«Справядлівасць пераможа, і ў гэтым я ані трохі не сумняюся»

Дзмітрыя Івашкова асудзілі на 6 гадоў пазбаўлення волі. Ён быў сябрам ініцыятыўнай групы Святланы Ціханоўскай

За актыўную грамадскую дзейнасць, улады абвінавацілі яго ва «ўдзеле ў масавых беспарадках».

Дашліце ліст палітвязню: ПК №15, Слаўгарадская шаша, д. 183, 213105, п/а Вейна, г. Магілёў

Падтрымайце Дзмітрыя: https://wolbel.eu/prisoners/dzmitryj-ivashkou/

⚽️ Моладзевая зборная Беларусі па футболе правальна пачала адборачны турнір чэмпіянату свету.

8 кастрычніка ў Жодзіне каманда Сяргея Ясінскага саступіла з лікам 0:2 моладзевай зборнай Грэцыі. Да гэтага былі паразы ў Берасці ад Ісландыі (1:2) і ў гасцях ад Партугаліі (0:1). Пасля трох тураў у Беларусі ноль пунктаў, горш сітуацыя толькі ў Ліхтэнштэйна, які прайграў 4 свае гульні з агульным лікам 0:28.

Нагадаем, што раней моладзевая зборная Беларусі прабівалася на Алімпійскія гульні, і тройчы ў фінальныя турніры чэмпіянату Еўропы, а ў 2011 годзе нават выгуляла бронзавыя медалі.

Крыніца: @belsat

У жаночых калоніях працягваюць катаваць палітвязняў?

За апошні месяц Паліна Шарэнда-Панасюк ужо трэці раз накіраваная ў штрафны ізалятар. Апошні раз – толькі за тое, што нібыта трымала рукі ў кішэнях.

У якія ўмовы трапляюць жанчыны ў гомельскай калоніі і як адбываецца ціск на тых, хто не жадае супрацоўнічаць з уладамі?

💪Вось такі марш арганізавалі беларусы ў Таліне перад матчам зборных Беларусі і Эстоніі

Крыніца: @tribuna_by

🤔Дзе хаваюцца беларускія кіберпартызаны, якія рэгулярна шакуюць інтэрнэт-карыстальнікаў «злівамі»?

Карэспандэнт Хай так TV знайшоў гэтае месца!

💥#main Галоўнае за 8 кастрычніка:

🔹 Нобэлеўскую прэмію міру атрымалі журналісты з Філіпінаў і Расеі. Святлана Ціханоўская была сярод намінантаў. Вынікі яе не засмуцілі

🔹 У Польшчы распавялі пра абстрэл вайсковага патруля халастымі патронамі з боку беларускай мяжы. Ніхто не пацярпеў, у польскае МЗС выклікалі часовага паверанага ў справах Беларусі

🔹 «Наша ніва»: АМАПавец Эдуард Пестрак затрыманы па артыкуле «акт тэрарызму» і змешчаны ў «амерыканку» КДБ

🔹 Вярхоўны суд ліквідаваў грамадскую арганізацыю «Гавары праўду!»

🔹 Новым кіраўніком Беларускай федэрацыі хакею стаў... алімпійскі чэмпіён у веславанні Аляксандр Багдановіч

🔹 Жанчыну, якую асудзілі за «абразу міліцыянта» вось такім эмодзі 💩, зноў будуць судзіць. За «абразу» таго ж міліцыянта

🔹 Былога следчага Ягора Вяршыніна пакаралі двума гадамі калоніі за ўдзел у пратэстах. У апошнім слове ён заклікаў вызваліць усіх палітвязняў

❗️Беларускіх заўзятараў у бел-чырвона-белым адзенні не пусцілі на матч зборных Эстоніі ды Беларусі ў Таліне

Раней паведамлялася, што нашых гледачоў не будуць пускаць з БЧБ-сцягамі, бо з такой просьбаю ва УЕФА звярнулася Беларуская федэрацыя футболу. Тады заўзятары не разгубіліся і вырашылі не браць сцягі, але апрануць адзенне адпаведных колераў.

Аднак і гэты план не спрацаваў. Паслухайце дыялог беларуса з прадстаўніком эстонскага футбольнага саюзу 🤔

Крыніца: @tribuna_by

Футбольная зборная Беларусі саступіла ў шостай гульні запар (з сумарнай розніцай мячоў 3:17) і апусцілася на апошняе месца ў сваёй адборачнай групе

На матч кваліфікацыі да чэмпіянату свету ў Эстонію каманда ехала без галоўнага трэнера Георгія Кандрацьева, які захварэў на каронавірус, а таксама без больш як дзесяці гульцоў асновы. Тут былі розныя прычыны: хваробы, траўмы і проста нежаданне гуляць за зборную.

Каманду ў Талін прывёз памочнік Кандрацьева Алег Радушка. Ён выпусціў на поле эксперыментальны склад, бо з першых хвілін гулялі, напрыклад, Юдзянкоў, Селява, Шаўчэнка, Салавей – гульцы, якіх раней у зборнай было складана ўявіць.

Пры гэтым для Беларускай фэдерацыі футболу было прынцыпова, каб людзі з БЧБ-сімволікай не прайшлі на стадыён.

За дзень да матчу беларускім заўзятарам забаранілі прыносіць на трыбуны нацыянальныя сцягі, а непасрэдна перад гульнёй не прапусцілі групу людзей у бел-чырвона-белых камбінезонах.

Матч скончыўся перамогай Эстоніі з лікам 2:0.

Крыніца: @belsat
Фота: АБФФ

☝️Нашыя журналісткі Кацярына Андрэева і Дар’я Чульцова завочна атрымалі прэмію «За свабоду і будучыню ў медыя»

🇩🇪 Цырымонія прайшла ў нямецкім Ляйпцыгу ў пятніцу.

Прэмію штогод прысуджае медыяфонд Sparkasse Leipzig у памяць пра мірную рэвалюцыю ва Ўсходняй Нямеччыне ў 1989 годзе.

Узнагароду атрымліваюць журналісты, выдаўцы і медыяі, адданыя справе абароны і пашырэння свабоды прэсы і гатовыя ісці на рызыку, захоўваць мужнасць і цвёрдую веру ў дэмакратыю.

💌Як падтрымаць Кацю і Дашу? Напішыце да іх ліст: ПК №4. 246035, г. Гомель, вул. Антошкіна, 3

Крыніца: @belsat

☝️На менскай ЦЭЦ-3 здарылася аварыя, праз якую перастала паступаць пара на два сталічныя заводы

У Міністэрстве па надзвычайных сітуацыях распавялі, што ўначы адбыўся «прарыў экраннага трубаправода энергетычнага катла». У выніку падача пары для вытворчага працэсу на Менскім малочным заводзе №1 і на ААТ «Крыніца» спынілася.

Прычынай прарыву назвалі зношанасць экраннага трубаправода. Сёння да вечара ўсё абяцаюць адрамантаваць.

Крыніца: БелТА

Учора ў Таліне на матчы футбольных зборных Эстоніі ды Беларусі (у якім эстонцы перамаглі 2:0) быў вывешаны банэр «Андрэй Зельцар – герой Беларусі».

Праўда, відавочцы сцвярджаюць, што правісеў ён літаральна пару хвілін. Нагадаем: па просьбе Беларускай федэрацыі футболу на матч таксама не пускалі заўязатараў з БЧБ-сцягамі і нават у БЧБ-адзенні.

Дарэчы, справа ад банэра, прысвечанага Зельцару, можна ўбачыць банэр «BZNV PDR», што выглядае як «прывітанне» кіраўніку АБФФ Уладзіміра Базанаву 😏

Крыніца: @tribuna_by

У Смаленскай вобласці знішчылі больш за дзве тоны таматаў з Беларусі 🍅

Федэральная служба па ветэрынарным ды фітасанітарным наглядзе РФ сцвярджае, што іх везлі з нашай краіны без дакументаў, якія б пацвярджалі паходжанне таматаў ды іхную фітасанітарную бяспеку.

Перавозніка (грамадзяніна Беларусі) прыцягнулі да адміністратыўнай адказнасці, а таматы «были уничтожены путём захоронения после предварительного измельчения».

Крыніца: rshn32.ru