НЬУРБАҔА ҮТҮӨЛЭЭХ СУОППАР СУОЛ ОҤОРУУТУГАР ТУС КЫЛААТЫН КИЛЛЭРЭР
Ньурбаҕа суоллары оҥоруу тэтимнээхтик барар. Куорат иһигэр ыытыллар үлэлэргэ эбии чааһынай тэрилтэ бэйэтин баҕа өттүнэн кыттара хайҕабыллаах дьыала.
СӨ тыраанспарын үтүөлээх үлэһитэ, ыраах айан бочуоттаах суоппара, чааһынай урбаанньыт Николай Владимирович Сотников көҕүлээһининэн саҥа Новай микрооройуон ортотунан аспааллааһыҥҥа үлэ барар. Бу үлэни хардарыта аахсыы суотугар «РИК Автодор» ААУо биригээдэтэ толорор.
Николай Сотников: «Олох-дьаһах өттүгэр сайдыы барарынан, дьон уонна бэйэм да абыраныам диэн санааттан суолу оҥоттордум», – диэн кылгастык эттэ.
Бу иннинэ Николай Владимирович кырачаан оҕолорго Саҥа дьыллааҕы “Праздник к нам приходит” соһуччу бэлэҕи оҥорбута. Бу маннык үтүө санаа атыттарга холобур буолуон сөп.
#улусмедиа #нюрбинскийрайон #ремонтдорог
Ньурбаҕа суоллары оҥоруу тэтимнээхтик барар. Куорат иһигэр ыытыллар үлэлэргэ эбии чааһынай тэрилтэ бэйэтин баҕа өттүнэн кыттара хайҕабыллаах дьыала.
СӨ тыраанспарын үтүөлээх үлэһитэ, ыраах айан бочуоттаах суоппара, чааһынай урбаанньыт Николай Владимирович Сотников көҕүлээһининэн саҥа Новай микрооройуон ортотунан аспааллааһыҥҥа үлэ барар. Бу үлэни хардарыта аахсыы суотугар «РИК Автодор» ААУо биригээдэтэ толорор.
Николай Сотников: «Олох-дьаһах өттүгэр сайдыы барарынан, дьон уонна бэйэм да абыраныам диэн санааттан суолу оҥоттордум», – диэн кылгастык эттэ.
Бу иннинэ Николай Владимирович кырачаан оҕолорго Саҥа дьыллааҕы “Праздник к нам приходит” соһуччу бэлэҕи оҥорбута. Бу маннык үтүө санаа атыттарга холобур буолуон сөп.
#улусмедиа #нюрбинскийрайон #ремонтдорог
КЭБЭЭЙИ КЫРДЬАҔАСТАРЫН БАЙАНАЙ БУЛДУНАН КҮНДҮЛЭЭТИЛЭР
Кэбээйи олохтоох дьаһалтата чуолаан нэһилиэк кырдьаҕас, саастаах араҥатыгар болҕомтотун хатыыр. Бүгүн соҕотох олорор ийэлэргэ, эбэлэргэ, ытыктанар кырдьаҕастарга байанай бэрсибит булдун түҥэттилэр.
Кэбээйигэ Аан дойду дьахталларын күнүгэр олохтоох дьаһалта тэрийиитинэн нэһилиэк эр дьоно кэрэ аҥардары эҕэрдэлээн дьоро киэһэ тэрийбитэ. Ити дьоро киэһэҕэ нэһилиэк баһылыга Андрей Николаевич Кобяков кырдьаҕас, саастаах, соҕотох олорор ийэлэргэ, эбэлэргэ сааскы Байанай бэлэҕиттэн бэрсэрдии кус-хаас сэртипикээтин бэлэх уунан турар. Дьэ, ол сэртипикээт бүгүҥҥү күҥҥэ бэйэтин соругун толордо.
Бүгүн соҕотох олорор ийэлэргэ, эбэлэргэ, ытыктанар кырдьаҕастарга Андрей Николаевич салалтатынан дьиэлэринэн кэрийэ сылдьан байанай бэрсибит булдуттан түҥэттилэр. Болҕомто хатаммыт кырдьаҕастар үөрүүлэрин үллэстэн, чугас-ыраах олорор аймахтарыгар сибээс нөҥүө сонуннарын кэпсээтилэр.
#улусмедиа #кобяйскийрайон #новости
Кэбээйи олохтоох дьаһалтата чуолаан нэһилиэк кырдьаҕас, саастаах араҥатыгар болҕомтотун хатыыр. Бүгүн соҕотох олорор ийэлэргэ, эбэлэргэ, ытыктанар кырдьаҕастарга байанай бэрсибит булдун түҥэттилэр.
Кэбээйигэ Аан дойду дьахталларын күнүгэр олохтоох дьаһалта тэрийиитинэн нэһилиэк эр дьоно кэрэ аҥардары эҕэрдэлээн дьоро киэһэ тэрийбитэ. Ити дьоро киэһэҕэ нэһилиэк баһылыга Андрей Николаевич Кобяков кырдьаҕас, саастаах, соҕотох олорор ийэлэргэ, эбэлэргэ сааскы Байанай бэлэҕиттэн бэрсэрдии кус-хаас сэртипикээтин бэлэх уунан турар. Дьэ, ол сэртипикээт бүгүҥҥү күҥҥэ бэйэтин соругун толордо.
Бүгүн соҕотох олорор ийэлэргэ, эбэлэргэ, ытыктанар кырдьаҕастарга Андрей Николаевич салалтатынан дьиэлэринэн кэрийэ сылдьан байанай бэрсибит булдуттан түҥэттилэр. Болҕомто хатаммыт кырдьаҕастар үөрүүлэрин үллэстэн, чугас-ыраах олорор аймахтарыгар сибээс нөҥүө сонуннарын кэпсээтилэр.
#улусмедиа #кобяйскийрайон #новости
АММА АВТОИНСПЕКТОРДАРА ХААЧЧАХТААҺЫН КЭМИГЭР КҮҮСТЭЭХ ӨЙӨБҮЛҮ ОҤОРДУЛАР
Амма улууһун госавтоинспекциятыгар 7 сотрудник үлэлиир. Кинилэр улууска биллэриллибит үрдүк бэлэмнээх буолуу эрэсиимигэр ыарыыны тарҕаппат туһугар күүстээх үлэни көрдөрдүлэр.
Амма улууһун ГАИ-гар уопсайа 7 инспектор күннэтэ түбүгүрэр. Инспектордар муниципальнай суолталаах 236 км уонна өрөспүүбүлүкэ суолталаах 362 км суолга быһылаан тахсыбатын туһугар үлэлэһэллэр.
“Биһиги инпекциябыт бэс ыйыгар уопсайа 282 автомототехниканы регистрациялаата. Сыл алта ыйын түмүгүнэн 1045 административнай боротокуол толорулунна. Уруулга итирик туруктаах олорууну утары үлэ күннэтэ ыытыллар. Бэс ыйыгар оннук арыгы иһэн баран тоҕус киһи тутулунна. Бу ааспыт сыл бэс ыйын кытта тэҥнээтэххэ 1 киһинэн аҕыйах. Пандемия кэмигэр сотрудниктарбыт солбуһа сылдьаннар 6 км баар постка волонтердары кытта күннэри-түүннэри үлэлээн тыһыынчанан массыынаны бэрэбиэркэлээтилэр.
Биһиги улууспут нөҥүө Уус Майа улууһун техникалара эмиэ ааһаллар. Ол бэрэбиэркэтин эмиэ ыытабыт. Маны сэргэ киэһэ араас рейдэлэргэ сылдьаллар, профилактическай операцияларга кытталлар. Бэйэм кэллиэгэлэрбин идэлээх күннэринэн эҕэрдэлиибин уонна туйгун сулууспаны баҕарабын”, – диэн этэр Амма улууһун ГИБДД сулууспатын начальнига, полиция капитана Валерий Тылбыков.
Күн бүгүн инспекцияҕа сэттэ эдэр үлэһит уолаттар суолга саахал тахсыбатын, сатыы да, техникалаах да дьон суол быраабылатын тутуһан сылдьалларын туһугар үлэлииллэр. Ол курдук старшай госинспектор, полиция старшай лейтенана Яков Слепцов, госинспектор, полиция старшай лейтенана Григорий Неустроев, старшай ДПС инспектора, полиция старшай лейтенана Роман Гаврильев, ДПС инспектордара, полиция лейтенаннара Андрей Шараборин, Игнат Ноговицын уонна Кирилл Никулин.
#улусмедиа #амгинскийрайон #ГАИ #ГИБДД #ДПС
Амма улууһун госавтоинспекциятыгар 7 сотрудник үлэлиир. Кинилэр улууска биллэриллибит үрдүк бэлэмнээх буолуу эрэсиимигэр ыарыыны тарҕаппат туһугар күүстээх үлэни көрдөрдүлэр.
Амма улууһун ГАИ-гар уопсайа 7 инспектор күннэтэ түбүгүрэр. Инспектордар муниципальнай суолталаах 236 км уонна өрөспүүбүлүкэ суолталаах 362 км суолга быһылаан тахсыбатын туһугар үлэлэһэллэр.
“Биһиги инпекциябыт бэс ыйыгар уопсайа 282 автомототехниканы регистрациялаата. Сыл алта ыйын түмүгүнэн 1045 административнай боротокуол толорулунна. Уруулга итирик туруктаах олорууну утары үлэ күннэтэ ыытыллар. Бэс ыйыгар оннук арыгы иһэн баран тоҕус киһи тутулунна. Бу ааспыт сыл бэс ыйын кытта тэҥнээтэххэ 1 киһинэн аҕыйах. Пандемия кэмигэр сотрудниктарбыт солбуһа сылдьаннар 6 км баар постка волонтердары кытта күннэри-түүннэри үлэлээн тыһыынчанан массыынаны бэрэбиэркэлээтилэр.
Биһиги улууспут нөҥүө Уус Майа улууһун техникалара эмиэ ааһаллар. Ол бэрэбиэркэтин эмиэ ыытабыт. Маны сэргэ киэһэ араас рейдэлэргэ сылдьаллар, профилактическай операцияларга кытталлар. Бэйэм кэллиэгэлэрбин идэлээх күннэринэн эҕэрдэлиибин уонна туйгун сулууспаны баҕарабын”, – диэн этэр Амма улууһун ГИБДД сулууспатын начальнига, полиция капитана Валерий Тылбыков.
Күн бүгүн инспекцияҕа сэттэ эдэр үлэһит уолаттар суолга саахал тахсыбатын, сатыы да, техникалаах да дьон суол быраабылатын тутуһан сылдьалларын туһугар үлэлииллэр. Ол курдук старшай госинспектор, полиция старшай лейтенана Яков Слепцов, госинспектор, полиция старшай лейтенана Григорий Неустроев, старшай ДПС инспектора, полиция старшай лейтенана Роман Гаврильев, ДПС инспектордара, полиция лейтенаннара Андрей Шараборин, Игнат Ноговицын уонна Кирилл Никулин.
#улусмедиа #амгинскийрайон #ГАИ #ГИБДД #ДПС
ТӨБҮЛЭХ ХОМУС КУТТААХ ЫАЛА ӨРӨСПҮҮБҮЛҮКЭҔЭ СИТИҺИИЛЭННЭ
Муома оройуонун олохтоохторо өрөспүүбүлүкэҕэ ыытыллар араас күрэхтэргэ көхтөөхтүк кытталлар. Төбүлэх олохтооҕо Людмила Алексеевна Стручкова быйылгы ыһыахха хомус күрэҕэр сиэннэрин кытта кыттан үһүс миэстэни ыллылар.
Людмила Алексеевна сиэннэринээн өрөспүүбүлүкэҕэ үһүс миэстэҕэ тахсан анал дипломунан бэлиэтэннилэр, бэлэх туттулар.
Оттон уола Алексей сэрии оҕолорун туһунан айар үлэтинэн күрэххэ кыттан Госдума депутата Ф. С. Тумусовтан махтал суругу, өйдөбүнньүк мэтээли ылар буолла. Алексей култуура эйгэтин үлэһитэ, араас түмсүүлэргэ мэлдьи кыттар, миэстэлэһэр.
Көхтөөх ыал ити курдук араас күрэхтэргэ кыайыыны ситиһэр.
#улусмедиа #Момскийрайон #конкурс #хомус
Муома оройуонун олохтоохторо өрөспүүбүлүкэҕэ ыытыллар араас күрэхтэргэ көхтөөхтүк кытталлар. Төбүлэх олохтооҕо Людмила Алексеевна Стручкова быйылгы ыһыахха хомус күрэҕэр сиэннэрин кытта кыттан үһүс миэстэни ыллылар.
Людмила Алексеевна сиэннэринээн өрөспүүбүлүкэҕэ үһүс миэстэҕэ тахсан анал дипломунан бэлиэтэннилэр, бэлэх туттулар.
Оттон уола Алексей сэрии оҕолорун туһунан айар үлэтинэн күрэххэ кыттан Госдума депутата Ф. С. Тумусовтан махтал суругу, өйдөбүнньүк мэтээли ылар буолла. Алексей култуура эйгэтин үлэһитэ, араас түмсүүлэргэ мэлдьи кыттар, миэстэлэһэр.
Көхтөөх ыал ити курдук араас күрэхтэргэ кыайыыны ситиһэр.
#улусмедиа #Момскийрайон #конкурс #хомус