#snos #bilasizmi #kadastr_xizmati

⚡️ Uyim buziladimi ?

Oldi-sotdi jarayonida ko‘chmas mulk obyektining buzilishga tushgan yoki tushmaganligi to‘g‘risida maʼlumotga ega bo‘lish zarar qilmaydi.

💻Buning uchun siz onlayn tarzda – my.gov.uz yoki offlayn tarzda – Davlat xizmatlari markazi orqali murojaat qilib, maʼlum bir ko‘chmas mulk buzilishga tushgan yoki tushmaganligi to‘g‘risida maʼlumotnoma olishingiz mumkin.

❗️Xizmatdan foydalanish uchun faqatgina ko‘chmas mulk obyektining kadastr raqami kerak bo‘ladi.

🔹Xizmat narxi BHMning 0,045 foizi miqdorida;
🔹Xizmat ko‘rsatish muddati - 3 ish kuni.

Kanalga ulanish: https://yangx.top/tvkad
Facebook Instagram

#Ohangaron #yernazorati

⚡️Yer maydonidan belgilangan maqsadda foydalanilmayotgani aniqlandi

Ohangaron tumani hokimining 11.09.2018 yildagi 1763-sonli qaroriga asosan “Ohangaron gaz oil” MCHJga “Avtomobillarga yoqilg‘i quyish hamda avtomobillarga texnik xizmat ko‘rsatish shahobchasi” obyekti qurilishi uchun “Yangi Hayot” MFY hududining A-373-raqamli avtomagistral yo‘li himoya muhofaza mintaqasida joylashgan qishloq xo‘jalik xaritasining 44k va 45k-konturlaridan jami 0,3 gektar, shundan 0,1 gektar sug‘oriladigan hamda 0,2 gektar yaylov yer maydoni ajratib berilgan.

Mazkur qarorga asosan jamiyat tomonidin qurilish ishlari o‘z vaqtida amalga oshirilmaganligi sababli O‘zbekiston Respublikasi “Yer kodeksi”ning 4-bob, 36-moddasiga binoan, Kadastr agentligining Ohangaron tumani bo‘limi tomonidan vakolat doirasida belgilangan tartibda tuman hokimligiga taqdimnoma va tuman prokuraturasiga maʼlumotnoma kiritilgan.

Bundan tashqari, jamiyat tomonidan Loyiha smeta hujjatlari kelishmasdan molxona uchun bino va inshootlar qurib olinganligi sababli, O‘zbekiston Respublikasi MJtKning 68-moddasining 1-qismi bilan jarima qo‘llanilgan va to‘liq undirilgan hamda bu haqda tuman prokuraturasiga maʼlumot kiritilgan.

Kanalga ulanish: https://yangx.top/tvkad
Facebook Instagram

#rasmiy_tashrif

⚡️O‘zbekiston Prezidenti amaliy tashrif bilan Saudiya Arabistonida bo‘ladi

Ikki muqaddas masjid xodimi – Saudiya Arabistoni Podshohi Salmon bin Abdulaziz Ol Saudning taklifiga binoan O‘zbekiston Respublikasi Prezidenti Shavkat Mirziyoyev “Markaziy Osiyo - Ko‘rfaz arab mamlakatlari hamkorlik kengashi” formatidagi birinchi sammitda ishtirok etish uchun 18-19 iyul kunlari Jidda shahrida bo‘ladi.

Kanalga ulanish: https://yangx.top/tvkad
Facebook Instagram

#qonunchilikda_yangilik #bilasizmi

⚡️Ko‘chmas mulkka bo‘lgan huquqlarni davlat ro‘yxatidan o‘tkazishdagi vositachilar kimlar ?

Ko‘chmas mulkka bo‘lgan huquqlarni davlat ro‘yxatidan o‘tkazishdagi vositachilar quyidagilardan iborat:

🔸davlat xizmatlari markazlari;
🔸notarial idoralar, notariuslar;
🔸rieltorlik tashkilotlari;
🔸tijorat banklari;
🔸O‘zbekiston Respublikasi Davlat aktivlarini boshqarish agentligi.

‼️O‘zbekiston Respublikasi Prezidentining qarorlarida boshqa yuridik va jismoniy shaxslar ham vositachilar sifatida belgilanishi mumkin.

📌Vositachilar jismoniy va yuridik shaxslarga ko‘chmas mulkka bo‘lgan huquqlarni davlat ro‘yxatidan o‘tkazish bo‘yicha xizmatlarni ro‘yxatdan o‘tkazuvchi organ bilan elektron axborot almashish orqali ko‘rsatadi.

Asos: O‘RQ–803, 28.11.2022 y.

Kanalga ulanish: https://yangx.top/tvkad
Facebook Instagram

#qonunchilikda_yangilik #bilasizmi

⚡️Ayrim tadbirkorlar davlat mulki ijara to‘lovidan ozod etiladi

Qonunchilikka ko‘ra, xodimlari umumiy sonining kamida 70 foizi “Ayollar daftari”ga kiritilgan xotin-qizlar bo‘lgan kasanachilikni tashkil etgan va imtiyoz berilgan davrda ularning bandligini saqlab qolgan tadbirkorlar davlat mulkidagi bino va inshootlar uchun ijara haqi to‘lovidan 2027 yil 1 oktyabrgacha ozod etilishi belgilangan.

📌Shuningdek, “Ayollar daftari”dagi kamida 5 ta ishsiz xotin-qizlarni kasanachilik asosida ishga qabul qilgan tadbirkorlar tomonidan davlat mulkidagi bino va inshootlarni ijaraga olishda ijara haqi 50 foiz miqdorda undiriladi.

Kanalga ulanish: https://yangx.top/tvkad
Facebook Instagram

#brifing #yernazorati #OAV_biz_haqimizda

⚡️Kadastr agentligi Bo‘stonliq tumani bo‘limi tomonidan joriy yilning o‘tgan davri mobaynida amalga oshirilgan ishlari yuzasidan hisobot brifingi

Bo‘stonliq tumani hududida yer qonunbuzilish holatlari bo‘yicha jismoniy va yuridik shaxslarga nisbatan jami 592,3 mln so‘m maʼmuriy jarima jazosi qo‘llanilgan.

Kanalga ulanish: https://yangx.top/tvkad
Facebook Instagram