ПАПÓЎНІЦЫ (papoŭnicy)
(прыслоўе)

На поўны рот, прагна (есьці).

🔸Смачна апёкшы рот і ўсё нутро пахучаю, моцнаю вадкасьцю, Іван пачаў жаваць папоўніцы. (Брыль)
🔸Яўхім і Даніла слухалі гаворку і ўміналі папоўніцы сьвежы пшанічны хлеб. (Пальчэўскі)

#беларусь #беларуский #belarus #беларускийязык #минск

ПАЦÉПВАЦЦА (paciepvacca)
(дзеяслоў, незакончанае трываньне)

Час ад часу зьлёгку сьцепацца, рабіць сутаргавыя рухі.

🔸У засені было халаднавата. Віцька пацепваўся, стараўся як мага глыбей засунуць у кішэні рукі. (Асіпенка)
🔸Ласяняты дрыготка пацепваліся ад холаду і туліліся да ласіхі. (Кірэйчык)

#беларусь #беларуский #belarus #беларускийязык #минск

Добрага восеньскага дня, сябры 💛

СПРЭС (spres)
(прыслоўе)

Поўнасьцю, цалкам; зусім. Скрозь, усюды.

🔸Аднекуль навалакліся хмары — спрэс зацягнулі неба. (Сабаленка)
🔸За ноч наваліла столькі сьнегу, што нідзе не было ні сьцежкі, ні дарогі, спрэс цалік. (Чарнышэвіч)
🔸[Колас:] — Я думаю пра Аляксандра Грына. Яго летуценьнікі.. — гэта ўжо нешта спрэс новае. (Лужанін)
🔸Карані спрэс павыпіналіся зь зямлі цэлымі вузламі. (Сачанка)
🔸Рудымі жалудамі была засыпана спрэс уся зямля. (Чорны)

#беларусь #беларуский #belarus #беларускийязык #минск

ШАЎЛЮЖКА (šaŭlužka)
(назоўнік, жаночы род)

Стары конь.

🔸Дрогкія, убогія калёсікі, калматая, слабасільная шаўлюжка і пануры, бедны вілянчук-фурманшчык не весялілі вока. (Гарэцкі)

#беларусь #беларуский #belarus #беларускийязык #минск

Прыгожая і такая імклівая восень 🤎

КАСТРЫ́ЧНІК (kastryčnik)
(назоўнік мужчынскі род)

Дзясяты месяц каляндарнага года.

🔸Быў цёплы кастрычнік. Бярозы ў залатым убраньні кланяліся цягніку. (Шамякін)

#беларусь #беларуский #belarus #беларускийязык #минск