Абай облысында прокурорлар 160 млн теңге көлемінде бюджеттің негізсіз жұмсалуының алдын алды
 
Жылумен жабдықтау саласындағы табиғи монополия субъектілері заң талаптарын бұза отырып, мемлекеттік сатып алу арқылы 3,5 млрд теңгеден астам сомаға жоғары бағамен көмір сатып алмақшы болған.
 
Прокуратурамен қабылданған шаралар бойынша сатып алу тоқтатылып, жылумен жабдықтаушы кәсіпорындар көмір өндірушісімен тікелей шарт жасасты. Осылайша 160 млн теңгеден астам қаржы үнемделді. Бұл қаражат кәсіпорындардың қызметкерлерінің әлеуметтік төлемдеріне жұмсалады.
 
Негізсіз бюджет шығындарын қысқарту мәселесі облыс прокуратурасының тұрақты бақылауында.
 
#Заң_мен_Тәртіп
#Әділдік
#Заңүстемдігі
 
Абай облысы прокуратурасының сайтына сілтеме:

https://www.gov.kz/memleket/entities/prokuratura-abay/press/news/details/951033?lang=kk

🌐 https://yangx.top/GenPr

Facebook | Instagram | YouTube | Сайт ГП

Алаяқтыққа күдікті Германиядан Қазақстанға экстрадицияланды
 
Бас прокуратураның қызметкерлері Қазақстан Республикасы Сыртқы істер министрлігінің көмегімен Германия Федеративтік Республикасынан аса ірі мөлшердегі алаяқтық жасаған күдіктіні қылмыстық жауаптылыққа тарту мақсатында экстрадициялады.

Аталған тұлға 2023 жылдың қаңтарында екі сыбайласымен алдын ала сөз байласу арқылы жалған компанияларды құру жолымен қазақстандық жұмсақ бидайдың ірі партиясын жеткізіп беремін деп кәсіпкерді алдап, жалпы сомасы 100 млн теңгеден астам қаражатын иемденген.

Қылмыстық қудалау органдары күдіктілердің бірін ізін суытпай ұстады, ал қалған екеуі жасырынып, халықаралық іздеуге жарияланды.

2024 жылдың қазанында іздеуде жүргендердің бірі Германияның Нюрнберг қаласында ұсталып, одан кейін Қазақстан Республикасы Бас прокуратурасының сұрауы бойынша еліне экстрадицияланды.

Қазір ол тергеу изоляторына қамалды.

Айыпталған қылмысты жасағаны үшін мүлкін тәркіленіп, 5 жылдан 10 жылға дейінгі мерзімге бас бостандығынан айыру жазасы көзделген.

#Заң_мен_Тәртіп

🌐 https://yangx.top/GenPr

Facebook | Instagram | YouTube | Сайт ГП

Абай облысында прокурорлар автобус жүргізушілерінің еңбек құқықтарын қорғады

Семей қаласының прокуратурасы жергілікті кәсіпорындардың бірінде жұмыс беруші еңбек тәртібін бұзғаны үшін жүргізушілерге Қазақстан Республикасының Еңбек кодексіне қайшы заңсыз айыппұл санкцияларын енгізгені анықтады.

Қолданыстағы заңнамаға сәйкес, еңбек тәртібін бұзғаны үшін айыппұл ретіндегі жауаптылық қарастырылмаған. Аталған тәртіптік жазаны қолдану заңсыз болып табылады.

Қала прокуратурасының араласуымен кәсіпорында еңбек дауы алдын алынды. Жұмыс берушінің заңсыз бұйрығының күші жойылып, кәсіпорындағы 125 қызметкердің конституциялық құқықтары қорғалды.

Облыс прокуратурасы барлық жұмыс берушілерге айыппұл санкцияларын тек әкімшілік құқық бұзушылық туралы заңнамасы аясында және тек уәкілетті органдар арқылы қолдануға болатынын ескертеді.

Егер азаматтардың еңбек құқықтары бұзылса, олар прокуратураға жүгіне алады.
 
#Заң_мен_Тәртіп
#Әділдік
#Заңүстемдігі
 
Абай облысы прокуратурасының сайтына сілтеме:

https://www.gov.kz/memleket/entities/prokuratura-abay/press/news/details/952662?lang=kk

🌐 https://yangx.top/GenPr

Facebook | Instagram | YouTube | Сайт ГП

«Инвестициялық керуен» акциясы бастау алды
 
Қызылорда облыстық прокуратурасының бастамасымен инвесторларды қолдау және бизнесті қорғау мақсатында «Инвестициялық керуен» акциясы жүзеге асырылуда.
 
Акция аясында облыс прокуроры Ризабек Ожаров «Aksa Energy Kyzylorda» ЖШС-нің жылу электр станциясының құрылысымен танысып, өңірде жүзеге асырылып жатқан ірі жоба инвесторларымен кездесті.
 
Шараға облыс әкімінің орынбасары, «Атамекен» өңірлік кәсіпкерлер палатасы өкілдері қатысты.
 
Акцияның мақсаты - инвесторлармен кездесу, заңнама талаптарын түсіндіру, проблемалық мәселелерді анықтау және оларды шешуге бағытталған жұмыстарды жүзеге асыру.
 
Облыс прокуроры Ризабек Кәрімұлы атап өткендей, прокуратура органдары ірі инвестициялық жобаларды жүзеге асыруға қолдау көрсетуде.
 
Осыған орай бүгінгі шараны «Aksa Energy Kyzylorda» ЖШС-нің жылу электр станциясының құрылыс алаңында бастауды жөн көрді.
 
Сонымен қатар, биыл қаңтар айынан бастап, заңнамалық түзетулер күшіне енгенін, бұл мемлекеттік органдардың прокурордың келісімінсіз инвесторды тексеруге, әкімшілік жауаптылыққа тарту, оның қызметін тоқтатуға және басқа да шектеулер енгізуге құқығы жоқ екендігін түсіндірді.
 
Бұл мемлекеттік органдардың прокурордың келісімінсіз инвесторды тексеруге, әкімшілік жауаптылыққа тарту, оның қызметін тоқтатуға, лицензияларды қайтарып алуға және басқа да шектеулер енгізуге құқығы жоқ дегенді білдіреді.
 
Прокуратура органдары инвестициялық жобаларды сүйемелдеп, олардың қорғалуын қамтамасыз етіп келеді.
 
Мәселен, 2024 жылы жалпы 742 млрд теңгені құрайтын 24 инвесторға прокуратура органдарымен көмек көрсетілгенін атап өтті.

Өз кезегінде «Марал-Нұр» ЖШС-нің өкілі облыс прокуратурасына мемлекеттік органның шектеулер мен кедергілерді жоюына ықпал еткені үшін алғысын білдірді.
 
Инвесторлардың құқықтарын жан-жақты қорғау жұмыстары жалғасуда және прокуратураның ерекше бақылауында.
 
#Заң_мен_Тәртіп
 
Қызылорда облысы прокуратурасының сайтына сілтеме:

https://www.gov.kz/memleket/entities/prokuratura-kyzylorda/press/news/details/953105?lang=kk

🌐 https://yangx.top/GenPr

Facebook | Instagram | YouTube | Сайт ГП

Актөбе облысының прокуратурасында азаптаудың алдын алу және қылмыстық істерді тергеу сапасы мәселелері талқыланды
 
Облыс прокуратурасында «Азаптаудың алдын алу және азаматтардың конституциялық құқықтарын қорғау шаралары» тақырыбында үйлестіру кеңесінің отырысы өтті.
 
Іс-шараға үйлестіру кеңесінің мүшелері, Қазақстан Республикасындағы Адам құқықтары жөніндегі уәкілдің Ақтөбе облысы бойынша өкілі, Ұлттық алдын алу тетігі тобының жетекшісі, сондай-ақ прокуратура және құқық қорғау органдарының қызметкерлері қатысты.
 
Облыс прокуроры Марат Әбішев 2023 жылдан бастап прокуратура органдарына азаптау істері бойынша баламасыз ведомстволық бағыныстылық берілгенін атап өтті.
 
Бұл ретте тергеудің мұндай рұқсат етілмеген әдістерінің алдын алу және жолын кесу шараларына ерекше көңіл бөлінеді.
 
Осыған байланысты облыс прокуратурасы «Азаптауға қарсы іс-қимыл жөніндегі алғашқы кезектегі шаралар жоспарын» бекітті және ведомствоаралық жұмыс тобын құрды.
 
Прокурорлар «Құқық қорғау органдарына келушілердің Электрондық есебі» базасын тұрақты түрде бақылауда ұстап, пенитенциарлық мекемелерде, құқық қорғау органдарының қызметтік үй-жайларында (кабинеттерінде) тексерулер ұйымдастырады.
 
Осы жылы облыс прокуратурасының арнайы прокурорлары құқық қорғау және арнайы органдардың қызметкерлеріне азаптауға қарсы іс-қимыл мәселелері бойынша арнайы семинар-тренинг өткізді, оған «Қадір-Қасиет» ҚБ өкілдері, ҚР Бас прокуратурасының Құқық қорғау органдары академиясының қызметкерлері, Адам құқықтары жөніндегі уәкіл жанындағы Ұлттық алдын алу тетігінің өкілі және «Дәріс» ҚБ өкілдері қатысты.
 
Қабылданған шаралардың нәтижесінде облыста азаптауға қатысты бірде-бір шағым расталған жоқ (2024 жылы арнайы прокурорлар азаптау бойынша 3 қылмыстық істі тергеді, бірақ олардың барлығы қылмыс құрамының болмауына байланысты тоқтатылды).
 
Үйлестіру кеңесінің отырысында құқық қорғау және арнайы органдарға келесі қосымша тапсырмалар берілді:
 
- прокуратураның ішкі қауіпсіздік қызметтерімен және кадр бөлімдерімен өзара іс-қимылын күшейту;

- азаптауға қатысты барлық өтініштерді жедел процессуалдық шешім қабылдау үшін облыстық прокуратураға жіберу;

- пенитенциарлық мекемелерде, полиция қызметтік үй-жайларында, сондай-ақ құқық қорғау органдарының жедел-тергеу бөлімшелерінде бейнебақылау жүйелерінің дұрыс жұмыс істеуін қамтамасыз ету.
 
Осы күні прокуратура алқасының отырысы өтіп, онда белгіленген мерзімнен асып кеткен қылмыстық істерді тергеу сапасы мен уақтылығы талқыланды.
 
Облыс прокуроры прокурорлар анықтаған қылмыстық-процессуалдық заңнаманы бұзу фактілеріне назар аударды.
 
Осыған байланысты кінәлі лауазымды тұлғаларды қатаң тәртіптік жауапкершілікке тарту үшін прокурорлық қадағалау актілерін енгізу тапсырылды.
 
#Заң_мен_Тәртіп
 
Ақтөбе облысы прокуратурасының сайтына сілтеме:

https://www.gov.kz/memleket/entities/prokuratura-aktobe/press/news/details/953293?lang=kk

🌐 https://yangx.top/GenPr

Facebook | Instagram | YouTube | Сайт ГП

Қазақстандық делегация мен Еуропалық Одақ өкілдері отырыстар өткізді
 
2025 жылғы 6-7 наурызда Брюссельде «Қазақстан Республикасы – Еуропалық Одақ» Адам құқықтары жөніндегі диалогы мен Сот төрелігі мен құқықтық тәртіп жөніндегі кіші комитеттің кезекті отырыстары өтті.

Қазақстандық тараптан бұл отырыстарға Бас прокуратура, Конституциялық сот, Сот әкімшілігі, Ұлттық қауіпсіздік комитеті, Сыбайлас жемқорлыққа қарсы іс-қимыл және Қаржылық мониторинг агенттіктері, Адам құқықтары жөніндегі ұлттық орталық, Сыртқы істер, Еңбек және халықты әлеуметтік қорғау, Мәдениет және ақпарат, Денсаулық сақтау, Ішкі істер, Ұлттық экономика, Әділет, Цифрлық даму, сондай-ақ Оқу-ағарту министрліктерінің өкілдері қатысты.

Қазақстандық делегацияның басшысы – ҚР Бас Прокурорының орынбасары Ғалымжан Қойгелдиев аталған іс-шаралардың маңыздылығын ерекше атап өтті, өйткені адамның өмірі, оның құқықтары мен бостандықтары Қазақстан Республикасының басты құндылығы.

Іс-шаралар барысында Ғ. Қойгелдиев Қазақстан Республикасында демократияны нығайту және адам құқықтарын қорғау, сондай-ақ құқық қорғау және сот жүйелеріндегі реформалар туралы айтты.

Тараптар әйелдер мен балалардың құқықтарын сақтау, азаматтық қоғамды дамыту, азаптаудың алдын алу, заңсыз көші-қон, терроризм, есірткі қылмысы, көлеңкелі экономика мен сыбайлас жемқорлыққа қарсы күрес, сот-құқықтық реформалар және Қазақстанның еуропалық конвенцияларға қосылуы мәселелерін талқылады.

Сонымен қатар, қауымдастықтар бостандығы, сөз сөйлеу бостандығы, діни сенім және бейбіт жиналыстардың еркіндігі жөнінде пікір алмасты.

Отырыстардың қорытындысы бойынша Тараптар бірлескен қызметтің келесі қадамдарын белгіледі, сондай-ақ тиісті Хаттамаға қол қойды.

#Заң_мен_Тәртіп

🌐 https://yangx.top/GenPr

Facebook | Instagram | YouTube | Сайт ГП

Солтүстік Қазақстан облысының прокурорлары мемлекеттік қызметшілерді құмар ойындары үшін жұмыстан шығарды
 
Өткен жылғы шілдеде «Сыбайлас жемқорлыққа қарсы іс - қимыл туралы» Қазақстан Республикасының Заңына (бұдан әрі-Заң) толықтырулар енгізілді, соған сәйкес мемлекеттік қызметшілерге құмар ойындар ойнауға тыйым салынады, әйтпесе олар теріс себептермен жұмыстан шығарылуға жатады.
 
Талдау шеңберінде мемлекеттік қызметшілердің құмар ойындарға қатысуы бойынша сыбайлас жемқорлыққа қарсы шектеулерді сақтамау фактілері анықталды.
 
Мәселен, Ақжар ауданы әкімдігінің құрылыс және сәулет бөлімінің бас маманы Заң талаптарын бұза отырып, «1XBET» букмекерлік кеңсесінде жүйелі негізде «ставкалар» қоюды жүзеге асырған.
 
Осындай бұзушылықтар Ұялы ауылдық округі әкімі аппаратының және Ақжар ауданының білім бөлімінің бас мамандарына қатысты анықталды.
 
Прокурорлық қадағалау актілері бойынша жоғарыда аталған лауазымды адамдар жұмыстан босатылды, барлық мемлекеттік қызметшілерге сыбайлас жемқорлыққа қарсы шектеулердің сақталуына қатаң көрсетілді.
 
Қадағалау органы мемлекеттік қызметшілерге сыбайлас жемқорлыққа қарсы шектеулерді сақтамағаны үшін жұмыстан босату түріндегі тәртіптік жауаптылық туралы еске салады және қолданыстағы заңнаманың талаптарын сақтауға шақырады.
 
#Заң_мен_Тәртіп
#Теңқұқылы
 
Солтүстік Қазақстан облысы прокуратурасының сайтына сілтеме: 

https://www.gov.kz/memleket/entities/prokuratura-sko/press/news/details/953812?lang=kk

🌐 https://yangx.top/GenPr

Facebook | Instagram | YouTube | Сайт ГП

Алматы қаласының прокуратурасы мемлекеттің мүддесін қорғады
 
Қала прокуратурасының апелляциялық өтінішхаты бойынша Мамандандырылған ауданаралық экономикалық соттың «Қазарнаулыэкспорт» ШЖҚ РМК-ның «Freedom Finance Insurance» СК» АҚ-ға «Kaz-NJ» ЖШС-ның парашют жабдығын жеткізуге тараптар арасында жасалған мемлекеттік сатып алу жөніндегі шарт шеңберінде орындалмаған міндеттемелері үшін сақтандыру төлемін жүзеге асыру туралы шешімінің күші жойылды.
 
Алматы қалалық сотының Апелляциялық сот алқасы Freedom Finance Insurance СК АҚ-ны 694 млн теңге көлемінде сақтандыру сомасын төлеуге міндеттеу туралы шешім қабылдады.
 
Сол арқылы квазимемлекеттік сектордың материалдық мүдделері қорғалды.
 
Көрсетілген соманы Серіктестік толық көлемде төледі.
 
#Заң_мен_Тәртіп
#ЗАҢменТӘРТІП
 
Алматы қаласы прокуратурасының сайтына сілтеме:

https://www.gov.kz/memleket/entities/prokuratura-almaty/press/news/details/954191?lang=kk

🌐 https://yangx.top/GenPr

Facebook | Instagram | YouTube | Сайт ГП

Түркістан облысының прокурорлары 253 жұмысшының еңбек құқықтарын қорғады
 
Кентау қаласының прокуратурасы еңбек заңнамасының сақталуына қадағалау жүргізу барысында «Эм-Холдинг» ЖШС-нің 2024 жылдың желтоқсан айында 253 жұмысшыға 111,8 млн теңге жалақы қарызы бар екенін анықтады. 
 
Енгізілген прокурорлық қадағалау актісін қарау нәтижесімен жұмысшылардың конституциялық құқықтары қалпына келтіріліп, еңбекақыларының төленуі қамтамасыз етілді.
 
Жол берілген заң бұзушылық үшін ЖШС әкімшілік жауаптылыққа тартылды.
 
Бұл ретте, ЖШС Кентау қаласындағы жылу-электр орталығының қазандықтарын қайта құру жұмыстарын жүргізіп жатқандықтан, прокуратура мердігерлік жұмыстардың тоқтап қалуына жол бермеді.
 
#Заң_мен_Тәртіп
#Заңүстемдігі
 
Түркістан облысы прокуратурасының сайтына сілтеме:

https://www.gov.kz/memleket/entities/prokuratura-turkestan/press/news/details/954942?lang=kk

🌐 https://yangx.top/GenPr

Facebook | Instagram | YouTube | Сайт ГП

Астанада қайта жабдықталған автокөлік салонынан «Sim-Box» мобильді аппараттық кешені тәркіленді
 
Қазіргі заманғы технологиялардың дамуымен бірге «Sim-Box» құрылғыларын пайдалана отырып жасалатын интернет-алаяқтық жағдайлары қарқынды түрде көбейіп келеді.

«Sim-Box» құрылғылары – бұл мобильді нөмірлерді генерациялау немесе алмастыру мақсатында қолданылатын жабдық, ол байланыс операторлары белгілеген шектеулерді айналып өтуге мүмкіндік береді.

Алаяқтар бұл құрылғыларды фишингтік хабарламалар жіберу, жаппай қоңырау шалу, сондай-ақ әртүрлі онлайн-платформаларда жалған нөмірлермен аккаунттар тіркеу үшін пайдаланады. Осылайша, олар өздерінің жеке басын жасырып, заңды қызметтің көрінісін жасауды көздейді.

Астана қаласы прокуратурасының үйлестіруімен полиция Департаментінің киберқылмысқа қарсы іс-қимыл басқармасы қызметкерлерімен жүргізілген жедел-іздестіру іс шаралалары шеңберінде Украина азаматының басқарауындағы «KIA» маркалы автокөлік анықталып, ұсталды (автокөлік айыппұл тұрағына қойылды).

Автокөліктің ішкі салонын тексеру барысында 128 SIM-карта слоттары бар 2 дана «Sim-Box» мобильді аппараттық кешені анықталды, ол қайта жабдықталған автокөлік салонында орналастырылған. Сонымен қатар, әртүрлі ұялы телефон операторларына тиесілі 50 SIM-карта және Wi-Fi роутері алынды.

Осы факт бойынша абоненттiк құрылғының сәйкестендiру кодын өзгертуге арналған бағдарламаларды пайдалану дерегімен сотқа дейінгі тергеп-тексеру басталды (ҚК-тің 213-бап).

Күдіктіге қатысты күзетпен ұстау түріндегі бұлтартпау шарасы қолданылды. Қазіргі уақытта барлық қажетті тергеу іс-шаралары жүргізілуде, оның интернет-алаяқтыққа қатыстылығы тексерілуде.

ЖІШ барысында тағы 2 «Sim-Box» құрылғысы алынды.

Астана қаласының прокуратурасы азаматтарды сақ болып жеке деректерді, оның ішінде қол жетімді кодтарды, парольдер мен банк карталарының реквизиттерін бөтен адамдарға бермеу  қажеттігін ескертеді.  

Егер осындай жабдықты қолдану туралы ақпарат болса, дереу құқық қорғау органдарына хабарласыңыз.
 
#Заң_мен_Тәртіп
 
Астана қаласы прокуратурасының сайтына сілтеме:

https://www.gov.kz/memleket/entities/prokuratura-astana/press/news/details/955106?lang=kk

🌐 https://yangx.top/GenPr

Facebook | Instagram | YouTube | Сайт ГП

Алматы қаласы мен Алматы облысында Үйлестіру кеңесінің отырысы өтті

Екі өңірдің прокурорлары Серік Кәріпбеков пен Берік Адамовтың төрағалығымен мемлекеттік және құқық қорғау органдары басшыларының қатысуымен Үйлестіру кеңесінің отырысы өтті.

Осындай форматта алғаш рет өткізілген кеңес қылмыстың профилактикасы және алдын-алу шараларының тиімділігін арттыру мәселелеріне арналған. Шекара маңындағы аудандардағы қылмыстық құқық бұзушылықтарға ерекше назар аударылды.

Алматыдағы барлық қылмыстардың шамамен 40 %-ын басқа қаладан келгендер жасайтыны, Алматы облысындағы қылмыстардың 25 %-ын түрлі өңірлерден келген адамдар жасайтыны анықталды.

Қылмыстылық деңгейін төмендетуге бағытталған алдын-алу шараларының кешенін қамтитын 2025 жылға арналған криминогендік жағдайды жақсарту жөніндегі бірлескен жоспар ұсынылды.

Отырыс қорытындысы бойынша екі өңірде де құқық бұзушылықтың алдын-алуды күшейтуге және заңдылықты қамтамасыз етуге бағытталған бірқатар шешімдер әзірленді.

Алматы және Алматы облысының қадағалау органдары заңдылықты қамтамасыз ету жөнінде нақты міндеттер қойды.
 
#Заң_мен_Тәртіп
#ЗАҢменТӘРТІП
 
Алматы қаласы прокуратурасының сайтына сілтеме:

https://www.gov.kz/memleket/entities/prokuratura-almaty/press/news/details/956070?lang=kk

🌐 https://yangx.top/GenPr

Facebook | Instagram | YouTube | Сайт ГП