Елордалық прокуратураның шараларымен көпбалалы отбасыларға арналған 15 пәтер мемлекетке қайтарылды
 
Сот актілерін зерделей отырып, прокуратура мемлекеттік сатып алу туралы шарттардың орындалуына талдау жасады.
 
Құрылыс салушы көпбалалы жанұяларға арналған 15 пәтерді уәкілетті органның балансына беру бойынша шарттық міндеттемелерді 2022 жылдан бері орындамағаны анықталды.
 
Прокурорлық қадағалау актісі бойынша 10 пәтер конкурс өткізу және кейіннен көп балалы отбасыларды қамтамасыз ету үшін уәкілетті органның балансына табысталды, 5 пәтер тапсыру сатысында.
 
Кінәлі лауазымды тұлға тәртіптік жауапкершілікке тартылды.
 
#ЗаңжəнеТəртіп
#Әділдік
#Теңқұқылы
#АдалАзамат
                                                 
Астана қаласы прокуратурасының сайтына сілтеме:

https://www.gov.kz/memleket/entities/prokuratura-astana/press/news/details/907353?lang=kk

🌐 https://yangx.top/GenPr

Facebook | Instagram | YouTube | Сайт ГП

Шымкентте жер учаскелері мемлекетке қайтарылды
 
Шымкент қаласының прокуратурасы заңсыз табысталған жер учаскелерін анықтау және қайтару бойынша жүйелі түрде жұмыс жүргізуде.
 
Жергілікті атқарушы орган заң талаптарын бұза отырып, жерді пайдалану мерзімін заңсыз ұзартқан.
 
Сондай-ақ жосықсыз тұлғалардың жалған құжаттар негізінде жерді заңдастыру фактілері анықталды.
 
Жалпы алғанда, 2024 жылдың басынан бері қадағалау актілерін қарау нәтижесінде кадастрлық құны 747 млн теңгеден асатын жалпы алаңы 158,6 га құрайтын жер мемлекетке қайтарылды, олар заңды экономикалық айналымға тартылатын болады.
 
Бұзушылықтарға жол бергені үшін 4 лауазымды тұлға тәртіптік жауаптылыққа тартылды.
 
Осы бағыттағы жұмыстар жалғасуда.
 
#Теңқұқылы
 
Шымкент қаласы прокуратурасының сайтына сілтеме:

https://www.gov.kz/memleket/entities/prokuratura-shymkent/press/news/details/908636?lang=kk

🌐 https://yangx.top/GenPr

Facebook | Instagram | YouTube | Сайт ГП

Солтүстік Қазақстан облысының прокурорлары жұмысшылардың конституциялық құқықтарын қорғады
 
Жүргізілген талдау шеңберінде қадағалау органы жұмысшылардың жалақысынан әлеуметтік төлемдерді негізсіз ұстау түрінде өрескел бұзушылықтарды анықтады.
 
Осылайша, Тайынша әлеуметтік қызмет көрсету орталығының лауазымды тұлғалары Еңбек кодексінің 115-бабының талаптарына қайшы, ынталандыру ақыларын төлеу үшін 20 қызметкерден 2 миллион теңге көлемінде жалақыны ұстап қалған.
 
Дәл осындай жұмысшылардың құқықтарының бұзылуы Олимпиадалық резервтегі дайындық орталығында, М.Жұмабаев ауданының балалар мен жасөспірімдер спорт мектебінде және облыстық әкімдіктің денсаулық сақтау басқармасында анықталды.
 
Прокурорлық қадағалау актісі бойынша кінәлі лауазымды тұлғалар тәртіптік жауапкершілікке тартылып, заңсыз ұсталған сомалар қайтарылды.
 
Қабылданған шаралардың нәтижесінде 23 жұмысшының құқығын қорғауға мүмкіндік берілді.
 
Жалпы, биылғы жылдың басынан бері қадағалау органы 2462 қызметкердің конституциялық құқықтарын қорғады.
 
Еңбек заңнамасын сақтау мәселесі облыс прокуратурасының ерекше бақылауында.
 
#Заң_мен_Тәртіп
#Теңқұқылы
 
Солтүстік Қазақстан облысы прокуратурасының сайтына сілтеме: 

https://www.gov.kz/memleket/entities/prokuratura-sko/press/news/details/915321?lang=kk

🌐 https://yangx.top/GenPr

Facebook | Instagram | YouTube | Сайт ГП

Шымкент қаласында құрылыс компаниялары жауапкершілікке тартылды
 
Қалалық прокуратура тұрғын үй құрылысына үлескерлердің қаражатын тарту мақсатында заңсыз жарнама жасаған 4 компанияларды анықтады.
 
Прокурорлық қадағалау актісі бойынша кінәлілер ҚР ӘҚБтК 320-бабының 1-бөлігі (үлестік қатысу туралы заңнаманы бұзу) негізінде әкімшілік жауапкершілікке тартылып, 3 млн теңге айыппұл салынды.
 
Қала тұрғындарына үлестік құрылысқа қатыспас бұрын құрылыс компанияларының лицензиялары мен рұқсат құжаттарының бар-жоғын тексеріп, олардың құжаттарының дұрыстығына көз жеткізуге кеңес беріледі.
 
Үлескерлердің құқықтарын қорғау прокуратура органдары қызметінің басым бағыттарының бірі болып табылады.
 
 #ЗАҢменТӘРТІП
#Теңқұқылы
 
Шымкент қаласы прокуратурасының сайтына сілтеме:

https://www.gov.kz/memleket/entities/prokuratura-shymkent/press/news/details/916426?lang=kk

🌐 https://yangx.top/GenPr

Facebook | Instagram | YouTube | Сайт ГП

Инвесторлардың құқықтарын қорғау – прокуратура қызметінің
басым бағытының бірі
 
Елорда прокуратурасы инвестициялық жобаларды сүйемелдеу жұмысын тұрақты негізде жүргізуде.

2020 жылдан бастап Астанада «Еркетай» ЖШС (бұдан әрі-Инвестор) 90 жұмыс орнын құрайтын жалпы сомасы 1,3 млрд теңгенің «Балабақшасы бар мектеп салу» инвестициялық жобасын жүзеге асыруда.

Оның құрылысы аяқталғаннан кейін уәкілетті орган инвесторға объектіні пайдалануға рұқсат беруден бас тартқан.

Бұл шешім жобаның техникалық күрделі объект ретінде қате жіктелуіне байланысты қабылданып, мемлекеттік сараптамадан өтуді талап еткен.

Елорда прокуратурасының қадағалау актісін қарау нәтижелері бойынша инвестор рұқсат беру құжаттарын алып, объект пайдалануға берілді.

Сонымен қатар кінәлі тұлғалар жауапқа тартылды.

Инвесторларда проблемалық мәселелер туындаған жағдайда бизнес пен инвесторлардың құқықтарын қорғау жөніндегі Мобильді топқа 8-747-216-15-58 телефоны арқылы жүгіне алатынын еске саламыз.
 
#Заң_мен_Тәртіп
#Әділдік
#Теңқұқылы
 
Астана қаласы прокуратурасының сайтына сілтеме:

https://www.gov.kz/memleket/entities/prokuratura-astana/press/news/details/916060?lang=kk

🌐 https://yangx.top/GenPr

Facebook | Instagram | YouTube | Сайт ГП

Шымкентте отбасылық жанжал
шығарушы жауаптылыққа тартылды
 
Шымкент қалалық сотының үкімімен 33 жастағы қала тұрғыны заңды некедегі жұбайына дене жарақаттар салғаны үшін 6 тәулікке қамаққа алынды.
 
Оның әрекеті Қазақстан Республикасының Қылмыстық кодексінің 109-1-бабының 1-бөлігімен (Ұрып-соғу) сараланды.
 
Сотта жәбірленуші күйеуінің қызғаныштан бірнеше рет ұрып-соққанын көрсетті.    
 
Айта кетейік, Қылмыстық кодекске енгізілген өзгерістер мен толықтыруларға сәйкес бұл бап әкімшілік құқық бұзушылық санатынан қылмыстық теріс қылық санатына ауыстырылып, жазаны қатаңдатуға мүмкіндік берді.
 
Егер сіз немесе сіздің танысыңыз осындай жағдайға тап болса, бей-жай қарамаңыз және полицияға міндетті түрде хабарлауды ұмытпаңыз. Құқық қорғау органдары зардап шеккендерге заң аясында көмек көрсетіп, қорғау шараларын қабылдауға дайын.
 
#Теңқұқылы

Шымкент қаласы прокуратурасының
сайтына сілтеме:

https://www.gov.kz/memleket/entities/prokuratura-shymkent/press/news/details/921453?lang=kk

🌐 https://yangx.top/GenPr

Facebook | Instagram | YouTube | Сайт ГП

ШҚО тұрғыны көрсетілген қырағылық үшін 305 мың теңге алды
 
«STOP есірткі!» жобасы азаматтық қоғамды есірткінің таралуына қарсы күреске белсенді түрде тартуға бағытталған және есірткі құқық бұзушылықтары туралы шынайы ақпарат берген азаматтарға ақшалай сыйақы төлеуді көздейді.
 
Биылғы қаңтар айында облыс прокуратурасына есірткі таратылу фактісі туралы алғашқы белгі келіп түсті. Жүргізілген іс-шаралар нәтижесінде 60 гр астам синтетикалық есірткі тәркіленген азамат анықталды. Сот-химиялық сараптама қорытындысы бойынша тәркіленген зат α-пирролидиновалерофенон (α-PVP) психотроптық заты екені анықталды.
 
Құқық бұзушы ұсталып, уақытша ұстау изоляторына қамауға алынды.
 
Берілген ақпарат үшін хабарлаған азаматқа 305 мың теңге көлемінде ақшалай сыйақы төленді.
 
Еске саламыз, пилоттық жобаны жүзеге асыру 4 жақты Меморандум негізінде жүзеге асырылуда, бұл Меморандум прокуратура, Полиция департаменті, облыс әкімдігі және «Парыз» қоры арасында Қазақстан Республикасының қолданыстағы заңнамасына сәйкес жасалған.  
 
Шығыс Қазақстан облысының тұрғындары мен қонақтарына үндеу! Егер сізге есірткі таратылу жағдайлары туралы мәлім болса, 8-771-659-53-22 телефонына немесе «102» арнасына хабарлауыңызды сұраймыз.
 
Жобада қатысқан азаматтарға құпиялылық пен қауіпсіздікке кепілдік беріледі.

#Теңқұқылы 
#ҚұқықтықМәдениет 
 
Шығыс Қазақстан облысының прокуратурасының сайтына сілтеме:
 
https://www.gov.kz/memleket/entities/prokuratura-vko/press/news/details/922286?lang=kk

🌐 https://yangx.top/GenPr

Facebook | Instagram | YouTube | Сайт ГП

Мүмкіндігі шектеулі тұлғаның берешегі есептен шығарылды
 
2014 жылы алаяқтар ерекше қажеттіліктері бар тұлғаның атына автокөлік рәсімдеген.

Жәбірленуші бала кезінен мүгедек болып табылатыны және психоневрологиялық диспансерде есепте тұратыны анықталды.

Қаскүнемдер психикалық ауруды пайдаланып, жәбірленушіні Қостанай облысынан Астана қаласына жеткізіп, алаяқтық жолмен оған 5 млн теңге көлемінде автонесие рәсімдеген.

Есіл ауданы прокуратурасы қылмыстық іс бойынша жәбірленушіні әрекетке қабілетсіз деп тану туралы сотқа талап арыз жолдады.

Сот шешімімен талап арыз қанағаттандырылды.

Нәтижесінде прокуратураның көмегімен он жылдық несиелік қарыз толығымен есептен шығарылды.

Қазіргі уақытта қылмыс жасаған адамдарды анықтау бойынша жедел-тергеу шаралары жүргізілуде.

Халықтың әлеуметтік осал топтарының құқықтарын қорғау мәселесі елорда прокуратурасының тұрақты бақылауында.
 
#Заң_мен_Тәртіп
#Әділдік
#Теңқұқылы

Астана қаласы прокуратурасының сайтына сілтеме:

https://www.gov.kz/memleket/entities/prokuratura-astana/press/news/details/922184?lang=kk

🌐 https://yangx.top/GenPr

Facebook | Instagram | YouTube | Сайт ГП

Шымкентте прокуратура жұмысшылардың зейнетақы құқықтарын қалпына келтірді
 
Шымкент қаласының прокуратурасы зейнетақы заңнамасының сақталуына талдау жүргізді.
 
2024 жылдың 1 қаңтарынан бастап Әлеуметтік кодекстің жаңа ережелері қолданысқа енгізілді, оларға сәйкес жұмыс берушілер қызметкерлердің табысының 1,5% көлемінде зейнетақы қорына қосымша төлеуге міндетті.
 
Алайда талдау көрсеткендей көптеген жұмыс берушілер бұл құқықтық нормаларды сақтамаған, атап айтқанда 220 компания зейнетақы қорына 720 қызметкерге міндетті жарналарды төлемеген.
 
Енгізілген қадағалау актісінің нәтижесінде қызметкерлердің құқықтары қалпына келтіріліп, жұмыс берушілер зейнетақы қорына 16 млн теңге жарналарын төледі.  
 
#ЗАҢменТӘРТІП
#Теңқұқылы
 
Шымкент қаласы прокуратурасының сайтына сілтеме:

https://www.gov.kz/memleket/entities/prokuratura-shymkent/press/news/details/924897?lang=kk

🌐 https://yangx.top/GenPr

Facebook | Instagram | YouTube | Сайт ГП

Шымкентте есепте тұрған 138 тұлға түзеу мекемесіне қайтарылды
 
«Әділетті Қазақстан» тұжырымдамасын іске асыру аясында қалалық прокуратура пробация есебінде тұрғандарды тексеру бойынша мобильдік топ құрды.

Тексеру барысында мобильдік топпен сотталғандардың сот шешімдері мен үкімдері негізінде қойылған шектеулерді орындамау бойынша 258 заң бұзушылық анықталды.
 
Тексеру қорытындысымен 192 сотталған әкімшілік жауаптылыққа тартылды, 138 сотталғандардың жазасы бас бостандығынан айыру жазасына ауыстырылды.
 
Қалалық прокуратура қайталанатын қылмыстардың алдын алу үшін профилактикалық жұмыстарды тұрақты түрде жүргізуде.
 
#Заң_мен_Тәртіп
#Теңқұқылы
 
Шымкент қаласы прокуратурасының сайтына сілтеме:

https://www.gov.kz/memleket/entities/prokuratura-shymkent/press/news/details/927477?lang=kk

🌐 https://yangx.top/GenPr

Facebook | Instagram | YouTube | Сайт ГП

Шымкентте 16 жылдан астам уақыт бойы іздеуде жүрген тұлға ұсталды
 
Шымкент қаласы прокуратурасының үйлестіруімен Полиция департаментінің жүргізген жедел-іздестіру іс-шараларының нәтижесінде ҚР ҚК-нің 99-бабымен (Адам өлтiру) қылмыстық құқық бұзушылық жасаған тұлға ұсталды.
 
Атап айтқанда, 2009 жылғы 9 қаңтарда «Астория» кафесінің жанында «А» есімді азамат атыс қаруын қолдану арқылы аса ауыр қылмысты жасап, тергеуден жасырынған.
 
Қылмыскер 16 жылдан астам уақыт бойы халықаралық іздеуде болған.
 
Қазіргі уақытта күдікті уақытша ұстау изоляторына қамалды, сотқа дейінгі тергеп-тексеру жүргізілуде.
 
#ЗАҢменТӘРТІП
#Теңқұқылы

Шымкент қаласы прокуратурасының сайтына сілтеме:

https://www.gov.kz/memleket/entities/prokuratura-shymkent/press/news/details/935910?lang=kk

🌐 https://yangx.top/GenPr

Facebook | Instagram | YouTube | Сайт ГП

Шымкентте студенттер есірткімен ұсталды

Шымкент қаласының Абай ауданы прокуратурасының үйлестіруімен құқық қорғау органдарының жүргізген жедел шаралары барысында синтетикалық есірткі заттарын заңсыз айналымға енгізу фактісі әшкереленді.
 
Тінту нәтижесінде есірткі заттарын қалдырумен айналысқан 18 жастағы екі студенттен есірткі дозасы бар 50 байламдары тәркіленді.
 
Олар қала аумағында жасырын жерлерге есірткі заттарын қойып, олардың орналасқан жері туралы мәліметті мессенджер арқылы таратып келген.
 
Күдіктілерге қатысты ҚР ҚК-нің 297-бабымен (есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп-тексеру басталды, оларға бес жылдан он жылға дейiнгi мерзiмге бас бостандығынан айыру жазасы тағайындалуы мүмкін.
 
ҚР ҚПК 201-бабының талаптарына сәйкес өзге ақпарат жариялануға жатпайды.
 
#ЗАҢменТӘРТІП
#Теңқұқылы
 
Шымкент қаласы прокуратурасының сайтына сілтеме:

https://www.gov.kz/memleket/entities/prokuratura-shymkent/press/news/details/935911?lang=kk

🌐 https://yangx.top/GenPr

Facebook | Instagram | YouTube | Сайт ГП

263 млн астам теңгеге мемлекеттің мүддесі қорғалды
 
Прокуратура қызметінің басым бағыттарының бірі мемлекет мүддесін қорғау болып табылады.  
 
Жоғарғы Сот прокурордың 263 миллион теңгеден астам мемлекеттік кірістер органдарының хабарламасын заңсыз деп тапқан апелляциялық соттың қаулысын жою туралы кассациялық өтінішхатын қанағаттандырды.  
 
Осы факті бойынша қала прокуратурасы Қазақстан Республикасы Қылмыстық кодексінің 245-бабының 3-бөлігімен сотқа дейінгі тергеп-тексеруді бастап (ұйымдарға салынатын салықты және (немесе) бюджетке төленетін басқа да міндетті төлемдерді төлеуден жалтару) қылмыстық істі сотқа жолдаған.
 
Сот талқылауы барысында «A» ЖШС-ның басшысы мемлекеттке келтірілген 261 млн теңге залалды өтеген.
 
Соттың үкімімен «A» ЖШС-ның басшысы кінәлі деп танылып, «Қазақстан Республикасы Тәуелсіздігінің отыз жылдығына байланысты рақымшылық жасау туралы» ҚР Заңының талаптарын ескеріп 2 жыл 6 айға шартты түрдегі жазасы тағайындалды.
 
#Заң_мен_Тәртіп
#Теңқұқылы
 
Шымкент қаласы прокуратурасының сайтына сілтеме:

https://www.gov.kz/memleket/entities/prokuratura-shymkent/press/news/details/953791?lang=kk

🌐 https://yangx.top/GenPr

Facebook | Instagram | YouTube | Сайт ГП

Солтүстік Қазақстан облысының прокурорлары мемлекеттік қызметшілерді құмар ойындары үшін жұмыстан шығарды
 
Өткен жылғы шілдеде «Сыбайлас жемқорлыққа қарсы іс - қимыл туралы» Қазақстан Республикасының Заңына (бұдан әрі-Заң) толықтырулар енгізілді, соған сәйкес мемлекеттік қызметшілерге құмар ойындар ойнауға тыйым салынады, әйтпесе олар теріс себептермен жұмыстан шығарылуға жатады.
 
Талдау шеңберінде мемлекеттік қызметшілердің құмар ойындарға қатысуы бойынша сыбайлас жемқорлыққа қарсы шектеулерді сақтамау фактілері анықталды.
 
Мәселен, Ақжар ауданы әкімдігінің құрылыс және сәулет бөлімінің бас маманы Заң талаптарын бұза отырып, «1XBET» букмекерлік кеңсесінде жүйелі негізде «ставкалар» қоюды жүзеге асырған.
 
Осындай бұзушылықтар Ұялы ауылдық округі әкімі аппаратының және Ақжар ауданының білім бөлімінің бас мамандарына қатысты анықталды.
 
Прокурорлық қадағалау актілері бойынша жоғарыда аталған лауазымды адамдар жұмыстан босатылды, барлық мемлекеттік қызметшілерге сыбайлас жемқорлыққа қарсы шектеулердің сақталуына қатаң көрсетілді.
 
Қадағалау органы мемлекеттік қызметшілерге сыбайлас жемқорлыққа қарсы шектеулерді сақтамағаны үшін жұмыстан босату түріндегі тәртіптік жауаптылық туралы еске салады және қолданыстағы заңнаманың талаптарын сақтауға шақырады.
 
#Заң_мен_Тәртіп
#Теңқұқылы
 
Солтүстік Қазақстан облысы прокуратурасының сайтына сілтеме: 

https://www.gov.kz/memleket/entities/prokuratura-sko/press/news/details/953812?lang=kk

🌐 https://yangx.top/GenPr

Facebook | Instagram | YouTube | Сайт ГП

Шымкентте аса ірі мөлшерде жалған шот-фактура жазған компанияның директоры сотталды
 
Прокуратура қызметінің басым бағыттарының бірі ол көлеңкелі экономикаға қарсы тұру болып табылады.  
 
Қала прокуратурасы салық заңнамасының сақталуына және көлеңкелі экономикаға қарсы тұру саласындағы заңдылықтың жағдайына тексеріс жүргізді.
 
Тексеріс нәтижесінде «A» ЖШС құрылыс компаниясы іс жүзінде жұмыстар орындамай, тауарларды тиеп - жөнелтпей жалған шот-фактура жазған фактілері анықталды.
 
Сонымен қатар компания жұмысшыларына зейнетақы, әлеуметтік және жеке табыс салығын төлемеген.
 
Нәтижесінде мемлекетке 640 миллион теңгеге залал келтірілді.
 
Қала прокуратурасы осы факті бойынша Қазақстан Республикасы Қылмыстық кодексінің 216-бабының 3-бөлігіне (аса ірі мөлшерде іс жүзінде жұмыстар орындалмай, қызметтер көрсетілмей, тауарлар тиеп-жөнелтілмей шот-фактура жазу бойынша әрекеттер жасау) сәйкес сотқа дейінгі тергеп-тексеруді бастап, істі сотқа жолдады.
 
14.02.2025ж. сот үкімімен «A» ЖШС-ның директорына 3 жыл мерзімге бас бостандығынан айыру жазасытағайындалды.
 
#Заң_және_Тәртіп
#Теңқұқылы
 
Шымкент қаласы прокуратурасының сайтына сілтеме:

https://www.gov.kz/memleket/entities/prokuratura-shymkent/press/news/details/957837?lang=kk

🌐 https://yangx.top/GenPr

Facebook | Instagram | YouTube | Сайт ГП

Ведомствоаралық топтар әрекететуде: профилактика және тәртіп
 
Облыстық прокуратураның ұйымдастыруымен пробация есебіндегі сотталғандар арасында құқық бұзушылықтың алдын алу мақсатында құзыретті органдардың қатысуымен ведомствоаралық жұмыс топтары құрылды.
 
Жұмыс топтары құрылғаннан бастап 652 сотталғанның тұрғылықты мекен-жайларын аралау арқылы олардың тұрмыс-жағдайлары тексерілді, нәтижесінде 39 сотталған тұрақты жұмыспен қамтылды, 8 сотталған оқуға жіберілді, 73 сотталғанға психологиялық көмек көрсетілді, 1 тұлға тұрғын үймен қамтамасыз етілді және 5 сотталған Бейімдеу орталығына орналастырылды.
 
Әлеуметтік құқықтық көмек ретінде жергілікті атқарушы органдармен 57 сотталғанға бір жолғы жәрдемақылар берілді, қайта әлеуметтендіру ұйымдастыру үшін қаражат қарастырылуда.
 
Есептегі сотталғандардың тұрғылықты мекен-жайын тексеру кезінде белгісіз себептермен үйінде болмаған және өзге де бұзушылықтар жасағаны үшін 45 сотталғанға қатысты сотпен бас бостандығынан айыру жазасына ауыстырылды.
 
Бұған қоса, сотталғандардың қатысуымен 17 ашық сот процестері ұйымдастырылды.
 
Бүгінге олардың арасында қайта қылмыс жасау төмендеді.
 
Бұл бағыттағы жұмыстар облыстық прокуратураның қадағалауында.
 
#Заң_мен_Тәртіп
#Теңқұқылы              
 
Маңғыстау облысы прокуратурасының сайтына сілтеме:

https://www.gov.kz/memleket/entities/prokuratura-mangistau/press/news/details/980982

🌐 https://yangx.top/GenPr

Facebook | Instagram | YouTube | Сайт ГП

Прокурорлар түзеу мекемелеріндегі ресоциализация механизмдерін жетілдіруде
 
Түркістан облысының прокуратурасы № 55 түзеу мекемесіндегі жаза өтеушілердің рухани-мәдени деңгейлерін көтеру,сауаттылықтарын ашу, денсаулықтарын шыңдау мақсатында «Рухани өркендеу – өз бақытыңды табу» жобасын қабылдады.
 
Осы жоба аясында жергілікті атқарушы органдардың қолдауымен мекеменің медициналық бөлімі күрделі жөндеуден өткізіліп, соңғы үлгідегі медициналық аппаратуралармен жабдықталды.
 
Нәтижесінде, бұрын тек облыс орталығында көрсетілетін көптеген медициналық қызметтер түрі мекеме ішінде көрсетілетін болды. Соның ішінде, жеделдік пен қызмет сапасын арттыру мақсатында бейнемедицина және кешенді медициналық ақпараттық жүйесі іске қосылды.
 
Мәдениет үйі ағымдағы жөндеуден өтіп, бейнелеу, қөлөнері мен музыка секциялары ашылды.
 
Оларға 19 дана музыкалық аспаптар, соның ішінде фортепиано, аспаптардың білікті мамандарға арналған арнайы түрлері, 500 кітаптан тұратын кітап қоры, сурет салу құралдары, саздан өнер туындыларын жасау үшін қондырғы сыйға тартылды.
 
Бүгінгі күнгі талапқа сай жабдықталған футбол алаңы жасалып, футбол, волейбол, баскетбол секциялары ашылды.
 
Одан бөлек жаза өтеушілердің жанұя мүшелерімен хабар алмасуды жеңілдетумақсатында таксофондар саны 5-тен 20-ға, Skype 0-ден 5 орынға дейін ұлғайтылды.
 
Қосымша мамандық алу жағдайын арттыру үшін жылыжайда көкөніс өндіру,шаштараз шеберлерін дайындау колледждері ашылды.
Құрылыс материалдарын (шлакоблок, пеноблок, есік шығаратын) шығару, киім тігу цехтары іске қосылды.
 
«Бизнес-бастау» бағдарламасымен 15 жаза өтеушіге түзеу мекемесінен шыққан бойда өз кәсібін ашу үшін қайтарымсыз гранттар алу құқығын беретін сертификаттар тапсырылды.
 
Жасалған жұмыстармен таныстыру мақсатында түзеу мекемесінде футболдан, волейболдан, арқан тартудан, гир көтеруден жарыстар ұйымдастырылып, жаза өтеушілердің күшімен концерттер қойылды.
 
#Теңқұқылы
 
Түркістан облысы прокуратурасының сайтына сілтеме:

https://www.gov.kz/memleket/entities/prokuratura-turkestan/press/news/details/1008597?lang=kk

🌐 https://yangx.top/GenPr

Facebook | Instagram | YouTube | Сайт ГП

Прокуратура жаза өтеушілерді қоғамға қайта бейімдеу жұмыстарын үйлестіруде
 
Түркістан облысы прокуратурасында жергілікті және құзыретті органдардың қатысуымен пробация саласында туындаған мәселелер бойынша кеңейтілген мекемеаралық жиналыс өтті.
 
Бұған дейін пробация саласындағы проблемаларды шешіп, оның қызметін бір жүйеге келтіріп, алға жүргізу мақсатында бірнеше бағыттар ұсынылып, соның ішінде «Жол картасы» қабылданып, әрбір құзыретті органның міндеттері белгіленді.
 
Сондай-ақ, Пробация есебіндегілердің отбасын қолдауға бағытталған Меморандум қабылданды.
 
Қабылданған шаралардың нәтижесінде Келес аудандық әкімшілігі пробация қызметіне бір қызметтік жеңіл автокөлік бөлді.
 
30 жаза өтеушіге өз кәсіптерін бастауға 1,6 млн теңгеден қайтарымсыз гранттар, 55-не «Бастау бизнес» сертификаты берілді.

Облыста 17 «Отбасын қолдау орталықтары» ашылып, 502 электрондық браслет сатып алуға қаржы бөлінді.

Аса ауыр жағдайларға тап болып, шұғыл түрде көмек көрсетуді, тұрғын үймен қамтамасыз етуді қажет ететін 28 отбасы анықталып, соның біреуіне тұрғын үй берілді.
 
Ал, қалғандарына тұрғын үймен қамтамасыз етілгенге дейін жалдамалы тұрғын үй төлемінің 50 пайызы мемлекет есебінен төленетін болды.
 
Жаза өтеушілердің балаларына жазғы маусымдық лагерьге 57 жолдама берілді.
 
Прокуратура жаза өтеушілерді қоғамға бейімдеу олардың әлеуметтік ортаға қалыпты түрде қосылуына ықпал етіп, қайталама қылмыстың алдын алудың тиімді жолы деп санайды.
 
#Теңқұқылы
 
Түркістан облысы прокуратурасының сайтына сілтеме:

https://www.gov.kz/memleket/entities/prokuratura-turkestan/press/news/details/1019448?lang=kk

🌐 https://yangx.top/GenPr

Facebook | Instagram | YouTube | Сайт ГП