Ինձ կհիշեցնե՞ք, թե ի՞նչ լոզունգներով էին իշխանության եկել քայլածները։
Ինչպես և երեկ ֆեյսբուքում կանխատեսել էի՝ էս ընտրություններում խախտումները բավական շատ են լինելու։

https://yangx.top/armbigbrother/61

Հա, ու եկեք պայմանավորվենք, որ եթե ձեր սպասվածը չլինի, զարմացական գրառումներ չանեք, թե իբր չէիք սպասում, որ կեղծելու փորձեր են լինելու, էլ չեմ ասում՝ վերջնարդյունքի մասին։ Ու չգրեք, որ դուք հիասթափված եք ու արտագաղթելու եք։ Ձեզ թվում ա՝ ամեն ինչ պիտի հեշտ ու արագ լինե՞ր։ Երկնքից մանանա՞ էր իջնելու։

Հիշե՛ք, սուգը հավերժ է, երբ պայքար չկա։ Ուստի պայքարը պիտի հավերժ լինի, որ Հայաստանն էլ հավերժ մնա…

ԿԸՀ-ը հրապարակել է էլեկտրոնային քվեարկությա արդյունքները (մասնակցում են դիվանագիտական ու հյուպատոսական ներկայացուցչությունների դիվանագիտական ծառայողներն ու զինծառայողները՝ ընտրելու իրավունք ունեցող իրենց ընտանիքներով)

Ընտրողների ընդհանուր թիվը՝ 650, ընտրողների թիվը՝ 500։ Անվավեր է ճանաչվել 45 քվեաթերթիկ:

Ըստ այդմ՝ «Քաղաքացիական պայմանագիր» կուսակցությունը ստացել է 163, «Հայաստան Դաշինք»-ը՝ 135, «Պատիվ ունեմ»-ը 14 ձայն, ՀԱԿ-ը ստացել է 43 ձայն։

Շուռնուխում կապիտուլյանտի «հաղթանակը», ըստ էության, քարոզչական նպատակ ուներ, ինչի մասին արձանագրել ա Վարդան Ոսկանյանը։

Պետդումայում ԱՊՀ, Եվրասիական ինտեգրացիայի հարցերով հանձնաժողովի նախագահ Կալաշնիկովը «Ինտերֆաքսի» հետ զրույցում հայտարարել ա հետևյալը. «Խորհրդարանական ընտրություններին Փաշինյանի կուսակցության հաղթանակը Հայաստանի հետ մեր հարաբերությունների վրա կազդի նվազ չափով, քանի որ այդ հարաբերությունները արդեն փորձված և ամրապնդված են Լեռնային Ղարաբաղում կարգավորման շուրջ եռակողմ համաձայնագրով։ Եէե խորհրդարանում մեծամասնություն ստանար Քոչարյանի դաշինքը, դա կստեղծեր լրացուցիչ փոթորիկ (բառացի խոսքը՝ турбулентность), չնայած նրան, որ նա (Քոչարյանը) մեր հին նոր գործընկերն է»։

Կարող եք մեկնաբանել, ինչպես սրտներդ տա, բայց սա առավելապես այն մեսիջն է, որ Ռուսաստանից շարունակում են պնդել՝ Փաշինյանն իրենց համար ցանկալի է որպես ՀՀ ղեկավար։
Ինտերֆաքսում հղումը՝ ռուսերեն

Եթե կեսօրին Կալաշնիկովն ու Պեսկովը մեսիջ էին հղել ընդդիմությանը՝ հորդորելով զուսպ գտնվել, փաստացի՝ ընդունել Փաշինյանի լեգիտիմությունը, ապա դրանից քիչ ուշ մի փոքր այլ հռետորաբանությամբ է հանդես եկել ԱԳ նախարար Լավրովը։
ՌԴ արտգործնախարարի հայտարարությունն էլ ուղղված է արդեն վերարտադրված իշխանության ղեկավարին։

https://yangx.top/times_am/1196

MEZ CHIPAVORUM EN

https://www.kommersant.ru/doc/4867795

#ոչ_ընտրական

Մոսկվայում անվտանգության կոնֆերանսին ՌԴ ԱԴԾ տնօրեն Բորտնիկովն ասել է, որ ա հաբեկիչների ազդեցության ներքո ընկնելու ռիսկի հատուկ խմբում է երիտասարդությունը, որի հոգեբանական մշակումը կատարվում է սոցիալական ցանցերում և ճանաչված համակարգչային խաղերի չատերում։ Ավելին՝ իսլամիստական խմբավորումները արդեն դուրս են եկել այդպիսի խաղերի սեփական կլոնների ստեղծման մակարդակ։ Դրանք թույլ են տալիս ներազդել ահաբեկչության և էքստրիմիզմի պոտենցիալ կողմնակիցների գիտակցության վրա ոչ միայն ձայնային հաղորդակցության միջոցով, այլև ահաբեկչությունների կատարման խաղային իրավիճակներում օգտատերերի ներգրավվմամբ։

------------------------------

Կիբերանվտանգության խնդիրը օրեցօր ավելի մեծ սպառնալիք է դառնում։ Թեման նույնիսկ արծարծվել էր Բայդեն-Պուտին հանդիպման ժամանակ։ Գուցե մեր դեպքում ահաբեկչության իմաստով այն այդքան էլ մեզ չի վերաբերում, բայց մենք այլ շերտերում ունենք խնդիր։ Օրինակ, Հայաստանում հասարակական կարծիքի վրա արդեն տևական ժամանակ ներազդում են ադրբեջանական ֆեյքերը, որոնց դեմն առնելու մեխանիզմ չի եղել կարծես։ Հիմա էլ հնարավոր չէ, որովհետև փաստացի սոցցանցերի միջոցով մեծամասնության մեջ «նախկինների վերադարձի» վախը ամուր ներարկվել է իշխանական և ադրբեջանական ֆեյքերի միջոցով։ Եվ այդ ամրագրման վերջին մեխն էլ ընտրությունների արդյունքներն էին։ Իսկ Հայաստանի պես միատարր և փոքր երկրի համար հանրային կարծիքի պառակտմանը նպաստող սոցցանցային տրամադրությունների ստեղծումն ու քարոզչությունը անվտանգության լրջագույն սպառնալիք են։

Արտահերթ ընտրությունների մասով ռուսական փորձագիտական դաշտում բավականին մեղադրական տոնով հանդիմանանք է հայ ժողովրդին պոպուլիզմն ընտրելու համար։ Իհարկե, ռուս փորձագետները ինչ-որ չափով իրավացի են, որոշ չափով էլ Հայաստանում նման իրավիճակի պատճառները նախ պետք է փնտրեն հենց Ռուսաստանում։ Ավելին՝ հենց Ռուսաստանի ներսում իրավիճակը այնքան էլ դյուրին չէ։ Եթե նախորդ գրառումներում հաճախ անդրադառնում էի երբեմնի խորհրդային ազդեցության գոտիներում ՌԴ շահերին արդյունավետ հակադրվող թուրքական ազդեցության մասին, ապա այս անգամ պետք է արձանագրեմ, որ այդ ազդեցությունը սողուն կերպով ներթափանցում է Ռուսաստան։ Այսպես, Թաթարստանի նախագահը գտնվում էր Թուրքիայում։ Այցի շրջանակում մի շարք հանդիպումներ է ունեցել, որոնց զգալի մասը ներդրումների վերաբերյալ էին։ Ի դեպ, ՌԴ ֆեդերատիվ սուբյեկտ Թաթարստանի և Թուրքիայի միջև ապրանքաշրջանառությունը 2020թ. կազմել էր 360մլն դոլար։ Այլ կերպ ասած, այն մարտահրավերը, որին առաջին հայացքից դիվանագիտորեն դիմակայում էր Մոսկվան, այժմ ավելի է ընդարձակվում։ Իմ համոզմամբ առաջիկա 1-2 տարվա ընթացքում ականատես կլինենք ռուսական ռազմաքաղաքական կուրսի փոփոխության։

Թաթարստանի նախագահի այցը՝ հղմամբ։

Երբ ես Արցախում էի աշխատում, էնտեղ տարբեր միջոցառումներին մարդկանց ներկայությունն ապահովվելու համար գործում էր «կամավոր-պարտադիր» սկզբունքը։ «Կամավոր-պարտադիր» երևույթը կար և կա Հայաստանում։ Կա նաև Ռուսաստանում։ Օրինակ, ՌԴ նախագահի մամուլի խոսնակ Պեսկովն ասել ա, որ պատվաստումը Ռուսաստանում կշարունակի մնալ կամավոր։ Ընդ որում՝ սպասարկման ոլորտի մոսկվայաբնակ աշխատողները պետք է պատվաստվեն։ Իսկ եթե աշխատողը կորոշի չպատվաստվել, ապա նա այլևս չի կարողանա աշխատել սպասարկման ոլորտում, և ստիպված կլինի աշխատանք փնտրել այն ոլորտներում, ուր պատվաստումը պարտադիր չի։ Մի խոսքով, խիստ ԿԱՄԱՎՈՐ վակցինավորում են։

ԱՄՆ / ՉԻՆԱՍՏԱՆ / ԽՍՀՄ-ՌԴ / ՖՐԱՆՍԻԱ-ԳԵՐՄԱՆԻԱ-ՄԲ

Ինչպես են փոխվել ազդեցության գոտիները 1980-ից 2020թթ.։

Մոտ երկու ամիս առաջ երևի կհիշեք Սիսիանում ջրից 300-400 հոգու թունավորման դեպքերը։ Հիմա էլ Երևանում ջրի թունավորման դեպք ա կանխվել։

https://bit.ly/3x12IcU

Ըստ էս տարվա մայիսին Ջորջթաունի համալսարանի անվտանգության և նոր տեխնոլոգիաների կենտրոնի հրապարակած հետազոտության՝ չինացիները, որոնք առհասարակ հայտնի են արտադրության, տեխնոլոգիաների ոլորտում իրենց «copy-paste» մեթոդով, գիտական գաղափարների զգալի մասը փոխառում են… Ռուսաստանից։ Հետաքրքիր է, որ այսօրինակ մեթոդն էր կիրառում ԽՍՀՄ-ը, թեև որակական ասպեկտի համեմատության մեջ հավանաբար չինականը առաջատար կլիներ։ Դե, իսկ ներկայիս ռուսական միտքը կամ դրա ինժեներական ռեալիզացումը մոտավորապես հայկական ԱյԹի ոլորտի վերաբերյալ կարծրատիպն է հիշեցնում։ Էն, որ գովում էին ոլորտը, թեև իրականում որակը լուրջ հարցերի տեղիք է տալիս, էլ չեմ ասում՝ մասնագետների պակասը։

CSET հետազոտությունը՝
https://cset.georgetown.edu/wp-content/uploads/CSET-Chinas-Foreign-Technology-Wish-List.pdf

ՌԴ ԱԳ նախարար Սերգեյ Լավրովը բավական ծավալուն հոդված է հրապարակել, որտեղ անդրադարձել է՝
▪️Հավաքական Արևմուտքի «կանոնների վրա հիմնված աշխարհակարգի» հայեցակարգին,
▪️Ռուսաստանի Դաշնության արտաքին քաղաքական կուրսին,
▪️ Աշխարհակարգի բազմաբևեռության անխուսափելիությանը,
▪️Խաղաղօվկիանոսյան տարածաշրջանում, առաջին հերթին, Չինաստանի (այդ թվում՝ Ռուսաստանի) դեմ ԱՄՆ-ի գործողություններին։

Հոդվածից պարզ է, որ, իհարկե, Ռուսաստանում հասկանում են՝ իրենց շուրջ օղակը սեղմելու փորձերը ավելանում են։ Գիտակցում են նաև դրանում Թուրքիային առանձնացված դերն ու դրա հետևանքները (այդ մասին հոդվածը՝ ստորև): Միևնույն ժամանակ այս պահին Ռուսաստանի գործողություններն առավելապես մեղադրական հայտարարություններ են՝ ուղղված Արևմուտքին։ Այն բանի համար, որ վերջինս, փաստորեն, «չի պահպանել» ԽՍՀՄ-ին տրված խոստումը, թե ՆԱՏՕ-ն չի ընդարձակվելու՝ նկատի ունենալով հատկապես Ուկրաինայի մասով Արևմուտքի դիրքորոշումը։ Իսկ թե որքանով պաշտպանողական «փափուկ ուժի» մարտավարությունը կփոխվի, ցույց կտան սեպտեմբերին կայանալիք ընտրությունները, որոնց, ի դեպ, մասնակցելու է նաև Սերգեյ Լավրովը։ Եվ եթե ներկայիս նախարարը հայտնվի Դումայում, ամենայն հավանականությամբ արտաքին քաղաքական կուրսում երանգավորումները կփոխվեն։ Իսկ դա այսպես թե այնպես ազդելու է նաև ռուս-թուրքական հարաբերությունների կոնտեքստում մեր տարածաշրջանի վրա։

https://bit.ly/3w13m8U

ՌԴ-ՉԺՀ բարեկամության մասին համաձայնագրի 20-ամյակին Պուտինի և Ցզինպինի այս (վիդեո ֆորմատով) հանդիպումը նախևառաջ բավական բարդ անցած Պուտին-Բայդեն հանդիպման և Արևմուտքի կոշտ հակառուսական ու մաքսիմալ հակաչինական հռետորաբանության պատասխանն էր։ Եվ այս իմաստով էլ զուր չէ, որ այս հանդիպմանը Վ. Պուտինը խոսել է կողմերի միջև «հավերժ խաղաղության գոտի ստեղծելու» անհրաժեշտության մասին։

https://yangx.top/dimsmirnov175/23104

Պուտինն էսօր ստորագրել ա հունիսի 9-ին Պետդումայի կողմից ընդունված օրենքը, ըստ որի՝ ՌԴ քաղաքացիներին օտար երկրներում արգելվում է ոչ ցանկալի ՀԿ-ներում, միջազգային կազմակերպություններում աշխատանքը։ Սա, ըստ էության, տարբեր թրեյնինգների մասնակցությանն արգելք դնելուն ուղղված գործողություն ա։ Իսկ կյանքը ցույց ա տալիս, որ հատկապես փոքր երկրներին էսպիսի պրակտիկան խիստ անհրաժեշտ ա։ Հակառակ պարագայում՝ փոքր երկրում, օրինակ, կարող են ձևավորվել մի քանի երկրների գործակալական ցանցեր։ Իսկ թե դա ինչ սպառնալիք ա տվյալ երկրի անվտանգությանը, կարծեմ, կարիք չկա մանրամասնելու։