👍 Сэһэн Ардьакыап аатынан түмэлгэ үлэ дьонугар аналлаах быыстапка турда

Саха Өрөспүүбүлүкэтигэр биллэриллибит Үлэ сылыгар Сэһэн Ардьакыап аатынан улуустааҕы кыраайы, историяны үөрэтэр түмэлгэ эргиэн үлэһитэ Анна Павловна Ильина (1919–1987) уонна сэбиэскэй-партийнай үлэһит Евстафий Федорович Федоров (1917–1979) тустарынан «Үлэ – олох төрдө» быыстапка турда. Быыстапка аһыллыытыгар Федоровтар төрөппүт кыыстара, 36 сыл устата Мүрү 1 нүөмэрдээх орто оскуолатыгар нуучча тылын учууталынан үлэлээбит СӨ үөрэҕириитин туйгуна, Учууталлар учууталлара, Мүрү нэһилиэгин бочуоттаах олохтооҕо Евдокия Федорова мустубут дьоҥҥо төрөппүттэрин туһунан сиһилии билиһиннэрдэ.

Анна Павловна 19 сааһыгар Дүпсүн сельпотун салайыаҕыттан эргиэн систиэмэтигэр, оройуоннааҕы үп салаатын сэбиэдиссэйин солбуйааччынан, сэбиэдиссэйинэн, кэлин сбербааҥҥа үлэлээн сынньалаҥҥа тахсыбыта. Кини эҥкилэ суох үтүө суобастаах үлэтин «Үлэҕэ туйгунун иһин» (1944 с.), «1941–1945 сс. Аҕа дойду Улуу сэриитин кэмигэр килбиэннээх үлэтин иһин» мэтээллэр, потребкооперация Киин Сэбиэтин Бочуотунай кинигэтигэр киирбитэ туоһулууллар.

Евстафий Федорович Дьокуускайдааҕы пед.училищены бүтэрэн баран Чараҥай ситэтэ суох орто оскуолатыгар үөрэх чааһын сэбиэдиссэйинэн, 1939–1942 сс. оройуон үөрэҕин салаатын сэбиэдиссэйинэн, кэлин 4 сыл Горнайга тиийэн райОНО сэбиэдиссэйинэн, партия райкомун пропагандаҕа отделын сэбиэдиссэйинэн үлэлээбитэ. 1952–1954 сс. ССКП Уус-Алданнааҕы райкомун II сэкирэтээринэн, райком пропагандаҕа отделыгар 1964 с. дылы үлэлээн оройуон сайдыытыгар тус кылаатын киллэрсибитэ. Кини «1941–1945 сс. Аҕа дойду Улуу сэриитин кэмигэр килбиэннээх үлэтин иһин» мэтээлинэн, Саха АССР Верховнай Сэбиэтин Президиумун Бочуотунай грамотатынан наҕараадаламмыта. Евстафий Федорович 50-нус сыллартан саҕалаан оройуон, өрөспүүбүлүкэ сүрүн хаһыаттарын актыыбынай кэрэспэдьиэнэ этэ. Кини үгүс ыстатыйалара паапкаларга наарданан көрдөрүүгэ турбуттар.

✍️ Елена Сыроватская, уопсас. кэрэсп.

🏃 Сиһилии👈

✅ @uamurusahargata @ulusmedia

👍 Олоҥхо декадатын чэрчитинэн бүгүн улуус таһымнаах «Дьиэрэй» фольклорнай күөн-күрэс олоҥхону толорооччу уонна олоҥхону суруйааччы, оһуохай Аар Дархан этээччитэ, спорт үтүөлээх үлэһитэ, СӨ үөрэҕириитин уонна култууратын туйгуна, "Во славу и пользу республики" М.Е.Николаев  Фондатын лауреата Семен Черноградскай 75 сааһыгар ананан ыытылынна.

Күөн-күрэс үгэс быһыытынан толоруллар фольклор көрүҥнэрин тарҕатар, саҥа талааннары арыйар, үйэтитэр, үүнэр көлүөнэ ыччакка саха норуотун уус-уран айымньыларын билиһиннэрэри, үөрэтэр, кылыһахтаах кэрэ куоластаах, уус-уран тыллаах-өстөөх ырыаһыттары киэҥ эйгэҕэ таһаарар сыаллаах ыытылынна. Барыта 17 биирдиилээн толорооччуттан, 5 бөлөхтөн тойукка, дэгэрэҥ уонна норуот ырыаларыгар, чабырҕахха, төрүт дорҕооҥҥо бастыҥнары быһаардылар.

​Дьүүллүүр сүбэ үлэлиир кэмигэр Үөһээ Дьааҥы улууһуттан библиотека үлэһитэ, олоҥхону толорооччу, чинчийээччи Саргылана Слепцова үгэ, таҥалай ырыатын толорон көрөөччү кутун тутта.

Чабырҕах: ​
​I үрдэл – “Чобуо” бөлөх, сал. Майя Аржакова (Бэйдиҥэ).

Төрүт дорҕоон: ​
​I үрдэл – “Дьүрүскэн” бөлөх, сал. Анисия Гаврильева (Найахы).
​II үрдэл – Федот Винокуров (Бэйдиҥэ).
​III үрдэл – Милена Рязанская (Курбуһах).

Тойук: ​
​I үрдэл – Устиния Борисова (Суотту).
​II үрдэл – Алевтина Уразбахтина (Мындааба).
​III үрдэл – Марта Ушницкая (Баатаҕай).

Дэгэрэҥ уонна норуот ырыата:
​Биирдиилээн толоруу:
​I үрдэл – Александра Портнягина (Сыырдаах).
​II үрдэл – Николай Лыткин (Өнөр).
​III үрдэл – Игнатий Слепцов (Бэйдиҥэ).

​Бөлөҕүнэн толоруу:
​I үрдэл – “Долун” бөлөх, сал. Милена Рязанская (Курбуһах).
​II үрдэл – “Сайылык далбардара”, сал. Зоя Петрова (Сыырдаах).
Кылаан Чыпчаал: “Татыйык” бөлөх, сал. Татьяна Габышева (Тумул).
Семен Ильич Черногадскай анал бирииһэ – Иван Карпов (Мүрү).

✅ @uamurusahargata @UAkultura

#БАРЫБИИРГЭ

⏺Бүгүн Майаҕаска СВО-ҕа сылдьар уоллаах Матрена Иванова дьиэтигэр киинтэн ититии киирдэ.

Бу туһунан Хоро нэһилиэгин баһылыга Алексей Ушницкай иһитиннэрдэ: "Матрена Афанасьевна уола Николай Иванов СВО-ҕа хантараагынан сулууспалыы сылдьар. Ийэтэ Майаҕаска соҕотоҕун олорор. Бүгүн кини дьиэтин киинтэн ититиигэ холбооммут, ийэ барахсан дьиэтэ сылыйан үөрдэ.

Бу иннинэ мууһун хааччыйбыппыт уонна муҥха балыгыттан бэрсибиппит".

✅ @uamurusahargata @ulusmedia