Ոչ, Բաքվի ժամացույցը չեմ հեռացնի․ Հանրային ռադիոյի տնօրենի ժ/պ Արմեն Քոլոյանը Արցախում Ադրբեջանի ռազմական ագրեսիայի տարելիցի նախօրեին «Ռադիոլուրում» ժամացույցներ է կախել, որոնք ցույց են տալիս Բաքվի և Անկարայի ժամերը։

Mediahub-ի հետ զրույցում Արմեն Քոլոյանը, որը մինչ այդ «Ազատություն» ռադիոկայանի աշխատակից էր, հաստատել է, որ նախաձեռնությունն իրեն է։

Չնայած Հանրային ռադիոյի աշխատակիցների վրդովմունքին, որոնցից լրագրող Ալիսա Գևորգյանը միակ որդուն կորցրել է 44–օրյա պատերազմում, տնօրենի ժ/պ–ն չի պատրաստվում դրանք հանել` ասելով, որ դրանցով հեշտ է կողմնորոշվել, երբ տարբեր քաղաքներում կատարվողի մասին լուր ես գրում և ժամ պիտի նշես։

Հարցին, թե Բաքվի Հանրային ռադիոյում Երևանի ժամանակով ժամացույց կա՞, Քոլոյանն ասել է, որ չգիտի և մեղմ ասած, անտարբեր է, թե ինչ են մտածում Ադրբեջանի Հանրային ռադիոյի աշխատակիցները։

@ArmeniaSputnik

Յուրաքանչյուրն ուրիշի գործողությունների մասին դատում է` ելնելով իր կյանքի մոդելներից և սկզբունքներից. Ռուբեն Վարդանյանը Բաքվի բանտից պատասխանել է Փաշինյանին

▪️Եթե Փաշինյանն ինձ հարցեր ուներ, նա կարող էր դրանք ուղղել 2022-ի նոյեմբերին մեր վերջին հանդիպման ժամանակ, երբ ես ԼՂ պետնախարարի պաշտոնն էի զբաղեցնում: Ես անգամ հիմա եմ պատրաստ, իմ ներկայիս հնարավորությունների իրավիճակում, պատասխանել նրա ցանկացած հարցի։

▪️2020 թվականի պատերազմն ու Արցախի նկատմամբ շարունակվող սպառնալիքն ինձ համար շրջադարձային եղան, ինչի մասին բազմիցս բաց ու հետևողականորեն հայտարարել եմ:

📎Փաշինյանն իր ասուլիսի ժամանակ նշել էր, որ Ռուբեն Վարդանյանին այնքան էլ լավ չի ճանաչում ու չի հասկանում, թե ինչու նա հրաժարվեց ՌԴ քաղաքացիությունից, ով էր նրան «գործուղել» Հայաստան ու Լեռնային Ղարաբաղ։

Փաշինյանի հայտարարությունների մասին Արցախի նախկին պետնախարարին տեղեկացրել են բանտում հարցաքննության ժամանակ` հետաքրքրվելով նրա դիրքորոշմամբ։ Ընտանիքի հետ հեռախոսազանգի ժամանակ նա խնդրել է իր խոսքը հանրությանը փոխանցել։

@ArmeniaSputnik