“Senator va bolalar” uchrashuvi

⚡️Kuni kecha Oliy Majlis Senati binosida “Yoshlar forumi – 2024” doirasida “Bolalar harakati” hududiy sardorlar kengashi a’zolari bilan “Senator va bolalar” uchrashuvi bo‘lib o‘tdi.

Mazkur uchrashuvda Yoshlar, xotin-qizlar, madaniyat va sport masalalari qo‘mitasi raisi Orzigul Kozixonova, senator Malika Qodirxanova va O‘zbekiston bolalar tashkiloti rahbari Xasanboy Nabiyev ishtirok etishdi.

💬Ochiq va samimiy o‘tgan uchrashuv davomida senatorlar yosh avlod uchun yaratilayotgan imkoniyatlar haqida so‘z yuritib, ulardan samarali foydalanish muhimligini ta’kidlashdi. Yosh sardorlar esa o‘zlarini qiziqtirgan savollariga javob olib, o‘z g‘oyalarini muhokama qilish imkoniyatiga ega bo‘lishdi.

Ushbu uchrashuv yosh avlod va senatorlar o‘rtasidagi muloqotni kuchaytirib, bolalarning fikr-mulohazalari tinglanadigan muhim maydon bo‘lib xizmat qildi.

#Yoshlarforumi2024 #Sardorlaruchrashuv

Bizning sahifalarimiz:
🕊Telegram 📱Instagram 📱Facebook 📺YouTube

Sardorlar saylovi qizg‘in pallaga kirdi!

⚡️“Yoshlar forumi – 2024” doirasidagi “Bolalar harakati” sardorlar saylovi final bosqichi qizg‘in davom etmoqda. Kuni kecha sardorlarimiz poytaxtimizdagi Yoshlar ijod saroyida “Media va IT” hamda “Yashil makon” yo‘nalishlarida kreativ yondashuv va bilimlarini sinovdan o‘tkazishdi.

Bugun esa sardorlar saylovi “Sport va salomatlik”, “Ta’lim”, “Imkon”, “San’at” va “Bosh sardor” yo‘nalishlarida davom etadi.

📺Qizg‘in bellashuvlarga boy jarayonlarni “Mening yurtim” telekanalining YouTube sahifasi orqali jonli efirda kuzatishingiz mumkin!

📹 https://www.youtube.com/watch?v=a9-8bkH1dC8

#Yoshlarforumi2024 #Sardorlarsaylovi

Bizning sahifalarimiz:
🕊Telegram 📱Instagram 📱Facebook 📺YouTube

Nukus shahrida “Ochiq eshiklar kuni”

⚡️Respublikamiz bo‘ylab davom etayotgan “Yoshlar forumi – 2024” doirasida Nukus shahridagi Yoshlar ishlari agentligi boshqarmasida “Ochiq eshiklar kuni” tashkil etildi.

“Xalqaro korrupsiyaga qarshi kurash kuni” munosabati bilan o‘tkazilgan tadbir 100 ga yaqin qoraqalpoqlik talaba va faol yoshlarni qamrab oldi.

✅Yoshlar markazida joylashgan kutubxonalar, o‘quv kurslari, “Ibrat farzandlari” loyihasi, “Qaraqalpaqstan jasları” gazetasining ish jarayonlari, ayniqsa zamonaviy yoshlar media markazi tashrif buyuruvchilarda katta qiziqish uyg‘otdi.

#Yoshlarforumi2024 #Ochiqeshiklarkuni

Bizning sahifalarimiz:
🕊Telegram 📱Instagram 📱Facebook 📺YouTube

📚Kitobxonlarimiz bilimlar maydonida!

⚡️“Yoshlar forumi-2024” doirasida yoshlarning kitobga bo‘lgan mehrini oshirish, bilimlarini sinovdan o‘tkazish maqsadida “Yosh kitobxon” tanlovining tuman va shahar bosqichlari qizg‘in tarzda davom etmoqda!

Ishtirokchilar tezkor savol-javob sharti asosida kitobxonlik mahoratini sinovdan o‘tkazmoqda. Har bir tuman va shahar kesimida eng ko‘p ball to‘plagan 1 nafar ishtirokchi o‘z yosh toifasi bo‘yicha hududiy bosqichga yo‘llanma oladi.

📚Saralash bosqichi natijasida 3 yosh toifasida jami 624 nafar kitobxon hududiy bosqichda ishtirok etadi! Hududiy bosqich esa 2025-yilning yanvar-fevral oylarida o‘tkazilishi rejalashtirilgan.

Hududiy bosqich yo‘llanmasini qo‘lga kiritgan ishtirokchilar ro‘yxatini keyingi postlarimizda ulashamiz!

#Yoshlarforumi2024 #Yoshkitobxon

Bizning sahifalarimiz:
🕊Telegram 📱Instagram 📱Facebook 📺YouTube