🌺🌺“Звяздоўцы” свята захоўваюць памяць аб подзвігу сваіх гераічных папярэднікаў. Перад Днём Перамогі кветкі ад Выдавецкага дома “Звязда” ляглі ля помнікаў на плошчы Незалежнасці і на вуліцы Кульман. Памятны знак ля Чырвонага касцёла стаіць на месцы гібелі рэдактара падпольнай “Звязды” Уладзіміра Амельянюка, які пасмяротна быў уганараваны званнем Героя Савецкага Саюза. Помнік на вуліцы Кульман – на месцы дома па былой Выдавецкай вуліцы, дзе ў 1942 годзе прама пад носам у гестапа былі аддрукаваны некалькі нумароў падпольнай “Звязды”, якая пісала праўду аб становішчы на фронце і заклікала бязлітасна змагацца з ворагам.
Мы ганарымся подзвігам “звяздоўцаў” у гады Вялікай Айчыннай вайны і стараемся быць вартымі іх.