Бүгүн, балаҕан ыйын 6 күнүгэр VIII төгүлүн ыытыллар "Тобуруокап көмүс күһүнэ" хоһоон көҥүл түһүлгэтэ Нам нэһилиэгэр, саха норуодунай бэйиэтэ Бүөтүр Тобуруокап уһаайбатыгар арылынна.

Бу түһүлгэҕэ 2 күн устата Өрөспүүбүлүкэ араас муннуктарыттан айар куттаахтар түмсэннэр хомоҕой хоһооннорун ааҕан, сынньанан, күөн күрэхтэһэн ыалдьыттыыллар.

Быйылгы тэрээһиҥҥэ өрөспүүбүлүкэ араас муннуктарыттан, уопсайа 13 улуустан хоһоонньуттар муһуннулар.

Хоһооҥҥо бастакы холонуубун Тобуруокап Бүөтүр уһаайбатыттан саҕалаабыппыттан киэн туттабын. Үлэ сырыытынан ыалдьыттаан баран, түһүлгэ ураты тыыныттан иэйиим арыллан 2 хоһоону субурутан суруйаммын долгуйа-долгуйа биллиилээх, уопуттаах хоһоонньуттар дьүүллэригэр аахтым.

Бүгүн 18:00 чаастан Бүлүү эбэ биэрэгэр "Сэмэнээс Даркылааҕар" сыа балыкка муҥха, айылҕаҕа сынньалаҥ киэһэтэ ыытыллар. Сарсын, балаҕан ыйын 7-с күнүгэр "Түөрт строка" хоһоон айыытыгар уонна хоһуйсууга күрэх тэриллэр.

#ТобуруокапКөмүсКүһүнэ
#ПетрТобуруокап
#Нам
#ҮөһээБүлүү