☝️Нашыя журналісткі Кацярына Андрэева і Дар’я Чульцова завочна атрымалі прэмію «За свабоду і будучыню ў медыя»

🇩🇪 Цырымонія прайшла ў нямецкім Ляйпцыгу ў пятніцу.

Прэмію штогод прысуджае медыяфонд Sparkasse Leipzig у памяць пра мірную рэвалюцыю ва Ўсходняй Нямеччыне ў 1989 годзе.

Узнагароду атрымліваюць журналісты, выдаўцы і медыяі, адданыя справе абароны і пашырэння свабоды прэсы і гатовыя ісці на рызыку, захоўваць мужнасць і цвёрдую веру ў дэмакратыю.

💌Як падтрымаць Кацю і Дашу? Напішыце да іх ліст: ПК №4. 246035, г. Гомель, вул. Антошкіна, 3

Крыніца: @belsat

☝️На менскай ЦЭЦ-3 здарылася аварыя, праз якую перастала паступаць пара на два сталічныя заводы

У Міністэрстве па надзвычайных сітуацыях распавялі, што ўначы адбыўся «прарыў экраннага трубаправода энергетычнага катла». У выніку падача пары для вытворчага працэсу на Менскім малочным заводзе №1 і на ААТ «Крыніца» спынілася.

Прычынай прарыву назвалі зношанасць экраннага трубаправода. Сёння да вечара ўсё абяцаюць адрамантаваць.

Крыніца: БелТА

Учора ў Таліне на матчы футбольных зборных Эстоніі ды Беларусі (у якім эстонцы перамаглі 2:0) быў вывешаны банэр «Андрэй Зельцар – герой Беларусі».

Праўда, відавочцы сцвярджаюць, што правісеў ён літаральна пару хвілін. Нагадаем: па просьбе Беларускай федэрацыі футболу на матч таксама не пускалі заўязатараў з БЧБ-сцягамі і нават у БЧБ-адзенні.

Дарэчы, справа ад банэра, прысвечанага Зельцару, можна ўбачыць банэр «BZNV PDR», што выглядае як «прывітанне» кіраўніку АБФФ Уладзіміра Базанаву 😏

Крыніца: @tribuna_by

«Гэтая атмасфера мяне даканала: не магу займацца ні музыкаю, ні працаю, ні сям’ёю, марудна паміраю»

✊ Музыка Уладзіслаў Наважылаў, вядомы як Лэслі Найф, распавёў «Белсату» пра тое, як уцякаў ад «хіміі» і прыйшоў да дуэту з Павуком

Вельмі цікавая гісторыя Уладзіслава пра музыку, сінія бусікі на раёне ды вырашэнне з’ехаць у Вільню👇

https://wolbel.eu/news/08-10-2021-utsyakau-ad-himii-yak-va-uladary-pyarstsyonkau-i-pryjshou-da-duetu-z-pavukom-gistoryya-lesli-najfa/

🔹Асноўны сайт belsat.eu чытайце праз VPN
🔹Навіны Белсату таксама дасяжныя ў прыкладанні BelsatNews на Android і IOS.
🔹Эфір, праграмы, фільмы можна глядзець праз прыкладанне BelsatSmart Android i IOS
☝️Заблакаваць прыкладанні немагчыма!

У Смаленскай вобласці знішчылі больш за дзве тоны таматаў з Беларусі 🍅

Федэральная служба па ветэрынарным ды фітасанітарным наглядзе РФ сцвярджае, што іх везлі з нашай краіны без дакументаў, якія б пацвярджалі паходжанне таматаў ды іхную фітасанітарную бяспеку.

Перавозніка (грамадзяніна Беларусі) прыцягнулі да адміністратыўнай адказнасці, а таматы «были уничтожены путём захоронения после предварительного измельчения».

Крыніца: rshn32.ru

🇮🇹🎵 Еўрапейскі трансляцыйны звяз (EBU) вызначыўся з горадам, дзе адбудзецца Еўрабачанне-2022

Гэта будзе Турын (а дакладней – арэна PalaOlimpico). Нагадаем: Італія атрымала права прыняць конкурс у наступным годзе пасля сёлетняй перамогі гурта Maneskin на Еўрабачанні ў Ратэрдаме.

Паўфіналы запланаваныя на 10 і 12 траўня, а фінал – на 14 траўня 2022 года.

Як мяркуеце, ці возьме Беларусь удзел у гэтым Еўрабачанні?

Крыніца: eurovision.tv

☝️ Завялі крымінальную справу на Сяргея Каваленку. Ён вядомы тым, што ў 2010 годзе вывесіў на каляднай ялінцы ў цэнтры Віцебска БЧБ-сцяг.

Тады Каваленку спачатку прысудзілі «хатнюю хімію», а пазней кінулі ў калонію. Адтуль ён выйшаў напрыканцы верасня 2012 года

Цяпер на Сяргея заведзеная крыміналка за «знявагу дзяржаўных сімвалаў». Паводле праваабаронцаў, нагодай для гэтага нібыта стаў нейкі відэазапіс у інтэрнэце. Але які менавіта і на якім рэсурсе – невядома.

Крыніца: @vicspring
Фота: Народныя навіны Віцебска (архіўнае)

🔻Сябры, падзяліцеся з намі інфармацыяй пра каронавірус у Беларусі

📌 Калі вы маеце фота/відэа рэальнага становішча справаў у паліклініках ды шпіталях - дасылайце ананімна нам у бот @belsatbot

Новая хваля каронавірусу выкошвае беларусаў, пра гэта неабходна ведаць кожнаму!

З падарункавай кніжкі школьнікам ад Лукашэнкі прыбралі «нячэсных спартоўцаў»

Штогод 1 верасня беларускія першакласнікі атрымліваюць кнігу «Беларусь – наша Радзіма». Сёлета кнігу дзецям раздалі толькі ў кастрычніку. Там ёсць старонка, прысвечаная спартоўцам. Калі параўнаць выданні 2018 і 2021 гадоў, у кнізе засталіся толькі тэнісістка Арына Сабаленка і біятланістка Дар'я Домрачава.

А прыбралі, напрыклад, фрыстайлістку Ганну Гуськову, якая ўзяла золата на зімовай Алімпіядзе-2018, а ў 2020-м падтрымала беларускі народ і стала ворагам уладаў. Як і алімпійская чэмпіёнка ў біятлоне Надзея Скардзіна. Таксама прыбралі з кнігі Ванэсу Каладзінскую, адзіную з топавых прадстаўніц вольнай барацьбы, хто не падпісала праўладны ліст, але паехала на Алімпіяду ў Токіа і ўзяла там бронзу.

Затое ў кнізе з'явіліся падпісанты праўладнага ліста і прыхільнікі Лукашэнкі: Максім Недасекаў, Вольга Худзенка, Марына Літвінчук, Арына Сабаленка, Дар'я Домрачава, Уладзіслаў Ганчароў.

Крыніца: @belsat

«Беларускія памежнікі дапамагаюць мігрантам незаконна перасякаць мяжу. Замежнікаў прывозяць у памяшканне былога беларускага памежнага паста, дзе яны чакаюць далейшых указанняў», – піша памежная служба Польшчы ў сваім Твітары і дадае відэа знятае з дрона.

Як то кажуць, «факты на стол» 👆

Крыніца: Straż Graniczna

🇬🇪 Колькасць загінулых у выніку ўчорашняга абвалу жылога будынка ў грузінскім Батумі дасягнула 8 чалавек

Адзін мужчына, якога ратаўнікі дасталі з-пад завалаў, знаходзіцца ў цяжкім стане ў шпіталі. Ратавальная аперацыя працягваецца, імаверна, пад заваламі знаходзіцца яшчэ як мінімум адзін чалавек.

Крыніца: Грузия Online
Відэа: @belsat

☝️ Музыкам з гурта Irdorath працягнулі тэрміны ўтрымання пад вартай

Для Уладзіміра і Надзеі Калач тэрмін працягнутыя на месяц, а для Пятра Марчанкі, Юліі Марчанкі і Антона Шніпа – на тры месяцы.

Музыкаў абвінавачваюць у «арганізацыі дзеянняў, якія груба парушаюць грамадскі парадак». У жніўні яны ладзілі вулічныя выступы з музычнымі інструментамі проста падчас пратэстных шэсцяў.

Крыніца: @viasna96

Марзалюк прапанаваў уносіць у спіс экстрэмістаў настаўнікаў і выкладчыкаў, якія «скажаюць праўду пра вайну»

«Если профессор либо любой другой преподаватель истории в вузе или среднем специальном учреждении позволяет себе пичкать на уроке либо на лекции лживым суррогатным материалом студентов или учеников, он должен получать запрет на профессию и вноситься в список людей, склонных к экстремистским действиям», – сказаў ён.

Пры гэтым Марзалюк спаслаўся на краіны Еўразвязу (напрыклад, Нямеччыну ці Польшчу), дзе, маўляў, гісторыя выкладаецца паводле дакладна вызначаных алгарытмаў. Тое ж самае, паводле Марзалюка, існуе ў ЗША.

Крыніца: БелТА