Видео от Екатерина

Видео от Екатерина

🌸🤗Кулун тутар 22-с күнүгэр, үлэлээх-дьаһаллаах Дьөһөгөй Айыыбыт ыйыгар 3-с чиэппэрин түмүктээн 9-11 кылаас кэрэчээн куоларыгар "*Мин норуотум Айыы Куотабын*" көрүү күрэх буолан ааста. Тэрээһин быйыл арыый уратылаах буолла. Ол курдук кылаастан 4 түһүмэххэ 4-түү кыыс араас истииллэри, кыыс оҕо айылҕа маанылаабыт тыыннаах айымньыта буоларын арыйар, нарын, көрүөхтэн кэрэ, тупсаҕай хаамыылары көрдөрдүлэр. Бастакынан сахалыы таҥас-сап, иккиһинэн дьылабыай истиил, үсүһүнэн спорт уонна киэһээҥҥи былаачыйа. Манна аҥардас таҥас-сап эрэ буолбакка хас түһүмэх ахсын ирдэбилгэ сөптөөх, кыыс оҕо хаамыыта, тутта-хапта сылдьыыта, суһуоҕун хомунааһына ирдэннэ. Уопсайа 24 кыыс дьоһуннаахтык бэлэмнэнэн кэлэн, бэйэ кыаҕын тургутан, кэрэхсэбили ыллылар. Көрөр Сүбэҕэ Айыы *Кыһабыт тумус Киһитэ Марк Колесов, Ильина А. А, Попова С. А, Новгородова С. К* олордулар. Кыргыттарга аан тылы арыйан *гимназиябыт дириэктэрэ Лидия Петровна Шамаева* баҕа санаатын тиэртэ. Түмэн оҕо хамсааһынын ыҥырыытынан Катя Черкашина (ЧКРШ) кэлэн, ыллаан-туойан эҕэрдэлээтэ. Хас биирдии кэрэчээн кыыспыт бу түгэҥҥэ тупсаҕайдык туттан, дьэрэкээнник таҥнан-симэнэн кэлэн, күннээҕи олоҕу тупсардылар. Көрүү түмүгүнэн, түһүмэх ахсын биир бастыҥҥа анал ааттар иҥэриннилэр. Ол курдук бастакы түһүмэххэ *Лилияна Дьячковская 11в кыл*, 2-с түһүмэххэ *Долгуйаана Власьева 11в кыл*, үһүскэ *Айыллаана Асхар 10в* кыл уонна төрдүскэ *Виолетта Копырина 9в* кылаас ааттанан *КОР-КОСС* спонсордаабыт корейскай косметика маҕаһыыныттан сертификат туттулар. Кэрэ киэһэни ыытааччылара Айаана Захарова, Артем Иванов буоллулар. Иилээн-салайан ыыттылар, Түмэн оҕо хамсааһына, иитим үлэ хаапыдырата, кылаас салайааччылара. Видеоҕа уһулан, хаартыскаҕа хатаатылар редколлегия куруһуогун иитиллээччилэрэ. Инникитин да кэрэчээн куоларбытыгар ситиһиини, сатабылы баҕарыахха👏❤️Махтал, Таптал, Эрэл👏

Иккис сылын сахалыы тылынан тэриллэр, улахан суолталаах кэмпириэнсийэ үлэтин түмүктээтэ. “Барҕарыы” научнай конференция куораттааҕы түһүмэҕин кыайыылаахтарынан гимназияттан 13 оҕо тахсыбыта. Республиканскай түһүмэххэ 7-с кылаастан үөһээ кыттар буоланнар 7 үөрэнээччи күрэххэ киирбиттэрэ.
Өрөспүүбүлүкэттэн мустубут бастыҥ дакылааттаах үөрэнээччилэри кытта тыҥааһыннаах күрэх ситиһиилээхтик түмүктэннэ. Ол курдук:
1. Кобякова Сайаана, 11 б кылаас үөрэнээччитэ,1 миэстэ, салайааччы Николашкина Евдокия Анатольевна,
2. Корякина Милана , 8 в кылаас үөрэнээччитэ, 2 миэстэ, , салайааччы Липатова Светлана Афанасьевна,
3. Неустроева Сандаара, 9 в кылаас үөрэнээччитэ, 3 миэстэ, салайааччы Николаева Н.А.,
4.Неустроева Алина , 11 в кылаас үөрэнээччитэ, 2 миэстэ, салайааччылара Липатова Светлана Афанасьевна,
5. Иванова Алиса , Дормидонтова Сайыына, 9 а кылаас үөрэнээччилэрэ, 3 миэстэ, салайааччы Слепцова Надежда Егоровна.
Кыайыылаахтарга өссө үрдүк ситиһиилэри, салайааччыларга, оҕолорго эҕэрдэни тириэрдэбит!э

"Айыы Кыһата" национальнай гимназия “Удьуо утум” бырайыагын чэрчитинэн ыытыллар “Идэ куората” тэрээһин 3-с кылаастар икки ардыларыгар ыытылынна. "Айыы Кыьата" национальнай гимназия дириэктэрэ, Л.П.Шамаева «Идэ куората»тэрээһин кыттааччыларыгар баҕа санаатын, эҕэрдэтин тириэртэ.
"Идэ куората" тэрээһин үөрүүлээх
арыллыытын кулун тутар ый алгыһынан, тойугунан арыйдыбыт. Тэрээһин сүрүн соруктарынан оҕо уонна
төрөппүт алтыhар түгэнин үөскэтии, оҕоҕо удьуорунан бэриллибит дьоҕурун таба тайанарыгар, салгыы бэйэтин сатабылын сайыннарарыгар усулуобуйаны тэрийии.
Бука бары кыттааччыларга, оҕо сайдар, үөрэнэр эйгэтигэр тирэх буолар төрөппүттэргэ, учууталларга ситиһиини баҕарабыт!