#бэлиэкүн

👏 Өрөспүүбүлүкэбит Ил Дарханыгар Айсен Николаевка истиҥ эҕэрдэ!

Бүгүн өрөспүүбүлүкэбитигэр икки төгүл үөрүүлээх бэлиэ күн. Саха Өрөспүүбүлүкэтин Судаарыстыбаннаһын уонна аҕа баһылык Айсен Николаев дуоһунаһыгар киирэр күнэ өрөспүүбүлүкэ олохтоохторун бүттүүн биир сомоҕо күүс оҥорор, инникигэ эрэли саҕар, балысхан сайдыыга түстүүр.

Уус Алдан улууһун олохтоохторун ааттарыттан Мүрү нэһилиэгин олохтоохторо Иван Тордуянов, Изабелла Аманатова, Найахы нэһилиэгин олохтооҕо Василий Федоров ис сүрэхтэриттэн эҕэрдэлэрин уонна баҕа санаа бастыҥын аныыллар.

Маны сэргэ, Г.В. Егоров аатынан Мүрү 1№-дээх орто оскуолатын 8 "а" кылааһын үөрэнээччитэ Айсен Николаевы кытта сирэй көрсөн билсибит Айхал Неустроев үөрүүтүн сэмэйдик үллэстэр, долгуйар.

Айхал былырыын сэттис кылааска үөрэнэ сылдьан Ил Дарханы Айсен Николаевы кытта көрсүөн, билсиэн баҕарарын туһунан сурук суруйан турар. Улуус биир бастыҥ үөрэхтээх, актыыбынай ыччатын баҕа санаатын толорон, Айсен Сергеевич Уус Алдан улууһугар Бороҕоҥҥо ыытыллыбыт Саха сирин норуоттарын VIII спортивнай оонньууларын үөрүүлээх арыллыытыгар ыҥырыы ыытан көрсүбүтэ. Бу Айхал саамай долгутуулаах уонна умнуллубат бэлиэ түгэнэ буолбута. Итиэннэ хайаатар да эҕэрдэтин тиэрдэр соруктааҕа хайҕаллаах.

🎥 ✍️Ольга Шепелева

☑️ https://мюрюгазета.рф/erespyybylykebit-il-darhanygar-ajsen-nikolaevka-istin-e5erde/

✅ t.me/murusahargata @ulusmedia

⏺ Өрөспүүбүлүкэ Судаарыстыбаннаһын күнүнэн!

1990 с. балаҕан ыйын 27 күнүгэр Саха АССР уон иккис ыҥырыылаах Үрдүкү Сэбиэтэ Саха Өрөспүүбүлүкэтин судаарыстыбаннай суверенитетын туһунан Декларацияны ылыммыта. Бу историяҕа киирбит докумуон өрөспүүбүлүкэбит социальнай-экономическай бигэ туруктаах буолуутун, норуот духуобунай сайдыытын түстээбитэ.

Өрөспүүбүлүкэбит судаарыстыбаннаһын олохтонуутугар олук уурбут дьоммутунан Алексей Кулаковскай-Өксөкүлээх Өлөксөй, Василий Никифоров-Күлүмнүүр, Максим Аммосов, Платон Ойуунускай, Степан Аржаков, Исидор Барахов уонна да атыттар буолаллар. Кинилэр сүҥкэн үлэлэринэн 1922 с. муус устар 27 күнүгэр РСФСР Президиумун Киин кэмитиэтин Уурааҕынан Саха Автономнай Сэбиэскэй Социалистическай Республиката (Якутская Автономная Советская Социалистическая Республика) тэриллибитэ. Бу кэмтэн ыла судаарыстыбаннас өйдөбүлэ киирбитэ, өрөспүүбүлүкэ олоҕор улахан дьайыыны оҥорбута.

Биһиги өрөспүүбүлүкэбит сайдыыта, олох сайдар тэтимин кытта хардыылыыра, кини дьонун олоҕун уйгута нус-хас буолара хас биирдиибититтэн тутулуктаах. Өрөспүүбүлүкэбит туруктаах буоларын туһугар күргүөмнээхтик үлэлиэҕиҥ, үөрэниэҕиҥ, айыаҕыҥ-тутуоҕуҥ. Доруобай, чөл туруктаныҥ, уйгу-быйан олохтонуҥ! Улууспут сайдыытыгар, кэнчээри ыччаппытыгар төрөөбүт дойдуну таптыырга, дьонунан-сэргэтинэн киэн туттарга өйдөбүлү хаалларыахтаахпыт. Үүнэ-сайда, чэчирии тур, тапталлаах Сахабыт сирэ!

Василий Иванович Аммосов, Уус-Алдан улууһун (оройуонун) баһылыга

☑️ https://мюрюгазета.рф/erespyybylyke-sudaarystybannahyn-kynynen/

✅ t.me/murusahargata @ulusmedia

Бүгүн Өрөспүүбүлүкэ Судаарыстыбаннаһын күнүнэн Мүрү 2-с N-дээх орто оскуолатыгар үөрүүлээх линейка буолла👏👏

Үөрэнээччилэр, учууталлар хомуска оонньоотулар, оһуохайдаан эргийдилэр.

Өрөспүүбүлүкэбит сайдыытыгар сүҥкэн суолталаах күнү оскуолаҕа тэрээһиннээхтик бэлиэтээтилэр.

✅ t.me/murusahargata @ulusmedia