Рамазон ҳайити арафасида Президент адашиб жиноятга қўл урган, лекин айбини чуқур англаб, тузалиш йўлига қатъий ўтган 65 нафар фуқарони афв этиш бўйича фармонни имзолади.

Каналга уланиш:
➖ @uzauz

#Тайинлов

Ҳукумат қарори билан (224-сон, 29.04.2022 й.) Мақсуд Узоқович Исоқов Геология фанлари университетининг ректори вазифасини бажарувчи этиб тайинланди.

Каналга уланиш:
➖ @uzauz

Афв этилган шахсларнинг 2 нафари асосий жазодан тўлиқ озод этилди, 39 нафари жазони ўташдан муддатидан илгари шартли озод қилинди, 6 нафарининг озодликдан маҳрум этиш жазоси енгилроқ жазо билан алмаштирилди. Шунингдек, 18 нафар шахсга тайинланган озодликдан маҳрум этиш жазосининг муддатлари қисқартирилди.

Афв этилганларнинг 1 нафарини чет эл фуқароси, 3 нафарини аёл, 3 нафарини 60 ёшдан ошган шахслар ҳамда 3 нафарини тақиқланган ташкилотлар фаолиятида қатнашган шахслар ташкил этади.

Каналга уланиш:
➖ @uzauz

#Тайинлов

Ҳукумат қарори билан (225-сон, 29.04.2022 й.) Ўзбекистон Республикаси Вазирлар Маҳкамаси аппаратининг таркибий бўлинмалари раҳбарлари лавозимларга тайинланди.

Сарвар Ғаниевич Ашуров Ўзбекистон Республикаси Вазирлар Маҳкамасининг Ёшларни қўллаб-қувватлаш ва жамоат ташкилотлари масалалари котибияти мудири этиб тайинланди. У шу муносабат билан Вазирлар Маҳкамаси Ёшлар, жамоат ташкилотлари, маҳалла ва оилани қўллаб-қувватлаш масалалари котибияти мудири лавозимидан озод этилди.

Шунингдек, Нодир Мухторович Дусматов Ўзбекистон Республикаси Вазирлар Маҳкамасининг Оила ва хотин-қизлар масалалари котибияти мудири этиб тайинланди. У шу муносабат билан Вазирлар Маҳкамаси Маҳалла ва нуронийларни қўллаб-қувватлаш масалалари бўлими мудири лавозимидан озод қилинди.

Каналга уланиш:
➖ @uzauz

#Тайинлов

Ҳукумат қарори билан (226-сон, 29.04.2022 й.) Ўзбекистон Республикаси Вазирлар Маҳкамаси Маҳалла ва нуронийларни қўллаб-қувватлаш масалалари бўлимига мудир тайинланди.

Нодир Улугович Касимов Ўзбекистон Республикаси Вазирлар Маҳкамаси Маҳалла ва нуронийларни қўллаб-қувватлаш масалалари бўлимининг мудири этиб тайинланди.

У шу муносабат билан Вазирлар Маҳкамасининг Ёшлар, жамоат ташкилотлари, маҳалла ва оилани қўллаб-қувватлаш масалалари котибиятининг Жамоат ташкилотлари фаолияти масалалари бўйича бош мутахассиси лавозимидан озод қилинди.

Каналга уланиш:
➖ @uzauz

#РАСМИЙ

Ўзбекистон Республикаси Президентининг
фармони

ИККИНЧИ ЖАҲОН УРУШИ ҚАТНАШЧИЛАРИНИ РАҒБАТЛАНТИРИШ ТЎҒРИСИДА

Мамлакатимизда 9 май умумхалқ байрами – Хотира ва қадрлаш кунини кенг нишонлаш, шунингдек, Иккинчи жаҳон урушида ҳалок бўлган аждодларимиз хотирасига чуқур ҳурмат бажо келтириб, фашизмга қарши жангларда, меҳнат фронтида жонбозлик кўрсатган фахрийларимизга алоҳида эътибор ва эҳтиром кўрсатиш, ёшларни маънавий-ахлоқий жиҳатдан тарбиялашга ҳисса қўшаётган фахрийларни эъзозлаш ҳамда уруш қатнашчилари ва ногиронларини моддий рағбатлантириш мақсадида:

1. Иккинчи жаҳон уруши қатнашчилари ва ногиронларининг ҳар бирига 15 000 000 (ўн беш миллион) сўм миқдорида бир марталик пул мукофоти белгилансин.

2. Мазкур Фармонни бажариш билан боғлиқ бўлган сарф-харажатлар Ўзбекистон Республикасининг республика бюджети маблағлари ҳисобидан амалга оширилсин.

3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Мудофаа вазирлиги, Ички ишлар вазирлиги, Давлат хавфсизлик хизмати, Молия вазирлиги, Маданият вазирлиги, Маҳалла ва нуронийларни қўллаб-қувватлаш вазирлиги, Республика Маънавият ва маърифат маркази билан биргаликда Иккинчи жаҳон уруши қатнашчилари ва ногиронларига ушбу пул мукофотининг тантанали ва байрамона вазиятда топширилишини таъминласин.

4. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси
Президенти Ш.МИРЗИЁЕВ

Каналга уланиш:
➖ @uzauz

⚡️Термиз муҳандислик-технология институтига ректор тайинланди

Ўзбекистон Республикаси Вазирлар Маҳкамаси қарори билан (227-сон, 29.04.2022 й.) Ўрол Чориевич Ахмедов Термиз муҳандислик-технология институтининг ректори этиб тайинланди.

Каналга уланиш:
➖ @uzauz

#ТАЙИНЛОВ

Бош прокурорга ўринбосар тайинланди

Ўзбекистон Республикаси Президентининг 2022 йил 29 апрелдаги Фармонига асосан Шохрух Азаматович Аминов Ўзбекистон Республикаси Бош прокурорининг ўринбосари лавозимига тайинланди.

Ш.Аминов тайинловга қадар Сирдарё вилояти прокурори лавозимида ишлаган.

Каналга уланиш:
➖ @uzauz

#ТАЙИНЛОВ

⚡️ "Ўзтўқимачиликсаноат" уюшмаси раисига биринчи ўринбосар тайинланди

Мирмуҳсин Султонов ҳукуматнинг тегишли қарори билан "Ўзтўқимачиликсаноат" уюшмаси раисининг биринчи ўринбосари лавозимига тайинланди.

М.Султонов ҳозирга қадар Ўзбекистон Республикаси Молия Вазирлиги, Инвестициялар ва ташқи савдо вазирлиги бошқарма бошлиғи лавозимларида ишлаб келган.

Каналга уланиш:
➖ @uzauz

#DXX_xabarlari

ДХХ Афғонистон ва Тожикистон наркокурьерларини қўлга олди

Сурхондарёда 23,5 кг наркотик мусодара қилинди.

Мамлакатимиз жанубида жойлашган Сурхондарё вилояти Афғонистон ва Тожикистон билан чегарадош ҳисоблангани боис, мазкур давлатлардан гиёҳвандлик воситаларининг республикамиз ҳудудига ўтказилиши хавфи доимо кун тартибида туради. Шу боис ҳам Давлат хавфсизлик хизматининг Сурхондарё вилояти бўйича бошқармаси ходимлари бу йўналишда мунтазам равишда тезкор-қидирув тадбирларини амалга ошириб келади.

Каналга уланиш:
➖ @uzauz

⚡️АЧИНАРЛИ СТАТИСТИКА: Республикамизнинг 56 фоиз ўқитувчилари салоҳияти талаб даражасида эмас

Бугунги кунда республика мактабларида 504 минг нафар ўқитувчиларимиз фаолият юритади Уларнинг 280 минг нафардан ортиғи, яъни 56 фоиз ўқитувчиларимизнинг салоҳияти талаб даражасида эмас. Бу дегани деярли 3 млнга яқин ўқувчи-болаларда юқори малакали ўқитувчидан таълим олиш имконияти мавжуд эмас.

Бахтиёр САИДОВ,
Халқ таълими вазири

Каналга уланиш:
➖ @uzauz

#ТАЙИНЛОВ

Сирдарё вилоятига янги прокурор тайинланди

Мавлонов Санжар Абдираҳимович – Сирдарё вилояти прокурори лавозимига тайинланди.

У бунга қадар Тошкент шаҳар Шайхонтоҳур тумани прокурори лавозимида фаолият олиб борган.

Каналга уланиш:
➖ @uzauz

⚡️Афғонистонга Ўзбекистондан юборилган навбатдаги инсонпарварлик ёрдами ичида нималар борлиги маълум қилинди

➖16 та вагонда 1000 тонна ун;
➖5 та вагонда гуруч;
➖1 та вагонда 12 000 дона икра;
➖1 та вагонда 9679 қути шоколад, печенье;
➖1 та вагонда 16 156 банка мураббо;
➖1 та вагонда 70 000 қадоқда дори-дармон;
➖1 та вагонда 100 000 дона вакцина, 100 000 дона ковид-тест, 20 000 дона кийим-кечак, 10 тонна ёғ;
➖2 та вагонда 6600 қути лапша маҳсулоти;
➖1 та вагонда 103 716 дона дори-дармон;
➖29 та вагонда 2000 тонна буғдой.

Каналга уланиш:
➖ @uzauz

⚡️“Лазги” халқаро рақс фестивали ғолиблари РЎЙХАТИ

Гран-при
Ўзбекистон — Дилноза Ортиқова

1-ўрин
Ўзбекистон — Алишер Навоий номидаги Ўзбекистон давлат академик катта театрининг “Тумор” рақс ансамбли;

Энг яхши рақс жамоаси
Ўзбекистон — Шерзод Кенжабоев;

Энг яхши яккахон рақс ижрочиси
Қозоғистон — Гулнур Кассимбек;

Энг яхши саҳналаштирилган рақс
Болгария — Пирин рақс жамоаси.

2-ўрин
Ўзбекистон — Ўзбекистон давлат филармониясининг “Навбаҳор” ашула ва рақс ансамбли;

Энг яхши рақс жамоаси
Озарбайжон — Фикрат Аминов номидаги Озарбайжон давлат ашула ва рақс ансамбли;
Ҳиндистон — Нидхи Мисра;

Энг яхши яккахон рақс ижрочиси
Ўзбекистон — Феруза Азатова;
Ўзбекистон — Ўзбекистон давлат филармониясининг “Ўзбекистон” ашула ва рақс ансамбли;

Энг яхши саҳналаштирилган рақс
Тожикистон — Зебо ансамбли.

3-ўрин
Қирғизистон — “Шаттык” рақс ансамбли;

Энг яхши рақс жамоаси
Туркия — “Инегол” халқ рақслари ансамбли;
Испания — Нерея Фернандес;

Энг яхши яккахон рақс ижрочиси
Россия — Кристина Коврова ва Никита Груздев;
Сербия — “Свети дорди” рақс жамоаси;

Энг яхши саҳналаштирилган рақс
Миср — “Таннура” рақс жамоаси


Каналга уланиш:
➖ @uzauz

Рамазон ҳайити байрамида неча кун дам оламиз?

Адлия вазирлиги бу ҳақида тўлиқ маълумот берди.

“Рамазон ҳайитини нишонлаш тўғрисида”ги Президент қарори қабул қилинди.

Қарорга кўра, 2022 йилда Рамазон ҳайитининг биринчи куни 2 май – душанба кунига тўғри келиши муносабати билан Рамазон ҳайити байрами сифатида нишонланади.

2022 йилда қўшимча дам олиш кунлари белгиланган Президент фармонига мувофиқ, Рамазон ҳайити арафасида:

➖ 5 кунлик иш ҳафтасида ишлайдиган ходимлар – 5 кун;
➖ 6 кунлик иш ҳафтасида ишлайдиганлар – 4 кун дам олади.

Бунда:

● 30 апрель (шанба) – дам олиш куни (6 кунлик иш ҳафтасида ишлайдиганлар учун иш куни):
● 1 май (якшанба) – дам олиш куни;
● 2 май (душанба) – Рамазон ҳайити байрами;
● 3–4 май (сешанба – чоршанба) – қўшимча дам олиш кунлари (7-майдан кўчирилган).

Каналга уланиш:
➖ @uzauz

#РАСМИЙ

Рамазон ҳайитини нишонлаш тўғрисида

Ўзбекистон Республикаси Президентининг қарори

Батафсил: http://uza.uz/posts/369140

Каналга уланиш:
➖ @uzauz

⚡️Тошкентда Рамазон Ҳайит намози ўқилиши туфайли махсус автобуслар ташкил этилади

Эртага, 2 май куни пойтахтнинг 11 та туманида жойлашган 98 та масжидда Рамазон Ҳайит намози ўқилиши белгиланган бўлиб, мазкур масжидларга ташриф буюрувчи фуқароларга қулайлик яратиш, йўлларда пайдо бўладиган тирбандликларни олдини олиш ҳамда Рамазон ҳайит байрамида сифатли, хавфсиз жамоат транспорти хизматини кўрсатиш мақсадида махсус автобус йўналишлари ташкил этилмоқда.

Мазкур автобус йўналишлари соат 03:00 дан 06:00 га қадар ҳаракатланган ҳолда фуқароларнинг масжидларга келиб кетишлари учун хизмат кўрсатади.

Каналга уланиш:
➖ @uzauz

#RASMIY_XABAR

Ўзбекистонда туман мактабгача таълим бўлимлари тугатилиши мумкин

Мактабгача таълим вазирлигига Ўзбекистон Республикаси Президенти Администрацияси томонидан туман мактабгача таълим бўлимлари фаолиятини тугатиш ҳамда бошқа масалаларни назарда тутувчи қарор лойиҳасини ишлаб чиқиш топшириғи берилди.

Айни пайтда, вазирлик ҳар томонлама таҳлил ўтказиш ва туман мактабгача таълим бўлимларини оптималлаштириш бўйича масъул бошқарма ва идоралардан, жумладан, ҳудудий бошқармалардан таклифларни йиғиш, шунингдек, Молия вазирлиги билан ҳамкорликда барча механизмларни батафсил ишлаб чиқишни режалаштирилган.

Каналга уланиш:
➖ @uzauz

Ўзбекистон Республикаси Президентининг

Ўзбекистон халқига Рамазон ҳайити табриги

http://uza.uz/posts/369351

Каналга уланиш:
➖ @uzauz

Барча мўмин-мусулмонларга Ийд ал-фитр - Рамазон ҳайити муборак бўлсин!

Каналга уланиш:
➖ @uzauz

⚡️ДХХ Тожикистондан кириб келаётган поездда гиёҳвандлик воситасини ушлади

Тошкент вилояти Бекобод тумани “Бекобод-темир йўл” халқаро ўтказиш пунктига “Хўжанд-Арыс” йўналишида Тожикистон Республикасидан кириб келган юк поезди ҳамда унинг таркибида бўлган вагонлар белгиланган тартибда ДХХ Чегара қўшинлари ҳарбий хизматчилари ҳамда Давлат божхона қўмитаси ходимлари ҳамкорлигида хизмат итлари ёрдамида кўздан кечирилди.

Кўздан кечириш жараёнида қурилиш молларини ташишга мўлжалланган вагонларнинг бирининг жуфт ғилдиракларини улаб турувчи таянч асосининг ғовагида қора рангли полителен пакет борлиги аниқланди.

Пакет холислар ва мутахассислар иштирокида очиб кўрилганда, унинг ичидаги икки ўрамда 1 кг. 949 гр. “опий” гиёҳвандлик воситаси борлиги аниқланди.
Ҳозирда мазкур ҳолат юзасидан Жиноят Кодексининг 246-моддаси 2-қисми билан жиноят иши қўзғатилган.

Каналга уланиш:
➖ @uzauz