💫Ахсынньы 19 күнэ

♈️Хой

Иллэҥи биэрбэт күн – үгүс бытархай соругу быһаарарга күһэллиэҥ. Аһары илистибэт курдук сынньалаҥҥа бириэмэни була сатаа.

♉️Оҕус

Үлэҕэр уурбут күүһүҥ сыаналаныаҕа. Оттон үп-харчы боппуруоһугар сэрэхтээх буол.

♊️Игирэ

Күнүҥ соһуччу түгэннэри тосхойуоҕа, онон уларыйыыларга бэлэм буол. Саҥа дьыалабыай алтыһааччыларгыттан сэрэҥ!

♋️Рак

Чуумпу күн, саҕалаабыт бырайыаккын түмүктүүргэ табыгастаах буолсу. Күннээҕи түбүктэргэ ыктаран ылыаххын сөп.

♌️Хахай

Саҥа саҕалааһыҥҥа табыгастаах күн. Кэллиэгэлэриҥ үчүгэй сюрприз оҥоруохтарын сөп.

♍️Кыыс

Бу күн болҕомтолоох буолууну эрэйэр. Уустук соруктары быһаарарга бэлэм сырыт.

♎️Ыйааһын

Үлэ күнэ холкутук ааһыаҕа. Доҕотторгуттан үчүгэй сонуну истиэххин сөп.

♏️Скорпион

Бу күн судургута суох соруктары туруоруоҕа, ону толорор кыахтааххын. Кэллиэгэлэргин кытта мөккүһэн туруоххун сөп.

♐️Охчут

Саҥа бырайыагы саҕалыырга сөптөөх күн. Тус олоххор үчүгэй өттүгэр уларыйыы тахсыан сөп.

♑️Чубуку

Бу күн буоларын курдук ааһыаҕа, ол эрээри соһуччу ороскуот тахсыан сөп. Сынньанар наадатын умнума.

♒️Күрүлгэн

Бу күн эйиэхэ саҥа инникилээх суоллары арыйыаҕа. Тугу эмэ эрэннэрэртэн туттун.

♓️Балыктар

Үчүгэй да ыктарыылаах да түгэннэринэн толору күн үүннэ. Ханнык да түгэҥҥэ бэлэм – өҕүллүмтүө буол.

✅@uamurusahargata @ulusmedia

📆 Ахсынньы 19 күнэ. Чэбэр күн

🌨Бэҕэһээ сарсыарда күрдьүллэр хаарга турдубут. Күнү быһа кыралаан түстэ. Ол аата хаар сыыйа халыҥыыр, күрдьүк улаатар.

🌥Бүгүн сарсыарда 6 чааска Бороҕоҥҥо 36 кыраадыс тымныы буолбут. Күнүс 33-35 кыраадыс тымныы буолара күүтүллэр. Сөкүүндэҕэ 1 м түргэннээхтик үрэр тыаллаах былыттаах күн.

🤔Балачча халыҥ былыт кэлбит курдук да, төһө уһуннук турара буоллар. Тыал арҕааттан ылыах курдук. Онон тымныы, дьыбардаах күннэр ырааҕа суохтар быһыылаах.

✍️Афанасий Сектяев

📸Айталина Неустроева. Тулуна

✅ @uamurusahargata @ulusmedia

#бэлиэкүн

❄️ Ахсынньы 1⃣9⃣ күнэ – кыһыҥҥы Ньукуолун

Православнай итэҕэлгэ Николай Чудотворец күнүн ити итэҕэли ылыммыт саха дьоно эмиэ олус суолталыыллара.

❄️ Бу күн ыраас халлаан турдаҕына, тымныйар, арҕааттан тыалырдаҕына, сылыйар биитэр хаар түһэр, кырыаланнаҕына, быйаҥнаах сайын кэлэр, сииктээх буоллаҕына, ардахтаах күһүн буолар диэн билгэлииллэрэ.

❄️ Ньукуолун күн күүстээх үлэни толоруллубат, аһара күүрүллүбэт, кими да куһаҕан тылынан саҥарыллыбат. Бэйэ бодотун көрүнэн, сиэрдээхтик, көрсүөтүк сылдьыллар.

❄️ Кыһыҥҥы Ньукуолуҥҥа кэргэн кэпсэтэр табыгастаах эбит. Былыр бу күн анаан-минээн кэргэн кэпсэтэллэрэ, уруу тэрийэллэрэ. Бэлиэ күн ыал буолбут дьон уһуннук уонна дьоллоохтук олороллоро.

❄️ Ньукуолуҥҥа баай-талым остуолу тардан, чугас дьоннорун ыҥыраллара. Ыалдьыт хайаан да илии тутуурдаах, өттүк харалаах буолаллара.

❄️ Былыр бу күнү көтүппэккэ бэлиэтииллэрэ. Сэмэй остуол тартарар, халлааны кэтиир-маныыр саха кырдьаҕастарын сорох дьон өйдүүр буолуохтааххыт.

✍️ Уйаара КУСТУК

✅ @uamurusahargata
@ulusmedia