⚡️“Narpayda maktab direktorining oʻrinbosari oʻquvchini kaltakladi” sarlavhasi ostida tarqalgan videodagi holat Bolalar ombudsmani tomonidan oʻrganildi.

🔍Aniqlanishicha, holat joriy yil 20-noyabr kuni boʻlib, Narpay tumani 6-sonli maktabning 8-sinf oʻquvchisi A.X (2010-yilda tugʻilgan oʻgʻil bola) dars vaqtida oʻquv qurollari qolib ketganligi va ularni olib kelish maqsadida mazkur maktabning oʻquv ishlari boʻyicha direktor oʻrinbosari Sh.M (1991-yilda tugʻilgan, ayol) dan ruxsat soʻragan.
Oʻqituvchi ruxsat bermaganligi sababli oʻzaro janjal yuzaga kelib, Sh.M. voyaga yetmagan A.X. ni urishib, uni yuz qismiga urgan va sinfdan chiqarib yuborgan.

❗️Mazkur holat yuzasidan tuman IIB tomonidan A.X ga nisbatan tan jarohati boʻyicha sudga oid tibbiyot ekspertizasi tayinlangan.

✔️Oʻz kasbiy vazifasiga zid bunday harakati uchun oʻquv ishlari boʻyicha direktor oʻrinbosari M.Sh ga MMTB tomonidan “Xayfsan” intizomiy jazosi qoʻllanildi.

Telegram|Facebook|Instagram

✅Kuni kecha Bolalar ombudsmani va YXHT ning Oʻzbekistondagi loyihalar koordinatori hamkorligida “Voyaga yetmaganlarga nisbatan jinoyat sodir etilishini oldini olish” mavzusida davra suhbati tashkil etildi.

🌐Aytish lozimki, albatta, bolalarga nisbatan zoʻravonlik nafaqat Oʻzbekiston uchun, balki jahon miqyosdagi global muammodir.

📌YUNISEFning maʼlumotlariga koʻra, jahonda har 7 daqiqada 1 nafar oʻspirin zoʻravonlik oqibatida hayotdan koʻz yumayapti.

❗️Afsuski, bugungi kunda dunyoda bolalarga nisbatan zoʻravonlik jinoyatlarining turli yangi shakl va uslublari tarqalib bormoqda.
Bunday jinoiy tahdidlarni aniqlash va oldini olish uchun esa huquqni muhofaza qiluvchi organ xodimlari maxsus malaka va yangi koʻnikmalarga ega boʻlishi zarur.

🔴Davra suhbati davomida jinsiy zoʻravonlik jinoyatlarini tergov qilish, jinoyatdan jabrlangan bolalar bilan ishlash va ularning manfaatlarini himoya qilish mexanizmlari yuzasidan maʼlumot berilib, bu borada ilgʻor Finlyandiya tajribasi va mazkur toifadagi ishlarga oid хalqaro operatsion standartlarni Oʻzbekiston milliy amaliyotiga tatbiq etish imkoniyatlari muhokama qilindi.

✅Shuningdek, muloqot davomida bolalarni himoyalash sohasida prokuratura organlari faoliyati hamda bolalarni zoʻravonlikning barcha shakllaridan himoya qilish toʻgʻrisidagi yangi qonun asosida zoʻravonlikning oldini olish choralari va bolalarga nisbatan onlayn tergov yuritishning o‘ziga xos xususiyatlari kabi masalalar YEXHTning xalqaro ekspertlari ishtirokida batafsil koʻrib chiqildi.

Telegram|Facebook|Instagram

Kuni kecha Bolalar ombudsmani bola manfaatlariga oid murojaatlar bilan kelgan fuqarolar navbatdagi qabulini oʻtkazdi.

📍Qabulda quyidagi masalalarga oid murojaatlar koʻrildi:


🔴Voyaga yetmagan farzandi AQSH davlatida tugʻilib, yashayotganligi, hozirda esa ona rasmiy ajrimdan soʻng farzandini oʻz qaramogʻiga olish va bolani yashash joyini belgilash nizosiga oid;

🔴 ota-onasi vafot etgan 13 yashar qiz buvisining vasiyligida ekanligi va yetarlicha nazorat boʻlmaganligi tufayli noqonuniy harakatlarga jalb qilinganligi natijasida vasiylik va homiylik organi buvining qizga nisbatan vasiyligini tugatish chorasi qoʻllanilgan boʻlib, buvi bundan noroziligi va nevarasini oʻzining tarbiyasida qoldirilishiga oid;

🔴3 nafar bolaning buvisi nevaralarining yashash joyini belgilash yuzasidan yuqori instansiya sudida Bolalar ombudsmanining ishtiroki taʼminlanishi yuzasidan;

✅Mazkur holatlarni Bolalar ombudsmani oʻz vakolatlari doirasida tizimli ravishda oʻrganishni boshladi.

Telegram|Facebook|Instagram

📲Ijtimoiy tarmoqlarda tarqalgan Samarqand viloyatida sodir boʻlgan holat yuzasidan

🔴Joriy yilning 13-dekabr kuni K.U (2008-yilda tugʻilgan qiz bola) A.R (2005-yilda tugʻilgan ayol) tomonidan kaltaklangan.

🔎Aniqlanishicha, voyaga yetmagan K.U. goʻyoki A.R. haqida nomaqbul gaplar aytganligini u boshqalardan eshitgach, A.R. istirohat bogʻida qizni yerga yotqizib, yuzi va tanasiga musht urgan, sochidan tortib yerda sudragan va buni atrofdagilar kuzatib turgan.

❗️Mazkur holat yuzasidan Kattaqoʻrgʻon tumani IIB tomonidan tergovga qadar tekshiruv olib borilmoqda.

✅Jarohat darajasini aniqlash maqsadida
K.U. ga nisbatan sud-tibbiyot ekspertizasi tayinlangan.

❗️Voyaga yetmagan qizga nisbatan sodir etilgan bunday zoʻravonlik harakatlariga qatʼiy qonuniy chora koʻrilishi shart!

Bolalar ombudsmani mazkur holat yuzasidan oʻz kuzatuvini davom ettiradi.

Telegram|Facebook|Instagram