Знайшлі супадзенне ўчарашняга апублікаванага фота выхавацелек яслей (1922 год) і фота рэдкалегіі часопіса Узвышша (1927).
Адзін і той жа цень акна, адныя і тыя ж панэлі за спіной. Фотаздымкі зроблены ў Менску па Губернатарскай, 12 (цяпер вуліца Леніна). Пэўна быў знакаміты фотасалон. У свой час называўся "Фантазія".
(А на фота літаратараў з "Узвышша" усе спрэс зоркі: у ніжнім шэрагу злева направа: Кузьма Чорны, Уладзімір Дубоўка, Кандрат Крапіва. У верхнім шэрагу: Адам Бабарэка і Язэп Пушча).

#кнігібсср #картыбсср
Кліматычны атлас Беларусі выдадзены пад рэдакцыяй прафесара А.І.Кайгарадава (1881-1951) у 1927 годзе. Цікава, што легенда да карт зроблена на трох мовах: беларускай, рускай і англійскай.
Атлас быў складзены па матэрыялах метэаралагічнай сеткі, апублікаваных у "Летописях Главной Физической Обсерватории" з 1871 па 1914 гады. У апрацоўку ўвайшлі назіранні станцый былых Гарадзенскай, Віленскай, Менскай, Магілёўскай, Смаленскай, Віцебскай губерняў і некаторых сумежных з імі пунктаў.
Крыніца: imago.by

#архітэктурабсср
"Тлетворны" ўплыў "фармалісцкіх" архітэктурных прынцыпаў канструктывізма па інэрцыі адчуваўся ў савецкай архітэктуры да канца 1930-х гадоў.
Вось, напрыклад, модны і характэрны для мадэрновых падыходаў канструктывізма пандус замест маральна састарэлай і нязручнай лесвіцы паміж паверхамі ў інтэр'еры менскага Дома Афіцэраў 1934-1939 гадоў пабудовы. Сам інтэр'ер, праўда, ужо выкананы ў новым ключы соцрэалізма і больш нагадвае ар-дэко.
Фота 1940 года з фондаў НАРБ.