✈️ Belavia працягнула тэрмін прыпынення рэйсаў у шэраг краінаў Еўропы да 14 снежня

У спіс «недасяжных» уваходзяць 28 месцаў. Пераважна гэта гарады краінаў Еўразвязу, або гарады, у якія можна патрапіць толькі праз паветраную прастору Еўразвязу ці Украіны.

А куды ж проста цяпер можна паляцець з Беларусі на самалёце Belavia? Варыянты наступныя: Арменія, Азербайджан, Грузія, Расея, Ізраіль, Казахстан, Турцыя, Узбекістан, ААЭ, чартары ў Турцыю, Егіпет ды Іярданію.

Крыніца: belavia.by

З 1 ліпеня 2022-га года ўлады збіраюцца браць падатак за тавары з замежных інтэрнэт-крамаў

Гэта вынікае з дакумента, апублікаванага на сайце Міністэрства фінансаў.

Там гаворыцца, што «законапраект прадугледжвае ўвядзенне абавязку па вылічэнні і сплаце ПДВ іншаземнымі арганізацыямі і іншаземнымі індывідуальнымі прадпрымальнікамі пры электронным дыстанцыйным продажы тавараў».

Стаўка ПДВ (падатку на даданую вартасць) у Беларусі складае 20%. Гэта значыць, што калі новаўвядзенне сапраўды запрацуе, беларусы будуць замаўляць тавары з AliExpress ды іншых інтэрнэт-пляцовак па цане на 20% вышэйшай, чым цяпер.

Крыніца: minfin.gov.by

🔻 Былы следчы пакараны двума гадамі калоніі за тое, што два разы выйшаў на акцыі пратэсту

31-гадовы Ягор Вяршынін, паводле следства, удзельнічаў у маршах 23 і 30 жніўня. Доказамі ягонай «віны» сталі здымкі з акцый, якія следства атрымала... ад мужчыны, супраць якога Вяршынін калісьці вёў справу. Той знайшоў іх на закрытай старонцы Ягора ў Facebook.

Вяршынін не прызнаў сваю віну. Вырак яму выносіў суддзя Дзмітрый Карсюк.

Крыніца: @viasna96

❓Што дало б беларусам атрыманне Нобэлеўскай прэміі міру Святланаю Ціханоўскаю?

А можа, варта было ўзнагародзіць Аляксея Навальнага? Наш эксперт аддаў бы прэмію беларускаму народу агулам. А якою логікаю кіруецца Нобэлеўскі камітэт?

Якім чынам атрыманне прэміі дадае вагі палітычным лідарам і чаму гэта важна для грамадства, тлумачыць палітолаг Павел Усаў. ⬇️

https://wolbel.eu/news/08-10-2021-belaruskae-i-rasejskae-gramadstvy-patrabuyuts-simvalichnaga-padtrymannya-palitolag-pavel-usau-pra-znachenne-nobeleuskaj-premii-miru/

🔹Асноўны сайт belsat.eu чытайце праз VPN
🔹Навіны Белсату таксама дасяжныя ў прыкладанні BelsatNews на Android і IOS.
🔹Эфір, праграмы, фільмы можна глядзець праз прыкладанне BelsatSmart Android i IOS
☝️Заблакаваць прыкладанні немагчыма!

☝️ Ад заўтра ў Беларусі ўводзіцца абавязковы маскавы рэжым у грамадскіх месцах

Кантраляваць яго будзе санітарна-эпідэміялагічная служба сумесна з міліцыяй і прадстаўнікамі Міністэрства транспарту. Праўда, гэта будзе хутчэй маніторынг, а не паўнавартасны кантроль з пакараннямі для тых, хто не прытрымліваецца правілаў. Адміністратыўную адказнасць за адсутнасць маскі ўводзіць пакуль не плануюць.

Крыніца: БелТА

💥У Маляваныча з’явіўся ўласны канал на Youtube!

Цяпер славуты актор Аляксандр Ждановіч, вядомы вобразам Маляваныча з «Калыханкі» на дзяржаўным тэлебачанні, працягне чытаць казкі ўжо на YouTube.

Беларуская рада культуры анансавала новы сезон «Казак з Маляванычам», першая казка новага сезону выйдзе ўжо 11 кастрычніка а 20:30 па Менску.

https://wolbel.eu/news/08-10-2021-malyavanych-zavyou-novy-youtube-kanal-z-kazkami-dlya-dzyatsej/

🔻Справу палітвязня Арцёма Баярскага перадалі ў пракуратуру

Яму выставілі абвінавачванні ў «стварэнні экстрэмісцкага фармавання або кіраўніцтве ім» і ў «арганізацыі і падрыхтоўцы дзеянняў, якія груба парушаюць грамадскі парадак».

Паводле бацькоў 19-гадовага Арцёма, сёння ім дазволілі спатканне з сынам, якога яны пабачылі ўпершыню за 7 месяцаў.

Крыніца: @belsat

📣 Былы следчы Ягор Вяршынін, якому сёння прысудзілі 2 гады калоніі за ўдзел у пратэстах, у апошнім слове назваў крымінальны пераслед у дачыненні яго «неаб'ектыўным і перадузятым» і заклікаў апраўдаць усіх палітвязняў:

«Лічу, што ў маіх дзеяннях адсутнічае склад злачынства, прадугледжаны артыкулам 342 Крымінальнага кодэкса. Гэтага злачынства я не здзяйсняў і лічу, што мой крымінальны пераслед неаб'ектыўны, неўсебаковы, перадузяты.

Лічу, што прысуд павінен быць апраўдальным, і не толькі ў дачыненні да мяне, але да і іншых асобаў, якія прызнаныя палітычнымі зняволенымі».

Крыніца: @viasna96

❗️Сябры, калі вы працуеце медыкам у шпіталі або паліклініцы, і гатовыя распавесці пра тое, як выглядае сітуацыя з захворваннямі каронавірусам, напішыце нам на чат-бот @BelsatBot

Калі вы акурат цяпер лекаваліся і ведаеце, што адбываецца ў паліклініках і шпіталях – таксама, пішыце нам.

Як звычайна, ананімнасць гарантуецца.

🇵🇱☝️ Часовага паверанага ў справах Беларусі ў Польшчы выклікалі ў польскае МЗС

Прычынаю выкліку Аляксандра Часноўскага польскае знешнепалітычнае ведамства называе «сітуацыю на польска-беларускай мяжы» і «агрэсіўныя дзеянні Беларусі».

Крыніца: gov.pl

💥«Студыя «Белсат» – галоўныя падзеі дня!

Пра што гаворым сёння?

🔻Злучэнне з журналісткай «Новой газеты» Ірынай Халіп пра Нобэлеўскую прэмію

🔻Каментар ад нобэлеўскага лаўрэата Леха Валэнсы

🔻Андрэй Куціла паведае пра свой новы фільм «Калі кветкі не маўчаць»

🔻Беларус скокнуў з парашутам і БЧБ з двухсот дваццаці (220) метровага хмарачосу

🔻Еўрадэпутатка каментуе правакацыі на мяжы, рэзалюцыю пра новыя санкцыі і трыбунал над Лукашэнкам

❗️Усе самыя галоўныя навіны ў «Студыі «Белсат»!
https://www.youtube.com/watch?v=OzIDsv1jg4g