ТӨРҮТ СИЭРИ-ТУОМУ ТАРҔАТАР АЛЛАЙЫАХА АЛГЫСЧЫТА ИДА РОЖИНА
Быйылгы эпидемиологическэй балаһыанньанан самаан сайын уйгулаах ыһыаҕын тэрээһиннэрэ кэтэхтэн ыытыллаллар. «Сахабэчээт» иһинэн биллэриллибит «Сахабыт сирин алгысчыттара» флешмобы биир бастакынан Аллайыаха улууһун Чокуурдаах бөһүөлэгин 73 саастаах олохтооҕо Ида Дмитриевна Рожина өйөөтө.
Ида Дмитриевна Рожина Нам улууһун Үөдэй нэһилиэгин дириҥ сахалыы итэҕэллээх, Прокопьевтар дьиэ кэргэннэрин аҕа ууһуттан төрүттээх. Эһэтэ Прокопьев Иннокентий Федорович отоһут эбит. Эбэтэ Прокопьева Парасковья Иннокентьевна тыл баайдаах, олус үлэһит, күүстээх санаатынан дьон ытыктабылын ылара. Аҕата Прокопьев Дмитрий Иванович Аҕа дойду сэриитин кыттыылааҕа, ийэтэ эдэр сааһыгар ыалдьан өлбүт.
Ида Дмитриевна алгыс абылаҥар хаhaн-хайдах кэлбитин, алгыстыыр туhунан санааларын үллэстэр:
– Алгыс абылаҥар 1992 сыллаахтан саха сирин төрүт норуоттарын, культураларын “А.Г.Чикачёв аатынан Чокуурдаах орто оскуолатыгар” үөрэтиэхпиттэн дьарыктанан, үгүс элбэх үөрэнээччилэри алгыс араас көрүҥнэригэр саха тылын сүмэһинин, алыптаах тылларын олоххо табатык туттууга үгүс сырабын ууран элбэх оҕону үөрэттэҕим, уһуйдаҕым. Алгыһынан дьарыктаммытым 28 сыл буолла, аан бастаан 1992 сыллаахха тохсунньу ыйга Күн тахсыытын сиэрин-туомун үөрэнээччилэрбэр көрдөрүүттэн саҕалаабытым, онтон «Кыталык» резерват маҥнай арыллыытыгар алыптаах алгыһы түһэрбитим. Сыл аайы улууспутугар уонна өрөспүүбүлүкэҕэ ыытыллар улуус түһүлгэтин ыһыахтарыгар алгыыбын. Алгыһы төрүт итэҕэллээх, айылҕаны анааран өйдүүр, тыл ис хоһоонун өйдөөн ис сүрэххиттэн тиэрдэриҥ тулалыыр эйгэҕэр дьайыыта күүстээх буолар. Бэйэҕит төрүт итэҕэлгитин өрө тутан, сиэри-туому тутуһан, омук быһыытынан атын омуктары кытта тэҥҥэ сайдан инники олоххутун түстээҥ. Эйэлээх, бэйэ-бэйэҕэ истиҥ сыһыаны, чэгиэн-чэбдик доруобуйаны баҕарабын.
Аҕыс Ахтар Айыыларгыт арчылаатыннар,
Сэттэ Иэйэр Иэйэхситтэргит араҥаччылаатыннар,
Баай Байанайгыт тосхойдун,
Дьиэҕит иһэ куруук үөрүүнэн туоллун,
Дьоллоох-соргулаах буолуҥ! ДОМ!
Алгыс баhа сыаланнын!
#сахапечать #улусмедиа #новости #алгыс #СахабытСиринАлгысчыттара
Быйылгы эпидемиологическэй балаһыанньанан самаан сайын уйгулаах ыһыаҕын тэрээһиннэрэ кэтэхтэн ыытыллаллар. «Сахабэчээт» иһинэн биллэриллибит «Сахабыт сирин алгысчыттара» флешмобы биир бастакынан Аллайыаха улууһун Чокуурдаах бөһүөлэгин 73 саастаах олохтооҕо Ида Дмитриевна Рожина өйөөтө.
Ида Дмитриевна Рожина Нам улууһун Үөдэй нэһилиэгин дириҥ сахалыы итэҕэллээх, Прокопьевтар дьиэ кэргэннэрин аҕа ууһуттан төрүттээх. Эһэтэ Прокопьев Иннокентий Федорович отоһут эбит. Эбэтэ Прокопьева Парасковья Иннокентьевна тыл баайдаах, олус үлэһит, күүстээх санаатынан дьон ытыктабылын ылара. Аҕата Прокопьев Дмитрий Иванович Аҕа дойду сэриитин кыттыылааҕа, ийэтэ эдэр сааһыгар ыалдьан өлбүт.
Ида Дмитриевна алгыс абылаҥар хаhaн-хайдах кэлбитин, алгыстыыр туhунан санааларын үллэстэр:
– Алгыс абылаҥар 1992 сыллаахтан саха сирин төрүт норуоттарын, культураларын “А.Г.Чикачёв аатынан Чокуурдаах орто оскуолатыгар” үөрэтиэхпиттэн дьарыктанан, үгүс элбэх үөрэнээччилэри алгыс араас көрүҥнэригэр саха тылын сүмэһинин, алыптаах тылларын олоххо табатык туттууга үгүс сырабын ууран элбэх оҕону үөрэттэҕим, уһуйдаҕым. Алгыһынан дьарыктаммытым 28 сыл буолла, аан бастаан 1992 сыллаахха тохсунньу ыйга Күн тахсыытын сиэрин-туомун үөрэнээччилэрбэр көрдөрүүттэн саҕалаабытым, онтон «Кыталык» резерват маҥнай арыллыытыгар алыптаах алгыһы түһэрбитим. Сыл аайы улууспутугар уонна өрөспүүбүлүкэҕэ ыытыллар улуус түһүлгэтин ыһыахтарыгар алгыыбын. Алгыһы төрүт итэҕэллээх, айылҕаны анааран өйдүүр, тыл ис хоһоонун өйдөөн ис сүрэххиттэн тиэрдэриҥ тулалыыр эйгэҕэр дьайыыта күүстээх буолар. Бэйэҕит төрүт итэҕэлгитин өрө тутан, сиэри-туому тутуһан, омук быһыытынан атын омуктары кытта тэҥҥэ сайдан инники олоххутун түстээҥ. Эйэлээх, бэйэ-бэйэҕэ истиҥ сыһыаны, чэгиэн-чэбдик доруобуйаны баҕарабын.
Аҕыс Ахтар Айыыларгыт арчылаатыннар,
Сэттэ Иэйэр Иэйэхситтэргит араҥаччылаатыннар,
Баай Байанайгыт тосхойдун,
Дьиэҕит иһэ куруук үөрүүнэн туоллун,
Дьоллоох-соргулаах буолуҥ! ДОМ!
Алгыс баhа сыаланнын!
#сахапечать #улусмедиа #новости #алгыс #СахабытСиринАлгысчыттара