❓Тестда ўтган йилгидан қандай ўзгаришлар бор?

Абитуриентлар эътибор бериши керак бўлган айрим жиҳатлар маълум бўлди.

1️⃣ Мутахассислик блокида саволлар сони оширилди. Ўтган йили "спецблок"да 20 тадан жами 40 та савол берилганди. Жорий йилда 30 тадан жами 60 та савол берилади;

2️⃣ Мутахассислик блокида биринчи ва иккинчи фанга бериладиган балл миқдори фарқ қиладиган бўлди. Ўтган йили иккала фанга ҳам бир хил 3,15 баллдан берилганди. Жорий йилда биринчи ўриндаги муҳим фанга 3,1 балл, иккинчи фанга 2,1 балл бериладиган бўлди. Демак, бир-бирига мос 5 та йўналиш танлашда ҳам бу йил ўзгаришлар бўлади. Ўтган йили иккаласига бир хил балл берилгани учун биринчи ва иккинчи фанга ажратилмаганди. Энди бу йил шунчаки 2 та фан тўғри келиши кифоя эмас, уларнинг муҳимлик ўрни ҳам аҳамият касб этади;

3️⃣ Йўналишидан қатъи назар барча учун тушадиган мажбурий блокдаги 3 та фанга бериладиган балл миқдори камайтирилди. Ўтган йили 2,1 баллдан берилганди, жорий йилда 1,1 баллдан бериладиган бўлди. Бу дегани мажбурий блокдан кўп балл тўплаб бўлмайди. Ўтган йили мажбурий блок 63 балл берарди, бу йил 33 балл тўплаш мумкин. Демак, жорий йилда асосий балларни мутахассислик фанларидан тўплаш мумкин, 2 та фанга жами 156 балл (82,5%) берилмоқда.


👉 @xushnudbek 👈

Хивада «Лазги» халқаро рақс фестивали бўлиб ўтади

25-30 апрель кунларига мўлжалланган мазкур тадбир UNESCO, Туризм ва маданий мерос вазирлиги, Маданият вазирлиги, Хоразм вилояти ҳокимлиги ва бошқа идоралар ҳамкорлигида ташкил этилмоқда.

Фестиваль доирасида рақс санъатига бағишланган кўргазма павильонлари, миллий чолғу асбоблари ва либослари, ҳунармандчилик буюмлари, тасвирий ва амалий санъат асарлари, ҳайкалтарошлик намуналари, бадиий ва ҳужжатли фильмлар, аудио ва видео дисклар, китоблар, альбомлар, фотосуратлар намойиши ҳамда, уларни Ичан-қалъа мажмуаси ҳудудида савдо қилиш ташкил этилди.

Барчани ушбу фестивалга таклиф этамиз.


👉 @xushnudbek 👈

25 апрель, душанба.
Ифторлик вақти: 19:15 (Тошкент вақти билан)

#TasadduqYoRasululloh

48-қисм. Сўнгги буюк васият. «Тасаддуқ, ё Расулуллоҳ» туркумидан.

Муаллиф: муфтий Нуриддин домла Холиқназаров


👉 @xushnudbek 👈

​❗️Диққат! Оммавий ахборот воситалари ва блогерлар ўртасида “Заковат” турнири ўтказилади

Масс-медиа фонди ҳамда “Заковат” интеллектуал клуби томонидан 3 май — Жаҳон матбуоти эркинлиги куни ҳамда 27 июнь — Матбуот ва оммавий ахборот воситалари ходимлари кунига бағишлаб “Заковат” турнири ташкил этилмоқда.

✅ Турнирда Ўзбекистон Республикасида расман фаолият кўрсатаётган барча оммавий ахборот воситалари жамоаси, шунингдек блогерлардан таркиб топган эркин жамоалар иштирок эта олади.

💰Турнирнинг умумий соврин жамғармаси 200 миллион сўм! Бунда:

1-ўрин — 100 миллион сўм;
2-ўрин — 60 миллион сўм;
3-ўрин — 30 миллион сўм;
4-ўрин — 10 миллион сўм билан мукофотланади.

ℹ️ Ҳар бир ОАВ номидан 1 та жамоа иштирок этиши мумкин ва таркибга киритилган иштирокчилар ушбу ОАВда расмий меҳнат шартномаси билан ишлаётган ходим бўлиши шарт (блогерлар учун бундай талаб йўқ).

👥 Жамоалар таркиби 6 нафар асосий ва 1 нафар захира иштирокчидан иборат бўлади (захира иштирокчи мажбурий эмас). Жамоалар таркибида “Заковат” клубининг профессионал билимдонлари бўлишига рухсат берилмайди.

📩 Турнирда иштирок этиш учун ОАВлар Низомда кўрсатилган ариза намунасини тўлдирган ҳолда, ОАВ раҳбари ёки бош муҳаррирининг имзоси ҳамда ташкилот муҳри билан биргаликда [email protected] электрон почтаси орқали ариза юборишлари лозим. Блогерлар эса www.zakovat.tv/blogerlar манзили орқали ўтиб, махсус анкетани тўлдириб юборишлари лозим.

📆 Аризалар 2022 йилнинг 5 май (шу куни ҳам) кунига қадар қабул қилинади.

🔰 Турнирнинг асосий босқичи “Заковат” интеллектуал ўйини қоидалари асосида, ярим финал ҳамда финал ўйинлари эса брейн-ринг ўйини қоидалари асосида ўтказилади.

📍Турнирнинг ўтказилиш санаси ва жойи қўшимча маълум қилинади.

🌐 Қўшимча маълумот ва турнир Низоми билан www.zakovat.tv сайтида танишишингиз мумкин.

Барча журналист ва блогерларни интеллектуал турниримизга таклиф этамиз!


➖@zakovat

Бугун Комил Алламжонов ва Саида Мирзиёева БМТнинг инсон ҳуқуқлари бўйича олий комиссари Мишель Бачелет билан учрашув ўтказди.

Мулоқотда ўзбек матбуотининг ривожи, унинг эркин фаолият кўрсатиши, энг муҳими — хорижнинг турли агрессив ва зўравонликка асосланган тарғиботларидан ҳимояланиш учун БМТнинг инсон ҳуқуқлари бўйича офиси билан яқин ҳамкорлик муҳим экани таъкидланган ва бу борада келишувга эришилган.


👉 @xushnudbek 👈

Шавкат Мирзиёев Франция Республикаси Президенти Эммануэль Макронни ушбу мамлакатда бўлиб ўтган Президент сайловида ғалаба қозонгани билан табриклаб, мактуб йўллади.


👉 @xushnudbek 👈

26 апрель, сешанба.
Саҳарлик вақти: 04:04 (Тошкент вақти билан)

#TasadduqYoRasululloh

49-қисм. Вафотларидан 5 кун олдин. «Тасаддуқ, ё Расулуллоҳ» туркумидан.

Муаллиф: муфтий Нуриддин домла Холиқназаров


👉 @xushnudbek 👈

Ислом молияси бўйича машҳур мутахассис Ҳондамир Нусратхўжаев бошчилигидаги жамоа Ўзбекистондаги илк онлайн закот калькуляторини яратишибди.

🌐 https://zakotim.uz

Бу калькулятор ёрдамида сиз осонликча:

✅ Шахсий бойликларингиз;

✅ Бизнесларингиз;

✅ Инвестицияларингиздан Закотни тўғри ҳисоблаш, шу билан бир қаторда, закот илмини ҳам ўрганиш имконига эга бўласиз!

🌐 https://zakotim.uz

Ишлатиб кўрдим, менга жуда ёқди. Рамазон ойида закот беришни ният қилганларга тавсия этаман.


👉 @xushnudbek 👈

Туризм ва маданий мерос вазирига 3 та ўринбосар тайинланди

1️⃣ Бахтиёр Ибрагимов — туризм ва маданий мерос вазирининг халқаро туризмни ривожлантириш, ички ва зиёрат туризми масалалари бўйича ўринбосари лавозимига тайинланди. Бунга қадар у Ташқи ишлар вазирлиги Иқтисодий дипломатия департаменти директори эди.

2️⃣ Нусратилла Зикриллаев — туризм ва маданий мерос вазирининг инвестициялар, туризм кластерлари ва лицензиялаш масалалари бўйича ўринбосари лавозимига тайинланди. Бунга қадар у Президент Администрацияси масъул ходими эди.

3️⃣ Ботиржон Шаҳриёров — туризм ва маданий мерос вазирининг оммавий тадбирлар ва маданий мерос масалалари бўйича ўринбосари лавозимига тайинланди. Бунга қадар у Бухоро вилояти ҳокимининг ўринбосари эди.


👉 @xushnudbek 👈

Отабек Чориев Давлат божхона қўмитаси раисининг ўринбосари лавозимига тайинланди.

Бунга қадар у инвестициялар ва ташқи савдо вазирининг ўринбосари эди.


👉 @xushnudbek 👈

26 апрель, сешанба.
Ифторлик вақти: 19:17 (Тошкент вақти билан)

#TasadduqYoRasululloh

50-қисм. Вафотларидан 4 кун олдин. «Тасаддуқ, ё Расулуллоҳ» туркумидан.

Муаллиф: муфтий Нуриддин домла Холиқназаров


👉 @xushnudbek 👈

Шавкат Мирзиёев раислигида туризм соҳасини янада ривожлантириш мавзусида видеоселектор йиғилиши бўлиб ўтди.

Унда айтилишича, 1 сентябрдан бошлаб, юртимиз бўйлаб саёҳат қилаётган фуқароларга:

- авиа, темир йўл ва автобус чипталари нархининг 15 фоизини (авиатранспортга 200 минг сўмгача, темир йўл ва автобусга 100 минг сўмгача);

- меҳмонхона харажатининг 20 фоизини (бир кеча учун – 80 минг сўмгача);

- музей ва бошқа маданият объектларига чипта нархининг 50 фоизини (битта объект учун – 20 минг сўмгача) қайтариш тизими жорий этилади.

Байрам кунлари ва фестивалларда аҳолининг фаол саёҳат қилишига қулай шароит яратиш учун қўшимча авиа, темир йўл ва автобус қатновини ташкил этиш зарурлиги кўрсатиб ўтилди. Бунда чипталарга 50 фоизгача чегирмалар жорий қилинади.


👉 @xushnudbek 👈

Йиғилишда ҳалигача халқаро ва маҳаллий йўналишларда лоукостерлар фаолияти самарали йўлга қўйилмагани, замонавий “Афросиёб” поездига чипта олиш учун бир неча ҳафта олдин мурожаат қилиш зарурлиги танқид қилинди.

Шу боис бир ой муддатда:

✈️ Фарғона-Бухоро-Фарғона, Фарғона-Урганч-Фарғона йўналишида авиақатновлар йўлга қўйилади;

🚌 Бухоро-Самарқанд, Бухоро-Хива, Бухоро-Термиз йўналишлари бўйича замонавий автобус ва микроавтобуслар қатнови йўлга қўйилади;

🚆“Афросиёб” тез юрар поездининг Шаҳрисабзгача ҳаракати қайта тикланади.


👉 @xushnudbek 👈

❓Рамазон байрами муносабати неча кун дам олиш берилади?

Бугунги видеоселекторда келгуси ҳафтада Рамазон Ҳайити муносабати билан ҳам аҳолимизга яна 5 кунлик дам олиш берилиши маълум қилинди. Аслида бу янгилик эмас, ўтган йили декабрь ойидаги Президент фармонида бу назарда тутилган эди, бугун қайта эслатиб ўтилди холос.

Кўпчилик дам олиш қайси кунларга тўғри келишини сўрамоқда.

Бу ерда 2 та муҳим маълумотни билишингиз керак:

1️⃣ кетма-кет 5 кунлик дам олиш ҳаммага эмас, фақат ҳафтасига 5 кун ишловчиларга 5 кун дам олиш бўлади. Ҳафтасига 6 кун ишловчиларга эса 4 кун дам олиш берилади;

2️⃣ Президент фармонида 4 май (чоршанба) ва 5 май (пайшанба) кунлари дам олиш кунлари деб эълон қилинган. Лекин бу ерда Рамазон Ҳайити 3 майга тўғри келиши ҳисобга олинган. Ҳали Ҳайит қайси кунга тўғри келиши аниқ эмас, аммо 2 май куни бўлиши эҳтимоли жуда юқори. Шу сабабли дам олиш кунларида ўзгариш бўлиши мумкин.

Келинг, Ҳайит байрамини 2 майга тўғри келади деб тасаввур қиламиз. Шунда дам олиш кунлари қуйидагича бўлиши мумкин (аммо бу ҳали расмий эмас):

✅ ҳафтасига 5 кун ишлайдиганлар учун:

1️⃣ 30 апрель (шанба);
2️⃣ 1 май (якшанба);
3️⃣ 2 май (душанба) – Рамазон ҳайити;
4️⃣ 3 май (сешанба) — кўчирилган дам олиш куни;
5️⃣ 4 май (чоршанба) — кўчирилган дам олиш куни.

Изоҳ: 5 кун ишловчилар кўчирилган дам олиш кунлари эвазига 7 май ва 14 май шанба кунлари ҳам ишга чиқиши керак бўлади.

✅ ҳафтасига 6 кун ишлайдиганлар учун:

1️⃣ 1 май (якшанба);
2️⃣ 2 май (душанба) – Рамазон ҳайити;
3️⃣ 3 май (сешанба) – қўшимча дам олиш куни;
4️⃣ 4 май (чоршанба) – қўшимча дам олиш куни;


👉 @xushnudbek 👈

Бугун Муҳаммад Юсуф таваллуд топган сана.

Агар шоир ҳаёт бўлганида, бугун 68 ёшга тўлган бўлар эди. Муҳаммад Юсуфни севиб ўқимаган юртдошимиз кам бўлса керак. Унинг жайдари, халқона тилда ёзилган шеърларида самимияти шундоқ уфуриб турар эди.

Келинг, бугун Муҳаммад Юсуф шеърларини биргаликда ўқисак, нима дедингиз?

Шоир айтганидек:

Мендан нима қолар:
Икки мисра шеър,
Икки сандиқ китоб,
Бир уюм тупроқ.
Одамлар ортимдан
Нима деса дер,
Мен сени ўйлайман
Ўзимдан кўпроқ –
Лола, лолажоним,
Лолақизғалдоқ!

Муҳаммад Юсуф шеърлари

👉 https://teletype.in/@xushnudbek/muhammad-yusuf

P.S.: Муҳаммад Юсуфнинг ўзи билан ҳаётда кўришиш насиб қилмаган-у, лекин вафотларидан кейин улар билан боғлиқ кўплаб хотиралар қолган. Масалан, Муҳаммад Юсуфга бағишланган марсияни айтиб, академик лицейга имтиҳонсиз ўқишга кирганман, Муҳаммад Юсуфнинг 50 йиллигига бағишланган оммавий катта тадбирларнинг деярли барчасида чиқиб, шу марсияни айтиб берганман (товба, шунга ҳам 18 йил бўлибди, вақтнинг сувдай оқишини қаранг).

Батафсил мана бу ерда ўқишингиз мумкин, анча йиллар олдин бу ҳақда сайтимда ёзгандим.


👉 @xushnudbek 👈