#Брифинг

Бугун Президент Администрацияси ҳузуридаги Ахборот ва оммавий коммуникациялар агентлигида Таълим сифатини назорат қилиш инспекцияси ахборот хизмати раҳбари Шавкат Хўжақулов иштирокида нодавлат ва хорижий олий таълим ташкилотларида ўқиш билан боғлиқ масалалар юзасидан брифинг бўлиб ўтади.

Соат 15:00да бошланадиган тадбирда нодавлат олий таълим муассасаларидаги қабул жараёнлари, хорижий давлатларда олинган дипломларнинг Ўзбекистонда тан олиниши ҳамда яна шу каби бир қатор масалаларга тўхталиб ўтилади.

Брифингни "UzReport" телеканали орқали тўғридан-тўғри эфирда томоша қилишингиз мумкин.

Таълим инспекцияси телеграм каналига уланиш👇
https://yangx.top/uztdi

#Брифинг

❓Ҳозирги пайтда мамлакатимизда қайси нодавлат олий таълим ташкилотлари абитуриентлардан ҳужжат қабул қилмоқда. Улар томонидан бериладиган диплом давлат олийгоҳлари дипломи билан бир хил кучга эгами яъни тан олинадими?

✅ Юртимизда нодавлат олий таълим муассасалари салмоғи йилдан-йилга ортиб бормоқда. Бугунги кунда мамлакатимизда фаолият олиб бораётган нодавлат олий таълим ташкилотлари сони 29 тага етди.

Таълим инспекцияси томонидан ҳозиргача 19 та (шундан 8 таси 2021 йилда) нодавлат олий таълим ташкилотларига лицензия берилган. Бундан ташқари, олий таълим соҳасида давлат хусусий шерикчилик тамойили жорий этилиб, 10 тадан ортиқ нодавлат олий таълим ташкилотлари фаолиятини йўлга қўйиш бўйича Ўзбекистон Республикаси Президенти ва Вазирлар Маҳкамасининг тегишли қарорлари қабул қилинди.

Жорий йилда олий таълим муассасаларига қабул қилинаётган талабаларнинг қарийб 10 фоиз ортиғи яъни 20 000 минг нафарга яқини айнан нодавлат олий таълим ташкилотлари ҳиссасига тўғри келади.

Талабаларни ўқишга қабул қилиш тартиби нодавлат олий таълим ташкилотлари томонидан мустақил белгиланади. Шу жумладан ўқишга ҳужжатларни қабул қилиш муддатлари ҳам.

Таълим инспекцияси томонидан нодавлат олий таълим ташкилотларининг расмий веб-саҳифалари ўрганилганда, ҳозирги кунда Тошкент шаҳридаги Сингапур менежментни ривожлантириш институти, Маъмун номидаги Жаҳон тиллари институти, TMC институти ҳамда TEAM университети, Тошкент шаҳридаги Британия менежмент университети, Тошкент халқаро таълим университети каби олий таълим ташкилотларида қабул жараёнлари давом этаётганлиги маълум бўлди.

Ушбу муассасаларга олий таълим хизматлари кўрсатиш учун Таълим инспекцияси томонидан белгиланган тартибда лицензиялар расмийлаштирилган. Улар томонидан берилган диплом мамлакатимиздаги бошқа олийгоҳлариники билан бир қаторда тан олинади.

Таъкидлаш жоизки, бугунги кунда нодавлат олий ташкилотлари ўртасида ҳам рақобат муҳити шаклланмоқда. Улар сифатли таълим бериш орқали иқтидорли ёшларни жалб қилишга, фуқароларимиз ишончини қозонишга ҳаракат қилишмоқда.

Яна бир эътиборли жиҳати, жорий йилда илк маротаба Ўзбекистон Республикаси Президентининг 22 июндаги “2021/2022 ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида”ги қарорига мувофиқ, нодавлат олий таълим ташкилотларида давлат гранти асосида кадрлар тайёрлаш учун жами 500 та квота ажратилган.

Шундай экан фурсатдан фойдаланиб Таълим инспекцияси талаба бўлиш истагида бўлган ёшларга ва уларнинг ота-оналарига ҳеч иккиланмай нодавлат олий таълим ташкилотлари хизматларидан фойдаланишни тавсия қилади.

Таълим инспекцияси телеграм каналига уланиш👇
https://yangx.top/uztdi

#Брифинг

❓Хорижий олий таълим муассасасининг дипломи Ўзбекистонда тан олиниши учун нималарга эътибор қаратишим лозим?

✅ Ҳозирги пайтда айрим жисмоний шахслар ҳамда консалтинг хизматларини кўрсатувчи фирмалар ёшларимиз орасида хорижий олий таълим ташкилотларига ҳужжат топшириш бўйича тарғибот-ташвиқот ишларини олиб боришмоқда.

Сизга таклиф этилаётган хорижий олий таълим ташкилоти дипломининг Ўзбекистонда тан олинишини учун қуйидагиларга эътибор қаратинг:

🔹 Аввало, ташкилотнинг олий таълим муассасаси сифатида фаолият юритишига рухсат берувчи ҳужжати, яъни лицензияси мавжудлигига ишонч ҳосил қилинг;

🔹 олий таълим муассасаси ва унинг таълим дастурлари ваколатли органлар томонидан аккредитациядан ўтказилган бўлиши керак.

🔹 олий таълим муассасасининг ўқитиш шакли ва таълим дастурлари Ўзбекистон қонунчилигига мос келишини ўрганиши керак. “Таълим тўғрисида”ги қонунга кўра, Ўзбекистон ҳудудида расман тан олинадиган бакалавриат босқичи камида 3 йил, сиртқи таълим камида 4 йил, магистратура эса камида 1 йил муддат қилиб белгиланган.

📌 Ҳурматли юртдошлар!
Юқоридаги тавсияларга асосан Сизга таклиф қилинаётган олийгоҳ ҳақидаги маълумотларни яхшилаб ўрганиб чиқиб, кейин қарор қабул қилинг.

Ўзингиз ва фарзандларингиз умрини ва маблағларингизни бесамар сарфламанг!

Таълим инспекцияси телеграм каналига уланиш👇
https://yangx.top/uztdi

#Брифинг

❓Хорижий давлатда ўқишни давом эттириш учун дипломимга апостиль қўйдирмоқчи эдим. Ҳозирги пайтда буни қандай амалга ошираман? Ва ушбу жараён қанча вақт олади?

✅ Фан ва таълим соҳаси ташкилотларидан чиқадиган расмий ҳужжатларга апостиль қўйиш ваколати Вазирлар Маҳкамаси ҳузуридаги Таълим сифатини назорат қилиш давлат инспекциясига берилган.

Расмий ҳужжатга апостиль қўйиш тўғрисидаги аризани кўриб чиқиш муддати қуйидаги икки хил тартибда амалга оширилади:

🔹 агар имзо намунасини ва апостиль қўйиш учун тақдим этилган расмий ҳужжатни имзолаган аниқ мансабдор шахснинг имзо қўйиш ҳуқуқига ваколатларини тасдиқлаш ва (ёки) ҳужжат чиқадиган ташкилотнинг муҳри босма изи намунасини талаб қилиш зарур бўлмаса, у ҳолда аризани кўриб чиқиш муддати 5 иш кунидан ортиқ бўлмаслиги керак;

🔹 агар имзо намунасини ва апостиль қўйиш учун тақдим этилган расмий ҳужжатни имзолаган аниқ мансабдор шахснинг имзо қўйиш ҳуқуқига ваколатларини тасдиқлаш ва (ёки) расмий ҳужжат чиқадиган ташкилот муҳри босма изи намунасини талаб қилиш зарур бўлса, у холда аризани кўриб чиқиш муддати 20 иш кунидан ортиқ бўлмаслиги керак.

📌 Фан ва таълим соҳаси ташкилотларидан чиқадиган расмий ҳужжатларга апостиль қўйиш учун Таълим инспекцияси расмий веб-сайти орқали ариза беришингиз ҳамда ариза берувчининг хоҳишига кўра апостиль қўйиш учун расмий ҳужжатларнинг асли ёки нотариал тасдиқланган нусхаларда ҳафтанинг душанба, сешанба, пайшанба, жума кунлари соат 10.00-13.00гача Таълим инспекциясига топширилиши мумкин.

Таълим инспекцияси телеграм каналига уланиш👇
https://yangx.top/uztdi

#Брифинг

❓Қайси ҳолатларда хорижий олий таълим муассасаси дипломи Ўзбекистонда тан олинмайди?

✅ Вазирлар Маҳкамасининг 2019 йил 24 июлдаги 620-сон қарори билан тасдиқланган Хорижий давлатларда таълим олганлик тўғрисидаги ҳужжатларни тан олиш тартиби ҳақидаги низомга асосан хорижий давлатда таълим олганлик тўғрисидаги ҳужжатлар қуйидаги ҳолатларда тан олинмайди:

🔹 хорижий таълим тўғрисидаги ҳужжат берилган давлатда унинг эгасига Ўзбекистон Республикасидагига қараганда таълим олиш ва (ёки) касбий фаолият билан шуғулланиш учун кам ҳуқуқлар берилган бўлса (ҳужжат эгаси таълимнинг кейинги босқичида ўқишни давом эттириш, касбий фаолият билан шуғулланиш ҳуқуқига эга бўлмаса);

🔹олий маълумот Ўзбекистон Республикаси қонунчилигида назарда тутилмаган таълим шаклида олинган бўлса;

олий таълим босқичларида:

🔹 бакалавриат бўйича ўқиш муддати уч йилдан кам бўлса ёки Европа таълим тизими асосида ўқиш давомида 240 дан кам кредит тўплаган бўлса;

🔹 магистратура бўйича ўқиш муддати бир йилдан кам бўлса;

🔹 бакалавриат таълим йўналишлари ва магистратура мутахассисликлари қўшиб ўқитиладиган таълим дастурлари бўйича таълим олганда умумий ўқиш даври уч йилдан кам бўлса;

📌 Айни сабабларга кўра, 2020 йилнинг ўзида 102 нафар, 2021 йилнинг ўтган даврида 69 нафар мурожаат қилганларга синовларга чақирилмасдан дипломини тан олиш рад этилган.

❗️ Юқоридагиларни инобаатга олиб, ушбу шартларга алоҳида эътибор қаратишингизни сўраб қоламиз.

Таълим инспекцияси телеграм каналига уланиш👇
https://yangx.top/uztdi

#Брифинг

❓ Олий таълим муассасига ўқишга кира олмадим. Энди яқинларим коллеж ёки техникумга ҳужжат топширишни маслаҳат беришяпти. Ушбу муассасалар ҳақида маълумот берсангиз?

✅ Ўтган йилдан бошлаб, мамлакатимиз меҳнат бозорида ўрта бўғин кадрларга бўлган эҳтиёжларни қондириш мақсадида профессионал таълим муассасалари ташкил қилинди.

Ҳудудларда меҳнат бозорида ўрта бўғин кадрларга бўлган эҳтиёжларга мувофиқ 2021/2022 ўқув йилида 176 та коллежда 170 дан ортиқ касб бўйича, 197 та техникумда 140 га яқин мутахассисликлар бўйича кадрлар тайёрлашни йўлга қўйиш режалаштирилмоқда.

Коллежлар ва техникумларга 2021/2022-ўқув йили учун 10 сентябрга қадар ўқишга қабул қилиш учун онлайн рўйхатдан ўтиш мумкин.

Ушбу таълим муассасалари битирувчилар келгусида эгаллаган касб ва мутахассислари бўйича ишлашлари, эҳтиёждан келиб чиқиб кейинчалик олий таълим муассасаларига ҳужжат топширишлари мумкин.

Эътиборлиси, Ўзбекистон Республикаси Президентининг 2019 йил 6 сентябрдаги “Профессионал таълим тизимини янада такомиллаштиришга доир қўшимча чора-тадбирлар тўғрисида”ги фармонига мувофиқ, техникум битирувчилари ўз соҳасига мос бакалавриат таълим йўналишлари бўйича кириш имтиҳонларисиз якка тартибдаги суҳбат орқали олий таълим муассасаларида 2-курсдан ўқишини давом эттириш ҳуқуқига эга бўлади.

Таълим инспекцияси телеграм каналига уланиш👇
https://yangx.top/uztdi

📹 Nodavlat oliy ta’lim tashkilotlari tomonidan beriladigan diplom davlat oliygohlari diplomi bilan bir xil kuchga egami ya’ni tan olinadimi?

✅ Javob: https://yangx.top/uztdi/3117

Taʼlim inspeksiyasi telegram kanaliga ulanish👇
https://yangx.top/uztdi

📹 Xorijiy oliy ta’lim muassasasining diplomi O‘zbekistonda tan olinishi uchun nimalarga e’tibor qaratishim lozim?

✅ Javob: https://yangx.top/uztdi/3118

Taʼlim inspeksiyasi telegram kanaliga ulanish👇
https://yangx.top/uztdi

📹 Xorijiy davlatda o‘qishni davom ettirish uchun diplomimga apostil qo‘ydirish qanday amalga oshiriladi? Va ushbu jarayon qancha vaqt oladi?

✅ Javob: https://yangx.top/uztdi/3119

Taʼlim inspeksiyasi telegram kanaliga ulanish👇
https://yangx.top/uztdi

📹 Qanday holatlarda xorijiy oliy ta’lim muassasasi diplomi O‘zbekistonda tan olinmaydi?

✅ Javob: https://yangx.top/uztdi/3120

Taʼlim inspeksiyasi telegram kanaliga ulanish👇
https://yangx.top/uztdi

📹 Oliy ta’lim muassasiga o‘qishga kira olmadim. Endi yaqinlarim kollej yoki texnikumga hujjat topshirishni maslahat berishyapti. Ushbu muassasalar haqida ma’lumot bersangiz?

✅ Javob: https://yangx.top/uztdi/3121

Taʼlim inspeksiyasi telegram kanaliga ulanish👇
https://yangx.top/uztdi

#Brifing

🎙 Ta’lim inspeksiyasi Axborot xizmati rahbari Shavkat Xo‘jaqulov ishtirokidagi brifing

👉 00:21 Nodavlat oliy ta’lim tashkilotlari tomonidan beriladigan diplom davlat oliygohlari diplomi bilan bir xil kuchga egami?

📹 https://yangx.top/uztdi/3123
✍️ https://yangx.top/uztdi/3117

👉 03:04 Xorijiy diplomlarni O‘zbekistonda tan olinishi uchun nimalarga e’tibor qaratishim lozim?

📹 https://yangx.top/uztdi/3124
✍️ https://yangx.top/uztdi/3118

👉 04:39 Diplomga apostil qo‘ydirish qanday amalga oshiriladi va ushbu jarayon qancha vaqt oladi?

📹 https://yangx.top/uztdi/3125
✍️ https://yangx.top/uztdi/3119

👉 06:07 Qanday holatlarda xorijiy oliy ta’lim muassasasi diplomi O‘zbekistonda tan olinmaydi?

📹 https://yangx.top/uztdi/3126
✍️ https://yangx.top/uztdi/3120

👉 07:28 Professional ta’lim muassasalari haqida ma’lumot bersangiz?

📹 https://yangx.top/uztdi/3127
✍️ https://yangx.top/uztdi/3121

Ta’lim inspeksiyasi telegram kanaliga ulanish👇
https://yangx.top/uztdi

⚡️TOʻLOV-KONTRAKT MIQDORI TASDIQLANDI. VAKSINA OLGANLARGA CHEGIRMA BERILADI

📌 Oʻzbekiston Respublikasi ta’lim muassasalariga oʻqishga qabul qilish boʻyicha Davlat komissiyasining 6-son bayoni bilan pandemiya sharoitida respublika aholisining toʻlov qobiliyati pasayganligini hisobga olib, farzandi toʻlov-kontrakt asosida oʻqiydigan oilalarga yengillik yaratish va ularni qoʻllab-quvvatlash maqsadida, istisno tariqasida, 2021/2022-oʻquv yili uchun respublika oliy ta’lim muassasalarida bakalavriat ta’lim yoʻnalishlari (magistratura mutaxassisliklari) boʻyicha bitta talabani toʻlov-kontrakt shaklida bir yillik oʻqitish qiymati miqdorlari tasdiqlandi.

✔️ Bunda, oliy ta’lim muassasalarining KUNDUZGI ta’lim shaklida tahsil olib (bakalavriat va magistratura), 2021-yil 1-noyabrga qadar koronavirus infeksiyasiga qarshi emlangan (vaksina olgan) talabalarga 2021/2022-oʻquv yili uchun belgilangan stipendiyasiz bazaviy toʻlov-kontrakt miqdorlariga 10 foiz chegirma berilishi belgilandi.

Ta’lim inspeksiyasi kanali 👉@uztdi

#Qonunchilikdagi_yangiliklar

Iqtidorli o‘quvchilar o‘rtasida fan olimpiadalarini o‘tkazish tizimi takomillashtiriladi

Hukumat qarori (562-son, 09.09.2021 y.) bilan Umumiy o‘rta taʼlim tashkilotlari, akademik litsey va kasb-hunar maktablari o‘quvchilari o‘rtasida fan olimpiadalarini tashkil etish, o‘tkazish hamda xalqaro olimpiadalar ishtirokchilarini saralash va g‘oliblarni rag‘batlantirish tartibi to‘g‘risidagi nizom tasdiqlandi.

🔰 Nizomga ko‘ra, maktab o‘quvchilari o‘rtasida umumtaʼlim fanlari bo‘yicha quyidagi olimpiadalar tashkil etiladi:

👉 asosiy olimpiada;
👉 qo‘shimcha respublika olimpiadalari;
👉 onlayn olimpiada;
👉 nufuzli xalqaro olimpiadalar;
👉 mintaqaviy xalqaro olimpiadalar.

✅ Jumladan, asosiy olimpiadalar tegishli fanlardan ikki guruhga ajratilgan holda 4 bosqichda quyidagi muddatlarda o‘tkaziladi:

➖ 1-bosqich – maktab, akademik litsey va kasb-hunar maktablar miqyosida sentyabr oyida;
➖ 2-bosqich – tuman (shahar) miqyosida oktyabr oyida;
➖ 3-bosqich – Qoraqalpog‘iston Respublikasi, viloyatlar va Toshkent shahri miqyosida noyabr oyida;
➖ 4-bosqich – respublika miqyosida barcha fanlardan aprel-may oylarida.

🏢 Barcha fanlardan nazorat turlari, shakllari, baholash mezonlari Xalq taʼlimi vazirligi tomonidan tasdiqlanadi.

📌 4-bosqichda maktablarning 11-sinf, kasb-hunar maktablari, akademik litseylarning 2-bosqich o‘quvchilari qatnashadi.

🏆 Har bir fan yo‘nalishida ballar ketma-ketligida 1, 2, 3-o‘rinlarni egallagan o‘quvchilar g‘olib hisoblanadi.

☑️ Asosiy olimpiada g‘oliblariga quyidagi miqdorda pul mukofotlari beriladi:

👉 3-bosqichda g‘olib bo‘lgan har bir o‘quvchiga:

● 1-o‘rin – BHMning 6 baravari;
● 2-o‘rin – BHMning 4 baravari;
● 3-o‘rin – BHMning 3 baravari.

👉 4-bosqichda g‘olib bo‘lgan har bir o‘quvchiga:

● 1-o‘rin – BHMning 12 baravari;
● 2-o‘rin – BHMning 8 baravari;
● 3-o‘rin – BHMning 6 baravari.

🧾 Shuningdek, 4-bosqich g‘oliblariga ixtisoslik fani bo‘yicha davlat OTMlariga kirish imtihonlarida maksimal ball olish huquqini beruvchi va 3 yil davomida amal qiluvchi elektron sertifikatlar beriladi.

🎓 Informatika va axborot texnologiyalari fani bo‘yicha mazkur sertifikatni olgan o‘quvchilarga ixtisoslik fan sifatida matematika fanidan davlat OTMlariga kirish imtihonlarida maksimal ball olish huquqi beriladi.

💰 Taʼlim muassasalarida o‘qituvchi bo‘lib ishlayotgan nufuzli xalqaro olimpiadalar g‘oliblari lavozim maoshiga har oy 150 foiz, asosiy olimpiadalar respublika bosqichi g‘oliblari lavozim maoshiga har oy 100 foiz miqdorida ustama haqi to‘lanadi.

Ta’lim inspeksiyasi telegram kanaliga ulanish👇
https://yangx.top/uztdi