#qabul #murojaatlar #bola_manfaati #bolalar_ombudsmani

🗣 Bugun Bolalar ombudsmani bola manfaatlariga oid masalalar yuzasidan qabulga kelgan murojaatchilar bilan navbatdagi uchrashuvini o‘tkazdi.

Jumladan,

🔹ota-ona nikohidan ajralganidan so‘ng bolani kim bilan yashashi masalasini sud belgilagan bo‘lsada, bolaning otasi bilan ko‘rishish huquqi buzilayotganligi hamda bola onaning qarindoshlari tomonidan majburiy og‘ir mehnatga jalb qilinayotganligi yuzasidan;

🔸bolani rasmiy tarzda farzandlikka olgach ko‘p o‘tmay, go‘dakni o‘z qarindoshlari tarbiyasiga topshirib ketib, 7 yil o‘tib hozirda bolani olib ketgan va uning hayoti, sog‘lig‘iga xavf solayotgan vasiyning harakatlari yuzasidan;

🔹O‘zbekiston fuqarosi Birlashgan Arab Amirligida yashab kelgan paytida bola boqib olganligi, hozirda O‘zbekistonga qaytib kelganida bolani shaxsiga oid hujjatlarini rasmiylashtirishdagi muammo yuzasidan;

🔸Nabirasiga onasi tomonidan tan jarohati yetkazilganligi, shu sababli bolaning onasini onalik huquqini cheklashga oid;

🔹mehribonlik uyining sobiq tarbiyalanuvchisi voyaga yetganligi, endilikda turar-joy bilan ta’minlanishda muammolarga duch kelayotganligi yuzasidan;

🔸sud ajrimidan so‘ng bolaning otasi o‘z vaqtida aliment to‘lamayotganligi, sobiq turmush o‘rtog‘iga farzandini undan olib qo‘yishi bilan muntazam ravishda tahdid qilayotganligi sababli bola otasi bilan uchrashgan paytida psixolog yoki vasiylik organi vakili ishtirok etishi so‘rovi va boshqa murojaatlar ko‘rib chiqildi.

💬 Eslatib o‘tamiz, Bolalar ombudsmani Kotibiyati haftaning dushanba-juma kunlari 10:00-12:00 va 15:00-17:00 ga qadar bola manfaatlariga oid murojaatlarni qabul qiladi.

Telegram|Facebook|Instagram|X

#qabul #bola_huquqlari #Bolalar_ombudsmani

🗓️ Bugun Bolalar ombudsmani bola manfaatlariga oid masalalar yuzasidan yoz oyidagi so‘nggi shaxsiy qabulini o‘tkazdi.

🗣️ Qabul davomida:

1️⃣ bolaga onasi tomonidan sodir etilayotgan g‘ayriqonuniy harakatlar, xususan, mutassil qiynash, urish, haqoratlash kabi holatlarga chek qo‘yish maqsadida onalik huquqini cheklashga oid;

2️⃣ bolaga noto‘g‘ri tashhis bo‘yicha tibbiy davolash kursi o‘tkazilgani oqibatida uning ahvoli yomonlashib borayotganligi yuzasidan;

3️⃣ qizining vafotidan so‘ng ayol voyaga yetmagan nevaralarini ularning yaqin qarindoshi sifatida o‘z qaramog‘iga olishga oid nizo yuzasidan;

4️⃣ mehribonlik uyining sobiq tarbiyalanuvchisi voyaga yetib, endilikda turar-joy bilan ta’minlanishda qator muammolarga duch kelayotganligiga oid;

5️⃣ ota-ona ajrimidan so‘ng bolaning otasi va yaqin qarindoshlari bilan ko‘rishish huquqi buzilayotganligi, bola nosog‘lom muhitda tarbiyalanayotganligi va yetarlicha g‘amxo‘rlik ko‘rsatilmasligiga oid;

6️⃣ bolalarga ona tomonidan mutassil ravishda maishiy zo‘ravonlik o‘tkazib kelinganligi, sudda 12 va 13 yoshdagi bolalarning kim bilan yashash masalasi yuzasidan fikrlari inobatga olinmayotganligi yuzasidan;

7️⃣ davlat maktabgacha ta’lim muassasasida o‘qituvchi va direktor tomonidan 1-sinf o‘quvchilariga ruhiy zo‘ravonlik va tazyiq o‘tkazib kelinayotganligi, shuningdek, maktab ma’muriyati tomonidan go‘yoki maktab sharoitini yaxshilash maqsadida ota-onalardan muttasil pul yig‘ilayotganligiga oid;

8️⃣ oilaviy nizo sabab ayol farzandi otasiga va uning yaqin qarindoshlariga ko‘rsatmayotganligiga oid va boshqa masalalar ko‘rib chiqildi.

🖇️ Eslatib o‘tamiz, Bolalar ombudsmani Kotibiyati haftaning dushanba-juma kunlari 10:00-12:00 va 15:00-17:00 ga qadar bola manfaatlariga oid murojaatlarni qabul qiladi.

Telegram|Facebook|Instagram|X

#qabul #bola_masalalari #buzilgan_huquqlar

📖 Bolalar ombudsmani bola manfaatlariga oid masalalarda qabulga kelgan murojaatchilar bilan navbatdagi muloqotini o‘tkazdi.

🖇️ Ko‘rib chiqilgan murojaatlar turlicha bo‘lsada, ularning barchasi bola huquqlarini jiddiy cheklanishiga oid holatlardir.

📍 Shaxsiy qabul davomida:

🔸Livan Respublikasida qolib ketgan farzandini O‘zbekistonga qaytarishga oid;

🔹bolaning o‘z yaqin qarindoshlari bilan ko‘rishish huquqi buzilishi yuzasidan;

🔸bolaga maktab o‘qituvchisi tomonidan o‘tkazilgan jismoniy tazyiq hamda uning oqibatlariga oid va boshqa murojaatlar ko‘rib chiqildi.

O‘rganilgan murojaatlarda bayon etilgan holatlarda bolaning buzilgan huquqlari tiklanishi bo‘yicha amaliy jarayon boshlandi✔️.

Telegram|Facebook|Instagram|X

#qabul #bola_huquqlari #bola_manfaatlari

🗣️ Bugun Bolalar ombudsmani bola manfaatlariga oid murojaatlar yuzasidan navbatdagi shaxsiy qabulini o‘tkazdi.

🖇️ Qabul davomida:

1️⃣ Voyaga yetmagan qizni bexabarligidan foydalanib, yaqin qarindoshi uni o‘z jinoyatiga ko‘makka jalb qilganligi yuzasidan;

2️⃣ Turli asossiz vajlar bilan qizlarini 3 yildan beri maktabga qo‘ymay, ularni ta’limga bo‘lgan huquqini buzayotgan ota-onaga jiddiy chora ko‘rish zarurligiga oid;

3️⃣ Ota-ona ajrimidan so‘ng bolani yashash joyini belgilash va yaqin qarindoshlari bilan uchrashish huquqi buzilayotganligi yuzasidan;

4️⃣ Logoped-defektolog muolajadan so‘ng qo‘pol harakatlar bilan bolaga zarar yetkazganligiga oid;

5️⃣ Oilaviy nizo tufayli ota 3 nafar kichik yoshdagi farzandini olib ketib, ularni onasi bilan ko‘rishishga to‘sqinlik qilayotganligiga oid va boshqa masalalar ko‘rib chiqildi.

Mazkur holatlarni Bolalar ombudsmani o‘z vakolatlari doirasida tizimli ravishda o‘rganishni boshladi☑️.

Telegram|Facebook|Instagram|X

#qabul #bola_manfaatlari #Bolalar_ombudsmani

🖇️ Kuni kecha Bolalar ombudsmani bola manfaatlariga oid murojaatlar bilan kelgan fuqarolarning navbatdagi qabulini o‘tkazdi.

📍Qabulga kelganlar quyidagi masalalar yuzasidan murojaat qildilar:

🔸9 yosh o‘quvchining xulqida jiddiy og‘ishlar bo‘layotganligi, sinfdoshlariga nisbatan nojo‘ya harakatlar qilayotganligi,
uning oilaviy muhiti barqaror emasligi, oqibatda esa boshqa o‘quvchilarning ta’limiga, ruhiyatiga salbiy ta’sir ko‘rsatayotganligi yuzasidan;

🔹sud ajrimidan so‘ng ham bolaning otasi o‘z vaqtida aliment to‘lamayotganligi, otalik majburiyatlarini bajarmayotganligi, mutassil ichkilikbozlikka mubtalo bo‘lganligi sababli uni otalik huquqidan mahrum qilish masalasini o‘rganishga oid;

🔸8-sinf o‘quvchisi darslarni o‘zlashtirmaganligi sababli sinfdan sinfga o‘tmay qolganligi va shu sababli diskriminatsiyaga uchrayotganligidan ruhiy tushkunlikda ekanligiga oid va boshqa masalalar ko‘rib chiqildi.

💬 Eslatib o‘tamiz, Bolalar ombudsmani Kotibiyati haftaning dushanba-juma kunlari 10:00-12:00 va 15:00-17:00 ga qadar bola manfaatlariga oid murojaatlarni qabul qiladi.

Telegram|Facebook|Instagram|X