#фотабсср
Вайсковы парад перад Домам Урада ў Менску, 1930-я гады.

#кінобсср #фотабсср
Цэнтр Менска на кадрах з фільма "11 ліпеня" вытворчасці Белдзяржкіно 1938 года.
Кіно было прысвечана падзеям Савецка-Польскай вайны 1919-21 гадоў і паказывала сцэны вызвалення Менска Чырвонай Арміяй 11 ліпеня 1920 года. Кадры знятыя ў раёне Плошчы Свабоды.

#фотабсср
Дарэвалюцыйны будынак, у якім у 1930-х гадах размяшчалася клініка дзіцячых хваробаў. Будынак захаваўся ў надбудаваным выглядзе па адрасе вул.К.Маркса 20 у Мінску.

#фотабсср
Вуліца Карла Маркса ў Менску на фота 1930-х гадоў.

#фотабсср
Адна з маіх любімых тэм - амаль аднолькавыя ракурсы на гістарычных фотаздымках розных часоў.
Тут два здымкі ўніверсітэцкага гарадка БДУ у Мінску зробленыя, першы ў 1935 годзе, другі ў пачатку нямецкай акупацыі ў 1941 годзе. Першы здымак зроблены з былога даходнага дома Кастравіцкай, другі - з Дома Урада (дом Кастравіцкай бачны на першым плане). Усю тэрыторыю ў ніжняй палове здымкаў - цэлы ў 1935-м і спалены ў 1941-м квартал, дарэвалюцыйныя дамы справа- зараз займае плошча Незалежнасці, а на месцы будынка медфака БДУ у цэнтры здымкаў (яшчэ да вайны рэарганізаваны ў медыцынскі інстытут) - будынак кіраўніцтва мінскага метро. На нямецкім здымку на гарызонце бачны масіўны будынак чыгуначнага вакзала, якім ён стаў пасля рэканструкцыі 1940 года, на фота 1935 года там яшчэ стары дарэвалюцыйны вакзал, які нават не бачны за корпусам БДУ.

#фотабсср #публікуеццаўпершыню
Фотаздымкі савецкага фатографа Віктара Цёміна, зробленыя ў верасні 1939 года ў Заходняй Беларусі. Крыніца: Дзяржаўны архіў РФ (ГА РФ, ф.10140, д.52, л.1-7).
Заказываў сканы дыстанцыйна і не пазначыў, каб адсканілі подпісы да фотаздыскаў (калі яны там былі, канешне), таму здымкі атрымаліся без подпісаў і без лакалізацыі. Сама справа называецца "Дело 52. Воссоединение. Барановичи. Молодечно", але дакладных фотак таго ж Маладзечна я тут не знайшоў, адзінае, што 5-я фотка гэта Вільнюс (будынак на вуліцы Швянтарагё 2, які фасадам выходзіць на цэнтральную Кафедральную плошчу), а фоткі 6 і 7 - гэта мястэчка Краснае, што пад Маладзечнам.

#фотабсср
Фотаздымак дзяўчынкі, зроблены ў фота-атэлье "Фантазія" (стары адрас: г.Менск, вул.Ленінская, 12) ў 1928 годзе.
Крыніца: інтэрнэт-аўкцыён "Мешок".

#фотабсср
Будынак вакзала ў Менску на фота 1920-х, 1930-х.

#фотабсср
Будаўніцтва трамвайнай лініі на вуліцы Савецкай у Менску на ўчастку перад былымі даходнымі дамамі Абрампольскага (у міжваенныя часы вядомы як 1-шы Дом Саветаў) і Ўніхоўскага, 1928 год.
На другім фота прыкладна той жа ракурс, але ў 1930-я - трамвай пабудваны і едзе, а на заднім плане бачны гмах Дома Ўрада, які ў 1928 яшчэ не пачыналі будаваць.

#фотабсср
Сталоўка РСЧА ў час ваенных збораў, Віцебск, 1920-я гады.