У кастрычніку гэтыя беларускія спектаклі едуць у Вялікі тэатр Расіі - на гастролі. А ў верасні пастаноўкі Ганны Маторнай - опера Ул. Солтана "Дзікае паляванне караля Стаха" - і Валянціна Елізар'ева - балета П. Чайкоўскага "Шчаўкунок", - упэўнены, зноў збяруць аншлагі ў родным Вялікім тэатры Беларусі. Звярніце ўвагу на 14 і 30 верасня ("Шчаўкунок") і 17 верасня ("...Паляванне..."): https://bolshoibelarus.by/rus/afisha-ru/afisha-ru/month.calendar/2022/08/06/-.html

#афіша #квіткі #восень #верасень #балет #опера #тэатр #музыка #афіша #сезон #новы

Спрабуем стварыць не вячэрні, але восеньскі настрой - пяшчотна-кранальны. За фотаздымкі дзякуй Таццяне Бервінай.
#фота #тэатр #восень #прыгажосць #настрой

"Базіліа Андрэя Валенція паўстаў лідарам акцёрскага ансамбля, выклікаючы ў публікі не сціплую ўсмешку ў душы, а сапраўдны смех, што ў оперы, хай і камічнай, здараецца вельмі рэдка".
Тэатральны крытык Надзея Бунцэвіч - для часопіса "Мастацтва" (ліпень-2023).
#bolshoibelarus91

Пад канец чэрвеня Андрэй Валенцій адсвяткаваў сваё 50-годдзе. У гонар заслужанага артыста Рэспублікі Беларусь Вялікі тэатр прадставіць 9 верасня камічную оперу Дж.Расіні «Севільскі цырульнік». У прэм'еры мінулага сезона вядучы саліст Беларускай оперы бліскуча выканаў яркую партыю Дона Базіліа. Убачым яго ў гэтай ролі напачатку 91-га тэатральнага года.
Квіткі тут

"З усіх жанраў я выберу оперу, – кажа Андрэй Валенцій, – толькі тут гледачы апынаюцца ў дзіўнай атмасферы ўнікальнай дзеі, якую ствараюць больш за 200 чалавек – салісты оперы, хор, аркестр, міманс, рэжысёр, яго памочнікі, тэхнічная служба… Гэтa жывы спектакль, які нараджаецца тут і цяпер. Калі вы аніразу не былі ў Оперным тэатры – прыходзьце! Паверце: уражанні будуць незабыўныя!"
#опера #мастацтва #тэатр #артыст #юбілей #партыя #бенефіс #восень #верасень #квіткі #афіша

Фота: Ірына Малахава

Разліліся, развіліся
вокал туманы.
І на кветках, і на лісці
ўсё яны, яны...
У.Дубоўка

#сёння #туманы #настрой #тэатр #Мінск #шпацыр #Вялікітэатр #на_ганку #восень #кастрычнік #осень #октябрь #Минск #гуляем #театр #красота #фото #туман #настроение

Фота: Міхась Грыдасаў

Беларуская музыка і беларускае слова
#Сёння ў Вялікім тэатры Беларусі гучыць неверагодная па сваёй прыгажосці музыка Уладзіміра Солтана. На нашай сцэне - містычная драма паводле аповесці Уладзіміра Караткевіча "Дзікае паляванне караля Стаха". #bolshoibelarus92
Усе квіткі прададзены!

Увечары галоўныя партыі ў оперы выканаюць: Таццяна Гаўрылава, Дзмітрый Шабеця, Уладзімір Громаў, Юрый Гарадзецкі, Станіслаў Трыфанаў, Віктар Мендзелеў, Аляксандр Кеда, Аляксандр Гелах, Ілля Пеўзнер. Дырыжор Юрый Караваеў. #опера #музыка #паляванне #Караткевіч #Стах #тэатр #восень #Вялікітэатр #большойтеатр #Мінск

19 лістапада мы чакаем гледачоў у Вялікім тэатры Беларусі, каб разам зноў звярнуцца да слова Уладзіміра Караткевіча. Роўна а 7-й гадзіне ўвечары на нашай сцэне ажыве Магілёў XVII стагоддзя – у спектаклі «Сівая легенда». «Гэта опера – адна з лепшых і найболей арыгінальных у Вялікім тэатры Беларусі» – пішуць музычныя крытыкі пра «Сівую легенду» Дзмітрыя Смольскага, лібрэта да якой напісаў класік беларускай літаратуры.

XVII стагоддзе – час непрыступных замкаў, паляванняў, нобіляў, радавітых шляхцічаў... І ўсё ж такі гэта гісторыя – пра каханне, якое найвышэй за ўсё і пра якое складаюцца легенды…

Галоўныя партыі ў "...Легендзе" таксама выканаюць Дзмітрый Шабеця і Уладзімір Громаў. У жаночых ролях - зоркі Беларускай оперы Настасся Масквіна і Аксана Волкава. За дырыжорскім пультам зноў пабачым Юрыя Караваева.

Квіткі можна набыць тут