Японцы стварылі сапраўдны Гадзіла-молат у выглядзе дакладнай копіі ягонай лапы.

Абяцаюць, што забіваць цвікі такім будзе весела як ніколі, а бонусам можна што-небудзь знішчыць. Малаток адліты з трывалага металу, таму дакладна ўсё вытрымае.

Цана — $70.

Хлопец з Польшчы сабраў кампутар у выглядзе чэрапаразбуральніка з новай DOOM.

На праект спатрэбілася два месяцы працы: шматлікія дэталі раздрукаваныя на 3D-друкарцы і размаляваныя ўручную.

Усе поршні з малатарняй рухаюцца, а важыць гэтая справа 22 кг.

Жыхар Нарвегіі прачнуўся й убачыў вялізны карабель, які сеў на мель ля ягонай хаты.

Мужчыну прабавалі папярэдзіць суседзі, але ён нічога не чуў. Цяпер ён хоча паглядзець, як карабель будуць ратаваць.

Усім бы такі глыбокі сон.

🤩 На поўначы Чылі збудавалі новую абсерваторыю імя Веры Рубін, а сёння паказалі першыя здымкі з яе. І гэта сапраўды варта таго, каб адарваць вочы ад мемаў у тэлеграме.

На адным з кадраў - вогненна-ружовы выбух зорнай прыгажосці: туманнасці Трыфід і Лагуна, што плывуць у сузор’і Стральца, за тысячы светлавых гадоў ад Зямлі.

Названа яна ў гонар Веры Рубін - астранома, якая першай знайшла сур’ёзныя доказы існавання цёмнай матэрыі, таямнічага «клею», што трымае галактыкі разам.

Сам тэлескоп збудаваны, што бачыць як глыбока, так і шырока: ён будзе праглядаць усё неба кожныя 3–4 дні цягам 10 гадоў. Гэта дазволіць выяўляць мільёны выбухаў звышновых зорак, сачыць за касмічнымі камянямі, што могуць пагражаць Зямлі, і даследаваць з’явы, якія згінаюць прастору і час.

Тэлескоп хоць і не самы вялікі ў свеце, але сапраўдны тэхналагічны фокуснік. Ён круціцца на тонкім пласце алівы, важыць 300 тон і здольны павярнуцца цалкам за паўхвіліны. Гэта дазваляе рабіць да 1000 здымкаў за ноч.

Здымкі ТУТ.