👍 И.В. Пухов аатын сүгэр Окоемовка ситэтэ суох орто оскуолатыгар үөрэнээччилэри “Орлята России” хамсааһыҥҥа киллэрии үөрүүлээх чааһа ыытылынна.

Манна бөһүөлэк 1970–1980-нус сыллардааҕы пионердара кэлэн кыттыыны ылбыттара сонун буолла, тэрээһин ис хоһоонун дириҥэттилэр, суолтатын өйдөттүлэр.

Урукку пионердар кырачааннарга “Орлята России” хамсааһын хаалтыһын уонна значогун ииллилэр, үөрэхтэригэр ситиһиилээх, бэрээдэктээх дьон буола улааталларыгар кэс тылларын эттилэр. Онон көлүөнэ ситимэ быстыбат.

Тэрээһин бу күннэргэ оскуолаҕа  биллиилээх биир дойдулаахтарыгар Николай Окоемовка аналлаах тематическай нэдиэлэҕэ сөп түбэспитэ эмиэ ураты суолталанна.
Нэдиэлэ чэрчитинэн государственнай диэйэтэл, сэбиэскэй-партийнай салайааччы Николай Окоемов төрөөбүт күнүгэр Окоемовскай кылаас чаастара ыытыллыбыттара, кини пааматынньыгар сибэкки уурбуттара. Онон оҕолор сүдү киһи аатын өйдүүллэрин туһугар, кининэн киэн туттуохтаахтарын уонна кини курдук олоҕу таптыырга, норуот туһугар үлэлииргэ кыһаллыахтаахтарын өссө төгүл өйдөөтүлэр.

✍️ Мария Аммосова, уопсас. кэрэсп.

🏃 Саайтка👈

✅ @uamurusahargata @ulusmedia

👍 Лөгөй нэһилиэгэр Кэптэнигэ Олоҥхо күнүн бэлиэтиир тэрээһиннэртэн биирдэстэринэн норуот уус-уран айымньыларын толорууга түөлбэлэринэн күөн-көрүстүлэр.

Тэрээһини «Үгэс уонна утум» диэн ааттаан оҕолуун, улахан дьоннуун барыта 100-чэкэ киһи кыттан фольклор көрүҥнэринэн кыайыылаахтары быһаардылар.

Ол курдук олоҥхо ньыматынан түөлбэни билиһиннэриигэ бастыҥ хоһуйуу иһин «Саһарҕа» түөлбэни бэлиэтээтилэр. Тойукка эмиэ бу түөлбэттэн Валентина Тищенко толоруутун биһирээтилэр, чабырҕахха «Сарыал» түөлбэттэн Янис Сысолятин бастыҥ дэттэ, оттон олоҥхо персонажтарын ырыаларын-тойуктарын толорууга эмиэ «сарыаллартан» Ваня Колодезников баһыйтарбата. Норуот ырыаларын бөлөҕүнэн толорууга «Сардаҥа» түөлбэ фольклорнай бөлөҕө бастаата, оһуохайга «Сардаҥаттан» Варвара Федорова бастыҥ буолла.
Онон уопсай түмүккэ Чыпчаал аат «Сардаҥа» түөлбэҕэ ананна.

🏃 Саайтка👈

✅ @uamurusahargata @ulusmedia