ҚР Бас прокуратурасы Қазақстан Республикасы Бас прокуратурасының ресми telegram-арнасы. Генеральная прокуратура РК Официальный telegram-канал Генеральной прокуратуры Республики Казахстан. +7 7172 30 17 78
Абай облысында прокурорлар мемлекеттік органдардың негізсіз талаптарын жоюға қол жеткізді
Абай ауданында мүмкіндігі шектеулі 10 балаға үйде оқыту жүргізіледі.
Балаларды үйде оқыту және тәрбиелеудің негізі болып дәрігерлік-консультациялық комиссияның қорытындысы табылады.
Дегенмен, білім беру ұйымдары ата-аналардан заңмен қарастырылмаған психологиялық-медициналық-педагогикалық консультациялардың қосымша қорытындысын талап еткен.
Мұндай қорытындыларды алу үшін ата-аналар балаларымен аудан орталығынан 200 км қашықтықта орналасқан қалаға баруға мәжбүр болды, бұл үлкен қолайсыздықтар мен қосымша шығындар тудырған.
Аудан прокуратурасының заң бұзушылықтарды жою туралы ұсынысын қарау нәтижесінде білім бөлімі қажетсіз құжаттарды сұрату практикасын тоқтатты, енді ата-аналар қажетті қызметтерді артық қағазбастылықсыз ала алады.
Түркістан облысының прокурорлары 253 жұмысшының еңбек құқықтарын қорғады
Кентау қаласының прокуратурасы еңбек заңнамасының сақталуына қадағалау жүргізу барысында «Эм-Холдинг» ЖШС-нің 2024 жылдың желтоқсан айында 253 жұмысшыға 111,8 млн теңге жалақы қарызы бар екенін анықтады.
Енгізілген прокурорлық қадағалау актісін қарау нәтижесімен жұмысшылардың конституциялық құқықтары қалпына келтіріліп, еңбекақыларының төленуі қамтамасыз етілді.
Жол берілген заң бұзушылық үшін ЖШС әкімшілік жауаптылыққа тартылды.
Бұл ретте, ЖШС Кентау қаласындағы жылу-электр орталығының қазандықтарын қайта құру жұмыстарын жүргізіп жатқандықтан, прокуратура мердігерлік жұмыстардың тоқтап қалуына жол бермеді.
Астанада қайта жабдықталған автокөлік салонынан «Sim-Box» мобильді аппараттық кешені тәркіленді
Қазіргі заманғы технологиялардың дамуымен бірге «Sim-Box» құрылғыларын пайдалана отырып жасалатын интернет-алаяқтық жағдайлары қарқынды түрде көбейіп келеді.
«Sim-Box» құрылғылары – бұл мобильді нөмірлерді генерациялау немесе алмастыру мақсатында қолданылатын жабдық, ол байланыс операторлары белгілеген шектеулерді айналып өтуге мүмкіндік береді.
Алаяқтар бұл құрылғыларды фишингтік хабарламалар жіберу, жаппай қоңырау шалу, сондай-ақ әртүрлі онлайн-платформаларда жалған нөмірлермен аккаунттар тіркеу үшін пайдаланады. Осылайша, олар өздерінің жеке басын жасырып, заңды қызметтің көрінісін жасауды көздейді.
Астана қаласы прокуратурасының үйлестіруімен полиция Департаментінің киберқылмысқа қарсы іс-қимыл басқармасы қызметкерлерімен жүргізілген жедел-іздестіру іс шаралалары шеңберінде Украина азаматының басқарауындағы «KIA» маркалы автокөлік анықталып, ұсталды (автокөлік айыппұл тұрағына қойылды).
Автокөліктің ішкі салонын тексеру барысында 128 SIM-карта слоттары бар 2 дана «Sim-Box» мобильді аппараттық кешені анықталды, ол қайта жабдықталған автокөлік салонында орналастырылған. Сонымен қатар, әртүрлі ұялы телефон операторларына тиесілі 50 SIM-карта және Wi-Fi роутері алынды.
Осы факт бойынша абоненттiк құрылғының сәйкестендiру кодын өзгертуге арналған бағдарламаларды пайдалану дерегімен сотқа дейінгі тергеп-тексеру басталды (ҚК-тің 213-бап).
Күдіктіге қатысты күзетпен ұстау түріндегі бұлтартпау шарасы қолданылды. Қазіргі уақытта барлық қажетті тергеу іс-шаралары жүргізілуде, оның интернет-алаяқтыққа қатыстылығы тексерілуде.
ЖІШ барысында тағы 2 «Sim-Box» құрылғысы алынды.
Астана қаласының прокуратурасы азаматтарды сақ болып жеке деректерді, оның ішінде қол жетімді кодтарды, парольдер мен банк карталарының реквизиттерін бөтен адамдарға бермеу қажеттігін ескертеді.
Егер осындай жабдықты қолдану туралы ақпарат болса, дереу құқық қорғау органдарына хабарласыңыз.
Солтүстік Қазақстан облысыныңпрокурорлары өңірдің кәсіпкерлеріүшін сумен жабдықтау тарифтерінтөмендетті
Талдау аясында облыс прокуратурасы табиғи монополиялар туралы заңнамасының өрескел бұзушылықтарын анықтады.
Мәселен, Айыртау, Қызылжар, М. Жұмабаев, Мамлют, Тайыншааудандарының табиғи монополиялар субъектілері тарифтерді қалыптастыру қағидаларының талаптарына қайшы, кәсіпкерлерден олардың тұтынушылардың екінші тобына (заңды тұлғалар) жатқызылғанына қарамастан, 2019 жылдан бастап бюджеттік ұйымдар ретінде тұтынылған сумен жабдықтау үшін негізсіз ақы алған.
Прокурорлық қадағалау актілері бойынша кінәлі тұлғалар заңда белгіленген жауапкершілікке тартылды, сумен жабдықтауға арналған тарифтер кәсіпкерлік субъектілері үшін жеке топты енгізу жолымен сәйкес келтірілді.
Мысалы, Қызылжар ауданында қабылданған шаралар нәтижесінде бизнес үшін су тарифі 1017,63 теңгеден 343,41 теңгеге немесе 66% - ға дейін төмендетілді.
Сол сияқты Мамлют (787,72 теңгеге немесе 59,7% - ға), М.Жұмабаев (30 теңгеге немесе 2,7% - ға), Тайынша (2,48 теңгеге немесе 0,3% - ға) аудандарында тарифтер төмендетілді.
Жыл басынан бері прокуратура актілері бойынша барлығы 5 мыңнан астам тұтынушының (оның ішінде 357 кәсіпкердің) құқықтары қорғалды.
Қадағалау органы барлық бизнес субъектілеріне құқықтар мен мүдделер бұзылған жағдайда кәсіпкерлердің құқықтарын қорғау жөніндегі мобильді топ (байланыс телефоны +7-771-362-08-99) арқылы прокуратура қызметкерімен тікелей байланысуға болатындығын ескертеді.
Алматы қаласы мен Алматы облысында Үйлестіру кеңесініңотырысы өтті
Екі өңірдің прокурорлары Серік Кәріпбеков пен Берік Адамовтың төрағалығымен мемлекеттік және құқық қорғау органдары басшыларының қатысуымен Үйлестіру кеңесінің отырысы өтті.
Осындай форматта алғаш рет өткізілген кеңес қылмыстың профилактикасы және алдын-алу шараларының тиімділігін арттыру мәселелеріне арналған. Шекара маңындағы аудандардағы қылмыстық құқық бұзушылықтарға ерекше назар аударылды.
Алматыдағы барлық қылмыстардың шамамен 40 %-ын басқа қаладан келгендер жасайтыны, Алматы облысындағы қылмыстардың 25 %-ын түрлі өңірлерден келген адамдар жасайтыны анықталды.
Қылмыстылық деңгейін төмендетуге бағытталған алдын-алу шараларының кешенін қамтитын 2025 жылға арналған криминогендік жағдайды жақсарту жөніндегі бірлескен жоспар ұсынылды.
Отырыс қорытындысы бойынша екі өңірде де құқық бұзушылықтың алдын-алуды күшейтуге және заңдылықты қамтамасыз етуге бағытталған бірқатар шешімдер әзірленді.
Алматы және Алматы облысының қадағалау органдары заңдылықты қамтамасыз ету жөнінде нақты міндеттер қойды.
Қызылорда облысының прокуратурасының бастамасымен 18 ақпаннан бастап инвесторларды қолдау және бизнесті қорғау мақсатында «Инвест керуен» акциясы жүзеге асырылуда.
Аталған шара «Геджуба Шиели Цемент» ЖШС-да жалғасын тауып, онда облыс прокуроры Ризабек Ожаров Шиелі және Жаңақорган аудандарында жобаларды жүзеге асырып жатқан инвесторлармен кездесті.
Шараға облыс әкімінің орынбасары, «Атамекен» өңірлік кәсіпкерлер палатасы өкілдері қатысты.
Жиында облыс прокуроры прокуратура органдары инвестициялық жобаларды сүйемелдеп, олардың қорғалуын қамтамасыз етіліп келетіндігін атап өтті.
Өз кезегінде «Геджуба Шиели Цемент» ЖШС-нің өкілі санитарлық қорғау аймағын қысқарту бойынша оң қорытынды алудың ұзаққа созылған мәселесін шешуге көмектескені үшін прокурорға алғыс айтты.
Сонымен бірге іс-шарада инвесторлар өз сұрақтарын, проблемаларды және мемлекеттік органдардың бұзушылықтары туралы хабарлай алатын «Telegram» каналда ашылған «Инвестор.Бизнес.Защита» атты боттың презентациясы жасалды.
Айта кету керек, 18 ақпанда акция аясында облыс прокуроры Қызылордада орналасқан жаңа жылу электр станциясының «Aksa Energy Kyzylorda» ЖШС-нің құрылысы барысымен танысып, ірі жобаларды жүзеге асыратын инвесторлармен кездесті.
Инвесторлардың құқықтарын жан-жақты қорғау жұмыстары жалғасуда және прокуратураның ерекше бақылауында.
Шымкент қаласының прокуроры ірі кәсіпорындардың жұмысшыларыменкездесті
Мемлекет басшысының инвестициялық жобаларды сүйемелдеу жөніндегі тапсырмасын орындау мақсатында, сондай-ақ ағымдағы жылды «Жұмысшы мамандықтарының жылы» деп жариялау аясында қала прокуроры Ғабит Мұқанов қаланың өндірістік кәсіпорындарына барды.
Жұмыс сапары өңірдегі ірі инвесторлардың бірі - құны 58,9 млрд теңгеден асатын алюминий қаптамаларын өндіру жобасын жүзеге асырып жатқан «QazAlpack» ЖШС-ға барудан басталды.
Зауыт жеңіл металдардан орау материалдарын шығарады, жобаның қуаттылығы жылына 2,3 млрд дананы құрайды (қақпағы бар алюминий банкалар) және 450 жұмыс орнын қамтиды. Сонымен бірге прокурор еңбек жағдайымен танысты, ұжыммен әңгімелесті, жұмысшылардың еңбек құқықтарын сақтау, сондай-ақ еңбек қауіпсіздігін қамтамасыз ету мәселелерін талқылады.
Кездесу барысында инвестор инженерлер, реттеушілер, технологтар, KPI және т.б. сияқты білікті мамандарға сұраныстың бар екенін айтты.
Осы тұрғыда түлектерді мамандықтарына сәйкес ірі өндірістік кәсіпорындарға жіберу туралы меморандум жасау негізінде келісімге қол жеткізілді.
Қала прокуроры өз сапарының қорытындысында, кәсіпкерлік субъектілерінің құқықтарын қорғау мәселелері ерекше бақылауда екенін, прокуратура органы инвесторларға құқықтық қолдау көрсететінін, барлық қажетті құқықтық нормалар мен стандарттарды сақтауға көмектесу түріндегі белсенді жұмысты жалғастыратынын атап өтті.
Бизнес субъектілері өзекті мәселелер туындаған жағдайда кәсіпкерлер мен инвесторлардың құқықтарын қорғау жөніндегі байланыс орталығының +77076150010 нөміріне немесе Фронт-офиске (Шымкент қаласы, Ерімбетов көшесі, 304 Г, Заңғар бизнес орталығының ғимараты) жұмыс күндері сағат 09:00-ден 19:00-ге дейін хабарласа алады.
Сот «Каскор-Транссервис» АҚ-намагистральдық ТЖ желісін мемлекеттік меншікке беруді міндеттеді
Бас көлік прокуратурасы жеке компанияның Маңғышлақ станциясынан Ақтау теңіз портына дейінгі магистральдық теміржол жолдарын иелену фактісін анықтады.
Қолданыстағы заңнамаға сәйкес магистральдық теміржол жолдары мемлекет меншігінде болуы керек.
Аталған объектілердің стратегиялық маңыздылығын және оларды мемлекет меншігіне қайтару қажеттігін ескере отырып, прокуратураның қадағалау актісі бойынша көлік министрлігі сотқа талап арызбен жүгінді.
Маңғыстау облысының мамандандырылған ауданаралық экономикалық сотының 14.03.2025 жылғы шешімімен талап арыз толық көлемде қанағаттандырылды.
Бұл шешім Қазақстанның көлік инфрақұрылымының тұрақты дамуын қамтамасыз етудегі маңызды қадам болып табылады және мемлекеттің темір жол желісінің негізгі объектілерін бақылауына кепілдік береді.
Алматыда бизнес пен инвесторларды қорғау бойынша “Ашық есік” күні өтті
Алматы қаласының прокуратурасы бизнесті қорғау және инвесторларды қолдаудың негізгі мәселелерін талқылау үшін “Ашық есік” күнін өткізді.
Іс-шараға инвесторлардан басқа мемлекеттік және жергілікті атқарушы органдардың, «Атамекен» ӨКП және «Kazakh Invest» ҰК АҚ басшылары қатысты.
Кәсіпкерлермен сұхбат алаңында проблемалық мәселелер талқыланып, прокурорлардың инвесторларды сүйемелдеу тәртібі, сондай-ақ заңнамадағы өзгерістер түсіндірілді.
Кездесу қорытындысы бойынша қала прокуроры Серік Кәріпбеков экономикалық потенциалды кеңейтуге және қаладағы инвестициялық ахуалды жақсартуға бағытталған бірқатар тапсырмалар берді.
Бизнес пен инвесторлардың құқықтарын қорғау мәселелері ерекше бақылауда.
Сондай-ақ кездесуде билік өкілдері мен бизнес-қоғамдастық арасындағы тұрақты сындарлы диалогты жалғастыру туралы шешім қабылданды.
Қызылордада қызметтік жалғандық жасаған мектеп директорларына қатысты үкім шықты
Қызылорда қаласының прокуратурасы қызметтік жалғандық жасау фактілерін анықтады.
Білім беру ұйымдары азаматтарды мұғалім ретінде жұмысқа қабылдау туралы жалған бұйрықтар шығарып, еңбек кітапшаларына мәліметтер енгізген. Педагог ретінде конкурссыз жұмысқа орналасуға жағдай жасалған.
Қала прокуратурасымен 2 мектеп директорына қатысты қызметтік жалғандық жасау дерегі бойынша Қазақстан Республикасы Қылмыстық кодексінің 369-бабының 1-бөлігімен қылмыстық іс тіркеліп, нәтижесінде Қызылорда қаласының №2 сотымен 1 жыл мерзімге бас бостандығынан шектеу жазасы тағайындалды.
