ዛሬ ከሰዓት በኋላ በአዲስ አበባ በጣለው በረዶ የቀላቀለ ከባድ ዝናብ ምክንያት በተለያዩ አካባቢዎች የጎርፍ አደጋ ተከስቶ በሰዉ ሕይወት እና ንብረት ላይ ጉዳት ደረሰ።

ይህን ያሳወቁት የአ/አ ምክትል ከንቲባ ወ/ሮ አዳነች አቤቤ ናቸው።

ምክትል ከንቲባዋ በጎርፍ አደጋው በሰው ህይወት እና ንብረት ላይ ጉዳት መድረሱን በመግለፅ ከልብ አዝኛለሁ ብለዋል።

- በአስኮ፣
- በአደይአበባ፣
- በጀርመን አደባባይና በጎልፍ ክለብ አካባቢ በደረሰው ከፍተኛ የጎርፍ አደጋ እስከአሁን ድረስ መንገዶች ጭምር የተዘጋጉ ሲሆን የድንገተኛና የእሳት አደጋ ሰራተኞች በቦታዎቹ በመገኘት የከፋ ሰብዓዊ ጉዳት እንዳይደርስ ከፍተኛ ጥረት በማድረግ ላይ ናቸው ሲሉ አሳውቀዋል።

ከተማ አስተዳደሩ ተጎጂዎችንም ወደ ህክምና መስጫ በማጓጓዝ እና የመጀመሪያ ህክምና እርዳታ በማድረግ ላይ እንደሚገኝ ገልፀዋል።

የከተማ አስተዳደሩ ከክረምቱ ማየል ጋር ተያይዞ አስቀድሞ የመከላከል ስራዎችን እየሰራ የነበረ ቢሆንም የዛሬው አደጋ ተጨማሪ ስራዎችን መስራት እንደሚገባ ያመላከተ ነው ብለዋል።

ወ/ሮ አዳነች አሁን እንዳለው መረጃ በመጪዎቹ ቀናት ከፍተኛ መጠን ያለዉ የዝናብ ስርጭት ስለሚኖር ነዋሪዎች አስፈላጊውን ጥንቃቄ እንዲያደረጉ አደራ ብለዋል።

@tikvahethiopia

"...ትላንትና የደረሰው የጎርፍ አደጋ በከተማዋ እስካሁን ከተከሰቱት የጎርፍ አደጋዎች ከፍተኛ ነው" - ወ/ሮ አዳነች አቤቤ

በትላንትናው ዕለት ከሰዓት በኃላ በጣለው ከባድ ዝናብ በንፋስ ስልክ ላፍቶ ክፍለ ከተማ ወረዳ 2 መካኒሳ በሚገኘው መካነ ኢየሱስ ሴሚናሪ ቅጥር ግቢ በሰው ህይወት ላይ ጉዳት አስከትሏል፤ በሌሎችም አካባቢዎች በንብረት ላይ ከባድ ጉዳት ደርርሷል፡፡

ዛሬ ምክትል ከንቲባ ከንቲባ ወ/ሮ አዳነች አቤቤ በጎርፍ አደጋ ጉዳት የደረሰባቸውን ተጎጂዎች እና ቤተሰቦቻቸውን በቦታው ተገኝተው አፅናንተዋል።

ምክትል ከንቲባ ከንቲባ ወ/ሮ አዳነች አቤቤ ከሌሎች ከፍተኛ የከተማይቱ ባለስልጣናት ጋር ሆነው ነው ተጎጂዎችን በአካል በመሄድ ያፅናኑት።

የትላንቱ የጎርፍ አደጋ በከተማዋ እስካሁን ከተከሰቱት የጎርፍ አደጋዎች ከፍተኛ መሆኑን የገለጹት ም/ ከንቲባ ወ/ሮ አዳነች አቤቤ ፥ ተጎጂዎችን የማቋቋም ፣የህክምና አገልግሎት እንዲያገኙ እና ሌሎች አስፈላጊ ድጋፍ እንዲያገኙ የከተማ አስተዳደሩ ከፍተኛ ጥረት እያደረገ መሆኑን ገልጸዋል፡፡

በሌላ በኩል የአዲስ አበበ እሳትና ድንገተኛ አደጋዎች ስራ አመራር ኮሚሽን ኮሚሽነር ሰለሞን ፍሰሃ ፥ ትላንት ከእኩለ ቀን ጀምሮ በጣለው ከባድ ዝናብ በተከሰተው የጎርፍ አደጋ በህይወት እና ንብረት ላይ የደረሱ ጉዳት እየተጣራ መሆኑን ገልጸዋል፡፡

እስካሁን በጎርፍ አደጋው የ7 ሰዎች ህይወት ማለፉንና አጠቃላይ በህይወት እና በንብረት ላይ የደረሰው ጉዳት በቀጣይ ይፋ እንደሚደርግ ኮሚሽነሩ መናገራቸውን የአ/አ ፕሬስ ሴክሬተሪያት አሳውቋል።

@tikvahethiopia

#Update

ጠቅላይ ሚኒስትር ዶ/ር ዐቢይ አሕመድ እና ልዑካን ቡድናቸው ለሥራ ጉብኝት ቱርክ፣ አንካራ ተገኝተዋል።

ጠቅላይ ሚኒስትር ዶ/ር ዐቢይ አሕመድ በቆይታቸው ፕሬዚደንት ረሲፕ ታይፕ ኤርዶጋንን አግኝተው በሁለትዮሽ እና ቀጣናዊ የጋራ የትኩረት በሆኑ ጉዳዮች ላይ ይወያያሉ ብሏል የጠ/ሚ ፅ/ቤት

@tikvahethiopia

ፎቶ : የቱርክ ፕሬዜዳንት ሬሲፕ ጣይብ ኤርዶጋን ለኢትዮጵያ ጠቅላይ ሚኒስትር ዶ/ር ዐብይ አህመድ በዛሬው ዕለት አቀባበል አድርገዋል።

ጠቅላይ ሚኒስትር ዶ/ር ዐቢይ አህመድ በቱርክ የስራ ጉብኝት እያደረጉ ይገኛሉ፡፡

Photo Credit : በቱርክ የኢትዮጵያ ኤምባሲ

@tikvhethiopia