Ақтауда ірі контрабанданың ұйымдастырушысы сотталды
 
Ақтау қалалық соты Қазақстан азаматын қылмыстық топ құрғаны және оған басшылық жасағаны үшін 10 жылға бас бостандығынан айыруға үкім етті. 2016-2018 жылдар аралығында адамдар тобы құрылыс материалдарын жеткіземіз деген желеумен Ираннан Қазақстанға кеден шекарасы арқылы құны 1 млрд теңгеден асатын темекі мен табак тасымалдаған.
 
Қылмыстық топтың ұйымдастырушысы халықаралық іздеуде болып, Әзірбайжан Республикасынан экстрадицияланды. Топтың қалған мүшелері бұған дейін әртүрлі жазалар үшін жауапқа тартылған болатын.
 
Сот үкімі заңды күшіне енген жоқ.
 
#Заң_мен_Тәртіп
#ЗАҢменТӘРТІП
#Заңбәрінеортақ
 
Бас көлік прокуратурасының сайтына сілтеме:

https://www.gov.kz/memleket/entities/gtp/press/news/details/926451?lang=kk

🌐 https://yangx.top/GenPr

Facebook | Instagram | YouTube | Сайт ГП

Мүгедектігі бар адамдардың құқықтарын бұзғаны үшін әуе компаниясы жауапқа тартылды
 
2024 жылдың 3 қарашасында Санкт-Петербург–Aстана рейсімен ұшып келген мүмкіндігі шектеулі кәмелетке толмаған жолаушыға әуе компаниясы тиісті қызмет көрсетпеген.
 
Ұзақ күткен жолаушының әкесі баланы ұшақтан өзі шығаруға мәжбүр болды.
 
Әуе компаниясы қызметкерлерімен мүгедек арбасының қажеттілігі туралы қате хабарламасы уақтылы қызмет көрсетпеудің себебі болды.  
 
Астана авиациялық көлік прокуратурасы ерекше қажеттіліктері бар жолаушының құқықтарының бұзылуы бойынша ықпал етті.
 
Прокуратура актісі бойынша әуе компаниясы тасымалдау ережелерін бұзғаны үшін әкімшілік жауаптылыққа тартылды (Қазақстан Республикасының Әкімшілік құқық бұзушылықтар туралы кодексінің 571-бабының 1-бөлігі).
 
#Заң_мен_Тәртіп
#ЗАҢменТӘРТІП
#Заңбәрінеортақ
 
Бас көлік прокуратурасының сайтына сілтеме:

https://www.gov.kz/memleket/entities/gtp/press/news/details/927247?lang=kk

🌐 https://yangx.top/GenPr

Facebook | Instagram | YouTube | Сайт ГП

Прокурорлар Қазақстан-Қытай шекарасындағы электронды кезек жұмысының кемшіліктерін анықтады
 
Кеден саласы Қазақстанның экономикалық тұрақтылығы мен қауіпсіздігін қамтамасыз ететін негізгі жүйенің бірі болып табылады. Осыған байланысты аталған саладағы заңнаманың сақталуын қадағалау көлік прокуратурасы жұмысының басым бағыттарының бірі болып табылады.
 
Жүргізілген талдау Қазақстан-Қытай шекарасында электронды кезектің жұмысында кемшіліктерді көрсетті. Осылайша, «CarGoRuqsat» платформасы АКҚ тіркеместен кезекті формалды брондауға мүмкіндік берген, бұл бос слоттардың жетіспеушілігіне және көлеңкелі нарыққа әкеліп соқты.
 
Прокуратураның араласуынан кейін кезекті брондаудың қулық әдісі жойылып, жағдай жақсарды, бұл шекарадан өту процесін ашық және қолжетімді етті.
 
Сонымен қатар, «Қорғас» кеден бекетінде бақылау процедурасы қайта қаралды және адам факторының әсерін барынша азайтатын «КеденШЫХО» жүйесі енгізілді.
 
Шекараны бақылауды жақсарту бойынша жұмыс жалғасуда, прокуратура жағдайды жақсарту үшін азаматтар мен бизнесті белсенді қатысуға шақырады.
 
#Заң_мен_Тәртіп
#ЗАҢменТӘРТІП
#Заңбәрінеортақ
 
Бас көлік прокуратурасының сайтына сілтеме:

https://www.gov.kz/memleket/entities/gtp/press/news/details/928317?lang=kk

🌐 https://yangx.top/GenPr

Facebook | Instagram | YouTube | Сайт ГП

Бақылаудағы адам әкімшілік қадағалаудан жалтарғаны үшін сотталды
 
Солтүстік Қазақстан облысының прокуратурасы адамдардың әкімшілік қадағалау талаптарын сақтау мәселелеріне ерекше назар аударады.
 
Осы мақсатта ішкі істер органдарына уақтылы есепке қою талдауы тұрақты негізде жүргізіледі.
 
Талдау барысында ұзақ уақыт бойы бас бостандығынан айыру орындарынан босатылған қадағалаудағы азамат Солтүстік Қазақстан облысы Айыртау ауданы Саумалкөл ауылына бес тәулік ішінде таңдаған тұрғылықты жеріне келмегені анықталды.
 
Осыған байланысты, прокуратура органдарын осы факті бойынша үйлестіру кезінде Айыртау ауданының полиция бөлімі сот белгілеген әкімшілік қадағалаудан жалтарғаны үшін Қазақстан Республикасы Қылмыстық кодексінің 431-бабы бойынша сотқа дейінгі тергеп-тексеруді бастады.
 
Нақты орналасқан жері анықталғаннан кейін азаматқа қатысты қажетті тергеу әрекеттері жүргізілді.
 
Сотқа дейінгі тергеп-тексеру нәтижелері бойынша қылмыстық іс сотқа жіберілді.
 
Айыртау аудандық сотының 2025 жылғы 13 қаңтардағы үкімімен азаматқа қауіпсіздігі ең жоғары қылмыстық-атқару жүйесі мекемесінде 6 ай бас бостандығынан айыру түріндегі жаза тағайындалды.
 
Сотталушы сот залында қамауға алынды.
 
«Бас бостандығынан айыру орындарынан босатылған адамдарды әкімшілік қадағалау туралы» Қазақстан Республикасы Заңының 1-бабына сәйкес әкімшілік қадағалау кәнiгi қылмыстың алдын алу нысаны болып табылады, заңдылықты, азаматтардың құқықтарымен бостандықтарының кепiлдiктерiн сақтау негiзiнде iске асырылады және бас бостандығынан айыру орындарынан босатылған адамдардың тарапынан құқық бұзушылықтардың алдын алу мақсатында заңдармен белгiлi бiр шектеулер қойылған осындай адамдардың мiнез-құлқын байқау түрiндегi мәжбүр ету шарасы ретiнде судьяның қаулысы негiзiнде iшкi iстер органдары жүзеге асырады.
 
Прокуратура органдары бұл міндетті іске асыруды ерекше бақылауда ұстайды.
 
#ЗАҢменТӘРТІП
#Заңбәрінеортақ
 
Солтүстік Қазақстан облысы прокуратурасының сайтына сілтеме: 

https://www.gov.kz/memleket/entities/prokuratura-sko/press/news/details/930258?lang=kk

🌐 https://yangx.top/GenPr

Facebook | Instagram | YouTube | Сайт ГП

Маңғыстау ауданының прокуратурасы балабақшаларда бірқатар бұзушылықтарды анықтады
 
Маңғыстау ауданының прокуратурасы аудандағы мектепке дейінгі білім беру ұйымдарын тексерді.
 
Тексеру барысында санитарлық норма, өрт қауіпсіздігі, еңбек заңнамасы, сондай-ақ білім беру және медициналық қызмет салаларында бұзушылықтар анықталды.
 
Нәтижесінде 111 әкімшілік іс қозғалып, жалпы сомасы 19 млн теңгеден астам айыппұл салынды.
 
Сондай-ақ жекеменшік балабақшамен іс жүзінде балабақшаға бармаған балалар үшін мемлекеттік бюджеттен 6,6 млн теңге заңсыз алғаны анықталды.
 
Қылмыстық кодекстің 190-б. 3-б. 1) т. Бойынша қылмыстық іс тіркеліп, тергеп-тексеру қорытындысымен сотқа жолданды.
 
Нәтижесінде балабақша директорына үкім шығарылды: мектепке дейінгі оқыту мен бала тәрбиелеуді ұйымдастыру саласында қызметпен айналысу құқығынан 2 жылға айыра отырып, 3 жыл мерзімге бас бостандығын шектеу.
 
Сот үкімі заңды күшіне енді.
 
#ЗАҢменТӘРТІП
#ЗаңБәрінеОртақ
#Жауапкершілік
                 
Маңғыстау облысы прокуратурасының сайтына сілтеме:

https://www.gov.kz/memleket/entities/prokuratura-mangistau/press/news/details/931594?lang=kk

🌐 https://yangx.top/GenPr

Facebook | Instagram | YouTube | Сайт ГП

Ақтауда бюджет қаражатын заңсыз иемденген есепшіге қатысты үкім шықты
 
Ақтау қаласының прокуратурасымен балабақшада бюджет қаражатын заңсыз иемденiп алу деректері анықталды.
 
Талдау барысында №39 «Хиуаз бөбекжай» балабақшасының есепшісі директорының атынан банк құжаттарына қол қойып, өзінің есеп-шоттарына мемлекет бюджетінен 9 млн теңгеден астам қаражатты заңсыз аударғаны анықталды.
 
Көрсетілген дерек бойынша сотпен есепшіге қатысты ҚК-тің 189-бабының 3-б. 1) т. үкім шығып, 3 жыл 6 айға мерзімге бас бостандығын шектеу жазасы тағайындалды.
 
#ЗАҢменТӘРТІП
#ЗаңБәрінеОртақ
#Жауапкершілік
                   
Маңғыстау облысы прокуратурасының сайтына сілтеме:

https://www.gov.kz/memleket/entities/prokuratura-mangistau/press/news/details/932385?lang=kk

🌐 https://yangx.top/GenPr

Facebook | Instagram | YouTube | Сайт ГП

«Бейнеуде электр энергиясына қосылу бағасының асыра көрсетілуі: прокуратура бұзушылықты анықтады»

Бейнеу ауданының прокуратурасы «Бейнеуэнергосервис» МКК-ның электр энергиясына қосылу бағасын заңсыз көтеру фактісін анықтады.

Талдау барысында кәсіпорынның тұрғындар мен кәсіпкерлерден электр энергиясына қосылу үшін заңсыз жоғары сомалар алғаны анықталды.

Мысалы, «Ермагамбетова» жеке кәсіпкерінен 160 мың теңгеден астам ақша өндірілген, оның ішінде ғимаратын 380 вольттық электр желісіне қосу үшін 70 мың теңге заңсыз түрде бақыланбайтын шығындар есебінен алынған.

Прокуратураның қадағалау актісі негізінде электр энергиясына қосу шығындары қайта есептелді: тұрғындар үшін қосылу құны 36%, ал кәсіпкерлерге 61% (380 вольт) және 52% (220 вольт) төмендетілді.

Сонымен қатар кәсіпорын басшылығы тарифтердің негізсіз көтерілгені үшін тәртіптік жауаптылыққа тартылды.
 
#Заң_мен_Тәртіп
#ЗаңБәрінеОртақ
 
Маңғыстау облысы прокуратурасының сайтына сілтеме:

https://www.gov.kz/memleket/entities/prokuratura-mangistau/press/news/details/934669?lang=kk

🌐 https://yangx.top/GenPr

Facebook | Instagram | YouTube | Сайт ГП

Cтуденттермен жүздесу арқылы
құқық бұзушылықтың алдын алу
 
«Заң және Тәртіп» идеологиясын жүзеге асыру аясында облыс прокуратурасының бастамасымен Қ.Жұбанов атындағы университетте ашық диалог форматында жоғары және орта арнаулы оқу орындарының 51 мыңнан астам студенттерін бейнеконференцияға қосылу арқылы қамтыған кездесу өтті.

Іс-шараға облыс прокуратурасының қызметкерлері, әкім орынбасары, Полиция департаменті өкілдері және оқу орындарының басшылары қатысты.

Студенттерге есірткінің заңсыз айналымы мен жастарды қылмысқа тартудың салдарын нақты көрсететін «Закладка» атты деректі фильм көрсетілді.

Жастар арасындағы құқық бұзушылықтың алдын алу, есірткінің барлық түрлерінің айналымына қатысты туындайтын жауапкершілік, бопсалау және алаяқтық мәселелері талқыланды.

Облыс прокуратурасы өскелең жас ұрпақтың құқықтық сауаттылығын арттыру және әрбір жастың санасында құқық бұзушылыққа мүлдем төзбеушілік қағидасын нығайту бағытындағы жұмыстарды жалғастыруда.
 
#Заң_мен_Тәртіп
#ЗАҢменТӘРТІП
#Заңбәрінеортақ
 
Ақтөбе облысы прокуратурасының сайтына сілтеме:
 
https://www.gov.kz/memleket/entities/prokuratura-aktobe/press/news/details/938051?lang=kk

🌐 https://yangx.top/GenPr

Facebook | Instagram | YouTube | Сайт ГП

Прокуратура ірі бизнеске қатысты заңсыз тауар тексерулердің жолын кесті  
 
Алматы көлік прокуратурасы ірі салық төлеушілердің атына келген тауарларды кедендік заңсыз тексерудің 37 фактісін анықтады.
 
Тексерулер инспекциялық–қарау кешендерінің істен шығуына байланысты қолданылатын тәуекелдерді басқару жүйесінің тәуекел профильдері негізінде жүргізілген. Бұл бизнес үшін қосымша қаржылық шығындарға әкеледі.
 
Прокурорлық қадағалау актісі бойынша заңсыз тәжірибе тоқтатылды, ал жауапты лауазымды тұлғалар тәртіптік жауаптылыққа тартылды.

#Заң_мен_Тәртіп
#ЗАҢменТӘРТІП
#Заңбәрінеортақ
 
Бас көлік прокуратурасының сайтына сілтеме:

https://www.gov.kz/memleket/entities/gtp/press/news/details/941877?lang=kk

🌐 https://yangx.top/GenPr

Facebook | Instagram | YouTube | Сайт ГП

Электронды темекіні елге әкелгені үшін шетел азаматы бас бостандығынан айырылды
 
Бейнеу ауданының соты шетел азаматын электрондық тұтыну жүйелерін (вейптерді) елге әкелгені үшін ҚР Қылмыстық кодексінің 301-1-бабының 2-бөлігімен кінәлі деп танып, оған 1 жылға бас бостандығынан айыру жазасын тағайындады.
 
Шекара бекетін тексеру барысында автокөліктің жүк салғышында 4 550 дана «WAKAsoPro20000» маркалы электрондық тұтыну жүйелері анықталған.
 
Заңды күшіне енген сот үкімі бойынша көрсетілген тауарлар жоюға жіберілді.
 
Қылмыстық кодекстің 301-1 жаңа бабы темекі бұйымдарының, электрондық тұтыну жүйелерінің (вейптердің), оларға арналған хош иістендіргіштер мен сұйықтықтардың айналымы үшін жауапкершілікті белгілейді.
 
Құқық бұзушылықтың ауырлығына байланысты айыппұл салу, түзеу жұмыстары, қамауға алу немесе екі жылға дейін бас бостандығынан шектеу не айыру жазалары қарастырылған.
 
Маңғыстау облысының прокуратурасы электронды тұтыну жүйелерін сату және тарату қылмыстық жауаптылыққа әкеп соғатынын ескертеді.
 
#ЗАҢменТӘРТІП
#ЗаңБәрінеОртақ
                   
Маңғыстау облысы прокуратурасының сайтына сілтеме:

https://www.gov.kz/memleket/entities/prokuratura-mangistau/press/news/details/942979?lang=kk

🌐 https://yangx.top/GenPr

Facebook | Instagram | YouTube | Сайт ГП

Жасырын жүгі бар жол сөмкесі: есірткі таратушы сотталды
 
Ұлытау облысы бойынша мамандандырылған ауданаралық қылмыстық соты ҚР азаматына қатысты үкім шығарды. Ол есірткі затын – «гашишті» заңсыз өңдеу, сақтау, тасымалдау және аса ірі көлемде сату бойынша айыпталған.
 
Сотталушы тыйым салынған затты тұрмыстық жағдайда дайындап, кейін оны жол сөмкесіне жасырып, жолаушылар пойызымен Жезқазған қаласына жеткізген. Ол есірткіні кейін сатуды жоспарлаған.
 
Сот барысында прокурор айыпталушының кінәсін дәлелдейтін бұлтартпас айғақтар ұсынды. Құқық қорғау органдарының жедел жұмысының арқасында Ұлытау облысы аумағында шамамен 5 килограмм гашиштің таралуына жол берілмеді.  
 
Сот сотталушыға 11 жыл бас бостандығынан айыру жазасын тағайындады.
 
Үкім заңды күшіне енді.
 
#Заң_мен_Тәртіп
#ЗАҢменТӘРТІП
#Заңбәрінеортақ
 
Бас көлік прокуратурасының сайтына сілтеме:

https://www.gov.kz/memleket/entities/gtp/press/news/details/943924?lang=kk

🌐 https://yangx.top/GenPr

Facebook | Instagram | YouTube | Сайт ГП

Батыс Қазақстан облысында департамент басшысы кәсіпкерлік қызметке заңсыз араласқаны үшін жауапқа тартылды
 
Кәсіпкерлердің құқықтарын қорғау Батыс Қазақстан облысы прокуратурасының басты басымдықтарының бірі болып табылады.
 
Қадағалау қызметі барысында 22.01.2025ж. Батыс Қазақстан облысының Техникалық реттеу және метрология департаменті (бұдан әрі – Департамент) техникалық ережелерді бұзғаны үшін «Орал сүт зауыты» ЖШС-ның декларациясын 1 ай мерзімге тоқтата тұру туралы бұйрық шығарды.
 
Облыстық прокуратура жүргізген талдау нәтижелері бойынша жоғарыда аталған бұйрықтың қолданыстағы заңнаманы бұза отырып шығарылғаны және кәсіпкердің қызметін шектейтіні анықталды.
 
Атап айтқанда, Департамент гендік түрлендірілген организмдер арқылы алынған компоненттердің тағамдық өнімдерінде болуы туралы ақпаратты көрсету қажеттілігін көрсетті.
 
Алайда азық-түлік өнімдерінің ерекше белгілерін таңбалау тек ерікті түрде көрсетіледі.  
 
12.02.2025ж. облыстық прокуратураның наразылығы бойынша Департаменттің жоғарыда аталған бұйрығының күші жойылды.
 
Кәсіпкерлік қызметке заңсыз араласқаны үшін Департамент басшысы «Әкімшілік құқық бұзушылық туралы» Кодекстің 173-бабына сәйкес (Лауазымды адамдардың кәсiпкерлiк қызметке заңсыз араласуы) 196 600 теңге айыппұл түріндегі әкімшілік жауапкершілікке тартылды.
 
Осылайша кәсіпкердің құқықтары қалпына келтірілді.
 
#ЗаңменТәртіп
#ЗаңБәрінеОртақ
 
Батыс Қазақстан облысы прокуратурасының сайтына сілтеме:

https://www.gov.kz/memleket/entities/prokuratura-zko/press/news/details/945749?lang=kk

🌐 https://yangx.top/GenPr

Facebook | Instagram | YouTube | Сайт ГП

Түркістан облысында терроризмді насихаттағаны және экстремистік ұйымның қызметіне қатысу арқылы басқару тәртібіне қарсы қылмыстық құқық бұзушылық жасаған  азаматтар сотталды
 
Жамбыл облысының тұрғыны өткен жылдың қазан айында Telegram әлеуметтік желісінде «Ислам үшін» атты парақша ашып, онда заңсыз террористік құрылым ретінде танылған «Мұсылман бауырлар» және «Өзбекстан-исламдық қозғалысы» халықаралық террористік ұйымдарының бейне жазбаларын таратқан.
 
Сол сияқты, Түркістан облысының тұрғыны желтоқсан айында «WhatsApp» және «Facebook» әлеуметтік желілері арқылы бірнеше рет «Хизб-ут-Тахрир» діни экстремистік ұйымының бейнежазбаларын таратқан.
 
Мемлекеттік айыптаушылар сот барысында сотталушылардың кінәсін толық дәлелдеп, бас бостандығынан айыру жазасын тағайындауды сұраған.
 
Терроризмді насихаттаған кінәлі тұлғаларға 7 жыл мерзімге бас бостандығынан айыру жазасы тағайындалып, жазаны қылмыстық-атқару жүйесінің қауіпсіздігі барынша жоғары мекемесінде өтеу тағайындалды.
 
Үкімдер заңды күшіне енген.
 
#Заң_мен_Тәртіп
#Заңбәрінеортақ

Түркістан облысы прокуратурасының сайтына сілтеме:

https://www.gov.kz/memleket/entities/prokuratura-turkestan/press/news/details/949029?lang=kk

🌐 https://yangx.top/GenPr

Facebook | Instagram | YouTube | Сайт ГП

БҚО прокуратурасы субсидияларды мақсатсыз пайдалану фактілерін анықтады
 
Батыс Қазақстан облысы Сырым ауданының прокуратурасы субсидия беру кезінде заңдылықтың сақталуын талдау нәтижелері бойынша 12 миллионға жуық теңге көлемінде бюджет қаражатын теріс пайдалану фактілерін анықтады.
 
Талдау барысында 2023 жылы 11 935 000 теңгеге субсидияланған 1 154 бас малдың сақталу мерзімі қамтамасыз етілмей, ауыл шаруашылығы жануарларын бірдейлендіру жөніндегі дерекқорынан есептен шығарылғаны анықталды.
 
Мысалы, ауыл шаруашылық өндірістік кооперативі 04.05.2023ж. 383 асыл тұқымды ірі қараға 3 830 000 теңге көлемінде субсидия алып, оларды біржылдың ішінде дерекқордың есебінен шығарған.
      
Ал 15.03.2019ж. Ауыл шаруашылығы министрінің бұйрығымен бекітілген Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларына сәйкес мал басының жыл бойы сақталуы (мал шығынының зоотехникалық нормасын қоспағанда) қамтамасыз етілуі міндеттелген. 
 
Осының салдарынан мемлекетке 11 935 000 теңге көлемінде материалдық шығын келтірілді.
 
Заңды бұзу фактілері бойынша құзыретті органға тиісті қадағалау актісі енгізілді, қарау сатысында. 
 
#ЗАҢменТӘРТІП
#Жауапкершілік
#ЗаңБәрінеОртақ
 
Батыс Қазақстан облысы прокуратурасының сайтына сілтеме:

https://www.gov.kz/memleket/entities/prokuratura-zko/press/news/details/950227?lang=kk

🌐 https://yangx.top/GenPr

Facebook | Instagram | YouTube | Сайт ГП

92 миллион теңгеге азаматтарды алдаған алаяқ сотталды
 
Түркістан облысында алаяқ 2023-2024 жылдар аралығында 23 жәбірленушіні Оңтүстік Корея мемлекетіне еңбек қызметін жүзеге асыру үшін жұмыс визасын жасап беремін деп алдау арқылы 92 020 000 теңге жымқырған.
 
Сот барысында мемлекеттік айыптаушы сотталушының кінәсін толық дәлелдеді.
 
Өз кезегінде алаяқ 6 жыл мерзімге бас бостандығынан айырылды, сондай-ақ 23 жәбірленушілердің азаматтық талап қоюлары қанағаттандырылды.
 
Сот үкімі заңды күшіне енген жоқ.
 
#Заң_мен_Тәртіп
#Заңбәрінеортақ
 
Түркістан облысы прокуратурасының сайтына сілтеме:

https://www.gov.kz/memleket/entities/prokuratura-turkestan/press/news/details/952805?lang=kk

🌐 https://yangx.top/GenPr

Facebook | Instagram | YouTube | Сайт ГП

Сот «Каскор-Транссервис» АҚ-на магистральдық ТЖ желісін мемлекеттік меншікке беруді міндеттеді
 
Бас көлік прокуратурасы жеке компанияның Маңғышлақ станциясынан Ақтау теңіз портына дейінгі магистральдық теміржол жолдарын иелену фактісін анықтады.

Қолданыстағы заңнамаға сәйкес магистральдық теміржол жолдары мемлекет меншігінде болуы керек.

Аталған объектілердің стратегиялық маңыздылығын және оларды мемлекет меншігіне қайтару қажеттігін ескере отырып, прокуратураның қадағалау актісі бойынша көлік министрлігі сотқа талап арызбен жүгінді.

Маңғыстау облысының мамандандырылған ауданаралық экономикалық сотының 14.03.2025 жылғы шешімімен талап арыз толық көлемде қанағаттандырылды.

Бұл шешім Қазақстанның көлік инфрақұрылымының тұрақты дамуын қамтамасыз етудегі маңызды қадам болып табылады және мемлекеттің темір жол желісінің негізгі объектілерін бақылауына кепілдік береді.
 
#Заң_мен_Тәртіп
#ЗАҢменТӘРТІП
#Заңбәрінеортақ
 
Бас көлік прокуратурасының сайтына сілтеме:

https://www.gov.kz/memleket/entities/gtp/press/news/details/956712?lang=kk

🌐 https://yangx.top/GenPr

Facebook | Instagram | YouTube | Сайт ГП