⏺ Улууска компьютернай томограф тоҕо үлэлээбэккэ турарый?

“Улууспутугар КТ аппараата былырыын үлэҕэ киирбитэ, алдьаммыт диэн быйыл күһүҥҥүттэн үлэлээбэккэ турар. Хаһан оҥоһулларый?” – диэн ыйытыылар хаһыат ааҕааччыларыттан үгүстүк киирэллэр. Онон бу боппуруоһу чуолкайдаһан улуустааҕы киин балыыһа кылаабынай бырааһын солбуйар Алина Абрамоваттан ыйыталастыбыт.

Алина Юрьевна: “КТ аппараата балаҕан ыйын 6 күнүттэн уот хамсааһыныттан алдьанан турар. Томограбы оҥотторууга сайаапка түһэрэммит Москваттан анал исписэлиис кэлэрин күүтэбит. Бүгүҥҥү күҥҥэ исписэлиис хаһан кэлиэхтээҕэ чуолкайдана илик ”, – диэн хоруйу биэрдэ.

Санатан эттэххэ, "Philips" хампаанньа КТ аппараата "Модернизация" федеральнай программа чэрчитинэн ылыллан, 2022 сыл кулун тутар 10 күнүгэр кэбиниэтэ арыллан үлэтин саҕалаабыта. КТ-га быраас ыытан эбэтэр харчы төлөөн түһэн доруобуйаны көрдөрүнүөххэ сөп.

Онон билигин КТ оҥоһулларыгар дьаһал ылыллыбыт эрээри бу боппуруос чуолкай хаһан быһаарыллан нэһилиэнньэ туһатыгар үлэлиирэ күн бүгүн аһаҕас турар эбит.

✍️ Екатерина Захарова

✅ @uamurusahargata @ulusmedia

#кэрээйгэтэ

😍 Улууспут айылҕата "чэгиэннэр" харахтарынан өссө кэрэтийэр, киэркэйэр

Кустук өҥүнэн симэммит былыттар, хаарынан сууламмыт отон, күнү кытта тэҥҥэ утуйар ньээм от, сири-дойдуну араҥаччылыыр кынат-былыттар, маска кытта ыттыбыт отоннор, о.д.а. киһи хараҕын сымнатар, сөхтөрөр улууспут кэрэ айылҕатын дьүһүйүүлэрэ Бороҕоҥҥо В.В. Никифоров аатынан "Тойон Мүрү" култуура дыбарыаһын дьоҕус саалатыгар быыстапка буолан кэккэлии турбуттарын сэргии-сэҥээрэ 👍👏көрдүбүт.

Бу, эмтээх оту хомуйар, үөрэтэр соруктаах 2022 сыллаахха, "Тойон Мүрү" култуура дьиэтин иһинэн, тэриллибит "Чэгиэн" түмсүү кыттыылаахтарын төрөөбүт улууспут айылҕатын кэрэ көстүүтүн, айылҕабыт чочуйан оҥорор умнуллубат түгэннэрин хаартыскаҕа түһэрэн үйэтитэр үтүө дьарыктарын түмүгэ.

✍Ольга Шепелева

🏃 Сиһилии манна аах👈

✅ @uamurusahargata @ulusmedia