❄️ Олунньу 21 күнэ. Оптуорунньук

Бүгүн дойдуга туох эрэ улахан уларыйыы буоларын билбит курдук, халлаан чуумпуран наскыйбыт. Биһиги бириэмэбитинэн киэһэ 6 чааска РФ Президенэ В. Путин быһа эпииргэ иһитиннэрии оҥоруохтааҕын бүтүн Аан дойду кэтиир🤔 Сарсыҥҥы күммүт☀️саргыта бүгүн быһаарыллар. Путин АХШ-гар, Зеленскэйгэ таала кырыыланна😟, онон дьыбардаах соҕус этии буолара буолуо...🫣

Сарсыарда Суоттуга -40°С. Хотуттан-арҕааттан уларыйа сылдьар мөлтөх тыаллаах. Быһа барыллаан сөкүүндэҕэ 2-3 м. түргэннээх. Халлаан сылыйан✨✨✨сулустар сандаарбаттар, ый🌕суох буолан, им-балай хараҥа🌚 Арай эрдэһит ыаллар, остуолба уоттара сандаараллар, оһохтор буруолара унаараллар😉 Сарсыардааҥҥы ыраас, сибиэһэй салгын тыынарга үчүгэйиэн👍👍👍 Киһи санаалыын сылаанньыйар, туруктуун тупсар💪💪😅 Эрдэ турар – киһи тылынан сатаан эппэт кэрэлээх🤗 Айылҕа уһуктар кэмигэр күүһүн-уоҕун эйигинниин үллэстэн кэрэнэн симиир айылгылаах🤗 Ойон тураат үлэҕэ ыстанар киһи ону билбэт🫢 Күммүт☀️4 чаас 23 мүн. уһаата👍

Сылаас нууралга наскыйан
Суотту сыһыыта налыйар,
Сааскы салгыҥҥа намчыйан
Сэргэх көстүүтэ нэлэйэр.

Кырта хаарынан хаамабын,
Кырпа маҥанын сөҕөбүн,
Кырдал саалыгар тахсабын
Күндүл халлааны көрөбүн.

Санаам ситимин тиһэбин
Сүрэх тэбэрин истэбин,
Сырдык кэрэттэн үөрэбин,
Сарпа тойугун сүһэбин.

Кылбаа күлүмнэс көстүүтэ
Кэҥээн харахпын толорор,
Кэммит уһуктар дьайыыта
Күммүт тыгыыта күүһүрэр.

САЙДАМ САНААЛААХ САҤА КҮНҮ КӨРСҮӨХХЭ! 🤗✊✊✊

✍️ Иннокентий Попов, Суотту олохтооҕо

Алена Стрекаловская 📸 түһэриитэ

@murusahargata

Күннээҕи гороскоп✨

💫Олунньу 21 күнэ💫

Хой 😀

Ахтар-саныыр киһигэр билин, сонуҥҥун үллэһин

Оҕус 😀

Истиҥ доҕоргор, чугас дьоҥҥор болҕомтоҕун уура сатаа. Кинилэр эйигиттэн олус элбэҕи күүтэллэр

Игирэлэр 😀

Дьиэ ис-тас үлэтин өрө тутарга кэм кэллэ. Барытын былааннаан чөкө чөлүгэр түһэрэр табыгастаах буолуо

Рак 😀

Айылҕаҕа тахсан сынньанарга табыгастаах кэм

Хахай 😀

Биир түгэн эн олоҕу көрүүгүн тосту уларытыан сөп

Кыыс 😀

Инникини былаанныыр ордук, мээнэ өмүрэх курдук тутар-хабар ардыгар сатаммат

Ыйааһын 😀

Ким эрэ өр да кэм эйигиттэн биир тылы истээри эрэйэр уонна кэтэһэр

Скорпион 😀

Таптыыр киһигэр бигэ эрэллээх буоллаххына, эн кинини олус дьоллоох оҥоруоҥ

Охчут 😀

Дьолу хас биирдии киһи араастык өйдүүр, эйиэхэ – аттыгар таптыыр киһиҥ баар буолара

Чубуку ♑️

Күүппүт түгэниҥ бу тирээн кэллэ, сирэй сирэйгэ көрсүһэн баран бэйэҕин түһэн биэримэ

Күрүлгэн ♒️

Сотору кэминэн барыта чөлүгэр түһүө, ону таһынан үрдүккэ дабайыы баар буолуо

Балыктар ♓️

Туһааннаах кэмҥэ сөптөөх тыллары туттаргын умнума