Бугун, 6 апрель куни Quacquarelli Symonds халқаро рейтинг агентлиги дунё университетларининг “Фан соҳалари рейтинги” (Subject Rankings) натижаларини эълон қилди.

Ўзбекистон миллий университети QS by Subject Rankings’да “Математика” соҳасида эришган натижалари кўра, дунёнинг кучли 500 талик университетлар қаторидан 451-500 ўринни эгаллади.

Мазкур фан соҳасида ЎзМУ олимларининг Scopus базасида индексация қилинадиган мақолалари сони, уларга иқтибослик даражасининг юқорилиги, дунё математиклари томонидан университет академик обрўси юқори баҳоланди.

➖Каналга уланиш:
@uzauz

Алишер Султанов саломатлиги туфайли бошқа ишга ўтиши муносабати билан энергетика вазири лавозимидан озод этилди.

➖Каналга уланиш:
@uzauz

Президентнинг тегишли қарорига (ПҚ-197, 07.04.2022й) мувофиқ, 2022 йилнинг февраль-март ойлари давомида ўтказилган ташаббусли бюджет жараёнларида фуқароларимизнинг фаол иштирокини инобатга олган ҳолда ҳар бири 2 мингдан ортиқ овоз тўплаган, лекин ғолиб деб топилмаган 139 та лойиҳаларни амалга ошириш учун қўшимча равишда республика бюджетидан 85,4 млрд сўм маблағ ажратилиши белгиланди.


Каналга уланиш:
➖ @uzauz

⚡️Ўқишни кўчириш бўйича ўтиш баллари тасдиқланди

Олий ва ўрта махсус таълим вазирининг тегишли буйруғи билан 2022/2023 ўқув йилида хорижий давлатлардаги олий таълим муассасалари, республикамизда фаолият юритаётган нодавлат ва хорижий (филиаллар) олий таълим муассасаларидан давлат олий таълим муассасаларига ўқишни кўчириш учун ўтиш баллари тасдиқланди.

Жорий йил тизимида олий таълим муассасалари бўлган вазирлик ва идораларнинг таклифлари умумлаштирилиб, таълим соҳалари кесимида ўтиш баллари белгиланди.

Каналга уланиш:
➖ @uzauz

⚡Четдан олинаётган давлат қарзи қайси тармоқларга ва қанчадан тақсимланаётгани маълум қилинди

Молия вазирлиги Давлат қарзини бошқариш департаменти директори Жасур Қаршибоевнинг маълум қилишича, жорий йилда давлатнинг жами қарзи 26,3 миллиард долларни ташкил этади. Шундан 2,7 миллиард доллари ички қарз, 23,6 миллиард доллари ташқи қарз ҳисобланади.

Ташқи қарзнинг иқтисодий тармоқлар кесимида тақсимланиши қуйидагича:

— 5,9 миллиард доллари давлат бюджетини қўллаб-қувватлашга;
— 3,1 миллиард доллари электр-энергия тармоғига;
— 2,9 миллиард доллари энергетика (нефть-газ);
— 2,6 миллиард доллари транспорт ва транспорт инфратузилмасига;
— 2,4 миллиард доллари қишлоқ ва сув хўжалигига;
— 2,1 миллиард доллари уй-жой ва коммунал соҳага;
— 1,2 миллиард доллари тижорат банкларига;
— 1,2 миллиард доллари кимё саноатига;
— 0,7 миллиард доллари таълим ва соғлиқни сақлаш соҳасига;
— 0,2 миллиард доллари телекоммуникация тармоғига;
— 1,3 миллиард доллари бошқа йўналишларга.

Таъкидлаш жоизки, давлат қарзи хавфсизлигини таъминлаш борасидаги ислоҳотлар натижасида унинг йилдан-йилга камайишига эришилмоқда.

Каналга уланиш:
➖ @uzauz

⚡ Ўзбекистон бўйлаб 5 босқичли оммавий спорт мусобақалари ўтказилади

Бугун эълон қилинган “Маҳаллаларда ёшларни оммавий спортга жалб қилишни янги босқичга олиб чиқиш чора-тадбирлари тўғрисида”ги (2022 йил 11 апрель) Президент қарорида оммавий спортни ривожлантиришнинг асосий йўналишлари белгилаб қўйилди.

Мазкур қарорга кўра, оилавий спорт рағбатлантирилади, оммавий спорт мусобақалари ташкил этилади. Шунингдек, 2022 йилдан ҳар йили 30 июнь – Ўзбекистон Республикаси ёшлари куни ҳамда декабрда ўтказиладиган “Ёшлар форуми” доирасида футбол, мини-футбол, волейбол, енгил атлетика, шахмат, шашка, стол тенниси, стритбол, воркаут турлари бўйича 5 босқичли оммавий спорт мусобақалари ўтказилади.

Қарор билан тўлиқ: ➡ http://uza.uz/posts/363045

Каналга уланиш:
➖ @uzauz

⚡️ Ҳукумат қарори билан йўл ҳаракати қоидалари тасдиқланди. Ҳужжат билан:

➖ аҳоли пунктларида транспорт воситаларининг тезлигини соатига 70 километрдан, мактаб ва мактабгача таълим ташкилотлари атрофидаги йўлларда 300 метргача бўлган масофада 30 километрдан, турар жой даҳалари ва ёндош ҳудудларда (уй-жой бинолари орасидаги ер участкасида) эса соатига 20 километрдан оширмасдан ҳаракатланишга руҳсат этилади.

Бунда Ўзбекистан Президентининг 2022 йил 4 апрелдаги ПҚ-190-сон қарори билан ташкил этилган Йўл ҳаракати хавфсизлигини таъминлаш соҳасидаги республика комиссиясининг қарори асосида Тошкент ва Нукус шаҳарлари ҳамда вилоятлар марказларидаги йўл ҳаракати қатнови юқори бўлган ва аҳоли гавжум ҳудудларда транспорт воситалари ҳаракатланишининг юқори тезлиги соатига 60 километр этиб белгиланиши мумкин;

➖ енгил автомобилларда юк ташишга уларнинг том қисмига ўрнатилган юкхонадаги юкнинг баландлиги 1 метрдан (махсус мосламалар билан мустаҳкамланган ҳолда велосипедларни ташиш бундан мустасно) ва узунлиги автомобилнинг габаритидан 0,5 метрдан ошмаган тақдирда йўл қўйилади;

➖ юк автомобиллари, Йўл ҳаракати қоидаларида белгиланган айрим истиснолардан ташқари барча ҳолатларда, йўлнинг фақат ўнг қатнов қисмидан ҳаракатланиши шарт;

➖ транспорт воситаларининг қайрилиб олиш жойларида ва унга 30 метр етмасдан ёки ўтиб тўхташ тақиқланади;

➖ сутканинг коронғи вақтида ва етарлича кўринмайдиган шароитда велосипед йўлкаси бўлмаган ҳолда йўлнинг қатнов қисмида ҳаракатланаётган велосипедчилар нур қайтаргичли камзулда ёки нур кайтарувчи элементлар бўлган устки кийимда бўлиши шарт.

Янги таҳрирдаги Йўл ҳаракати қоидалари 2022 йил 1 майдан бошлаб амалга киритилади.

Каналга уланиш:
➖ @uzauz

⚡️ДХХ: Наманган, Тошкент ва Сирдарёда гиёҳвандлик воситалари савдосига қарши тезкор тадбирлар ўтказилди

⭕️ “Самарқанд-Наманган” йўналишида ҳаракатланаётган “Ласетти” русумли автомашина Чуст тумани ҳудудида тўхтатилиб текширилди.
Унда йўловчи сифатида кетаётган, Самарқанд шаҳрида яшовчи, 1968 ва 1991 йилларда туғилган 2 фуқаронинг ёнида 1 кг 470 гр. “гашиш” моддаси борлиги аниқланиб, процессуал тартибда расмийлаштириб олинди.

⭕️ Бошқа бир ҳолатда эса Наманган шаҳрида яшовчи, 1978 й.т., муқаддам гиёҳванд моддалар савдоси билан боғлиқ жиноят содир этганлиги учун судланган шахс бошқарувидаги “Лада” русумли автомашина вилоят марказида тўхтатилиб текширилганда, унинг салонида 931 гр. “гашиш” моддаси борлиги аниқланиб, тегишли тартибда расмийлаштириб олинди.

Каналга уланиш:
➖ @uzauz

Вазирлар Маҳкамасининг тегишли қарори билан (172-сон, 12.04.2022 йил) янги таҳрирдаги Йўл ҳаракати қоидалари тасдиқланди. Мазкур янги қоидалар 2022 йил 1 майдан бошлаб амалга киритилади.

Ҳукумат қарорининг тўлиқ матнини ҳавола этамиз.

Каналга уланиш:
➖ @uzauz

Алексей Хен Тошкент шаҳар ҳокимига ўринбосар этиб тайинланди

Хен Алексей Федорович Тошкент шаҳар ҳокимининг ахборот технологияларини жорий этиш бўйича ўринбосари - Рақамли ривожланиш департаменти раҳбари лавозимига тайинланди.

Алексей Хен 1983 йилда Хоразм вилоятида туғилган.
Ҳозирга қадар Тошкент шаҳар ҳокимлиги ҳузуридаги “Рақамли ривожланиш департаменти” масъулияти чекланган жамияти директорининг биринчи ўринбосари вазифасида ишлаган.

Каналга уланиш:
➖ @uzauz

ШОШИЛИНЧ АХБОРОТ!

ОБ-ҲАВО — кучли ёғингарчиликдан огоҳлантиради

Жорий йилнинг 18-20 апрель кунлари Ўзбекистон ҳудудига Туркманистон орқали Эрондан нам ҳаво, сўнгра Волга бўйи ҳудудларидан нисбатан салқин ҳаво массаси кириб келиши хисобига 18-20 апрелда Ўзбекистон ҳудуди бўйича баъзи жойларда ёмғир ёғади, момақалдироқ бўлиши мумкин, жумладан:

19 апрелда Қашқадарё, Сурхондарё вилоятларида баъзи жойларда кучли ёмғир ёғади;
19-20 апрелда Самарқанд, Жиззах вилоятларида баъзи жойларда кучли ёмғир ёғади;
20 апрелда Тошкент, Сирдарё вилоятларида баъзи жойларда кучли ёмғир ёғади;
19-20 апрелда республиканинг айрим жойларида дўл ёғиши мумкин.
18-20 апрелда республика бўйича баъзи жойларда шамол 17-22 м/с гача кучайиши кутилмоқда, 18 апрелда баъзи жойларда чанг тўзон бўлиши кузатилади.
19-20 апрелда кундузги ҳаво ҳарорати 18-23 градусгача пасаяди. Ўзгидромет бош директори Шерзодхўжа Ҳабибуллаев маълум қилди.

Каналга уланиш:
➖ @uzauz

Президент раислигида видеоселектор йиғилиши бошланди.

Дунёда содир бўлаётган воқеалар сабаб жаҳон бозоридаги озиқ-овқат маҳсулотлари нархлари ўтган асрнинг 80-йилларидагидан ҳам юқори даражаларда ўсаётгани таъкидланди.

Хусусан, март ойида дунё бўйича озиқ-овқат нархлари 2021 йилнинг мос даврига нисбатан 34 фоизга ошди.

Айниқса, йил бошидан жаҳон бозорларида буғдой нархи – 20 фоиз, маккажўхори – 19 фоиз, озуқа донлари – 20 фоиз ва ўсимлик ёғи – 23 фоизга кўтарилди.

Жорий йилда ёғингарчилик ҳисобига, водий, Тошкент вилояти ва Самарқандда сув захираси 20 фоизга кўпайгани билан, Қорақалпоғистон, Бухоро, Қашқадарё, Сурхондарё, Хоразмда сув таъминоти бўйича қийинчиликлар бўлади.

Жаҳон бозорида минерал ўғитлар ва ёқилғи нархлари 2 бараварга ошгани, албатта, кластер, фермер ва деҳқонларнинг етиштираётган маҳсулотларининг таннархига ҳамда молиявий аҳволига таъсир қилади.

ТАЙИНЛОВ

Дилшод Кенжаев бошқа ишга ўтиши муносабати билан Президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимидан озод этилди.

Унинг ўрнига Нодиржон Халбутаев тайинланди. Бунга қадар у Ўзбекистон Ёзувчилар уюшмаси раисининг биринчи ўринбосари лавозимида фаолият юритган.

Каналга уланиш:
➖ @uzauz

Кенжаев Дилшод Муталибович Президент таълим муассасалари агентлиги директорининг биринчи ўринбосари этиб тайинланди.


Каналга уланиш:
➖ @uzauz

#DXX_XABARI

⚡️ДХХ катта миқдордаги маблағларни ўзлаштираётган, дароматларни бир нечта кўчмас мулклар ва қимматбаҳо автомашиналар харид қилиш орқали легаллаштирган МЧЖ раҳбарини қўлга олингани ҳақида видео хабарни эълон қилди

Каналга уланиш:
➖ @uzauz

#TAZIYA

⚡️Халқимиз орасида "Эшонбобо" номи билан ҳурмат қозонган машҳур диний уламо вафот этди

Ўзбекистон мусулмонлари идораси Уламолар кенгаши ҳамда Дин ишлари бўйича қўмита жамоаси халқимиз орасида "Эшонбобо" номи билан машҳур бўлган диний уламо Насриддинхон Мубинжон ўғли 2022 йил 15 апрелда, муқаддас Рамазон ойининг муборак жума кунида 64 ёшида вафот этгани муносабати билан таъзия изҳор қилди.

Каналга уланиш:
➖ @uzauz

⚡️Ғофур Раҳимов Ўзбекистон профессионал бокс федерациясида иш бошлади

Ўзбекистон профессионал бокс федерациясининг навбатдан ташқари Конференцияси бўлиб ўтди.
Йиғилишда ташкилий масала кўриб чиқилди. ЎПБФ Ижроия қўмитасининг янги таркиби тасдиқланди.
Унга кўра, ҳозирда Халқаро кураш ассоциацияси(IKA) бош котиби сифатида фаолият кўрсатиб келаётган Умид Якубов Ўзбекистон профессионал бокс федерацияси президенти, тажрибали мутахассис Ғофур Раҳимов биринчи вице-президент ҳамда Зиёвуддин Хожиниёзов вице-президент вазифаларига жамоатчилик асосида сайланишди.

Каналга уланиш:
➖ @uzauz

Ўткиржон Қодиров бошқа ишга ўтиши муносабати билан Давлат божхона қўмитаси раисининг ўринбосари лавозимидан озод этилди.

Каналга уланиш:
➖ @uzauz

Айрим Telegram-каналлар томонидан Термиз шаҳри атрофида Ўзбекистон ҳарбийлари Афғонистон ҳудудидан ракеталар билан ўққа тутилгани тўғрисида тарқатилаётган хабарлар мутлақо ҳақиқатга тўғри келмайди.

Ўзбекистон Мудофаа вазирлиги ва Чегара қўшинлари берган маълумотга кўра, Ўзбекистон-Афғонистон чегарасида ҳеч қандай ҳарбий фаоллик кузатилмаяпти, вазият барқарор.

Провокацияларга берилмаслигингизни сўраймиз.
—
Распространяемая некоторыми Telegram-каналами информация о якобы ракетном обстреле с территории Афганистана частей Вооруженных Сил Узбекистана в районе г.Термеза абсолютно не соответствует действительности.

По данным Минобороны и Пограничных войск Узбекистана, на узбекско-афганской границе никакой военной активности не наблюдается, ситуация стабильная.

Просим не поддаваться провокациям.

#ТАЙИНЛОВ

➖ Джураев Хуррам Абдуразикович Қашқадарё вилоятининг Кўкдала тумани ҳокими этиб тайинланди ва шу муносабат билан Чироқчи тумани ҳокими лавозимидан озод этилди.

➖ Эркаев Нодир Худайбердиевич Қашқадарё вилояти Чироқчи тумани ҳокими этиб тайинланди ва шу муносабат билан вилоят ҳокимининг молия-иқтисод масалалари бўйича биринчи ўринбосари лавозимидан озод этилди.

Каналга уланиш:
➖ @uzauz