#AddisAbaba

በአዲስ አበባ ከተማ የወንዝ ዳር ፕሮጀክት ምክንያት ከሚኖሩበት ቦታ ተነሺ የሆኑ የጉለሌ ክ/ከተማ ወረዳ 3 አፍንጮ በር አካባቢ ነዋሪዎች (65 አባወራዎች) ለአመታት ሲነገረን የቆየውና ውል ከፈረምንበት የተለየ ነገር ገጥሞናል ሲሉ ያላቸውን ከፍተኛ ቅሬታ አሰምተዋል።

ነዋሪዎቹ ይህንን ቅሬታ ያቀረቡት በሸገር ሬድዮ ጣቢያ ላይ ቀርበው ነው።

ነዋሪዎቹ ምን አሉ ?

ለበርካታ ዓመታት ከኖሩበት ለልማት እንደሚነሱ ከተነገራቸው በኃላ (ከአራት እና አምስት ዓመት በፊት የተነገራቸው) የመንግስት ቤት የለንም ኮንዶሚኒየም ምረጡ እንደተባሉ ያስረዳሉ።

ነዋሪዎቹም ካላቸው የቤተሰብ ብዛት አንፃር ባለሶስት መኝታ ቤት ይመርጣሉ ፤ ከሰሞኑን የዕጣ ማውጣት አለ ተብሎ ተነግሯቸው ሲሄዱ የቤት እጥረት ስላለብን አንድ ክፍል ስቱዲዮ ነው ያለን ይባላሉ።

ለምን ያልሞለነው ትሉናላችሁ ? የቤተሰብ ቁጥራችውን በአንድ ክፍል የሚሆን አይደለም ብለው ሲጠይቁ ቤት የለንም የሚል ምላሽ ነው ያገኙት።

ቤታቸው በልማት መነሳቱን የማይቃወሙት ነዋሪዎቹ ሶስት መኝታ ከሞሉ በኃላ ስቱዲዮ ነው ያለው መባላቸው እጅግ እንዳሳዘናቸው እና ቤቱ ካላቸው የቤተሰብ ቁጥር አንፃር ፍፁም እንደማይሆን በመግለፅ መፍትሄ ጠይቀዋል።

አንዲት ነዋሪ ፤ " የት ይሂድ ይሄ ህዝብ ? ሀገር ማለት ህዝብ ነው፤ ባዶ መሬት ምን ሊሆን እንደሚችል አላውቅም፤ ሂዱ ሲሉ 26-30 ካሬ ማለት 6 እና 7 ቤተሰብ ያለው አለ፣ ህመም ያለባቸው አሉ፣ ድሃ አለ አራት እና አምስት ብር የቀበሌ ቤት ከፍሎ መኖር የለመደ ህብረተሰብ ፣ ቀለብ እንኳን የማይችሉ ተማሪዎች አሉ፣ ስራቸው እዛ ቤታቸው እዚህ ሆኖ በዛ ላይ 6 እና 7 ቤተሰብ ተይዞ እንዴት ነው የሚኮነው፤ ይፍረስ ቤቱ ተቃውሞ የለንም ፤ ሀገር ስትለማ የማይወድ ማንም የለም " ብለዋል።

ነዋሪዎቹ ከአንድ ሳምንት በፊት ባንቢስ ቤቶች ኤጀንሲ ሄደው ቤቱ እንዳለቀ ባለ ሶስት መኝታ እንደመረጡ፣ ከሳምንት በኃላ ሲመጡ እጣ ለማውጣት ብቻ እንደሆነ ተነግሯቸው ነበር አሁን ግን ያለው ስቱዲዮ ብቻ መሆኑን ገልፀዋል።

ነዋሪዎቹ ምትክ ስቱድዮ ቤት ይሰጣቸዋል የተባለው በቦሌ ቡልቡላ ሳይት መሆኑንም አመልክተዋል።

የመንግስት አካላት ምን ይላሉ ?

የጉለሌ ክ/ከተማ የቤቶች አስተዳደር ፅ/ቤት ኃላፊ ህሊና ኃይሌ ፦

" አሁን ላይ የቤት እጥረት አጋጥሞን በዛ መሰረት ያሉትን ስቶኮች አሳውቆናል ያሳወቁንን በስቱዲዮ መልክ ያሉትን አሳውቀናል ለተነሺዎች፣ ስቱዲዮ አይመጥነንም ፣ ከቤተሰባችን ስፋት አንፃር አይበቃንም ካሬው የሚባል ጥያቄ ካለ ምርጫቸውን አስተካክለው ምትክ የቀበሌ ቤት የሚያገኙበት ሁኔታ ይመቻቻል። "

ነዋሪዎቹ መጀመሪያ ላይ ሲነገረን ቀበሌ ቤት ስለሌለ ኮንዶሚኒየም ሙሉ መባላቸውን እንዳነሱና ቀድሞ ከሌለ አሁን የቀበሌ ቤት ከየት መጣ ? ተብለው ለተጠየቁት ጥያቄ ፦

" በስቶክ ደረጃ ያሉት ቤቶች አሁን የቀረቡት ናቸው። ይሄንን አማራጭ በቀረቡት ቤቶች ላይ መጠቀም የሚፈልጉ ተነሺዎች ዕድሉን ተጠቅመው የቀረቡትን ቤቶች አማራጭ ይዘው በምትክነት ይወስዳሉ።

ቀጣይ የቀበሌ ቤቱ እየተፈለገ በሚገኝበት ሰዓት ምትክ እየተሰጠ ነው የሚሄደው። የቀበሌ ቤት እጥረት አለ ከተማ አስተዳደሩ የተለያዩ አምራጮች በራሱ የሚወስዳቸው ይኖራል ፤ እዛ በሚዘጋጁት ላይ በጊዜው ተግባራዊ ሲደረግ በሚዘጋጀው ዕድል ተጠቃሚ እየሆኑ ነው የሚሄዱት ገና ያለቀ ጉዳይ ስላልሆነ ፤ በሂደት ላይ ነው። "

የአዲስ አበባ ቤቶች ልማት ኮርፖሬሽን ዋና ዳይሬክተር አቶ ሽመልስ ታምራት ፦

" የመልሶ ልማት ተነሺዎች በርካታ ናቸው፤ ተመርጦ ተመርጦ መጨረሻ የቀሩት ስቱዲዮዎች ናቸው ፤ ምንድነው እኛ ማለት ያለብን ያለው ይሄነው ነው፤ በተለያየ ደረጃ ቅሬታቸውን ማቅረብ ይችላሉ ግን እኛ ያለን ይሄ ነው ብለን እውነታውን ተናግረናል።

ካለ ምን ችግር አለ፤ እንዲመጡ አንፈልግም ለምን ቅሬታ ያቀርባሉ መታቸው ነው እኮ መብታቸው የሆነ ነገር ነው ቢሮር። በአንድ ክ/ከተማ ብቻ አይደለም ልደታ አለ፣ ቂርቆስ አለ የሌሎች ፕሮጀክቶች ይሄ የወንዝ ዳር ዳርቻ ፕሮጀክት ነው ብዙ ነው የሚመጣው የመልሶ ማልማት ተነሺ ፤ አንድ የሚሰጠው ኮንዶሚኒየም ቤት ነው ፤ የመንግስቱ ስለሚነሳ ኮንዶሚኒየም ነው የሚሰጣቸው።

አናውቅም ፕሮጀክቱ አስቸኳይ ነው ምናልባት አሁን እጣ የደረሳቸው የማይዋዋሉ ካሉ Shift የማድረግ ስራ እንሰራለን አሁን ባለው ሁኔታ ያለውን ነው መረዳት ያለባቸው "

Credit : ሸገር ኤፍ ኤም 102.1

@tikvahethiopia

#ግሬስ

ከሆስፒታል እንደወጡ ለማገገም የት እንደሚሄዱ ግራ ገብቶታል ? የቤትዎ አለመቸት ፣ የህክምና መሳሪያ እና ባለሙያ አለመኖር እንዲሁም ያስታማሚን ችግር ለመፍታት ወደተቋቋመው ግሬስ የህሙማን እና የአረጋውያን እንክብካቤ ማዕከል ብቅ ይበሉ።

ሁሉን ነገር ባሟላ ማገገምያ ማእከላችን ልምድ ባላቸው ዶክተር እና ነርሶቻችን ቤተሰብዎን ከሆስፒታል እንደወጡ በመንከባከብ እናግዝዎታለን ፤ በነፋሻ ግቢያችን ውስጥ 24/7 የNursing Home አገልግሎት ያገኛሉ።

አድራሻ ፦ አያት አደባባይ ወደ ለገጣፎ በሚወስደው መንገድ ላይ በቀኝ በኩል በፍሬሽ ኮርነር ገባ ብሎ 2ኛ ቅያስ ወደ ቀኝ በድጋሚ 3ኛ ቅያስ ወደ ቀኝ ታጥፈው ያገኙናል።

ለበለጠ መረጃ በ0967-03-42-42 ወይም በ0954-99-11-90 ይደውሉ።

#አቢሲንያ_ባንክ

በቅርቡ አዲስ ነገር በእጅዎ ! ከሚገምቱት በላይ ፈጣን፣ ቀላል እና ዘመናዊ ።
ዝግጁ ይሁኑ!

#Apollo #OurNewProduct #ProductLaunch
#selfie #BankofAbyssinia #DigitalEthiopia #Ethiopia #የሁሉም_ምርጫ #The_Choice_For_all