" ግሸን ደብረ ከርቤ ዓመታዊ ንግስ በዓል "

በየዓመቱ መስከረም 21 በደቡብ ወሎ ዞን አምባሰል ወረዳ የግሸን ደብረ ከርቤ (ግሽን ማርያም) ዓመታዊ የንግስ በዓል ከፍተኛ ቁጥር ያለው ህዝበ ክርስቲያን በሚገኝበት ይከበራል።

የዘንድሮውም የንግስ በዓል በሠላም እንዲጠናቀቅ ፌዴራል ፖሊስ አስፈላጊውን ቅድመ ዝግጅት ማድረጉን ገልጿል።

ፖሊስ የፀጥታው ሥራ አጠናክሮ እየሰራ በመሆኑ ከደብረ ብርሃን ጀምሮ እስከ ግሸን ማሪያም ድረስ ከፍተኛ የቅኝት (የፓትሮል ) ውጠራ ሥራ በመስራት ላይ ይገኛል።

በአሁኑ ወቅት በአካባቢው ላይ ምንም ዓይነት የፀጥታ ችግር አለመኖሩን ፌዴራል ፖሊስ ያሳወቀ ሲሆን በቀጠናው ላይ የሚገኙ ፦
- የአትዮጵያ ፌዴራል ፖሊስ የሰሜን ፈጥኖ ደራሽ
- የአማራ ክልል ልዩ ኃይል
- የከተማው ፓሊስ ጋር በመቀናጀት ምንም አይነት የፀጥታ ችግር እንዳይፈጠር አካባቢውን በጥምረት እየጠበቁ እንደሆኑም አመልክቷል።

ህብረተሰቡ በአካባቢው ለፀጥታ ስጋት የሆኑ ተግባሮች ሲያጋጥሙት በፍጥነት አቅራቢያው ላሉ የፀጥታ አካላት ጥቆማ እንዲሰጥ ጥሪ ቀርቧል።

በሌላ በኩል ፥ የዘንድሮው የግሽን ደብረ ከርቤ ዓመታዊ በዓል ሰላማዊ ሆኖ እንዲጠናቀቅና እንግዶችን በወሎ የእንግዳ አቀባበል በማስተናገድ የተሳካ በዓል ማሳለፍ እንደሚገባ የደሴ ከንቲባ መልዕክት አስተላልፈዋል።

ከንቲባው አቶ አበበ ገብረ መስቀል ትላንት ለኤፍ ቢ ሲ በሰጡት ቃል ÷ ደሴ ከተማ በርካታ የበዓሉ ተጓዦች የሚያርፍባት በመሆኑ በተለይ የከተማው ነዋሪ እንግዶችን ሊንከባብ ይገባል ብለዋል።

በዓሉን ተከትሎ አገልግሎት ሰጪ ተቋማት ምንም አይነት የዋጋ ጭማሬ እንዳያደርጉ ቁጥጥር እየተደረገ መሆኑን ገልፀዋል።

ያንብቡ : telegra.ph/Meskerm-21-09-29

@tikvahethiopia

" አንዳንድ የአሜሪካና የአውሮፓ የተራድኦ ድርጅቶች የተለያዩ ደባዎችን እየሰሩ ነው "- የአደጋ ስጋት ስራ አመራር ኮሚሽን

የአደጋ ስጋት ስራ አመራር ኮሚሽን አንዳንድ የአሜሪካና የአውሮፓ የተራድኦ ድርጅቶች ለተፈናቃይ ወገኖች እርዳታ ለማቅረብ ተቀባይነት የሌላቸውን ምክንያቶች እያቀረቡ ነው ብሏል።

በኮሚሽኑ ኮሙዩኒኬሽን ዳይሬክተር አቶ ደበበ ዘውዴ ለብሄራዊ ቴሌቪዥን ጣቢያ-ኢብኮ በሰጡት ቃል፥ የተራድኦ ድርጅቶቹ "ጦርነት ባለበት እንዴት እንገባለን"፣ "የተረጋጋ ሠላም አምጡልን" እንዲሁም "ሃብት የለንም" የሚሉ ተቀባይነት የሌላቸውን ምክንያቶችን እንደሚያቀርቡ ተናግረዋል።

ዓለም አቀፍ መርሁ በሚያዘው መሰረት የተራድኦ ድርጅቶች ኢትዮጵያ ውስጥ እስከ ተንቀሳቀሱ ድረስ የኢትዮጵያን ህግ ጠብቀው የሰብዓዊ እርዳታ የማቅረብ ግዴታ አለባቸው ያሉት አቶ ደበበ የተራድኦ ድርጅቶቹ ችግሮች ባሉባቸው አካባቢዎች ገብተው እርዳታ የማቅረብ የውል ግዴታ ቢቀበሉም ተግባራዊ አለመሆኑን ገልፀዋል።

መንግስት የተራድኦ ድርጅቶቹ ገበተው እርዳታ እንዲያቀርቡ ተደጋጋሚ ጥሪ ቢያቀርብም ጥቅሞቻቸውን ለማስጠበቅ የሚፈልጉ አንዳንድ የአሜርካና የአውሮፓ የተራድኦ ድርጅቶች የተለያዩ ደባዎችን እየሰሩ ነው ሲሉ ተናግረዋል።

አቶ ደበበ፥ "ይህን ደባ ለማለፍ የሚያስችል ቅድመ ዝግጅት ተደርጎ በወሮታና ኮምቦልቻ በቂ የእለት ደራሽ እርዳታ ክምችት አለ" ሲሉ አስረድተዋል። ችግሮችን በቅርበት ተረድቶ አፈጣኝ ምላሽ ለመስጠት እንዲያስችልም የአስቸኳይ ጊዜ ምላሽ ማስተባበሪያ ማዕከለት በባህር ዳር፤ ኮምቦልቻና አፋር ተቋቁሞ እየተሰራ መሆኑንም ገልፀዋል።

ማዕከላቱ የጤና፣ ውኃ፣ ምግብና የስነ ልቦና እና የጸጥታ ችግሮችን በቅርበት ለመፍታት እንደሚያስችሉ ነው ለብሄራዊ ቴሌቪዥን ጣቢያ በሰጡት ቃል የጠቆሙት።

@tikvahethiopia

የWHO ሰራተኞች በወሲባዊ ብዝበዛ ላይ መሳተፋቸው ተረጋገጠ።

አንድ በገለልተኛ ኮሚሽን የተዘጋጀ ሪፖርት በዲሞክራቲክ ሪፐብሊክ ኮንጎ ተቀስቅሶ የነበረውን የኢቦላ ወረርሽኝን ለመግታት ተሰማርተው በሴቶችና በልጃገረዶች ላይ ወሲባዊ ጥቃት ካደረሱ 83 የእርዳታ ሠራተኞች መካከል የዓለም ጤና ድርጅት ሠራተኞች እንደሚገኙበት ማመልከቱን ቢቢሲ ዘገበ።

9 የአስገድዶ መድፈር ክሶችን ያካተተው ይህ በደል እአአ ከ2018 እስከ 2020 ባለው ጊዜ የደረሰ ሲሆን በሀገር ውስጥና በዓለም አቀፍ ሠራተኞች የተፈጸመ ነው።

ሪፖርቱ ይፋ የተደረገው ከ50 በላይ የአካባቢው ሴቶች የወሲብ ጥቃት እንደተፈጸማቸውን ሪፖርት ካደረጉ በኋላ ነው።

የዓለም ጤና ድርጅት ዋና ዳይሬክተር ዶ/ር ቴዎድሮስ አድሃኖም ጉዳዩን "ይቅርታ የማያሰጥ" ሲሉ ገልጸውታል።

ባለ 35 ገጹ ይህ ሪፖርት ምርመራ ከተደረገ በኋላ በገለልተኛ ኮሚሽን የተዘጋጀ ነው።

ሥራ ለማግኘት በልዋጩ ወሲብ እንዲፈፅሙ እንደተገደዱ የገለጹ በርካታ ሴቶችን ቃለ መጠይቅ ያደረገው ኮሚሽኑ ወንጀሉን ፈጽመዋል ተብለው ከተጠረጠሩት 83 ሰዎች መካከል 21ዱ በዓለም ጤና ድርጅት ተቀጥረው እንደሚሠሩ አረጋግጧል።

የዓለም ጤና ድርጅት እስካሁን በድርጅቱ ተቀጥረው የሚሠሩ የ4 ሰዎችን ውል ያቋረጠ መሆኑን ገልጾ ተጨማሪ እርምጃዎች እንደሚወሰዱ ቃል ገብቷል።

ዶ/ር ቴድሮስ ለተጎጂዎችና ከጥቃቱ ለተረፉት በቀጥታ ይቅርታ ጠይቀዋል።

ዶ/ር ቴድሮስ ፥ "እናንተን ለማገልገል እና ለመጠበቅ በዓለም ጤና ድርጅት ተቀጥረው በሚሠሩ ሰዎች በደረሰባችሁ ነገር አዝናለሁ። ወንጀለኞቹ ይቅርታ እንዲደረግላቸው ሳይሆን ተጠያቂ እንዲሆኑ ማድረግ ቀዳሚ ተግባሬ ነው" ብለዋል።

ተጨማሪ ያንብቡ : https://telegra.ph/BBC-09-29-3

@tikvahethiopia

* Update

አቶ ከድር ጁሀር የድሬደዋ አስተዳደር ከንቲባ ሆነው ተሾሙ።

የድሬዳዋ አስተዳደር ምክር ቤት በሙሉ ድምፅ ነው ሹመታቸውን ያፀደቀው።

በድሬዳዋ አስተዳደር በምክትል ከንቲባ ሆነው ሲያገለግሉ የቆዪት አቶ ከድር ጁሀር የአስተዳደሩ ከንቲባ በመሆን ቃለ መሀላ ፈፀመዋል።

በሌላ በኩል ፥ የድሬዳዋ አስተዳደር ምክር ቤት አፈ ጉባኤ ወ/ሮ ፈትህያ አደም ሆነው በሙሉ ድምፅ ተሹመዋል።

የአስተዳደሩ ምክር ቤት አፈ ጉባኤ በመሆን ወ/ሮ ፈትያ አደም ቃለ መሀላ ፈፅመዋል።

Credit : የድሬዳዋ አስተዳደር ኮሚኒኬሽን

@tikvahethiopia

#Khartoum : 5 የሱዳን ደህንነት አባላት ካርቱም ውስጥ በታጣቂዎች ተገደሉ።

የደህንነት አባላቱ የተገደሉት ከታጣቂዎች ጋር በተደረገ የተኩስ ልውውጥ መሆኑን ኤፒን ዋቢ አድርጎ አል ዓይን በድረገፁ አስነብቧል።

ታጣቂዎች የISIS የሽብር ቡድን አባላት ሳይሆኑ እንዳልቀሩ ተገልጿል።

የሱዳን የብሔራዊ የደህንነት አገልግሎት ባወጣው መግለጫ 5 አባላቱ በተሰነዘረባቸው ጥቃት ህይወታቸው ማለፉን አረጋግጦ ፥ አባላቱ የተገደሉት የIS የሽበር ቡድን አባላት ናቸው በሚል የተጠረጠሩ ሰዎችን ለመያዝ ስምሪት ላይ እያሉ በተከፈተ የተኩስ ልውውጥ ነው ብሏል።

በዚህ አደጋ ተሳትፈዋል በሚል 11 የውጭ አገራት ዜግነት ያላቸው ተጠርጣሪዎች መያዛቸውንም መስሪያ ቤቱ አክሎ ገልጿል።

IS የተሰኘው የሽብር ቡድን እስካሁን በሱዳን ለተሰነዘረው ጥቃት ሃላፊነት መውሰዱን ያልገለጸ ሲሆን የሱዳን መንግስት ግን ጥቃቱ በዚህ የሽብር ቡድን እንደደረሰ ገልጿል።

አሜሪካ ከዚህ በፊት IS የሽብር ቡድን በሱዳን ሊንቀሳቀስ እና ጥቃት ሊሰነዝር ይችላል የሚል ስጋት እንዳላት ገልጻ ነበር።

የሱዳኑ ጠቅላይ ሚኒስትር አብደላ ሃምዶክ በደህንነት አባላቱ ሞት ማዘናቸውን ገልፀዋል።

Credit : አል ዓይን

@tikvahethiopia

#Diredawa : ድሬዳዋ ከተማ ዛሬ አዲስ መንግስት መስርታለች።

ዛሬ ከሰዓት በተካሃደው የድሬዳዋ ከተማ አዲስ መንግስት መስረታ የከተማው ምክር ቤት አቶ ከድር ጁሃርን በሙሉ ድምፅ ከንቲባ አድርጎ ሲሾም በከንቲባው የቀረቡትን የካቤኔ አባላትንም ሹመት አፅድቋል።

ሹመታቸው በምክር ቤት የፀደቀላቸው የካቢኔ አባላት የሚከተሉት ናቸው ፦

1. ም/ከንቲባና ንግድ ቢሮ - ሀርቢ ቡህ ወርሰሜ
2. የፓርቲ ጽ/ቤት ኃላፊ/ የመንግስት ተጠሪ - ኢብራሂም ዩሱፍ
3. ፋይናንስ ቢሮ - ሱልጣን አሊይ
4. ቴክኒክና ሙያ ቢሮ - ሮቤል ጌታቸው
5. ግብርና ቢሮ - ኑረዲን አብደላ
6. ኮንስትራክሽን - ኢ/ር ጀማል ኢብራሂም
7. ጤና ጥበቃ ቢሮ - ለምለም በዛብህ
8. ፍትህ ቢሮ - አብዱሰላም አህመድ
9. መሬት ልማት ቢሮ - ሳጂድ አሊይ ሁሴን
10. ትምህርት ቢሮ - ሙሉካ መሀመድ ሁሴን
11. መንግስት ኮሙኒኬሽን ቢሮ - ኢስቂያስ ታፈሰ
12. ሴቶችና ህጻናት - ፈጡም ሙስጠፋ ሀቢብ
13. ፐብሊክ ሰርቪስ ቢሮ - አቡበከር አዶሽ ኦልሀዬ
14. ዋናው ኦዲተር - ጫልቱ ሁሴን
15. ብዙሃን መገናኛ - አብዱሰላም መይደኔ

Credit : ድሬዳዋ ኮሚኒኬሽን

@tikvahethiopia