💪 Літаратурна-краязнаўчы музей у Гудзевічах мае статус дзяржаўнага, а некалі гэта быў школьны музей.

Сказаць, што быў ён звычайным школьным музеем не магу, бо чалавек, які заснаваў яго разам са сваімі вучнямі, быў вельмі выдатным чалавекам, настаўнікам беларускай мовы і літаратуры, якога ведалі і паважалі многія. Вучні Алеся Белакоза перамагалі ў розных конкурсах і алімпіядах, пісалі вершы, з лёгкасцю паступалі ў вышэйшыя навучальныя ўстановы. Безумоўна, выхоўваў і даваў веды не толькі ён адзін, уся школа працавала, але яго асабісты прыклад для дзяцей, моладзі, іх бацькоў быў пераканаўчым.

🟢Аўтэнтычная беларуская хата не з Мастоўшчыны, яе аднекуль прывезлі, зноў збудаваўшы так, як яна стаяла недзе раней. Хатцы той больш за 150 гадоў і некалі ў ёй жыла сям'я з 12 чалавек. Бацькі, бабуля з дзядулем і васьмёра дзяцей.

Ці ведаеце вы што такое спарыш? А кацуба? Ці пазнаеце адметную прыладу, якой гаспадыня памешвала кісель? Што робяць у хаце цымбалы? Якім ручніком накрывалі хлеб?...

Ак жа мне было "смачна" у гэтай хатцы!!! А белы наліў, што ападкамі рассыпаўся за плотам, такі смачны да пахучы, якім толькі можа быць успамін пра дзяцінства, бабулю і колішні жнівеньскі дзень.

#нескучный_день

💪 Літаратурная частка музея сапраўды пра літаратуру і... трохі пра касманаўтаў. У фондах ёсць рукапісы, аўтографы, пісьма-адказы Клімука і Кавалёнка на звароты вучняў.

Літаратура розных гадоў, фотаздымкі і партрэты класікаў беларускай літаратуры, нават верхняя частка буфета, зробленая рукамі літаратара.

#нескучный_день

💪 Лён, воўна, дываны, ручнікі, ходнікі, калаўроткі і кросны. Як пралі, як ткалі- вышывалі, чым красілі бавоўну, як прасавалі і калі надзявалі...

І яшчэ шмат чаго цікавага вам раскажуць у этнаграфічнай частцы музея ў Гудзевічах. Асаблівы гонар - падвоеныя дываны, тэхналогія вырабу якіх захоўваецца на Беларусі.

Калі прыглядзецца да фотаздымкаў, то можна ўбачыць год, калі дыван быў вытканы.

#нескучный_день