📌Bugun Ichki ishlar vazirligi Akademiyasida “Qiynoqqa solishga qarshi kurashish: xalqaro amaliyot va milliy tajriba” mavzusidagi ilmiy-amaliy konferensiyada ishtirok etdik.

✅Xalqaro koferensiyada Bosh prokuratura, Inson huquqlari boʻyicha Milliy Markaz, Ombudsman, Bolalar ombudsmani, BMT ning Giyohvandlik va jinoyatchilik boʻyicha boshqarmasi Markaziy Osiyo, Eron va Pokiston boʻyicha mintaqaviy vakili, Konstitutsiyaviy sud, Huquqni muhofaza qilish akademiyasi va qator boshqa mutasaddi idoralar hamda xorijiy turdosh akademiyalar vakillari qatnashdilar.

🚨Aytish kerakki, qiynoqqa solish faktlari asosan huquqni muhofaza qiluvchi organlar faoliyatida kuzatiladi va shubhasiz, bu holatlarga yoʻl qoʻyishni mazkur organlar xodimlarining oʻz vazifasiga, burchiga xiyonati deb baholash mumkin.

❗️Zero ularning asosiy funksiyasi - fuqarolarni himoya qilish boʻla turib, ular qiynoqqa solish kabi taqiqlangan usullardan foydalanib, nafaqat davlat organlari obrusiga putur yetkazadilar, balki fuqarolarning davlatga boʻlgan ishonchini yoʻqolishiga sabab boʻladilar.

✅Aynan shuning uchun ham bu illatning aynan huquqni muhofaza qilish tizimida batamom barham berilishiga oid jarayon uzluksiz davom etishi shart.

🎤Jumladan, anjuman doirasida koʻrib chiqilgan muhim masalalar qatorida Bolalar ombudsmani bolaga nisbatan qiynoqqa solish va boshqa shafqatsiz, gʻayriinsoniy yoki qadr-qimmatni kamsituvchi muomala hamda jazo turlarini qoʻllashning oldini olish boʻyicha yopiq muassasalarda monitoring oʻtkazishi va u yerda saqlanayotgan voyaga yetmaganlarning murojaatlarini koʻrib chiqishi kabi vazifalarga ham yigʻilganlar eʼtibori qaratildi.

Telegram|Facebook|Instagram

🎄Bugun Toshkent shahar prokuraturasida ijtimoiy zaif va migratsiyadan qaytgan fuqarolarimiz oilalari farzandlari uchun bayram tadbiri uyushtirildi.

🇺🇿Dastavval Shahar prokurori E.Yuldashev bolalarni kirib kelayotgan Yangi yil bayrami bilan qutlab, o‘z samimiy tilaklarini bildirdi.

✅Bolalar ombudsmani ham o‘z so’zida bola manfaatlari hamisha davlat va qonun himoyasida ekanligi, bolalarning xavfsiz, farovon xayotini ta’minlash har birimizning asosiy vazifamiz ekanligini ta’kidladi va barcha bolalarni Yangi yil bilan samimiy tabrikladi.

🎁Tadbir dasturi doirasida bolalarga bayram sovg‘alari (shirinliklar va issiq kiyimlar to‘plami) taqdim etilib, qorbobo va qorqiz ishtirokida bayramona ko‘tarinki kayfiyat ulashildi.

🌲Bayram bolalarni poytaxt markazida o‘rnatilgan archa va madaniy ko‘ngilochar maskanlardagi tomoshalarga olib borish bilan davom etdi.

Bugungi bayramona uchrashuvga kelgan bolajonlarni yuzidagi tabassum va ko‘zidagi quvonchni ko‘rish o‘zgacha quvonarlidir.✅

Telegram|Facebook|Instagram