#seminar #mahalliy_Kengashlar #Bolalar_ombudsmani

🇺🇿🇺🇿🇺🇿 Bugun Oliy Majlis Senatining Yoshlar, madaniyat va sport masalalari qo‘mitasi tomonidan “O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) to‘g‘risida”gi Qonun ijrosini nazorat qilishda mahalliy Kengashlarning roli” mavzusida seminar bo‘lib o‘tdi.

🖇 Aytish kerakki, hududlarda bolalarning huquqlari, erkinliklari va qonuniy manfaatlarini ta’minlashda mahalliy vakillik organlarining roli katta.

Xususan, mahalliy Kengashlar hokim, prokuror, Ichki ishlar vazirligi hududiy bo‘linmalari rahbarlari, sog‘liqni saqlashni boshqarish hududiy organlari, tuman (shahar) tibbiyot birlashmalari rahbarlarining hisobotlarini eshitadi☑️.

📈Shu o‘rinda tahlillar ko‘rsatmoqdaki, joriy yilning 7 oyi davomida (mart – sentyabr) Bolalar ombudsmani kotibiyatiga ichki ishlar organlarining respublikada bolaga qarshi sodir etilgan jinoyatlarga oid 400 dan ortiq xabarnomasi kelib tushgan bo‘lib, uning deyarli 1/3 qismini yo‘l-transport hodisasi natijasida voyaga yetmaganlarga tan jarohati yetkazilishiga oid holatlar tashkil etgan.

⚪️ Bundan kelib chiqib aytish muhimki, mahalliy kengashlar hududiy davlat organlarining faoliyati to‘g‘risidagi hisobotini eshitish bilan cheklanib qolmasdan, davlat organlarining faoliyatida bola manfaatlarining buzilishiga yo‘l qo‘yilmasligi masalasiga alohida e’tibor qaratishi hamda xato va kamchiliklarni bartaraf etishga oid choralar ko‘rishi lozim.

🗣Seminar davomida yuqoridagi tahlillardan tanqidiy xulosa qilgan holda bola huquqlarini himoyalashga oid ushbu qonunning hududlarda ijrosi deputatlar tomonidan nazorat qilib borilishi muhimligiga alohida e’tibor qaratildi.

Telegram|Facebook|Instagram|X