Yoshlar bilan ishlash masalalari ko‘rib chiqilmoqda.

📑 Xabar berganimizdek, respublikamiz bo‘ylab Mahallalarda yoshlar bilan ishlash masalalarini muvofiqlashtirish bo‘yicha Respublika komissiyasining uchrashuvlari davom etmoqda. Navbatdagi yig‘ilish Navoiy va Buxoro viloyatlarida sektorlar rahbarlari, huquq-tartibot organlari, tegishli boshqarma va tashkilot mutasaddilari ishtirokida bo‘lib o‘tdi.

Yig‘ilishda yoshlarni qo‘llab-quvvatlashga oid muhim masalalar, xususan, jinoyatchilik va huquqbuzarliklarning oldini olish, yoshlarning bandligini ta’minlash, yer ajratish kabi dolzarb muammolar ko‘rib chiqildi. Yoshlarning ijtimoiy himoyasini kuchaytirish, ularga ko‘proq imkoniyatlar yaratish va ularning kelajagini mustahkamlash bo‘yicha olib borilayotgan ishlar batafsil muhokama qilindi.

Bizning sahifalarimiz:
🔹Telegram 🔹Instagram 🔹Facebook 🔹YouTube

“Kelajak kasblari” loyihasi Xorazm yoshlari misolida

💼Bugungi kunda, “Kelajak kasblari” loyihasi doirasida tahsil olgan ko‘plab yoshlar turli tashkilotlar va korxonalarda o‘z faoliyatini boshladi. Loyiha nafaqat yoshlarga bilim berish, balki ularni bandligini ta’minlashda keng imkoniyatlar eshigini ochmoqda.

Loyihaning 2-mavsumida Xorazm viloyatidan 440 nafar yosh “Data union” o‘quv markazida grafik dizayn, video montaj, 3D max, dasturlash, mobilografiya, ijtimoiy tarmoqlar marketingi kabi zamonaviy kasblar va axborot texnologiyalari bo‘yicha tahsil oldi. Shuningdek, o‘quv markazi bitiruvchi yoshlarning bandligini ta’minlashda keng qamrovli tashabbuslarni amalga oshirib, ularning kelajakda muvaffaqiyatli kasb egalariga aylanishiga katta hissa qo‘shmoqda.

✅Kurslarni muvaffaqiyatli yakunlagan va yangi hayotga yo‘l qo‘ygan yoshlar haqida infografikamiz orqali ma’lumot oling.

#kelajakkasblari

Bizning sahifalarimiz:
🔹Telegram 🔹Instagram 🔹Facebook 🔹YouTube

Otaliqqa olingan yoshlar masalasida videoselektor yig‘ilishi o‘tkazildi.

🇺🇿O‘zbekiston Respublikasi Bosh prokurorining o‘rinbosari raisligida prokuratura organlari xodimlari tomonidan otaliqqa olingan yoshlar bilan ishlash, ularning muammolarini hal qilish hamda yoshlar o‘rtasida huquqbuzarlik va jinoyatchilikni oldini olish borasida belgilangan vazifalar ijrosi yuzasidan videoselektor yig‘ilishi o‘tkazildi.

Yig‘ilishda otaliqqa olingan yoshlarning 34 mingdan ortiq turli muammolari hal qilinganligi, jumladan 10 442 nafarining bandligi ta’minlanganligi, 5 937 nafari kasb - hunarga o‘qitilganligi qayd etildi.

Yig‘ilish yakunida otaliqqa olingan yoshlar o‘rtasida huquqbuzarlik va jinoyatchilikni oldini olish borasidagi ishlar samaradorligi oshirish bo‘yicha tegishli ko‘rsatma va topshiriqlar berildi.

✅Yoshlar ishlari agentligi jamoasi yoshlar siyosatida amalga oshirilayotgan ishlar bo‘yicha biz bilan hamkorlik qilayotgan davlat organlari va tashkilotlarga o‘z minnatdorchiligini bildiradi.

Bizning sahifalarimiz:
🔹Telegram 🔹Instagram 🔹Facebook 🔹YouTube