#onlayn

Tumandagi ovul va mahalla fuqarolari yig'ini raislari uchun o'quv-seminari

To'rtko'l tumanida O'zbekiston Respublikasi Mahalla va oilani qo'llab-quvvatlash vazirligi qoshidagi "Mahalla va oila" ilmiy izlanish institutining katta ilmiy xodimi, dotsent X.Norqulov rahbarligida o'quv-seminar o'tkazilmoqda.
Seminar ishida tumandagi barcha ovul va mahalla fuqarolari yig'inlari raislari ishtirok qilmoqdalar.
Seminarda mahallalardagi muammolarni aniqlash va hal etish bo'yicha "mahalla-sektor-xalq qabulxonasi-mahalla" printsipi asosida hamkorlikni tashkil etish, bu borada fuqarolar yig'inlarining vazifalari hamda ularni amalga oshirish mexanizmlari hamda "Obod va xavfsiz mahalla" tamoyiliga asoslangan yangi tizimning mazmun-mohiyati hamda uni mahallalarda joriy etish mexanizmlari mavzusida hamkor tashkilotlar bilan birgalikda tushuntirishlar berilmoqda. Xususan, tuman FHDYo bo'limi boshlig'i ajrimlar oldini olish bo'yicha MFY va OFY boshliqlariga o'z takliflarini bildirdi.

#onlayn
Ayni damlarda To'rtko'l tumani halq ta'limi bo'limiga qarashli 1-sonli umumta'lim maktabida o'quvchi yoshlar va harbiylar uchrashuvi bo'lib o'tmoqda.Tadbirda tuman hokimi o'rinbosari X.Matnazarov, Davlat xavfsizlik xizmati chegara qo'shinlari vakillari Zafarjon Miraxmedov va Muxlisbek Qodirovlar yoshlarga vatanga muhabbat, burch va vatanga sadoqat mavzularida so'z yuritdilar.Uchrashuv davomida o'quvchi yoshlar harbiy o'quv yurtlari borasida o'zlarini qiziqtirgan savollariga javoblar oldilar. Respublika Ma'naviyat va ma'rifat markazidan X.Ibadullaeva ham o'z fikr mulohazalarini bildirdi. 🟢To‘rtko‘l tumani hokimligi Axborot xizmati WEB SAYT | IG | FB | TW |TG | YT

#onlayn
#sayyor_qabul
Qoraqalpog'iston Respublikasi Vazirlar Kengashi Raisi o'rinbosarlari tomonidan Qoraqalpog'iston Respublikasi tumanlarida jismoniy va yuridik shaxslarning vakillari bilan sayyor qabul o'tkazish rejasiga asosan bugun To'rtko'l tumani hokimligi majlislar zalida tuman hokimi R.Shamuratov, Qoraqalpog'iston Respublikasi Vazirlar Kengashi raisi o'rinbosari R. Saparbaevlar rahbarligida sayyor qabul bo'lib o'tmoqda. Sayyor qabul jarayonida 20dan ortiq fuqarolar o'zlarining muammolari bo'yicha murojaat qilmoqdalar. Murojaatlarning asosiy qismi joyida ijobiy echim topmoqda.
🟢To‘rtko‘l tumani hokimligi Axborot xizmati