🔎Пачынаем дзень са «Звяздой» — з цікавостак!

Чым запомніўся гэты дзень❓

☦️1104 год — мяркуемая дата нараджэння Еўфрасінні Полацкай (мірское імя — Прадслава Святаслаўна). Інакіня і асветніца перыяду Полацкага княства. Пасля дасягнення паўналецця (12 гадоў) яна адмовілася ад дынастычнага шлюбу і пайшла ў манастыр. Пасля пасялілася ў келлі полацкага Сафійскага сабора, дзе ў храмавай скрыпторыі перапісвала, а магчыма, і перакладала кнігі, вяла актыўную міратворчую і асветніцкую дзейнасць. Пабудавала на свае сродкі дзве царквы ў Полацку, заснавала пад Полацкам жаночы і мужчынскі манастыры, якія сталі цэнтрам асветы ў Полацкім княстве (працавалі вучылішчы, бібліятэкі, скрыпторый, багадзельня, верагодна, іканапісная і ювелірная майстэрні). Па яе замове Лазар Богша зрабіў крыж, вядомы як крыж Еўфрасінні Полацкай. Мужчынскаму манастыру падарыла выдатны твор візантыйскага мастацтва — абраз «Маці Божая Адзігітрыя Эфеская». У 1167 годзе памерла ў Іерусаліме, здзяйсняючы туды паломніцтва, і была пахавана ў манастыры Святога Феадосія.

👨🏻‍🔬1905 год — нарадзіўся Веніямін Ісакавіч Вейц, савецкі вучоны ў галіне энергетыкі, член-карэспандэнт АН СССР. Аўтар навуковых прац па даследаванні энергетычных рэсурсаў і іх выкарыстанні, па стварэнні адзінай энергетычнай сістэмы краіны. Распрацаваў асновы энергетычнай статыстыкі. Лаўрэат Дзяржаўнай прэміі СССР.

🏤1935 год — нарадзіўся Жлоба Мікалай Фёдаравіч, беларускі архітэктар. Працаваў у канструктарскім бюро Міністэрства гандлю, у Інстытуце будаўніцтва і архітэктуры АН Беларусі, у «Белкамунпраекце», у «Мінскпраекце». Сярод работ у Мінску: рэканструкцыя парка імя Горкага і тэрыторыя стадыёна «Дынама», архітэктурна-ландшафтныя комплексы ўсходніх раёнаў горада на аснове Сляпянскага водна-паркавага паўкальца і інш. Лаўрэат Дзяржаўнай прэміі СССР.

🚗1769 год — шатландскі інжынер і механік-вынаходнік Джэймс Уат атрымлівае патэнт на сваю паравую машыну.

⚔️1905 год — капітуляцыя крэпасці Порт-Артур у ходзе руска-японскай вайны. Абарона рускімі гэтай крэпасці была самай працяглай бітвай Руска-японскай вайны. Падчас аблогі Порт-Артура шырока ўжываліся такія новыя віды зброі, як 11-дзюймовыя (280-міліметровыя) марціры, хуткастрэльныя гаўбіцы, кулямёты Максіма, загароды з калючага дроту, ручныя гранаты. Па адной з версій, крэпасць Порт-Артур стала месцам нараджэння новай зброі — мінамёта.

📗1932 год — нарадзіўся Умберта Эка, італьянскі вучоны-мэдыевіст, семіётык, філосаф і пісьменнік. Аўтар шэрагу раманаў, навуковых твораў па семіётыцы, па культуры Сярэднявечча, і вялікай колькасці эсэ на грамадска-палітычныя тэмы.

🌉1933 год — у Сан-Францыска (ЗША) распачалося будаўніцтва аднаго з найбольш вядомых у свеце мастоў — Залатыя Вароты. Ён быў самым вялікім вісячым мастом у свеце з моманту адкрыцця ў 1937 годзе і да 1964-га. Даўжыня мосту — 1970 метраў, вышыня апораў — 230. Гэта адзін з самых вядомых мастоў у свеце.

❄️ Сёння падмарозіць да мінус 9 градусаў 🌡

Тэмпература паветра ўначы складзе 3–9 марозу, а максімальная днём складзе ад нуля да мінус 6 градусаў.

zviazda.by

🦠 Успышка халеры зафіксавана ў прыгарадзе сталіцы Зімбабвэ

▫️Прычына — адсутнасць ачысткі вады з адзінай артэзіянскага калодзежу і разліў сцёкавых вод каналізацыі, якія затапілі адкрытыя калодзежы.

Улады вядуць прафілактычыя работы сярод мясцовага насельніцтва і арганізавалі часовы цэнтр аказання дапамогі хворым.

zviazda.by

✍🏻 Краіны ШАС вывучаюць магчымасць лібералізацыі візавага рэжыму

Дзяржавы — удзельніцы Шанхайскай арганізацыі супрацоўніцтва ўдзяляюць асаблівую ўвагу супрацоўніцтву ў сферы турызму. Прыняты план сумесных дзеянняў на 2024-2025 гады. Адным з яго пунктаў з’яўляецца вывучэнне магчымасці лібералізацыі візавага рэжыму.

Гэта значыць, пакуль размова ідзе не аб увядзенні бязвізавага рэжыму для ўсіх дзяржаў — членаў ШАС, а аб яго лібералізацыі, паколькі ў асноўным прадастаўленне бязвізавых рэжымаў цяпер праходзіць на двухбаковай аснове.

zviazda.by

Якой будзе будучая пяцігодка, што катэгарычна не патрэбна пры правядзенні выбараў і аб чым неабходна памятаць давераным асобам 🇧🇾

Новы год устойлівы парадак не парушыў — графік Прэзідэнта нават у перадсвяточныя дні і пасля свята поўны розных мерапрыемстваў.

Топ-5 цытат мінулага тыдня з першых вуснаў — чытайце на zviazda.by 👈🏻

«Белавія» прызнана самай пунктуальнай замежнай авіякампаніяй 🔝

Міжнародны аэрапорт Шарамеццева склаў рэйтынг пунктуальнасці авіякампаній Perfect Timing Awards 2024.

☝🏻Пры ацэнцы ўлічваліся самыя розныя крытэрыі. У прыватнасці, размова ідзе аб пунктуальнасці ў часе прыбыцця і пасадкі, а таксама адпраўлення і ўзлёту.

«Белавія» стала першай у намінацыі «Самая пунктуальная замежная авіякампанія з аб’ёмам звыш 1500 узлётна-пасадачных аперацый» ✈️

zviazda.by

Беларусы сталі браць больш спажывецкіх крэдытаў 💱

🔹Крэдыты на нерухомасць (у пераважнай большасці — на жыллё) перавышаюць суму, якая ўзятая на спажывецкія мэты: 15,8 млрд і 9,6 млрд рублёў адпаведна.

🔹Пратэрмінаваная запазычанасць па крэдытах у цэлым вырасла больш як на 13%.

zviazda.by

Арына Сабаленка стала пераможцай турніру WTA-500 у Брысбене 🏆

У сённяшнім вырашальным паядынку за чэмпіёнскі тытул першая ракетка планеты перамагла расіянку Паліну Кудэрметаву, якая займае 107-ю пазіцыю ў сусветным рэйтынгу, — 4:6, 6:3, 6:2.

Для 26-гадовай Сабаленкі цяперашні тытул стаў 18-м на турнірах пад эгідай WTA 🥇

zviazda.by

🎞 Хвіліна гісторыі з графіка Прэзідэнта.
ℹ️ Аб стварэнні, перспектывах, а яшчэ аб падмурку, на якім стаіць наша будучыня.

🏒 Адкрыццё першага Каляднага турніру.
🥅 Нашы выйгралі ў шведскай каманды з лікам 16:4.
У складзе пераможцаў дзве шайбы закінуў Аляксандр Лукашэнка.

📽 Архіўныя кадры 06 студзеня 1999 года.
Глядзім

«Белпошта» мяняе ўмовы прыёму экспрэс-пасылак 6 і 7 студзеня

▫️У аб’ектах паштовай сувязі Мінска 6 студзеня прыём ажыццяўляецца толькі на адрас гарадоў Брэст, Баранавічы, Бяроза, Пінск, Полацк, Віцебск, Глыбокае, Жлобін, Гомель, Калінкавічы, Мазыр, Ліда, Гродна, Бабруйск, Магілёў, Мінск з дастаўкай на наступны дзень. 7 студзеня прыём ажыццяўляецца з улікам рэжыму работы аб’ектаў паштовай сувязі Мінска ў адрас усіх населеных пунктаў краіны.

▫️У аб’ектах паштовай сувязі абласцей 6 студзеня прыём ажыццяўляецца толькі на адрас гарадоў Брэст, Баранавічы, Бяроза, Пінск, Полацк, Віцебск, Глыбокае, Жлобін, Гомель, Калінкавічы, Мазыр, Ліда, Гродна, Бабруйск, Магілёў, Мінск з дастаўкай на наступны дзень, а 7 студзеня прыём з дастаўкай на наступны дзень не здзяйсняецца.

zviazda.by

Павышэнне ўзроўню мора на метр можа затапіць найбуйнейшыя нафтапорты

📌Даследаванне шведскай кліматычнай арганізацыі International Cryosphere Climate Initiative (ICCI) выявіла, што 13 партоў у розных краінах, уключаючы Кітай, Нідэрланды, ААЭ, Рэспубліку Карэю, Расію, Саудаўскую Аравію, Сінгапур і ЗША, знаходзяцца пад пагрозай.

Навукоўцы папярэдзілі, што павышэнне ўзроўню мора на адзін метр стане непазбежным у гэтым стагоддзі. Калі не будуць прыняты меры па скарачэнні вугляродных выкідаў, гэты сцэнарый можа ажыццявіцца ўжо да 2070 года.

☝🏻Аднак у ICCI папярэдзілі, што ў катастрафічным сцэнарыі ўзровень мора можа падняцца на тры метры ўжо ў першай палове 2100-х гадоў.

zviazda.by

Ратавальнікі нагадалі аб фактарах небяспекі на дарогах падчас галалёдзіцы 🧊

📌Фактары небяспекі ў такое надвор’е: цяжкасць руху транспарту, павелічэнне верагоднасці ўзнікнення дарожна-транспартных здарэнняў, рызыка траўматызму насельніцтва.

Ратавальнікі звяртаюцца да грамадзян з просьбай быць уважлівымі і акуратнымі падчас перамяшчэння.

zviazda.by

🔥Прэзідэнт павіншаваў першую ракетку свету Арыну Сабаленку.
З упэўненай перамогай у Брысбене і яркім пачаткам сезона.

👉🏼 І пажадаў: захаваць чэмпіёнскі настрой. І поспехаў у новым годзе на турнірах Вялікага шлема.

У Карэліі перавярнуўся аўтобус з турыстамі 🚨

Агульная колькасць чалавек у аўтобусе — 43.

Медыкі аказваюць дапамогу 14 пацярпелым у ДТЗ з турыстычным аўтобусам каля пасёлка Ляскеля. Дзесяць чалавек дастаўлены ў Піткяранцкую ЦРБ, у тым ліку двое ў цяжкім стане — у рэанімацыі. У Сартавальскай ЦРБ дапамога аказана чацвярым, двое з іх шпіталізаваны ў стане сярэдняй цяжкасці.

zviazda.by