#Диққат

"Қамчиқ" довонидан ўтувчи халқаро аҳамиятдаги А-373 автомобиль йўлининг 229-километрида сел-сув тошқини кузатилганлиги сабабли кўнгилсиз ҳодисаларнинг олдини олиш мақсадида мазкур ҳудудда транспорт воситаларининг ҳаракати ҳар икки йўналишда вақтинча тўхтатилди.

Ҳозирда ҳодиса оқибатларини бартараф этиш бўйича ФВВ, ЙҲХХ ҳамда "Қамчиқавтойўл" ИЙФУК ходимлари томонидан тезкор чоралар кўрилмоқда.

👉 @YHXX_UZ

#Диққат

Ҳаракат иштирокчиларининг диққатига

Йўл инфратузилмасини яхшилаш, ҳаракат иштирокчилари учун қулай ҳамда хавфсиз шароитни яратиш ва йўл-транспорт ҳодисаларининг олдини олиш мақсадида пойтахтимиз кўчаларида йўл ётиқ чизиқларини янгилаш ишлари олиб борилмоқда.

Барча ҳаракат иштирокчиларидан ташкил этилаётган чора-тадбирларни тўғри тушунишларини ҳамда юзага келаётган вақтинча ноқулайликлар учун узр сўраймиз.

👉 @YHXX_UZ

#Диққат

Пойтахтда йўл ётиқ чизиқларини янгилаш ишларини олиб бориш бўйича тунги йўриқнома ўтказилди

Мазкур ишларни ўз муддатида амалга ошириш учун ҳудудий ЙҲХБ Эксплуатация-монтаж бўлим ҳамда бўлинмаларидан ходимлар ва зарур техник воситалар жалб этилди.

ИИВ ЖХД ЙҲХХ раҳбарияти томонидан жалб этилган ходимларга йўриқнома берилди. Асосий мақсад — йўлларда ҳаракат иштирокчиларининг хавфсизлигини ишончли таъминлаш эканлиги алоҳида таъкидланди.

👉 @YHXX_UZ

#Диққат

Бўстонлиқдан Тошкент шаҳрига 4Р12 автомобиль йўли орқали қайтишда "Янги Ўзбекистон" йўлига қўшилиб олиш учун светофорларсиз қўшимча тармоқ йўли очилган

Тўлиқ изоҳ бу ерда 👉 Батафсил

👉 @YHXX_UZ

#Диққат

Ўзбекистон Республикаси Вазирлар Маҳкамасининг 2024 йил 17 июлдаги 429-сон қарорига мувофиқ:

- амалдаги Йўл ҳаракати қоидаларига электромотоцикл, скутер ва индивидуал ҳаракатланиш воситаларида ҳаракатланиш тартибини, уларнинг тушунчаларини ҳамда ушбу транспорт воситалари билан боғлиқ йўл белгиларини киритиш;

- электромотоцикл, мопед ва скутерларни бошқариш учун ёш чегарасини ҳамда ҳайдовчилик гувоҳномасини олиш тартибини белгилаш;

- автомототранспорт воситалари ва шаҳар электр транспорти воситалари ҳайдовчиларини тайёрлаш ҳамда қайта тайёрлаш якуни бўйича улардан биринчи тиббий ёрдам кўрсатиш юзасидан амалий имтиҳонлар олишни ташкил этиш;

- тез тиббий ёрдам автомобиллари ҳамда электромотоцикл, мопед ва скутерлар учун алоҳида фарқловчи рўйхатдан ўтказиш давлат рақам белгиларини жорий этиш белгиланди.

👉 @YHXX_UZ

#Диққат

Ўзбекистон Республикаси Вазирлар Маҳкамасининг 2024 йил 17 июлдаги 429-сон қарори билан 2017 йил 31 августдаги 683-сон қарорига бир қанча қўшимча ва ўзгартиришлар киритилди.

Эндиликда Йўл ҳаракати хавфсизлиги хизмати ҳамда унинг ҳудудий бошқармаларида давлат рўйхатидан ўтказиладиган транспорт воситалари билан видеоизоҳда танишишингиз мумкин👆📹.

👉 @YHXX_UZ

#Диққат

Таъмирлаш ишлари олиб борилиши муносабати билан бугун, 2024 йил 2 август куни соат 10:30 дан бошлаб "Қамчиқ" довони ҳудудидан ўтувчи А-373 автомобиль йўлининг 242-километрида транспорт воситаларининг ҳаракати вақти-вақти билан қисқа муддатга чекланади.

👉 @YHXX_UZ

#Диққат

Ўзбекистон Республикаси МЖтКнинг 138-моддаси биринчи-учинчи қисмларида назарда тутилган ҳуқуқбузарлик бўйича ЙПХ ходимлари ҳолат жойининг ўзида жаримани қоидабузардан ундириб, унга квитанция бериши амалиётда кўпдан буён қўлланилмаяпти ва мазкур тартибни қонунчиликдан чиқариб ташлаш ҳамда умумий тартибда маъмурий баённома расмийлаштириш орқали тегишли чора кўрилиши таклиф этилди.

Бундан мақсад — турли низоли вазиятлар ва кузатилиши мумкин бўлган коррупциявий ҳолатларнинг олдини олишдир.

👉 @YHXX_UZ

#Диққат

Тез тиббий ёрдам ва ёнғин-қутқарув хизматларига тегишли махсус автомобилларни бошқарувчи ҳайдовчилар учун яхши хабар

Тез тиббий ёрдам ва ёнғин-қутқарув бўлинмаларининг транспорт воситаларида кечиктириб бўлмайдиган хизмат вазифаларни бажаришда қоидалар четлаб ўтилса ва бу ҳолат махсус камералар орқали қайд этилса, мазкур қоидабузарлик юзасидан жаримани бекор қилиш учун шошилинч вазиятда ҳаракатланганликни тасдиқловчи ҳужжатлар тақдим этилиши талаб қилинмаслиги бўйича таклиф киритилди.

Мақсад — махсус хизматлар мурожаат бўйича ўз вақтида манзилга тезкорлик билан етиб боришини ҳамда турли оворагарчилик ҳолатларига чек қўйишни таъминлашдир!

Батафсил изоҳ видеода👆📹

👉 @YHXX_UZ

#Диққат

Юк автомобили ҳайдовчилари қатнов қисмининг ўнг тасмасида эмас, балки четки чап тасмасини сабабсиз эгаллаб ҳаракатланиши бўйича МЖтКда тўғридан-тўғри жазо чорасини қўллаш мавжуд эмас. Ҳозирги вақтда ушбу қоидани бузган юк автомобили ҳайдовчисига йўл белгисининг (5.8.7) талабига риоя этмаслик бўйича чора кўрилмоқда.

Юк автомобили қатнов қисмининг чап тасмасини сабабсиз эгаллаши тақиқланганлиги ҳақида ахборот берувчи 5.8.7 йўл белги орқали эмас, балки қоидабузарга тўғридан-тўғри жазо чорасини қўллаш мақсадида МЖтКнинг 128-моддасига тегишли қўшимчани қўшиш таклиф этилди.

Мақсад — йўлларда тартибли ҳаракатни ташкил этиш ва тирбандликларнинг олдини олишдир!

Батафсил изоҳ видеода👆📹

👉 @YHXX_UZ