📰📰📰

⭕️ Арассыыйа Бэчээтин күнүн көрсө СӨ суруналыыстарын Сойууһун бырабылыанньата (бэрэссэдээтэл Г.А. Бочкарева) үгэс буолбут 2021 сыл түмүгүнэн суруналыыстар уонна СМИ эйгэтин үлэһиттэрин өрөспүүбүлүкэтээҕи профессиональнай куонкурустарын түмүгүн таһаарда.

⭕️ Барыта 10 анал номинация баарыттан “Түмүктээх үлэтин иһин” (“За результативность”) номинацияҕа “Мүрү саһарҕата” хаһыат отделын эрэдээктэрэ, суруналыыс Ольга Шепелева “Бэтэрээн ыра санаата” бырайыагынан лауреат үрдүк аатын ылла.

⭕️ «Бэтэрээн ыра санаата» бырайыак ааспыт 2021 сыл тохсунньу 22 күнүттэн саҕаланан, нэдиэлэ ахсын нэһилиэктэринэн ыытыллан, балаҕан ыйыгар түмүктэммитэ.

⭕️ Улуус икки сэрии бэтэрээнигэр II Лөгөй нэһилиэгин ытык олохтооҕо В.А. Васильев дьонугар, Найахы нэһилиэгин ытык олохтооҕо, сэрии бэтэрээнэ Н.Н. Ивановка уопсайа 337 тыһ. 600 солк. туттарыллыбыта.

⭕️ Бу үлэни сүрүннээччи суруналыыс Ольга Шепелева бырайыагы үүннээн-тэһииннээн, тэрийэн үтүө умнуллубат бачыым олохтонно.

⭕️ Маны сэргэ, хаһыат ис-тас тутулун, макыатын дизайнынан, урукку өттүгэр ситиһиллэ илик – “Сыл бастыҥ дизайна” (“Дизайн года”) анал номинацияҕа улуус хаһыатыгар уһун сылларга үлэлии сылдьар СӨ бэчээтин туйгуна, хаһыат тиэхиньиичэскэй эрэдээктэрэ Сардана Владимировна Бурнашева лауреатынан ааттанна.

⭕️ Биир идэлээхтэрбитин, үөрүүлэрин тэҥҥэ үллэстэн туран, улахан ситиһиилэринэн эҕэрдэлиибит уонна өссө таһаарыылаах үлэни, айар-тутар уҕараабат күүһү-уоҕу баҕарабыт!

@murusahargata

#уйгусирэуусалдан
#уусалданхаһыата
#мүрүсаһарҕата
#сылбастыҥнара
https://www.instagram.com/p/CYiPHHZoid_u7aA7Oz5jPVYvuUO-Fz4kyJsD9c0/?utm_medium=share_sheet

📰📰📰

⭕ Аллараа Бэстээххэ ыытыллыбыт Саха Өрөспүүбүлүкэтин көҥүл тустууга биирдиилээн уонна хамаанданан чөмпүйэнээтигэр – 2022 сылга Бороҕоҥҥо ыытыллар Саха сирин норуоттарын VIII-c спортивнай оонньууларыгар квалификациялыыр Николай Тарскай аатынан турнирга кыттыы түмүгүнэн Уус Алдан хамаандата төрдүс миэстэ буолан, сайыҥҥы спартакиадаҕа алта путевканы ылла.

⭕ Улуус сүүмэрдэммит хамаандатын бөҕөстөрүттэн – 57 киилэҕэ диэри категорияҕа Айаал Белолюбскай үһүс миэстэ буолла, оттон Петр Павлов уонна Евгений Алексеев эчэйии ыланнар, 65 киилэҕэ диэри уонна 125 киилэҕэ диэри бэйэлэрин ыйааһыннарыгар үһүс миэстэ иһин киирсиигэ кыайан тустубатылар.

⭕ Манна бэлиэтээн эттэххэ, Чурапчы уонна Сунтаар улуустара эмиэ алталыы путевкаланнылар, оттон кыайыылааҕынан тахсыбыт Мэҥэ Хаҥалас хамаандата тоҕус путевканы ылла.

⭕ "Оттон хамаандабыт лидерэ Арыйаан Тютрин тохсунньу 11-12 күннэригэр Беларусь өрөспүүбүлүкэтин чөмпүйэнээтигэр кыттар буолан, Тарскай турнирыгар кыайан кыттыбата эрээри, судьуйалар коллегияларын быһаарыытынан, улууһун хамаандатыгар очукуо ааҕыллан, кини даҕаны путевканы ыларыгар эрэллээхпит", – диэн улуус дьаһалтатын пресс-сулууспата иһитиннэрэр.

✅ @muru.sahargata

📸 @sportyakutia.ru хаартыскатыгар Айаал Белолюбскай пьедесталга турар.

#уйгусирэуусалдан
#уусалданхаһыата
#мүрүсаһарҕата
#успуорт
#көҥүлтустуу
#тарскайтурнира
#бороҕон2022
https://www.instagram.com/p/CYi_4U4shwKaj6kBz6erkJP_JFXnLIEYk8YfnQ0/?utm_medium=share_sheet

📰📰📰

⭕ Арассыыйа бэчээтин күнүн көрсө “Сахабэчээт” судаарыстыбаннай автономнай тэрилтэ улуустар уонна куорат хаһыаттарын суруналыыстарыгар тохсунньу 11-12 күннэригэр улахан сэминээри тэрийдэ. Манна кылаабынай эрэдээктэрдэр, эрэдээксийэлэр эппиэттээх үлэһиттэрэ ыҥырылыннылар. Биһигиттэн кылаабынай эрэдээктэр Наталья Попова кытта сылдьар.

⭕ Көрдөрөр-иһитиннэрэр эйгэ үлэһиттэрэ икки күн устата ааспыт сыллааҕы үлэ түмүгүн таһаарар, ырытар кэпсэтиилэргэ кытталлар, үлэни тупсарыыга үөрэхтээһиннэргэ, маастар-кылаастарга үөрэнэллэр. Манна бэлиэтээн эттэххэ, генеральнай дириэктэр Ньургуйаана Стручкова быйыл “Сахабэчээт” тэрилтэтигэр үөрэхтээһиҥҥэ, идэ таһымын үрдэтиигэ болҕомто ууруллуоҕун эттэ. Онон маннык тэрээһиннэр сыл устата тиһигин быспакка тэриллиэхтэрэ.

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#бэчээткүнэ
https://www.instagram.com/p/CYnRXu-ohTG09NchvavHCbXBRAkE5HwcT0KgP40/?utm_medium=share_sheet

📰📰📰

⭕ Уус Алдан улууһугар 2022-2023 үөрэх дьылыттан Дьокуускайдааҕы медколледж медсиэстэрэ идэтигэр үөрэтэр салаата аһылларын туһунан сөбүлэҥ түһэрсилиннэ.

⭕ Маныаха сүрүн төрүөтүнэн улууска орто анал үөрэхтээх исписэлиистэр тиийбэттэрэ буоларын улуус киин балыыһатын кылаабынай бырааһа Анна Петрова бэлиэтиир. Онон үөрэхтээһин эйгэтигэр кэккэ уларыйыылар киирэннэр, бу кыһалҕаны туоратарга усулуобуйа тэриллэригэр кыах баар буолла.

📌 Кылаабынай быраас Анна Саввична: "2017 сылтан элбэх туруорсуу кэнниттэн, бу боппуруос быһаарылынна. Улуус баһылыга Алексей Васильевич Федотов, улуус дьаһалтата кэпсэтиини ыытарга улахан өйөбүлү оҥордулар. Маннык үөрэтиини тэрийдэхпитинэ, каадырынан хааччыллыыга хайаан даҕаны көдьүүстээх буолуоҕар эрэнэбин. Олохтоохтор миэстэтигэр үөрэнэн, дойдуларыгар үлэлиир кыахтаныахтара. Онуоха медсиэстэрэ идэтин баһылыан баҕалаахтар анаан сүүмэрдээһини ааһыахтара. Оттон маннык үөрэхтээһин үтүө түмүгэ көһүннэҕинэ, фельдшердэри үөрэтэн таһаарар салааны арыйар былаан баар", – диэн этэр.

⭕ Уопсайа 25 миэстэҕэ үөрэтии бүддьүөттэн үбүлэниэҕэ, өссө биэс миэстэ төлөбүрдээх буолуоҕа. Үөрэххэ туттарсааччылартан орто оскуоланы бүтэрбиттэрин туоһулуур аттестаттара ирдэниэҕэ уонна көмпүүтэргэ тест көрүҥүнэн тургутууну ааһыахтара. Маныаха улуустааҕы үөрэх управлениета үөрэх тэрилтэлэригэр (оскуолаларга, эбии үөрэхтээһин кииннэригэр) кэбиниэттэри биэрэн, үөрэҕи ыытарга күүс-көмө буоларга бэлэмнэрин биллэрдилэр.

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#доруобуйахарыстабыла
#үөрэхэйгэтэ
https://www.instagram.com/p/CYoW5lpskWXYeN8R-RQTyzD3Rp9ZoGyrqVsMrE0/?utm_medium=share_sheet

🎊🎊🎊

🔻 Тохсунньу 13 күнүгэр олохтоммут Арассыыйа Бэчээтин күнүн көрсө улуустааҕы “Мүрү саһарҕата” хаһыат үлэтигэр сыл ахсын актыыбынайдык кыттар, улуус тэрээһинин сырдатар уопсастыбаннай, эдэр кэрэспэдьиэннэргэ уонна суруналыыстарга,ону таһынан хаһыат сурутуутун тэрийээччилэргэ бастыҥнары бэлиэтиир үгэстээхпит. Быйыл бу түөрт номинацияҕа лауреаттарбытын быһааран, үөрэн уонна инникитин да бу курдук таһаарыылаах, биир ситимнээх үлэни баҕаран туран билиһиннэрэбит.

🎉 "Сыл бастыҥ суруналыыһа" – Ульяна Бурнашева-Уйана

🎉 "Сыл бастыҥ уопсастыбаннай кэрэспэдьиэнэ" – Туяра Ушницкая

🎉 "Бастыҥ сурутууну тэрийээччи" – Лена Павлова

🎉 "Сыл бастыҥ эдэр кэрэспэдьиэнэ" – Нарияна Саввина

🔻 Лауреаттарбытыгар истиҥ эҕэрдэ👏👏👏 Кинилэр тустарынан сиһилии мюрюгазета.рф саайтпытыгар уонна хаһыаппыт быйылгы бастакы нүөмэригэр ааҕаарыҥ😉

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#хаһыатүлэтэ
#бастыҥнар
https://www.instagram.com/p/CYpu3RuI4BBktXvjPTxEuMCaz3L48yl76XEOms0/?utm_medium=share_sheet

🎊🎊🎊

⭕ Өссө 2020 сыл түмүгүнэн “Сыл бастыҥ уопсастыбаннай кэрэспэдьиэнэ” ааты сүкпүт хаһыат лауреата, “Дойдум дьоно” диэн ааҕааччы биһирэбилин ылбыт анал балаһа ааптара, дьиэ кэргэни уонна оҕону реабилитациялыыр улуустааҕы киин директорын солбуйааччы Светлана БУРЦЕВА Арассыыйа суруналыыстарын сойууһун чилиэнинэн ылыллыбытынан истиҥник эҕэрдэлиибит.

⭕ Светлана Михайловна 2000 сылтан улуус хаһыатын кытары эҥэрдэһэн, оҕону иитиигэ, социальнай боппуруостарга, дьиэ кэргэн туруктаах буолуутугар, о.д.а. тиэмэлэргэ үгүс ыстатыйата бэчээттэнэр. Оттон 2020 сылтан бэйэтин ааптарыскай балаһатын тиһигин быспакка сырдатан, төрөөбүт дойдутун Чараҥ бөһүөлэгин үлэһит дьонун үлэлээн-хамсаан хаалларбыт суолларын холобур буолар үйэлээх сурукка киллэрдэ.

⭕ Таһаарыылаах айар үлэтин иһин Светлана Михайловна суруналыыс аатын сүгэн, Сойууска киирбитэ – айар үлэ саҥа түһүмэххэ үктэнэр киэҥ аартыга буоллун!

⭕ Манна бэлиэтээн эттэххэ, улууспутугар суруналыыс ааттаах, Арассыыйа суруналыыстарын сойууһугар чилиэн 31 киһи баар буолла. Ити курдук суруйар, айар-тутар аармыйа кэккэтэ сыллата хаҥыыр.

✅ @muru.sahargata

#уйгусирэуусалдан
#уусалданхаһыата
#мүрүсаһарҕат
#суруналыыс
https://www.instagram.com/p/CYqIJ23NjM_Ljt53wmaDVSc_0H7_d22nBKWr9s0/?utm_medium=share_sheet

🎊🎊🎊

⭕ "Мүрү саһарҕата" хаһыат кылаабынай эрэдээктэрэ – Арассыыйа суруналыыстарын сойууһун чилиэнэ Наталья Попова Саха Өрөспүүбүлүкэтин бэчээтин туйгуна буолла👏👏👏

⭕ Наталья Гаврильевнаны сыралаах үлэҥ сыаналаммытынан кэлэктииппит аатыттан истиҥник эҕэрдэлиибит уонна айар үлэҕэр, төрөөбүт улууһуҥ хаһыатын сайыннарар, тэрилтэни салайар күнүстэри-түүннэри түбүктээх үлэҕэр өссө үрдүк ситиһиилэри баҕарабыт🎉🎉🎉

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#бэчээткүнэ
#хаһыатүлэтэ
https://www.instagram.com/p/CYqOmtuM0DDyEOSM2ueBZtamkouFb2FADEZiaY0/?utm_medium=share_sheet

📰📰📰

⭕ Улуус дьаһалтатыгар – бу күннэргэ:

🔻 - тохсунньу 11 күнүгэр улууска Рязань уобалаһыттан К.Э. Циолковскай аатынан түмэл дириэктэрэ Николай Медведков уонна өрөспүүбүлүкэҕэ киһи быраабын боломуочуйалааҕа Сардаана Гурьева кэлэ сырыттылар. Оробуочай сырыы сыалынан-соругунан Уус Алдан улууһа уонна Циолковскай аатынан түмэл хардарыта үлэлэһиигэ сибээһи олохтуурга сөбүлэҥи түһэрсиилэрэ буолла. Маныаха Николай Медведков ирбэт тоҥноох ыраах Саха сиригэр Космонавтика түмэлэ баарын истэн олус интэриэһиргээн, анаан ону билсэ кэлбитин эттэ. Онон кини Дүпсүҥҥэ И.Д. Жирков аатынан Космонавтика уонна авиация түмэлигэр сылдьан, тыа сирин учууталлара элбэх сэдэх экспонаты мунньубуттарын көрөн дьиктиргээтэ, кэрэхсээтэ уонна бииргэ үлэлэһэргэ бэлэмин биллэрдэ;

🔻 - эмиэ бу күн Ньурба улууһун делегацията ыалдьыттаата. Кинилэр сыаллара – Саха сирин норуоттарын VIII-с спортивнай оонньууларыгар бэлэмнэнии. Сайын Оонньуулар кэмнэригэр Ньурба улууһун делегациятын Ньурба оройуонун сайдыытыгар сүҥкэн кылаатын киллэрбит биир дойдулаахпыт – поэт, публицист, П.А. Ойуунускай аатынан Судаарыстыбаннай бириэмийэ лауреата Сергей Васильев-Борогонскай төрөөбүт-үөскээбит Суотту нэһилиэгин дьоно-сэргэтэ көрсүөҕэ. “Ону таһынан, кэлэр IX-с Оонньуулар Ньурбаҕа ыытыллаллара былааннанарынан, тэрээһин өттүгэр элбэх сүбэни ыланнар, улуус баһылыга Андрей Иннокентьев махталын биллэрдэ”, – диэн Уус Алдан улууһун дьаһалтатын пресс-сулууспата иһитиннэрэр;

🔻 - тохсунньу 12 күнүгэр улууска тыа хаһаайыстыбатын бородууксуйатын оҥорон таһаараар кэпэрэтииптэр – “Мүрү-Ас”, “Туйма”, “Дүпсүн” ТХПК салайааччылара, үлэһиттэрэ улуус баһылыгын Алексей Федотовы кытта сүбэ мунньахтара буолла. Кэпсэтиигэ ааспыт сылга үүт, эт аһы оҥоруу былаана туолбутун бэлиэтээтилэр, саҥа сыл былаанын сабаҕалаан ырыттылар. Онуоха бородууксуйа арааһын элбэтэри уонна ону атыылыырга саҥа туочукалары арыйыыны торумнаатылар. Бэлиэтээн эттэххэ, 2021 сыл устата 2751,4 туонна үүт астаммыт, оттон быйылгы сабаҕалааһын 2854,9 туоннанан быһыллыбыт. Итини таһынан, ынах этин 22 туоннаны, сылгы этин 3 туоннаны соҕотуопкалыыр былаан баар;
⏬⏬⏬

✅ @muru.sahargata

🖊️ Улуус дьаһалтатын пресс-сулууспатын матырыйаалларынан.
https://www.instagram.com/p/CYqS_1QMi5RpDqG6HQY_ErGlLZRBzthUi3wbuc0/?utm_medium=share_sheet

🎊🎊🎊

🔻 Ситиһии эбиллэн иһэр👏👏👏

🎉 Саха Өрөспүүбүлүкэтин инновацияҕа, цифровой сайдыыга уонна инфокоммуникационнай технологияларга министиэристибэтэ эмиэ сыл ахсын ыытар “Сыл таһаарааччыта-2021” уонна “Сыл полиграфиһа-2021” өрөс­пүүбүлүкэтээҕи куонкурустарыгар эрэдээк­си­йэ­бит “Сыл таһаарааччыта” бириэмийэ ДИПЛОМАНА буолла👏👏👏

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#хаһыатүлэтэ
#бастыҥнар
https://www.instagram.com/p/CYqbzssMqOTez7Ex8yNhiRWNQOonbtSaOr_pOk0/?utm_medium=share_sheet

🎊🎊🎊

🔻 Өссө үөрүүбүтүн үллэстэбит🎉🎉🎉

🔻 "Сахабэчээт" судаарыстыбаннай автономнай тэрилтэ улуустар хаһыаттарын уонна сетевой таһаарыыларын үлэлэринэн сыл түмүгүн таһаарар "Медиа-лидер" профессиональнай куонкуруһугар биһиги хаһыаппыт киин улуустарга бастакы миэстэ буолла👏👏👏

🔻 Оттон кылаабынай эрэдээктэр Наталья Попова "Медиа-лидер" иккис миэстэлээх дипломун тутта🎉🎉🎉

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#бэчээткүнэ
#бастыҥнар
#хаһыатүлэтэ
https://www.instagram.com/p/CYqr_2TMRAwjlzlkpZJoe-18UIwEKcOhM22WuA0/?utm_medium=share_sheet

🎊🎊🎊

⭕️ Үүммүт үбүлүөйдээх сыл бастакы оҕото, ийэтэ Найахы нэһилиэгиттэн төрүттээх Мичийэ Арсентьева бүгүн, тохсунньу 14 күнүгэр, Бороҕоннооҕу төрүүр дьиэттэн үөрүүлээх быһыыга-майгыга выпискаланан таҕыстылар.

⭕️ «Үйэ оҕотун» эҕэрдэлээн, улуус баһылыгын солбуйааччы Михаил Борисов улуус дьаһалтатын аатыттан 100 тыһ. сертификаты итиэннэ Ил Дархан олохтообут эмиэ 100 тыһ. солк. сертификатын туттарда.

⭕️ Маны тэҥэ төрдүс оҕолорун төрөппүт Арсентьевтар дьиэ кэргэннэригэр олорор нэһилиэктэрин баһылыга Петр Слепцов эҕэрдэ суругун кытары 20 тыһ. суумалаах сертификаты туттарда.

⭕️ Мустубут дьон, төрөтөр отделение үлэһиттэрэ кырачаан киһиэхэ, төрөппүттэригэр бары үтүөнү, этэҥҥэ буолууну баҕардылар.

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#сахаасср100сылыгар
#үйэоҕото
https://www.instagram.com/p/CYsZn2VoC6-RPnjTDRuU-t9WKQRI7EnCAB57TU0/?utm_medium=share_sheet

🎊🎊🎊

⭕ Биир идэлээхпитигэр, кэллиэгэбитигэр – суруналыыс Ольга Шепелеваҕа сулустаах сыл ааста. Ол курдук, кини Саха сирин суруналыыстарын сойууһун “Түмүктээх үлэтин иһин” бириэмийэ лауреатынан ааттаммытын таһынан “Якутскэнерго” хампаанньа @yakutskenergo_official көрдөрөр-иһитиннэрэр эйгэ үлэһиттэрин икки ардыларыгар сэттис сылын ыытар “Энергия слова” бириэмийэтин “Пульс района” номинациятын лауреата буолла.

⭕ Ольга Шепелеваны биһиги улууспутугар эрэ буолбакка, өрөспүүбүлүкэҕэ билбэт киһи суоҕун кэриэтэ буолуо. Кини улуус хаһыатыгар 2006 сылтан кэрэспэдьиэнинэн, онтон 2013 сылтан 2021 сылга диэри “Саха” НКИХ Уус Алданнааҕы филиалыгар кэрэспэдьиэнинэн үлэлээбитэ. Салгыы бэчээт эйгэтигэр төннөн, ааспыт сыл күһүнүттэн тапталлаах “Мүрү саһарҕата” хаһыатыгар отдел эрэдээктэринэн таһаарыылаахтык үлэлиир эргиччи талааннаах суруналыыспыт буолар.

⭕ Онон телевидениеҕа уонна хаһыакка Бороҕоннооҕу РЭС үлэтин тиһигин быспакка сырдаппыт үлэтэ сыаналанан, быйыл өрөспүүбүлүкэ уотун хаһаайыстыбатын сүрүннүүр улахан хампаанньа бириэмийэтин тутта.

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#бэлиэтүгэн
#уусалдантанчулууларбыт
#бастыҥнар
https://www.instagram.com/p/CYsd_HTILa6VIdSfgx5_KYsBeoo_yMydFTRihg0/?utm_medium=share_sheet

🎊🎊🎊

⭕ Бүгүн Суоттуга – үтүмэн үөрүү күнэ. Саҥа саҕахтары арыйар, кэскилгэ, сайдыыга сирдиир саҥа, билиҥҥи ирдэбилгэ толору сөп түбэһэр, 220 миэстэлээх оскуола аанын тэлэччи арыйда. Улуус, нэһилиэк олоҕор бэлиэ түгэн буолла.

⭕ Үөрүүлээх тэрээһиҥҥэ СӨ Бырабыыталыстыбатын Бэрэссэдээтэлин солбуйааччы Сергей Местников, Ил Түмэн бэрэссэдээтэлин бастакы солбуйааччы Александр Жирков уо.д.а үрдүк сололоох ыалдьыттар сырыттылар.

⭕ Бу бэлиэ күн Саха АССР өрөгөйдөөх 100 сыллаах үбүлүөйүгэр сөп түбэспитинэн ордук уратылаах. Оннук үрдүк итэҕэли тутан хааллылар Суотту оскуолатын үөрэнээччилэрэ, учууталлара.

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#суоттунэһилиэгэ
#үөрэх
#бэлиэтүгэн
https://www.instagram.com/p/CYsfgQzooPJP-N9crfrlCaURsXiS0R7TBIeklY0/?utm_medium=share_sheet

📰📰📰

⭕ Саха Өрөспүүбүлүкэтин үөрэхтээһин систиэмэтин бочуоттаах бэтэрээнэ, өрөспүүбүлүкэ Ытык сүбэтин бочуоттаах кырдьаҕаһа, 44 сыл педстажтаах учууталлар Учууталлара, Слепцовтар педагогическай династияларын баһылыга, Мүрү нэһилиэгин бочуоттаах олохтооҕо, тыыл, үлэ бэтэрээнэ Матрена Семеновна Гоголева сүүс сааһын томточчу туолла.

⭕ Матрена Семеновна эдэр сааһа Аҕа дойду Улуу сэриитин ыар сылларыгар ааспыта. Кини сэрии саҕаланыан биир сыл иннинэ Дьокуускайдааҕы педучилищеҕа үөрэнэ киирбит эбит, онон 1941-42 үөрэх дьылыгар иккис куурустан үөрэҕиттэн тохтоон, дойдутугар төннөн тахсан, райОНО сорудаҕынан Хороҕо алын сүһүөх кылаас учууталынан үлэтин саҕалаабыт, онтон салгыы Тандаҕа уонна олоҕун 42 сылын билиҥҥинэн Г.В. Егоров аатынан Мүрү 1 №-дээх орто оскуолатыгар учууталлаабыта.

⭕ Кэргэнинээн – сэрии бэтэрээнэ, эмиэ 43 сыл педстажтаах Алексей Николаевич Слепцовтуун түөрт оҕоҕо күн сирин көрдөрбүттэрэ. Кинилэр бары үөрэхтээх, үлэһит дьон, Швейцарияҕа тиийэ олороллор. Онон Матрена Семеновна билигин 40-тан тахса сиэн, хос, хос-хос сиэн тапталлаах эбэтэ.

⭕ Сүүс сааһын туолбут ытык кырдьаҕас сэрии сылларыгар төһөлөөх эрэйи-муҥу, аччыктааһыны, тоҥууну-хатыыны көрсүбүтүн санаан кэлэн уйадыйар. Манна бэлиэтээн эттэххэ, Матрена Семеновна оройуон киинигэр буолбут бастакы Кыайыы ыһыаҕын кыттыылааҕа, оччолорго 23 саастаах эдэркээн кыыс салама ыйыы турара Иркутскайдааҕы киинэ-хроника устуудьуйата устубут документальнай киинэтигэр хабыллыбыт эбит.

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#үйэсаас
#ытыксаас
#улуусдьоносэргэтэ
https://www.instagram.com/p/CYu7KNpoAx8LKnPxYM8P3OW5rpnM_oqGDc6l_M0/?utm_medium=share_sheet

📰📰📰

📌 Бэчээт күнүн көрсө киһи астына, дуоһуйа ааҕар икки дьоһун кинигэ күн сирин көрдө. Бэҕэһээ, тохсунньу 14 күнүгэр, кинигэ биһирэмэ буолла.

📌 Тэрээһини суруналыыс, публицист, чинчийээччи, М.К. Аммосов аатынан ХИФУ филология факультетын суруналыыстыка кафедратын сэбиэдиссэйэ Олег Сидоров ыытта, ырытыыны тыл үөрэҕин кандидата, доцент, университет хотугулуу-илиҥҥи норуоттар тылларын уонна култуураларын институтун дириэктэрэ Гаврил Торотоев оҥордо.

📌 Бастакы кинигэ 208 , иккиһэ 256 страницалаах таҕыстылар. Тирааһа — 300. Ааптар — Саха Өрөспүүбүлүкэтин култууратын үтүөлээх үлэһитэ, бэчээтин туйгуна Филипп Петрович Пестряков. Киэҥ араҥаҕа ананар.

🖊️ СИА саайтыттан.

Ыстатыйаны сиһилии СИА саайтыгар ааҕыҥ, ссылкатын сторизка көрүҥ

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#саҥакинигэ
#биирдойдулаахтарбыт
#бэчээтэйгэтэ
https://www.instagram.com/p/CYvnvF9MQOCKkL94qSR_KWuorAAI5vZQJglBqg0/?utm_medium=share_sheet

📰📰📰

⭕ Быйыл, өрөспүүбүлүкэбит 100 сылын бэлиэтиир ураты үбүлүөйдээх сылга, саха норуотун биир бөдөҥ уопсастыбаннай-бэлитиичэскэй үлэһитэ Николай Окоемов төрөөбүтэ 125 сыла сөп түбэстэ. Биир дойдулаахпыт бу улахан үбүлүөйүн өрөспүүбүлүкэ таһымыгар бэлиэтииргэ анаан Ил Дархан Айсен Николаев ахсынньы 15 күнүгэр ыйаахха илии баттаабыта. Өрөспүүбүлүкэтээҕи тэрийэр хамыыһыйа тэриллэн, бэрэссэдээтэлинэн бырабыыталыстыба бэрэссэдээтэлин солбуйааччы Сергей Местников анаммыта.

⭕ Сергей Васильевич бүгүн, ахсынньы 15 күнүгэр, Николай Николаевич Окоемов төрөөбүт нэһилиэгэр тахсан, тэрийэр хамыыһыйа мунньаҕын ыытта. Кинини кытары улуус салайааччылара сырыттылар.

⭕ Үбүлүөй тэрээһиннэрин ыытыы биэс пууннаах. Онно ХИФУ, гуманитарнай чинчийиилэр институттарын, өрөспүүбүлүкэ, улуус таһымнаах научнай-практическай кэмпириэнсийэлэр, тутуу, үөрүүлээх мунньахтары тэрийии, ыһыаҕы ыһыы, о.д.а. үйэтитии үлэлэрэ киирбиттэр.

⭕ Олохтоохтор далааһыннаах уонна Николай Окоемов аата салгыы ахтылла турарыгар сөптөөх былаан оҥоһуллубутуттан астыналларын биллэрдилэр. Көрсүһүү түмүгэр Сергей Васильевич: "Олохтоохтор, чулуу киһигит үбүлүөйүгэр тирэҕирэн тутуу, ититии о.д.а. инфраструктура боппуруостарын туруорсубуккут саамай сөптөөх. Ол эрээри бу үлэлэр анал быраагыраама быһыытынан олоххо син биир киириэхтэрэ. Биһиги саамай улахан сорукпут – бөдөҥ уопсастыбаннай-бэлитиичэскэй үлэһит Николай Окоемов мэлдьи ахтылларын туһугар үйэтитэр үлэни ыытыахтаахпыт”, – диэтэ.

⭕ Үйэтитиигэ аналлаах үлэлэртэн сороҕун билиһиннэрэр буоллахха: Н.Н. Окоемов аатын сүгэр Окоемовка бөһүөлэгэр киниэхэ аналлаах сквер оҥоһуллуоҕа, онно туруоҕа. Оттон улуус киинигэр Н.Н. Окоемов аатынан “Сынньалаҥ кытыла” бастакы уочарата тутуллуоҕа.

📌 Сиһилии хаһыат кэлэр нэдиэлэтээҕи нүөмэригэр ааҕаарыҥ.

🖊️ Афанасий Копырин

✅ @muru.sahargata

📸 Улуус дьаһалтатын пресс-сулууспатын хаартыскалара

#уйгусирэуусалдан
#уусалданхаһыата
#мүрүсаһарҕата
#сүбэмунньах
#үбүлүөйдэр
#курбуһахнэһилиэгэ
https://www.instagram.com/p/CYv1fA7sViaOVI4P8Z8Y631f1pdTcNht5MoksE0/?utm_medium=share_sheet

📰📰📰

⭕ Бүгүн улуус дьаһалтатын нэдиэлэтээҕи планеркатыгар дьаһалта үпкэ управлениетын салайааччыта Петр Бурнашеву өрөспүүбүлүкэ тас сибээскэ уонна норуоттар дьыалаларыгар министиэристибэтигэр тас экэниэмикэҕэ үлэлэһии отделын салайааччытынан анаммытын атаардылар.

⭕ Петр Бурнашев дьаһалта үпкэ управлениетын салайааччынан 2018 сыл алтынньытыттан үлэлээтэ. Өссө кини былырыын алтынньыга Саха Өрөспүүбүлүкэтигэр ыччат Бырабыыталыстыбатын салайааччынан анаммыта.

⭕ Эдэр кэскиллээх үлэһиккэ улуус баһылыга Алексей Федотов, бары тэрилтэлэр салайааччылара ситиһиини, таһаарыылаах үлэни баҕардылар.

⭕ Оттон Петр Петрович кэллиэгэлэригэр, доҕотторугар, улууска үлэлиир кэмигэр алтыспыт дьонугар барыларыгар махталын биллэрдэ.

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#улуусдьаһалтатыгарбукүннэргэ
https://www.instagram.com/p/CYz82Urob_lhVkn7AeMiaiRMNcX_1y2Z_IBMbw0/?utm_medium=share_sheet

⭕⭕⭕

Саха Өрөспүүбүлүкэтин Суһал ыстааба иһитиннэрбитинэн, тохсунньу 17 күнүгэр 405 киһи COVID-19 коронавирус дьаҥынан ыалдьыбыта билиннэ.

⭕ Дьокуускайга – 303 киһи, Мэҥэ Хаҥаласка – 23, Алдан улууһугар – 15, Горнайга, Хаҥаласка – 9-туу, Нерюнгри оройуонугар – 8, Намҥа, Уус Алдаҥҥа – 6-лыы, Мииринэй, Өймөкөөн – 5-тии, Үөһээ Бүлүүгэ – 3, Ньурбаҕа, Тааттаҕа, Уус Маайаҕа, Чурапчыга – 2-лии, Эдьигээҥҥэ, Кэбээйигэ, Ленскэйгэ, Муомаҕа, Сунтаарга – 1-дии киһи.

⭕ Суукка устата өрөспүүбүлүкэ лабораторияларыгар 2181 анаалыс оҥоһуллубут, оттон пандемия саҕаланыаҕыттан – 1 842 318 тест.

🌐 @YakutiaOpershtab

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#доруобуйахарыстабыла
#коронавирус
#COVID19
https://www.instagram.com/p/CYz_kmRod8-X30uoqPkJg_v2xO6p_iV72BeV9A0/?utm_medium=share_sheet

📰📰📰

⭕ Кэптэнитээҕи "Аал уот" бэтэрээннэр түмсүүлэрэ ааспыт сылы түмүктүүр, саҥа сылга этэҥҥэ үктэммит үөрүүлэрин дьоро тэрээһинин ыалдьыттарынан Байаҕантай нэһилиэгин "Ситим" аҕам саастаахтар түмсүүлэрэ буолла (дэлэгээссийэ салайааччыта – бэрэссэдээтэл Степан Федоров, Тандатааҕы “Үһүс саас оскуолатын” дириэктэрэ Вера Бурнашева).

⭕ “Аал уоттар” ыалдьыттарын Алааппыйа алгыһынан, Өкүлүүнэ уохтаах кымыһынан, кыракый спонсордара Арчылаан Николаев бэс туорааҕыттан мүөтүнэн, баһылык Марк Местников эҕэдэ суругун туттаран көрүстүлэр.

⭕ Оҥоһуктары көрүү быыстапкатыгар Танда фермерскэй хаһаайыстыбатын Далбар Хотуна Людмила Готовцева кылынан, сиэлинэн, хабаҕынан оҥоһуктара уонна айар, суруйар биллэр ааптар – "Танда уоттарын" салайар Наталья Андросова кыбытыгынан оҥорбут бэйэтин, кэлэктиибинэн үлэлэрэ болҕомтону тартылар. Кэптэниттэн нэһилиэк бочуоттаах олохтооҕо Ульяна Белолюбская оҥорбут Баабыр сымнаҕас оонньуура, кириэстии быысапката оҥоһук күрэһин кыайыылааҕынан буолла.

⭕ Тэрээһин музыкальнай эҕэрдэлэһиитин чааһыгар Наталья Андросова "Баабыр" хоһооно болҕомтону ылла, Танда “Дьиэрэй" ансаамбылын солиһа Иван Готовцев ырыата сөхтөрдө. Оттон лөгөйдөртөн Варвара Федорова, Андрей Никитин, быраактыкалана сылдьар Настя Васильева попуррита, чабырҕаҕа, Нария Миронова, Анна Сысолятина эрчимнээх үҥкүүлэрэ астыннардылар.

⭕ Итини таһынан, үгэс быһыытынан “аал уоттар” сыл бастыҥнарын ааттаатылар. Ол курдук, “Уран тарбах” аат – Мария Алексееваҕа, “Айылҕа доҕоро” аат – Анна Стручковаҕа, “Сканди Хотун Эбэ” – Екатерина Белолюбскаяҕа, “Сүбэ Эбэ Хотун” – Агафья Переваловаҕа, “Алгыстаах асчыт” – Акулина Колесоваҕа, “Мин сааһым – мин баайым” аат – Иван Колодезниковка, “Хоһоон куттаах Эбэ Хотун” –Екатерина Шаринаҕа, “Кыһыл көмүс Таптал” аат – Варвара, Василий Максимовтарга, Мария, Николай Алексеевтарга, Мария, Виктор Александровтарга, “Сыл бастыҥ бэтэрээнэ” аат Мотрена Нафанаиловаҕа ананнылар.

🖊️ Ульяна Бурнашева, уопсас. кэрэсп. Кэптэни

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#лөгөйнэһилиэгэ
#байаҕантайнэһилиэгэ
https://www.instagram.com/p/CY0C4lmoo6zJZtDNrMaURRPANMly9lsMswFkfA0/?utm_medium=share_sheet

📰📰📰

⭕ Өнөр нэһилиэгэр тохсунньу 13 күнүгэр "Саҥа дьылынан!" диэн аҕам саастаахтарга көрсүһүү киэһэтэ буолан ааста. Өрүү буоларын курдук, итии чэйдээх, минньигэс астаах сандалы тула олорон ирэ-хоро кэпсэтии, көрдөөх оонньуулар, ырыа-тойук, викторина, ону тэҥэ хоһоону айыы күрэһэ буолла.

⭕ Нэһилиэк баһылыга Николай Лукачевскай дьаһалта, дьокутааттар ааттарыттан эҕэрдэ тыл эттэ, 2021 сылга ыыппыт үлэлэрин, 2022 сылга оскуола тутуутун туруорсарга үлэ барыахтааҕын, онон да атын былааннары билиһиннэрдэ.

⭕ Маныаха үөрүүлээх тэрээһиҥҥэ аҕам саастаахтар – нэһилиэк ытыктанар дьоно тыл, эҕэрдэ этэллэригэр быйыл Саха автономиятын үбүлүөйдээх 100 сылыгар Арассыыйа Дьоруойа Михаил Стрекаловскай аатынан Өнөр оскуолатын эмиэ 100 сыла бэлиэтэнэринэн оскуолаҕа саҥа дьиэни тутууну туруорсуу оруннааҕын бэлиэтээтилэр.
Ити курдук, хардарыта эҕэрдэлэһэн, сэмэй бэлэхтэри туттарсан, көрсүһүү киэһэтэ бэрт сэргэхтик ааста.

🖊️ Варвара Парникова – Үүйэ, уопсас. кэрэсп. Өнөр

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#өнөрнэһилиэгэ
https://www.instagram.com/p/CY0HTgeIuNC6JVPSf1J9WmnYZqYbLhw3zZDw1U0/?utm_medium=share_sheet

📰📰📰

⭕ Сарсыҥҥыттан тохсунньу 21 күнүгэр диэри улуус баһылыгын отчуота саҕаланар. Олохтоммутун курдук, баһылык отчуота бастаан нэһилиэктэринэн, онтон бүтэһик күҥҥэ улуус киин нэһилиэгэр Мындаабаҕа уонна Бороҕоҥҥо ыытыллыаҕа.

⭕ Маныаха түөрт оробуочай бөлөх тэриллэн, бастакы бөлөҕү улуус баһылыга Алексей Федотов бэйэтэ салайыаҕа уонна баһылыгы бастакы солбуйааччы Петр Попов, баһылыгы солбуйааччылар Михаил Борисов уонна Петр Сивцев салайааччынан ананнылар.

📌 Отчуот графига маннык оҥоһуллубут:

🔻 1 бөлөх: тохсунньу 18 күнүгэр – Окоемовкаҕа (10.00 ч.), Балаҕаннаахха (14.00 ч.), Уус Күөлүгэр (17.00 ч.); тохсунньу 19 күнүгэр – Бээдигэ (11.00 ч.), Дүпсүҥҥэ (14.00 ч.), Кэптэнигэ (18.00 ч.); тохсунньу 20 күнүгэр – Эһэлээххэ (14.00 ч.), Тумулга (17.00 ч.); тохсунньу 21 күнүгэр – Мындаабаҕа (11.00 ч.), Бороҕоҥҥо (15.00 ч.).

🔻 2 бөлөх: тохсунньу 18 күнүгэр – Кылаайыга (11.00 ч.), Бээрийэҕэ (15.00 ч.), Тиит Арыыга (18.00 ч.); тохсунньу 19 күнүгэр – Даалыга (11.00 ч.), Хомустаахха (14.00 ч.); тохсунньу 20 күнүгэр – Майаҕаска (11.00 ч.), Чараҥҥа (14.00 ч.), Тандаҕа (18.00 ч.); тохсунньу 21 күнүгэр – Бороҕоҥҥо (15.00 ч.).

🔻 3 бөлөх: тохсунньу 18 күнүгэр – Чэриктэйгэ (11.00 ч.), Дыгдаалга (15.00 ч.), Балыктаахха (18.00 ч.); тохсунньу 19 күнүгэр – Биэттэҕэ (11.00 ч.), Уһун Күөлгэ (14.00 ч.), Тулунаҕа (18.00 ч.); тохсунньу 21 күнүгэр – Бороҕоҥҥо (15.00 ч.).

🔻 4 бөлөх: тохсунньу 18 күнүгэр – Арыылаахха (11.00 ч.), Бэйдиҥэҕэ (14.00 ч.), Сыырдаахха (17.00 ч.); тохсунньу 19 күнүгэр – Саһылыкааҥҥа (11.00 ч.), Хоноҕорго (14.00 ч.), Оҕуруоттаахха (17.00 ч.); тохсунньу 20 күнүгэр – Тиит Арыыга (11.00 ч.), Элэһиҥҥэ (14.00 ч.); тохсунньу 21 күнүгэр – Бороҕоҥҥо (15.00 ч.).

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#улуусбаһылыгынотчуота
https://www.instagram.com/p/CY0Tk4joKG6A1vNS-trv9CdV75VlMCuHhCjjFU0/?utm_medium=share_sheet