофонт Васильевка киин улуустарга "Сахабэчээт" ГАУ 2024 с. общественнай корреспонденнарын ортотугар 2-с миэстэ буолбутун туоһулуур наҕараадатын туттардыбыт. Мунньахха Накыыҥҥа сокращение, ОДьКХ хочуолунайыгар симиэнэҕэ эбии хачыгар көрүллэрэ наадатын, саҥа киирбит таас дьиэлэргэ вентиляция, Маарга оскуола тутуутун, водовозка ылыллыытын, сылгы маркировкатын, спорт саалатын өрөмүөнүн уо.д.а. боппуруостар киирэн хоруйданнылар. Тарифнай дуогабарынан кыра хочуолунайга симиэнэҕэ 1 эрэ хачыгаар көрүллэр. Саҥа киирбит таас эбийиэктэргэ барыларыгар вентиляция баар. Маарга оскуола тутуута 2027 сыл кэннэ былааннанар. Маарга водовозка ыларга "ОДьКХ" ГУП Ньурбатааҕы филиалыттан сайаапка үөһээҥҥи тэрилтэҕэ баран турар, онон кэтэһэбит. Бүгүн 4 нэһилиэк олохтоохторо улуус үлэтин отчуотун биһирээтилэр.
Устудьуоннары уонна преподавателлэри Арассыыйа устудьуоннарын күнүнэн истиҥник эҕэрдэлиибин!
Бу күн дойду үрдүнэн бары устудьуоннары түмэр. Историяттан биллэринэн, 1755 с. тохсунньу 25 к. сибэтиэй Татыйаана күнүгэр императрица Елизавета Петровна Москва университетын тэрийэр туһунан Ыйаахха илии баттаабыта. История утумнаах буолуутун салҕаан, РФ Бэрэсидьиэнын Ыйааҕынан Арассыыйа устудьуоннарын күнэ официальнайдык олохтоммута. Кимиэхэ баҕарар устудьуонннаабыт сыллара – олоҕун сырдык уонна кэрэ-бэлиэ кэмэ. Идэ билиитин, үөрүйэҕин уонна сатабылын баһылыырга үөрэммит, олохпутугар эрэллээх доҕоттору көрсүбүт кэрэ кэммитин бары даҕаны күндүтүк саныыбыт. Элбэх оҕо дойду араас куораттарыгар араас үөрэх тэрилтэлэригэр үөрэнэ сылдьар, улууска орто анал үөрэх 2 тэрилтэтэ – Ньурбатааҕы техникум уонна Дьокуускайдааҕы Медколледж Ньурбатааҕы филиала үлэлииллэр. Үөрэххитин бүтэрдэххитинэ улууспут сайдарын туһугар бииргэ үлэлииргэ ыҥырабын. Түгэнинэн туһанан, эдэр көлүөнэ настаабынньыктарыгар үтүө суобастаах үлэҕит иһин истиҥ махталбын тиэрдэбин.
Эһиэхэ кытаанах доруобуйаны, дьолу-соргуну уонна ситиһиилэри, устудьуоннарга ылбыт билиилэрэ мэлдьи үлэҕэ-хамнаска туһалаах буоларыгар, дойдуларыгар, норуокка бэриниилээх, үрдүк бэлэмнээх исписэлиис буолалларыгар, преподавателлэргэ ситиһиилээх үлэни баҕарабын.
«Ньурба улууһа» МО баһылыга А.М.ИННОКЕНТЬЕВ.
Бу күн дойду үрдүнэн бары устудьуоннары түмэр. Историяттан биллэринэн, 1755 с. тохсунньу 25 к. сибэтиэй Татыйаана күнүгэр императрица Елизавета Петровна Москва университетын тэрийэр туһунан Ыйаахха илии баттаабыта. История утумнаах буолуутун салҕаан, РФ Бэрэсидьиэнын Ыйааҕынан Арассыыйа устудьуоннарын күнэ официальнайдык олохтоммута. Кимиэхэ баҕарар устудьуонннаабыт сыллара – олоҕун сырдык уонна кэрэ-бэлиэ кэмэ. Идэ билиитин, үөрүйэҕин уонна сатабылын баһылыырга үөрэммит, олохпутугар эрэллээх доҕоттору көрсүбүт кэрэ кэммитин бары даҕаны күндүтүк саныыбыт. Элбэх оҕо дойду араас куораттарыгар араас үөрэх тэрилтэлэригэр үөрэнэ сылдьар, улууска орто анал үөрэх 2 тэрилтэтэ – Ньурбатааҕы техникум уонна Дьокуускайдааҕы Медколледж Ньурбатааҕы филиала үлэлииллэр. Үөрэххитин бүтэрдэххитинэ улууспут сайдарын туһугар бииргэ үлэлииргэ ыҥырабын. Түгэнинэн туһанан, эдэр көлүөнэ настаабынньыктарыгар үтүө суобастаах үлэҕит иһин истиҥ махталбын тиэрдэбин.
Эһиэхэ кытаанах доруобуйаны, дьолу-соргуну уонна ситиһиилэри, устудьуоннарга ылбыт билиилэрэ мэлдьи үлэҕэ-хамнаска туһалаах буоларыгар, дойдуларыгар, норуокка бэриниилээх, үрдүк бэлэмнээх исписэлиис буолалларыгар, преподавателлэргэ ситиһиилээх үлэни баҕарабын.
«Ньурба улууһа» МО баһылыга А.М.ИННОКЕНТЬЕВ.
Бүгүн сарсыарда Күндээдэҕэ үлэлээтибит. Миэхэ приемҥа 2 киһи сылдьан, олунньуга "Кубок поршня-2025" тэриллэригэр спонсорскай көмө, «Күндээдэ» АО техникатын модернизациятыгар үп көрүллүүтүн туһунан ыйыталастылар. Отчуоттуур мунньахха "Күндээдэ" АО-ҕа өр сылларга үтүө суобастаахтык үлэлээбит Спиридонов Борис Петровичка "Тыа хаһаайыстыбатын бочуоттаах бэтэрээнэ" бэлиэни туттардым. Мунньахха суол оҥоруутугар ирээттэһэн үбүлээһин, эдэр исписэлиистэргэ уопсай дьиэ тутуутун, төрүүр ынахха эбэтэр үүккэ харчы бэриллиитин, олохтоох балыыһа суукканы эргиччи үлэлиир стационардаах буолуохтааҕын, подстанциялары күрүөлээһин, соцконтрагынан көмө ылбыт дьон отчуотунаһын, кулууп хапытаалынай өрөмүөнүн, спорт саала тутуллуутун уо.д.а. боппуруостар киирэн хоруйданнылар.