የቲክቫህ ቤተሰብ አባላት መልዕክት መለዋወጫ !

ከዚህ ቀደም ተከፍተው አገልግሎት ላይ የነበሩት የመልዕክት መቀበያዎች በተደጋጋሚ በቴሌግራም ቴክኒንክ ችግር አገልግሎታቸው እየተደነቃቀፈ ነው።

በዚህም ምክንያት ከቲክቫህ ኢትዮጵያ ቤተሰቦች የሚመጡትን መልዕክቶች ለማግኘት ችግር ሆኗል ፤ ለተፈጠረው ችግር ሁሉ ከልብ ይቅርታ እንጠይቃለን።

ችግሩን ለመቅረፍ እና በየትኛውም መልኩ ነፃነቱ የተጠበቀ ለቲክቫህ አባላት ብቻ የሚያገለግል የሀሳብ መለዋወጫ በቅርቡ ይፋ የምናደርግ ሲሆን እስከዛው ድረስ ግን በዚህ አዲስ መልዕክት መቀበያ ላይ ብቻ መልዕክት ማጋራት ይቻላል  👉@tikvah_eth_BOT

በተጨማሪ @tikvah_Ethiopia_Fam ወይም ደግሞ 0703313630 መደወል ይቻላል።

በቲክቫህ ቤተሰብ ውስጥ ማስተላለፍ የሚቻሉ መልዕክቶች ምን አይነት ናቸው ?

- የፀጥታ ችግሮች፣ የደህንነት ስጋቶች፣ የወንጀል ድርጊቶች በመንግስት አካላት / ተቋማት የሚፈፀሙ ማንኛውም አይነት አስተዳዳራዊ በደሎች፤
- የየመንገድ ፣ የውሃ፣ እንዲሁም የኑሮ ውድነት፣ የኢኮኖሚና የሌሎችም መሰረታዊ ጥያቄዎች፤
- በግልም ሆነ በጋር የማያጋጥሙ ችግሮች፣ ሊበረታቱ የሚግባቸው ተግባራት፣
- ለሀገር እና ለትውልድ ጠቃሚ ናቸው የሚባሉ ሃሳቦችን፣
- የእርስ በእርስ እገዛዎች ፣ የበጎ አድራጎት ስራዎች፣
- ጥቆማዎችን ፣ ጥያቄዎችን ፣ ይሄ ነገር ለቤተሰቡ ቢጋራ መልካም ነው የምትሉትን (ዜና ፣ መረጃ) ሁሉ ማቅረብ ትችላላችሁ።

ምን መላክ አይቻልም ?

ስድብ፣ የጥላቻ ንግግር ፣ የማንኛውም የግለሰብ ማንነትን በቀጥታ ሆነ በተዘዋዋሪ የሚነካ ፣ ህዝብን በጅምላ የሚፈርጅ፣ ፣ ህዝብ ላይ ጥላቻን የሚያሰርፅ፣ ሀገር ሊያስጣ የእርስ በእርስ ግጭት የሚያባብስ፣ ሀሰተኛ መረጃ ፅሁፍ / መልዕክት መላክ በፍፁም አይቻልም። በየትኛውም አካል ላይ ትችትም ይሁን ቅሬታ ለመግለፅ የሚፈልግ የቤተሰቡ አባል የሚጠቀማቸውን ቃላት የመምረጥ ግዴታ አለበት።

ውድ ቤተሰቦቻችን ማንኛውም መልዕክት ስትልኩ የራሳችሁ የግላችሁ መልዕክት መሆኑን በማስረጃ አስደግፋችሁ ላኩልን። እናተ ያላረጋገጣችሁትንና ማህበራዊ ሚዲያ ላይ ስላያችሁት የራሳችሁ በማስመሰል ማንኛውም መልዕልት መላክ ፍፁም አይቻልም።

ማስታወሻ ፦ ቲክቫህ ኢትዮጵያ ቤተሰብ አባላት #በፌስቡክ፣ #ዩትዩብ፣ #ቲክቶክ ላይ ምንም አይነት የመሰባሰቢያ መድረክ (ገፅ) የላቸውም።

ትዊተር ፦ https://twitter.com/tikvahethiopia?t=jZrpieALuIGzw6OM-HWgEw&s=09

ሀሳባችን ስንገልፅ ቃላትን እንምረጥ !!
ቲክቫህ ኢትዮጵያ የመልዕክት መለዋወጫ መድረክ!!
#TikvahFamily

@tikvah_eth_BOT

ስለ ሀገሬ ምን ያህል አውቃለሁ ?

" ፊቼ ጨምባላላ "

የሲዳማ ሕዝብ የጨረቃና ከዋክብትን አቀማመጥ በማጥናት አዲስ ዓመት ያከብራል ፤ ይኸው በዓል ፊቼ ጨምበላላ ነው የሚባለው።

እንደ ሲዳማ የሀገር ሽማግሌዎች " ፊቼ ጫምባላላ " መከበር ከጀመረ ከ1800 ዓመታት በላይ አስቆጥሯል።

በዓሉ የሲዳማ ሕዝብ ማንነቱን ከተረዳበት ጊዜ አንስቶ በድምቀት ሲከበር ቆይቷል፤ አሁንም እየተከበረ ይገኛል።

ፊቼ ጨምበላላ በዓል የሚከበርበት ቋሚ ቀን የለውም። በዓሉ የሚከበርበት ቀን በአያንቱዎች ጥቆማ መሰረት ነው የሚቃረጠው።

'የፊቼ ጨምበላላ ዋነኛ ትርጉም ሰላም ነው' ፤ አንድነትና ፍቅር የበዓሉ መለያ ነው። በዚህ በላይ የተጣሉ ሰዎች ይታረቃሉ። ሃዘን ላይ የነበሩ ሰዎችም የሃዘን ልብሳቸውን ይቀይራሉ።

በዚህ በዓል ከቀዬው ርቆ የነበረ ሰው ወደቀዬው ይመለሳል፤ ለዚህ በዓል ተብሎ እርድ አይፈጸምም፤ ስጋም አይበላም። ክብቶችን #መምታትም ክልክል ነው። ላሞች ሳር የበዛበት መስክ ላይ ይሰማራሉ።

ሌላው በሲዳማ ሕዝብ ዘንድ በፊቼ ጨምበላላ በዓል ወቅት ማረስ #ነውር ነው፤ ለዚህም ምክንያቱ ደግሞ የፊቼ ጨምበላላ በዓል የሲዳማ ሕዝብ ብቻ ሳይሆን #የተፈጥሮም ነው ተብሎ ስለሚታመን ነው።

" ፊቼ " የአዲስ ዓመት በዓል ዋዜማ ሲሆን፤ " ጨምበላላ " ደግሞ የአዲስ ዓመት መጀመሪያው ቀን ሲሆን የሲዳማ ሕዝብ አዲስ ዓመትን ሲቀበል፤ ዓመቱ የብልጽግና እንዲሆንላቸው 'ፊቼ ጄጂ' ይላሉ።

ፊቼ ጄጂ !
#ኢትዮጵያ
#ሲዳማ

@tikvahethiopia

#እንድታውቁት

ከሚያዚያ 16 ጀምሮ በመላው አዲስ አበባ የነዳጅ ግብይት በአስገዳጅነት በ " ቴሌብር " ብቻ ተግባራዊ ይደረጋል ሲል የአዲስ አበባ ትራንስፖርት ቢሮ አሳውቋል።

በ " ቴሌብር " ነዳጅ ስለ መቅዳት አሸከርካሪዎች ሊያውቋቸው የሚገቡ ነጥቦች ምንድናቸው ?

☞ በቅድሚያ የ " ቴሌብር "ተጠቃሚ መሆን፤
☞ በቂ ክፍያ የቴሌብር አካውንት ውስጥ መኖሩን ማረጋገጥ፤
☞ የ " ቴሌብር " የሚስጥር ቁጥርዎን ማስታወስና በአግባቡ መያዝ፤

የአከፋፈል ሁኔታው ምን ይመስላል ?

‣ የነዳጅ ማደያ ሰራተኞች የተጠቃሚውን ስልክ ቁጥርና የሚከፍሉትን የገንዘብ መጠን ሞልተው ሲጨርሱ የእርስዎ ስልክ ላይ የሚስጥር ቁጥርዎን እንዲያሥገቡ የሚጠይቅ አጭር መልዕክት ይመጣሎታል፤

‣ በመቀጠል የሚስጥር ቁጥርዎን ከማስገባትዎ በፊት ከደረስዎት መልዕክት ላይ የተቀመጠ ገንዘብ መጠን ትክክል መሆኑን ያረጋግጡ፤ ካረጋገጡ በኃላ የሚስጥር ቁጥርዎን ያስገቡ፤

‣ በመጨረሻም ክፍያው ከተፈፀመ በኃላ የክፍያውን ማረጋገጫ አጭር የመልዕክት ቁጥር ወዲያውኑ ይደርሶታል።

የአዲስ አበባ ትራንስፖርት ቢሮ ፤ የተሽከርካሪ ነዳጅ ግብይት ከሚያዚያ 16/2015 ዓ.ም ጀምሮ በ " ቴሌ ብር " ብቻ የሚፈፀም በመሆኑ ሁሉም አሽከርካሪ እንዳይጉላላ ከወዲሁ አስፈላጊውን ዝግጅት እንዲያደርግ ጥሪ አቅርቧል።

ምንጭ፦ የአዲስ አበባ ትራንስፖርት ቢሮ

@tikvahethiopia

#ኢዜማ

ጉምቱው ፖለቲከኛ ከፓርቲያቸው ለቀቁ።

የኢትዮጵያ ዜጎች ለማህበራዊ ፍትህ ፓርቲ (ኢዜማ) መስራቾች አንዱ የሆኑት ጉምቱው ፖለቲከኛ አቶ አንዱዓለም አራጌ ከፓርቲው መልቀቃቸውን አስታውቀዋል።

የመልቀቂያ ደብዳቤው በትላንትናው እለት ለሚመለከተው አካል ገቢ ማድረጋቸውንም ገልጸዋል።

አቶ አንዱዓለም አራጌ ፓርቲውን ለምን ለቀቁ ? የመልቀቂያ ደብዳቤያቸው ላይ በዝርዝር አስረድተዋል ፤ ከላይ ተያይዟል ያንብቡት !

ምንጭ፦ የተረጋገጠው የማህበራዊ ትስድር ገፃቸው

@tikvahethiopia

#Update

በሱዳን እየተካሄደ ያለው ውጊያ ዛሬ 5ኛ ቀኑን ይዟል።

ምን አዳዲስ ጉዳዮች አሉ ?

- ትላንት የሱዳን ጦርና RSF ለ24 ሰዓታት የሚዘልቅ ለሰብዓዊነት ተኩስ የማቆም ስምምነት ላይ ደርሰናል ቢሉም ምንም አልተከበረም። እንደውም ከዛ በኃላ 36 ሰዎች መገደላቸው ተሰምቷል።

- የሱዳን ጦር ለተኩስ ማቆም ስምምነቱ መጣስ RSFን ተጠያቂ አድርጓል።

- 5ኛው ቀን ውጊያ በቀጠለበት በዚህ ሰዓት የሱዳን ጎረቤት የሆኑ የሦስት አገራት መሪዎች (ሳልቫ ኪር፣ ኢስማኤል ኦማር ጌሌ እና ዊሊያም ሩቶ) ሁለቱን የጦር ጀነራሎች ለማደራደር ካርቱም ይገባሉ መባሉን ቢቢሲ ዘግቧል።

- ዛሬ በማዕከላዊ ካርቱም በጦሩ ዋና መስሪያ ቤት፣ በፕሬዜዳንቱ ቤተመንግስት፣ እና ካርቱም ኤርፖርት አቅራቢያ ውጊያ እየተደረገ ነው።

- የሱዳን ጤና ጥበቃ ሚኒስቴር 16 ሆስፒታሎች ከአገልግሎት ውጪ መሆናቸውን በመግለፅ በጤና ስርዓቱ ላይ ጠቅላላ ውድቀት እየመጣ መሆኑን አስጠንቅቋል።

- ጃፓን ዜጎቿን በጦርነት ከምትታመሰው ሱዳን ለማስወጣት በዝግጅት ላይ መሆኗን የሀገሪቱ መንግሥት ገልጿል። ጃፓን ዜጎቿን ከሱዳን የምታስወጣበት መንገድ ከተሳካ ዜጎቿን ከሱዳን ያስወጣች የመጀመሪያዋ የውጭ ሀገር ትሆናለች።

- ካርቱም ውስጥ ነዋሪዎች ያለ ውሃ እና ኤሌክትሪክ አገልግሎት ቤት ውስጥ ይገኛሉ፤ ነዋሪዎች ከቤት መውጣት ያልቻሉ ሲሆን በርካቶችም የሚበሉት ማጣታቸውን ቢቢሲ ዘግቧል።

@tikvahethiopia

" በር አልሰበር ሲላቸው በፈንጂ ሰብረው በመግባት ከፍተኛ ጉዳት አድርሰዋል " - የምሥራቅ ሸዋ ሀገረ ስብከት

በምሥራቅ ሸዋ ሀገረ ስብከት ጥንታዊው የ " ሶደሬ ፈለገ ሰላም መድኃኔዓለም ገዳም " ለጊዜው ማንነታቸው ባልታወቀ በታጠቁ ኃይሎች ከፍተኛ ጉዳት እንደደረሰበት ተገለፀ።

ጥንታዊውና በ1963 ዓ.ም የተመሠረተው የሶደሬ ፈለገ ሰላም  መድኃኔዓለም ቤተክርስቲያን ከአዳማ 25 ኪ/ሜ ርቀት ላይ ነው የሚገኘው።

ትናንት ከምሽቱ 4:00 ሰዓት ከ50 በላይ የሚሆኑ ለጊዜው ማንነታቸው ያልታወቀ የታጠቁ ኃይሎች የቤተክርስቲያኑን በር አልሰበር ሲላቸው በፈንጂ ሰብረው በመግባት ከፍተኛ ጉዳት እንዳደረሱ የ " ምስራቅ ሸዋ ሀገረ ስብከት " አሳውቋል።

የደረሰውን ጉዳት ለማጣራት የሀገረ ስብሰቱ ጽ/ቤት ልዑካንን የላከ ሲሆን ወደ ቦታው ያቀኑ ልዑካን የሀገረ ስብከቱ ም/ሥራ አስኪያጅ፣ የሀገረ ስብከቱ ሊቀ ጳጳስ ልዩ ፀሐፊን ጨምሮ ሌሎች አባቶች እና ሓላፊዎች  ናቸው።

ልዑኩ በደረሰው ጉዳት ከልብ ማዘኑን ያሳወቀ ሲሆን ካህናትና የአካባቢውን ምዕመናን እንዳፅናኑ ተመላክቷል።

በጥቃቱ ምን ጉዳት ደረሰ ?

የ " ምስራቅ ሸዋ ሀገረ ስብከት "ይፋ ባደረገው መረጃ በታጣቂዎቹ ጥቃት ፦
- በርካታ ነዋየ ቅድሳት ተቃጥለዋል፤
- የቤተክርቲያኑ ቅዱሳት ስዕላት በእሳት አረር ተለብለበዋል።
- የቤተክርስቲያኑን አስተዳዳሪ መኖሪያ ቤት በመጠየቅ ቤት ሰብሮ በመግባት በወቅቱ አስተዳዳሪው ባይኖሩም በቤት እቃዎች ላይ ጉዳት ደርሷል።
- የአንድ አገልጋይ ካህናት መኖሪያ ቤት  ሙሉ ለሙሉ ተቃጥሏል።
- በቤተክርስቲያን ተጠግተው የሚገኙ ምዕመናን ከፍተኛ ማዋከብ ተፈጽሞባቸዋል።

ሀገረ ስብከቱ ይኸው የታጠቀ ኃይል የደብሩን ገንዘብ ያዥ የሆኑትን አቶ ተስፋ ደሳለኝን አስገድደው እንደወሰዷቸውና ልዑካኑ አስከተገኙበት ሰዓት እንዳልተለቀቁ ገልጿል።

ፎቶ / መረጃ፦ የ ምስራቅ ሸዋ ሀገረ ስብከት

@tikvahethiopia

#ነዳጅ #አዲስአበባ

ከሚያዚያ 16 ጀምሮ የነዳጅ ግብይት በዲጂታል አማራጭ ተግባራዊ መደረጉን ተከትሎ ተጠቃሚዎች ከቴሌ ብር በተጨማሪ ሌሎችም የክፍያ ሥርዓቶችን መጠቀም እንደሚችሉ ተገልጿል።

ይህን ተከትሎ የአዲስ አበባ ትራንስፖርት ቢሮ ከሚያዚያ 16 ጀምሮ የነዳጅ ክፍያ በ " ቴሌ ብር " ብቻ እንደሚፈፀም እያሳወቀ ይገኛል።

ባለፉት ተከታታይ ቀናትም ቢሮው የመኪና ባለቤቶች በቀሩት ጥቂት ቀናት የነዳጅ ክፍያ በ" ቴሌ ብር ብቻ " እንደሚከፈል በመገንዘብ ከእንግልት ለመዳን አስፈላጊውን ሁሉ ዝግጅት እንዲያደርጉ በተደጋጋሚ እያሳወቀ ነው።

ቢሮው መሰል መልዕክቶችን በተረጋገጠ የማህበራዊ መገናኛ ዘዴዎቹ ነው ለህዝብ እያሰራጨ የሚገኘው።

ለመሆኑን የነዳጅ ክፍያ ከ " ቴሌ ብር " ውጭ መፈፀም አይቻልም ?

ኤግል ላየን ሲስተም ቴክኖሎጂ ኃ/የተ/የግል ማኅበር ከኢትዮጵያ ንግድ ባንክ ጋር በመተባበር ለዚሁ አገልግሎት የሚውል " #ነዳጅ " የተባለ የሞባይል መተግበሪያ ማቅረባቸውን ለቲክቫህ ኢትዮጵያ ገልጿል።

መተግበሪያው ተገልጋዮች የነዳጅ ክፍያቸውን ከንግድ ባንክ አካውንታቸው የተርጋ ቁጥራቸውን ብቻ በመጠቀም መክፈል ያስችላል ያለ ሲሆን የአዲስ አበባ ትራንስፖርት ቢሮ የነዳጅ ክፍያው " በቴሌ ብር ብቻ " ነው የሚፈፀመው እያለ ለህዝብ እያሰራጨ ያለው መልዕክት ትክክል እንዳልሆነ አስረድቷል።

" ነዳጅ " የተሰኘው የሞባይል መተግበሪያ ከክፍያ አማራጭነት በተጨማሪ አሽከርካሪዎች አቅራቢያቸው የሚገኙትን ማደያዎች ከአቅርቦታቸው ጋር ማግኘት የሚችሉበት አማራጭም እንዳለው ድርጅቱ ገልጾልናል።

የክፍያ አማራጩ በሀገሪቱ ከሚገኙ ማደያዎች 60 በመቶ ማዳረስ መቻሉንም ጠቁሟል።

መተግበሪያው የት ይገኛል ? https://play.google.com/store/apps/details?id=com.eaglelionsystems.nedaj

በተጨማሪም የኢትዮጵያ ንግድ ባንክ በሲቢኢ ብር መተግበሪያ አማካኝነት ነዳጅ ለመቅዳት የሚያስችል አዲስ የዲጅታል አሠራር መዘርጋቱን ገልጿል።

ክፍያውም በማንኛውም ስልክ በሲቢኢ ብር አጭር ቁጥር ወይም በሞባይል መተግበሪያው መፈጸም ይቻላል ተብሏል። አሰራሩ በሀገሪቱ በሚገኙ ሁሉም ማደያዎች ተግባራዊ እንደሚደረግ ነው የተጠቆመው።

@tikvahethiopia