#memorandum #bola_huquqlari #huquqiy_savodxonlik

🖇 Mamlakatimizda bolalarning huquqiy bilimlarini hamda huquqiy ong darajasini oshirish, muhimi esa, ularda qonunga hurmat, huquq buzilishi holatlariga nisbatan murosasizlik hissini shakllantirishga qaratilgan manzilli ishlar olib borilmoqda.

📌 Mazkur ishlarni samarasi va ta’sirchanligini oshirish maqsadida bugun Bolalar ombudsmani va Jamoat xavfsizligi universiteti o‘rtasida o‘zaro hamkorlik va anglashuv Memorandumi imzolandi🤝.

📄Memorandumda:

✔️ Bola huquqlari va erkinliklarini himoya qilish va uning qonuniy manfaatlarini ta’minlash sohasida normativ-huquqiy hujjatlarni takomillashtirish, shuningdek bu borada o‘zaro monitoringlar o‘tkazish chora-tadbirlarini amalga oshirish, taklif va tavsiyalar ishlab chiqish;

✔️ Bolalar ta’lim olishiga to‘sqinlik qilayotgan hamda o‘quvchilar o‘rtasida nazoratsizlikni keltirib chiqaruvchi omillarni aniqlash va bartaraf etish bo‘yicha hamkorlikda choralar ko‘rish;

✔️ Voyaga yetmaganlar jinoyatchiligining asl sabablaridan kelib chiqqan holda uning barvaqt oldini olish bo‘yicha fundamental ilmiy amaliy tadqiqotlar o‘tkazish ko‘zda tutilgan.

Bunday hamkorlik bolalar o‘rtasidagi huquqbuzarliklarni oldini olish, ularning huquqiy savodxonligini oshirish borasida o‘zining samarasi va ijobiy natijasini berishiga ishonamiz.

Telegram|Facebook|Instagram|X